ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Давлат ҳуқуқий тизими асослари / Ҳудуд / Минтақалар тараққиёти /Ўзбекистон Республикаси Президентининг 07.06.2023 й. ПҚ-182-сон "2023-2024 йилларда Тошкент шаҳрининг Шайхонтоҳур туманини ижтимоий-иқтисодий ривожлантириш ва маҳаллалар инфратузилмасини яхшилашга доир қўшимча чора-тадбирлар тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ҚАРОРИ
07.06.2023 й.
N ПҚ-182
2023-2024 ЙИЛЛАРДА ТОШКЕНТ
ШАҲРИНИНГ ШАЙХОНТОҲУР ТУМАНИНИ
ИЖТИМОИЙ-ИҚТИСОДИЙ РИВОЖЛАНТИРИШ
ВА МАҲАЛЛАЛАР ИНФРАТУЗИЛМАСИНИ
ЯХШИЛАШГА ДОИР ҚЎШИМЧА
ЧОРА-ТАДБИРЛАР ТЎҒРИСИДА
Тошкент шаҳрининг Шайхонтоҳур туманидаги мавжуд захиралардан тўлиқ ва самарали фойдаланиш, савдо, хизмат кўрсатиш ва туризм соҳаларини жадал ривожлантириш, ижтимоий соҳа ва муҳандислик-коммуникация инфратузилмасини яхшилаш орқали аҳолининг турмуш даражасини янада ошириш мақсадида:
1. Тошкент шаҳар ҳокимлигининг Шайхонтоҳур туманида қуйидагиларни назарда тутувчи 20,7 км узунликдаги "Туризм ҳалқаси"ни барпо этиш таклифи маъқуллансин:
узилишсиз пиёдалар йўлаги (ногиронлиги бўлган шахслар, шу жумладан кўзи ожизлар учун зарур шарт-шароитлар яратган ҳолда) ва велойўлаклар ҳамда яшил ҳудудлар барпо этиш;
суғориш ва ирригация-дренаж тармоқларини реконструкция қилиш;
ҳунармандчилик марказлари ва тематик сайилгоҳларни ташкил этиш, аҳоли гавжум кўчаларни туну кун фаолият кўрсатадиган савдо, кўнгилочар, гастрономик ва туризм кўчаларига айлантириш;
Тошкент шаҳрининг тарихий дарвозаларини қайта тиклаш.
2. 2023-2024 йилларда Тошкент шаҳри Шайхонтоҳур туманида "туризм ҳалқаси"ни барпо этиш бўйича "йўл харитаси" 1-иловага мувофиқ тасдиқлансин.
3. Иқтисодиёт ва молия вазирлиги бир ҳафта муддатда "Туризм ҳалқаси"ни ташкил этиш харажатларини молиялаштириш учун Ўзбекистон Республикасининг республика бюджетидан Тошкент шаҳар маҳаллий бюджетига 3 йил муддатга 100 миллиард сўм миқдорида бюджет ссудасини ажратсин.
4. Тошкент шаҳар ҳокимлиги бир ой муддатда Самарқанд дарвоза маҳалласидаги "Замонавий касблар мактаби"ни ёшлар ва хотин-қизларни замонавий касбларга ўқитишни ташкил этиш учун қуйидаги мажбуриятлар асосида хусусий секторга текин фойдаланишга беришни таъминласин:
"Ижтимоий ҳимоя ягона реестри", "Ёшлар дафтари" ва "Аёллар дафтари"га киритилган ёшлар ва хотин-қизлар таълими учун грантлар ажратиш;
таълим жараёнларига тегишли соҳадаги нуфузли иш берувчиларни маърузачи сифатида жалб этиш ҳамда ўқув машғулотларини амалиёт билан биргаликда олиб бориш;
Тошкент шаҳар ҳокимлиги билан келишилган квота доирасида битирувчиларни ишга жойлаштириш.
5. Мактабгача ва мактаб таълими вазирлиги ҳамда Тошкент шаҳар ҳокимлигининг Тошкент шаҳри, Шайхонтоҳур тумани Сархумдон маҳалласидаги ихтисослаштирилган мактаб ҳудудидан 0,08 га ер майдонини Тошкент шаҳар ҳокимлиги томонидан ишлаб чиқилган намунавий лойиҳа асосида темирчилик устахоналарини реконструкция қилиш учун мактабга туташ ҳудудда фаолият юритаётган тадбиркорлик субъектларига электрон онлайн-аукцион орқали реализация қилиш тўғрисидаги таклифи маъқуллансин.
