ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Иқтисодиётнинг айрим соҳалари / Қишлоқ ва сув хўжалиги / Уруғчилик. Наслчилик иши. Селекция. Тажриба хўжалиги /Наслчилик хўжалиги мақомини бериш бўйича давлат хизматлари кўрсатишнинг Маъмурий регламенти (ЎзР ВМ 05.09.2023 й. 449-сон қарорига 1-илова)
Полный текст документа доступен в платной версии. По вопросам звоните на короткий номер 1172
Вазирлар маҳкамасининг
2023 йил 5 сентябрдаги
1-ИЛОВА
Наслчилик хўжалиги мақомини бериш бўйича
давлат хизматлари кўрсатишнинг
МАЪМУРИЙ РЕГЛАМЕНТИ
1. Мазкур Регламент жисмоний ва юридик шахсларга (кейинги ўринларда - талабгор) наслчилик хўжалиги мақомини бериш бўйича давлат хизматлари кўрсатиш (кейинги ўринларда - давлат хизматлари) тартибини белгилайди.
2. Талабгорга наслчилик хўжалиги мақомини бериш давлат хизматлари марказлари (кейинги ўринларда - Марказ) ва Ўзбекистон Республикаси Ягона интерактив давлат хизматлари портали (кейинги ўринларда - ЯИДХП) орқали тушган мурожаатга асосан Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси ҳудудий бошқармалари (кейинги ўринларда - ваколатли орган) томонидан мазкур Регламентга мувофиқ амалга оширилади.
3. Ушбу Регламентда қуйидаги асосий тушунчалардан фойдаланилади:
бонитировка - чорва ҳайвонларининг наслдорлик ва маҳсулдорлик сифатларини баҳолаш;
генофонд - муайян зотга мансуб организмдаги ирсий омиллар ёки генлар йиғиндисига эга чорва ҳайвонлари гуруҳи;
наслдор чорва ҳайвонлари - келиб чиқиши тегишли ҳужжатлар билан тасдиқланган, муайян зотни такрор кўпайтириш учун фойдаланиладиган ва белгиланган тартибда рўйхатга олинган чорва ҳайвонлари;
наслдор чорва ҳайвонлари ва наслдор подаларни давлат рўйхатига олиш - чорва ҳайвонларининг келиб чиқишини аниқлаш ва маҳсулдорлигини белгилаш мақсадида муайан турга мансуб наслдор чорва ҳайвонлари ҳамда наслдор подалар ҳақидаги маълумотларни (бунда чорва ҳайвонларининг маҳсулдорлик ва хўжалик учун фойдали белгилари урчитилаётган шу турдаги чорва ҳайвонлари ва подаларнинг кўрсаткичларига нисбатан юқори бўлиши лозим) ҳисобга олиш;
наслли маҳсулотлар (материаллар) - наслдор чорва ҳайвонларининг уруғи, эмбриони ва тухуми;
наслчилик - селекция мақсадида наслдор чорва ҳайвонларини урчитиш, наслли маҳсулотлар (материаллар) етиштириш ва улардан фойдаланиш;
наслчилик ишлари - чорва ҳайвонлари сонини кўпайтириш, маҳсулдорлигини ошириш ва насл сифатини яхшилаш мақсадида давлат ва хўжаликлар томонидан олиб бориладиган ташкилий зоотехник тадбирлар тизими;
наслчилик объектлари - наслдор чорва ҳайвонлари (қорамоллар, қўйлар, эчкилар, отлар, туялар, чўчқалар, шунингдек, паррандалар, балиқлар, асаларилар, ипак қурти, қуёнлар, ёввойи ҳайвонлар) ва уларнинг маҳсулотлари (материаллари);
наслчилик субъектлари - наслчилик иши билан шуғулланувчи илмий-тадқиқот ва бошқа ташкилотлар, селекция марказлари, ипподромлар, иммуногенетик назорат лабораториялари, назорат-синов станциялари, эмбрионларни кўчириб ўтказиш (трансплантация) марказлари ва наслли маҳсулотга эга бўлган бошқа жисмоний ва юридик шахслар.
