Ўзбекистон Республикаси Вазирлар Маҳкамасининг 12.06.2023 й. 243-сон "Қора металл парчалари ва чиқиндиларини темир йўл транспортида ташиш хавфсизлигини таъминлаш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

12.06.2023 й.

N 243

ҚОРА МЕТАЛЛ ПАРЧАЛАРИ

ВА ЧИҚИНДИЛАРИНИ ТЕМИР ЙЎЛ

ТРАНСПОРТИДА ТАШИШ ХАВФСИЗЛИГИНИ

ТАЪМИНЛАШ ЧОРА-ТАДБИРЛАРИ ТЎҒРИСИДА

Қора металлургия саноатида иккиламчи хомашёдан оқилона фойдаланиш ҳамда темир йўл транспортида кора металл парчалари ва чиқиндиларини ташиш хавфсизлигини таъминлаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Тоғ-кон саноати ва геология вазирлиги, Транспорт вазирлиги, "Ўзбекистон металлургия комбинати" АЖ ва "Ўзбекистон темир йўллари" АЖнинг қора металл парчалари ва чиқиндиларини темир йўл транспортида ташишда хавфсизлик қоидаларига риоя этилишини таъминлаш мақсадида уларни "Ўзбекистон темир йўллари" АЖ ҳарбийлаштирилган қўриқлаш хизмати нарядлари томонидан кузатиб бориш тартибини жорий этиш тўғрисидаги таклифларига розилик берилсин.

2. Вазирлар Маҳкамасининг 2010 йил 12 августдаги 177-сон қарори билан тасдиқланган "Ўзбекистон темир йўллари" акциядорлик жамияти ҳарбийлаштирилган қўриқлаш хизмати нарядлари томонидан кузатиб борилиши керак бўлган юклар рўйхати қуйидаги мазмундаги 33-позиция билан тўлдирилсин:

3. Ўзбекистон Республикаси Транспорт вазирлиги, Иқтисодиёт ва молия вазирлиги бошқа манфаатдор вазирликлар ҳамда идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

4. Мазкур қарорнинг бажарилишини назорат қилиш Ўзбекистон Республикаси тоғ-кон саноати ва геология вазири Б.Ф. Исламов ҳамда Ўзбекистон Республикаси транспорт вазири И.Р. Махкамов зиммасига юклансин.

Ўзбекистон Республикасининг Бош вазири                                    А. Арипов

Қонун ҳужжатлари маълумотлари миллий базаси (www.lex.uz),

2023 йил 13 июнь