6. Тошкент шаҳар ҳокимлиги Мактабгача ва мактаб таълими вазирлиги билан биргаликда бир ой муддатда нодавлат мактабгача ва умумий ўрта таълим ташкилотларини ташкил этиш учун Тошкент шаҳри Шайхонтоҳур туманидаги таълим ташкилотларида мавжуд бўш ер майдонларини 2-иловага мувофиқ аукцион савдоларига чиқарсин.
Бунда, мазкур ер майдонларини сотишдан тушган маблағлар тумандаги мактабгача таълим ташкилотларини ва мактабларни таъмирлаш ҳамда моддий-техника базасини мустаҳкамлашга йўналтирилсин.
7. Вазирлар Маҳкамаси бир ой муддатда қуйидагиларни назарда тутувчи "Чорсу" ва "Эски жува" деҳқон бозорлари ҳудудини тартибга келтириш ва туристик жозибадорлигини оширишга қаратилган қарор қабул қилсин:
бозор ҳудудидаги тартибсиз қурилмалар ўрнига лойиҳа асосида замонавий савдо расталарини жойлаштириш;
давлат-хусусий шериклик шартлари асосида кўп қаватли автотураргоҳ ташкил этиш;
пиёдалар йўлакларини қуриш ва ирригация тармоқларини янгилаш;
бўш турган бино-иншоотларни миллий архитектура ишланмаларини акс эттирган лойиҳалар асосида реконструкция қилиш, ер майдонларида янги савдо расталарини қуриш.
8. Тошкент шаҳар ҳокимлиги Давлат активларини бошқариш агентлиги ҳамда Маданият вазирлиги билан биргаликда 2024 йил якунига қадар давлат-хусусий шериклик шартлари асосида Ўзбекистон давлат цирки биносининг реконструкция қилинишини таъминласин.
9. Тошкент шаҳар ҳокимлиги:
Қурилиш ва уй-жой коммунал хўжалиги вазирлиги ва "Тошкентбошпланлити" ДУК билан биргаликда Шайхонтоҳур туманининг архитектура қиёфасини яхшилаш ва инвестицион жозибадорлигини ошириш мақсадида 2024 йил 1 июнга қадар босқичма-босқич туман ҳудудларининг лойиҳа концепциясини (дизайн код ва мастер режалар) маҳаллий бюджет маблағлари ҳисобидан ишлаб чиқсин;
салоҳиятли инвесторларни жалб қилган ҳолда, концепция асосида замонавий савдо ва хизмат кўрсатиш объектлари, энергия тежамкор технологиялар асосида тураржой мажмуалари барпо этилишини таъминласин.
Бунда, қурилиш ишлари хусусий инвесторларни кенг жалб этиш ҳисобига реновация асосида, биринчи навбатда, эскирган ва авария ҳолатдаги кам қаватли уйларнинг муҳандислик тармоқларини янгилашни назарда тутган ҳолда амалга оширилсин.
10. Тошкент шаҳар ҳокимлиги Инвестициялар, саноат ва савдо вазирлиги билан биргаликда салоҳиятли инвесторлар билан музокаралар олиб борган ҳолда уч ой муддатда Ипакчилик илмий-тадқиқот институти ҳудудида экологик тоза ва юқори технологик ишлаб чиқариш лойиҳасини ташкил этиш бўйича Вазирлар Маҳкамасига таклифлар киритсин.
11. Иқтисодиёт ва молия вазирлиги Тошкент шаҳар ҳокимлиги билан биргаликда 3-иловага мувофиқ марказлаштирилган маблағлар ҳисобидан молиялаштириладиган ижтимоий соҳа объектларини қуриш, реконструкция қилиш ва мукаммал таъмирлаш лойиҳаларини Ўзбекистон Республикасининг 2024 йил учун ижтимоий ва ишлаб чиқариш инфратузилмасини ривожлантириш дастурини шакллантиришда инобатга олсин.
Бунда, мазкур объектлар лойиҳа-смета ҳужжатларини ишлаб чиқиш билан боғлиқ харажатлар 2023 йил учун Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида иқтисод қилинган ва ўзлаштирилмаган маблағларни қайта тақсимлаш ҳисобидан молиялаштирилсин.
12. Тошкент шаҳар ҳокимлиги манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарорнинг ижросини самарали ташкил қилишга масъул ва шахсий жавобгар этиб Тошкент шаҳар ҳокими вазифасини бажарувчи Ш.Б. Умурзаков белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. Мирзиёев
Президентининг
2023 йил 7 июндаги
ПҚ-182-сон қарорига
1-ИЛОВА
2023-2024 йилларда Тошкент шаҳри Шайхонтоҳур
туманида "туризм ҳалқаси"ни барпо этиш бўйича
"ЙЎЛ ХАРИТАСИ"
Т/р |
Чора-тадбирлар номи |
Ижро муддати |
Лойиҳа қиймати, млрд сўм |
Молиялаштириш манбаи |
Масъул ижрочилар |
"ТУРИЗМ ҲАЛҚАСИ"ГА КИРУВЧИ ОБЪЕКТЛАРНИ ҚУРИШ ВА РЕКОНСТРУКЦИЯ ҚИЛИШ
|
|||||
1. |
Зарқайнар кўчасида 0,5 га ер майдонида Кулолчилик марказини қуриш. |
2023 йил декабрь |
3,3 |
Ташаббускорлар маблағлари |
"Ҳунарманд" уюшмаси (Абдуллаев), Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
2. |
Катта Оқтепа маҳалласи ҳудудидан оқиб ўтувчи Оқтепа канали бўйидаги 3,5 га ер майдонида сайилгоҳ ташкил этиш. |
2023 йил ноябрь |
10,0 |
Республика бюджетидан ажратилган ссуда маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
3. |
Лабзак ва Ўрда маҳаллалари ҳудудидан оқиб ўтувчи Анҳор бўйи кўчасидаги канал бўйида 3,4 км узунликдаги сайилгоҳ ташкил этиш. |
2023 йил ноябрь |
14,0 |
Республика бюджетидан ажратилган ссуда маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
4. |
Сархумдон маҳалласидаги темирчилик устахоналарини замонавий лойиҳа асосида ҳунармандчилик устахоналари, шоурумлар ва ўқув устахоналарини ташкил этишни назарда тутган ҳолда реконструкция қилиш. Бунда, устахоналарни намунавий лойиҳа асосида реконструкция қилиш учун тегишли ер майдонларини ушбу ҳудудда фаолият юритаётган тадбиркорлик субъектларига электрон онлайн-аукцион орқали реализация қилиш. |
2023 йил декабрь |
12,0 |
Банк кредитлари, ташаббускорлар маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
5. |
Шайхонтоҳур тумани ҳудудида мавжуд бўлган тарихий дарвозаларни қайта тиклаш (ёки рамзий дарвозалар ўрнатиш) ҳамда уларга туташ ҳудудларда туристик масканлар барпо этиш. |
2024 йил июль |
15,0 |
Республика бюджетидан ажратилган ссуда маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
Ўзбекистон давлат цирки биносини давлат-хусусий шериклик шартлари асосида реконструкция қилиш. |
2023-2024 йиллар |
Лойиҳа-смета ҳужжатларига асосан |
Хусусий шерик маблағлари |
Тошкент шаҳар ҳокимлиги (Умурзаков), Давлат активларини бошқариш агентлиги (Ортиқов), Маданият вазирлиги (Назарбеков)
|
|
7. |
"Чорсу" ва "Эски жува" деҳқон бозорлари ҳудудини тартибга келтириш ва сотувчилар учун зарур шарт-шароитлар яратиш. Бунда: бозор ҳудудидаги тартибсиз қурилмалар ўрнига лойиҳа асосида замонавий савдо расталарини жойлаштириш; давлат-хусусий шериклик шартлари асосида кўп қаватли автотураргоҳ ташкил этиш; пиёдалар йўлакларини қуриш ва ирригация тармоқларини янгилаш; бўш турган бино-иншоотлардан самарали фойдаланиш; замонавий савдо дўконларини қуриш. |
2023 йил декабрь |
Лойиҳа-смета ҳужжатларига асосан |
Банк кредитлари, деҳқон бозорлари маблағлари |
Тошкент шаҳар ҳокимлиги (Умурзаков), Давлат активларини бошқариш агентлиги (Ортиқов), Шайхонтоҳур тумани ҳокимлиги (Захидов) |
"ТУРИЗМ ҲАЛҚАСИ"ГА КИРУВЧИ КЎЧАЛАР ИНФРАТУЗИЛМАСИНИ ЯХШИЛАШ
|
|||||
8. |
Абдулла Қодирий кўчасида барпо этилган сайилгоҳ қисмларини боғловчи пиёдалар кўпригини барпо этиш. |
2023 йил октябрь |
3,0 |
Республика бюджетидан ажратилган ссуда маблағлари |
Тошкент шаҳри ҳокимлиги (Умурзаков), Шайхонтоҳур тумани ҳокимлиги (Захидов) |
9. |
Абдулла Қодирий кўчасида барпо этилган сайилгоҳни хусусий сектор бошқарувига бериш. Бунда, бошқарувчига сайилгоҳни ободонлаштириш, мавжуд инфратузилмаларни бут сақлаш, сайилгоҳ концепцияси асосида яшил майдонларга зарар етказмаган ҳолда замонавий туристик хизматларни ташкил этиш ва ундан самарали фойдаланиш шартларини юклаш. |
2023 йил июль |
- |
- |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
10. |
Шайхонтоҳур туманида 20,7 км узунликдаги "Туризм ҳалқаси" ҳудудини хатловдан ўтказган ҳолда замонавий пиёдалар йўлаги ва велойўлаклар ҳамда яшил ҳудудлар барпо этишни назарда тутган ҳолда тегишли йўллар, суғориш ва ирригация-дренаж тармоқларини реконструкция қилиш. |
2024 йил май |
40,0 |
Республика бюджетидан ажратилган ссуда маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
11. |
"Туризм ҳалқаси" бўйлаб тунги ёритиш тизимлари, ҳордиқ ўриндиқлари, чиқинди ташлаш учун замонавий экоқутилар ўрнатилишини таъминлаш. |
2024 йил май |
|||
12. |
"Туризм ҳалқаси" бўйлаб йўл белгилари ва туристик йўл кўрсаткичлари ўрнатиладиган жойларни аниқлаш ҳамда белгиланган жойларга ўрнатиш. |
2024 йил май |
|||
13. |
"Туризм ҳалқаси" бўйлаб селфи зоналари ва маданий ҳордиқ чиқариш объектлари жойларини аниқлаш, лойиҳаларни ишлаб чиқиш ҳамда уларни ташкил этиш. |
2024 йил июнь |
|||
14. |
"Туризм ҳалқаси" йўлига туташ ҳудудларни хатловдан ўтказган ҳолда очиқ турдаги автотураргоҳлар жойларини аниқлаш, лойиҳаларни ишлаб чиқиш ҳамда автотураргоҳлар қуриш. |
2024 йил июнь |
|||
15. |
"Туризм ҳалқаси" бўйлаб Wi-Fi ҳудудлар жойларини аниқлаш ва уларни ташкил этиш. |
2024 йил май |
Лойиҳа-смета ҳужжатларига асосан |
"Ўзбектелеком" АК маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов), Рақамли технологиялар вазирлиги (Шерматов) |
16. |
"Туризм ҳалқаси" бўйлаб савдо-хизмат кўрсатиш шохобчалари жойларини аниқлаш, лойиҳаларни ишлаб чиқиш ҳамда уларни ташкил этиш. |
2024 йил июнь |
Лойиҳа-смета ҳужжатларига асосан |
Ташаббускорлар маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
17. |
"Туризм ҳалқаси" бўйлаб замонавий санитария-гигиена шохобчалари жойларини аниқлаш ва шохобчаларни қуриш. |
2024 йил май |
Лойиҳа-смета ҳужжатларига асосан |
Ташаббускорлар маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
ТУРИЗМ КЎЧАЛАРИ ВА САВДО-КЎНГИЛОЧАР ОБЪЕКТЛАРНИ ТАШКИЛ ҚИЛИШ
|
|||||
18. |
Гулбозор маҳалласида Тошкентнинг қадимги тарихий кўринишини сақлаб қолган ҳолда туризм кўчасини ташкил этиш. |
2023 йил ноябрь |
18,0 |
Республика бюджетидан ажратилган ссуда маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
19. |
Бунёдкор кўчасида туну кун ишловчи умумий овқатланиш ва хизмат кўрсатиш объектларини ташкил этиш орқали гастрономик туризм учун шарт-шароитлар яратиш. |
2023 йил ноябрь |
Лойиҳа-смета ҳужжатларига асосан |
Ташаббускорлар маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
20. |
Самарқанд дарвоза маҳалласи ҳудудидан ўтган Жанггоҳ, Чуқуркўприк ва Захариқ коллекторларини тупроқ билан тўлдириш. Пайдо бўлган бўш ер майдонларини аукцион савдоларига чиқариш орқали кўнгилочар кўчалар, ресторанлар, савдо-хизмат кўрсатиш объектларини ташкил қилиш. |
2024 йил |
Лойиҳа-смета ҳужжатларига асосан |
Банк кредитлари, ташаббускорлар маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов), Давлат активларини бошқариш агентлиги (Ортиқов), Қурилиш ва уй-жой коммунал хўжалиги вазирлиги (Закиров) |
21. |
Шайхонтоҳур туманида жами 2 минг ўринли 8 та замонавий меҳмонхона ташкил этиш. |
2023-2024 йиллар |
3 310,0 |
Банк кредитлари, ташаббускорлар маблағлари |
Тошкент шаҳар ҳокимлиги (Умурзаков), Шайхонтоҳур тумани ҳокимлиги (Захидов) |
*) Лойиҳа-смета ҳужжатларини ишлаб чиқиш ва экспертизадан ўтказиш натижаларига кўра лойиҳалар қийматига ўзгартиришлар киритилиши мумкин.
Президентининг
2023 йил 7 июндаги
ПҚ-182-сон қарорига
2-ИЛОВА
Нодавлат мактабгача ва умумий ўрта таълим
ташкилотларини ташкил этиш учун аукцион
савдоларига чиқариладиган Шайхонтоҳур
туманидаги таълим ташкилотларидаги
бўш ер майдонлари
РЎЙХАТИ
Т/р |
Манзили |
Мақсади |
Аукционга чиқариладиган ер майдони (га) |
1 |
"Ибн Сино" МФЙда жойлашган 262-сон мактаб ҳудуди |
Хусусий мактабгача таълим ташкилотини (МТТ) ташкил этиш |
0,16 |
2 |
"Катта Жарариқ" МФЙда жойлашган 320-сон мактаб ҳудуди |
Хусусий МТТ ташкил этиш |
0,16 |
3 |
"Шодлик" МФЙда жойлашган 276-сон мактаб ҳудуди |
Хусусий МТТ ташкил этиш |
0,08 |
4 |
"Маннон Уйғур" МФЙда жойлашган 167-сон мактаб ҳудуди |
Хусусий МТТ ташкил этиш |
0,08 |
5 |
"Тинчлик" МФЙда жойлашган 92-сон мактаб ҳудуди |
Хусусий МТТ ташкил этиш |
0,16 |
6 |
"Олим Хўжаев" МФЙда жойлашган 157-сон мактаб ҳудуди |
Хусусий МТТ ташкил этиш |
0,16 |
7 |
"Чархновза" МФЙда жойлашган 254-сон мактаб ҳудуди |
Хусусий МТТ ташкил этиш |
0,16 |
8 |
"Янги Белтепа" МФЙда жойлашган 316-сон мактаб ҳудуди |
Хусусий МТТ ва мактаб ташкил этиш |
0,45 |
9 |
"Коҳота" МФЙдаги фаолияти юритмаётган 21-сон давлат МТТ ҳудуди |
Хусусий мактаб ташкил этиш |
0,36 |
ЖАМИ: |
1,77 |
||
Президентининг
2023 йил 7 июндаги
ПҚ-182-сон қарорига
3-ИЛОВА
2024 йилда Тошкент шаҳрининг Шайхонтоҳур
туманида қуриш, реконструкция қилиш ҳамда
мукаммал таъмирлаш режалаштирилган
ижтимоий соҳа объектлари
РЎЙХАТИ
Т/р |
Тадбирлар номи |
Ўлчов бирлиги |
Қуввати |
Лойиҳа қиймати (млн сўм) |
Молиялаштириш манбаи |
Жами |
176 760 |
||||
I. |
Мактабгача таълим ташкилотлари, жами |
3 012 |
43 600 |
||
Реконструкция қилиш |
180 |
6 400 |
|||
1 |
"Шофайзи" МФЙдаги 187-сон мактабгача таълим ташкилотини реконструкция қилиш ва жиҳозлаш |
ўрин |
180 |
6 400 |
Республика бюджети |
Янги қурилиш ва мукаммал таъмирлаш |
2 832 |
37 200 |
|||
2 |
"Шодлик" МФЙдаги 588-сон мактабгача таълим ташкилотини мукаммал таъмирлаш |
ўрин |
840 |
12 000 |
Республика бюджети |
3 |
"Боғкўча" МФЙдаги 321-сон махсус мактабгача таълим ташкилотини мукаммал таъмирлаш |
ўрин |
72 |
2 500 |
Республика бюджети |
4 |
"Ипакчи" МФЙдаги 259-сон мактабгача таълим ташкилотини мукаммал таъмирлаш |
ўрин |
240 |
2 000 |
Республика бюджети |
5 |
"Сархумдон" МФЙдаги 445-сон мактабгача таълим ташкилотини мукаммал таъмирлаш |
ўрин |
420 |
3 500 |
Республика бюджети |
7 |
"Ибн Сино" МФЙдаги 197-сон мактабгача таълим ташкилотини мукаммал таъмирлаш |
ўрин |
720 |
10 000 |
Республика бюджети |
8 |
"Зафаробод" МФЙдаги 456-сон мактабгача таълим ташкилотини мукаммал таъмирлаш ва 180 ўринли янги қўшимча бино қуриш ва жиҳозлаш |
ўрин |
540 |
7 200 |
Республика бюджети |
II. |
Умумтаълим мактаблари, жами |
6 328 |
114 360 |
||
Янги қурилиш ва мукаммал таъмирлаш |
6 328 |
114 360 |
|||
9 |
42-сон мактабнинг мавжуд биносини мукаммал таъмирлаш ва қўшимча 990 ўринли ўқув биноси қуриш ва жиҳозлаш |
ўрин |
1 050 |
25 500 |
Республика бюджети |
10 |
59-сон мактабнинг мавжуд биносини мукаммал таъмирлаш ва қўшимча 540 ўринли ўқув биноси қуриш ва жиҳозлаш |
ўрин |
960 |
21 400 |
Республика бюджети |
11 |
169-сон мактабнинг мавжуд биносини мукаммал таъмирлаш ва қўшимча 660 ўринли ўқув биноси қуриш ва жиҳозлаш |
ўрин |
1 010 |
22 460 |
Республика бюджети |
12 |
132-сон мактабнинг мавжуд биносини мукаммал таъмирлаш ва қўшимча 540 ўринли бино қуриш ва жиҳозлаш |
ўрин |
1 500 |
21 400 |
Республика бюджети |
13 |
180-сон мактабга қўшимча 540 ўринли бино қуриш ва жиҳозлаш |
ўрин |
1 500 |
16 400 |
Республика бюджети |
14 |
45-сон мактабнинг мавжуд биносини мукаммал таъмирлаш ва қўшимча 200 ўринли бино қуриш ва жиҳозлаш |
ўрин |
308 |
7 200 |
Республика бюджети |
III. |
Бошқа объектлар, жами |
1 000 |
18 800 |
||
16 |
"Каттаҳовуз" МФЙда жойлашган туман марказий кўп тармоқли поликлиникаси ҳамда бинода жойлашган 6-сонли болалар стоматологик поликлиникасини мукаммал таъмирлаш ва тиббий асбоб-ускуналар билан жиҳозлаш |
қатнов |
500 |
11 000 |
Республика бюджети |
17 |
"Тахтапул" МФЙда жойлашган 42-сон поликлиникани мукаммал таъмирлаш ва тиббий асбоб-ускуналар билан жиҳозлаш |
қатнов |
500 |
7 800 |
Республика бюджети |
Қонун ҳужжатлари маълумотлари миллий базаси (www.lex.uz),
2023 йил 8 июнь
78-150-11-72 
Мобильная версия сайта