4. Наслчилик хўжалиги мақоми талабгорнинг мурожаатида кўрсатилган муайян тоифага мансуб зотдаги чорва ҳайвонлари (ёввойи ва хонаки ҳайвонлар, шунингдек, паррандалар, балиқлар, мўйнали ҳайвонлар ҳамда асаларилар) турига ёки фаолият йўналишига қараб берилади.
5. Қуйидаги тоифалар бўйича наслчилик хўжалиги мақоми берилади:
наслчилик хўжалиги сифатида камида уч йил фаолият юритган ҳамда маълум бир соф зотли ва юқори маҳсулдорлик хусусиятига эга бўлган наслдор чорва ҳайвонлари подасини урчитиш, янги линия, оила ва типлар яратиш ҳамда наслли эркак ва урғочи чорва ҳайвонларини етказиб бериш билан шуғулланаётган талабгорга - наслчилик заводи мақоми;
соф зотли наслдор чорва ҳайвонларини урчитиш йўналишида камида уч йил фаолият юритаётган талабгорга - наслчилик хўжалиги мақоми;
замонавий усуллардан фойдаланган ҳолда муайян ҳудуднинг иқлим шароитига яхши мослашган янги чорва ҳайвонлари зотлари, хиллари ва гуруҳларини яратиш, жуфтлаш ва урчитишнинг самарали тизимини ишлаб чиқиш ва уни кенг татбиқ этиш, наслчилик заводлари учун селекция-наслчилик ишларининг истиқболли режасини ишлаб чиқиш йўналишида фаолият олиб бораётган талабгорга - селекция маркази мақоми;
наслдор отларни синовдан ўтказиш бўйича фаолият олиб бораётган талабгорга - ипподром мақоми;
такомиллаштирилаётган наслдор чорва ҳайвонларини генетик усулда баҳолаш бўйича фаолият олиб бораётган талабгорга - иммуногенетик назорат лабораторияси мақоми;
наслчилик субъектларига наслдор чорва ҳайвонларининг қиймати, маҳсулдорлиги ва сифатини баҳолаш, назорат қилиш ва олинган маълумотларни расмийлаштириш бўйича хизмат кўрсатадиган талабгорга - назорат-синов станцияси мақоми;
наслни яхшиловчи юқори генетик маҳсулдорлик хусусиятига эга бўлган турли зотлардаги наслдор чорва ҳайвонларидан олинган уруғ билан чорва ҳайвонларини сунъий уруғлантириш бўйича фаолият олиб бораётган талабгорга - чорва ҳайвонларини сунъий уруғлантириш корхонаси мақоми;
наслни яхшиловчи юқори генетик маҳсулдорлик хусусиятига эга бўлган турли зотлардаги наслдор она чорва ҳайвонларини сақлаш ва улардан эмбрионлар тайёрлаш бўйича фаолият олиб бораётган талабгорга - эмбрионларни кўчириб ўтказиш (трансплантация) маркази мақоми;
наслдор чорва ҳайвонларининг музлатилган уруғлари банкини ташкил этиш ва реализация қилиш бўйича фаолият олиб бораётган талабгорга - чорва ҳайвонлари уруғини ишлаб чиқиш ва сотиш корхонаси мақоми;
муайян зотга мансуб организмдаги ирсий омиллар ёки генлар йиғиндисига эга генофонд (кам сонли) чорва ҳайвонлари гуруҳини шакллантириш, урчитиш, кўпайтириш, сақлаш, асраш ҳамда янги зот ва типларни яратиш бўйича фаолият олиб бораётган талабгорга - генофонд хўжалиги мақоми.
6. Бир тоифадаги наслчилик хўжалигини бошқа тоифадаги наслчилик хўжалигига ўтказиш мазкур Регламентда белгиланган тартибда амалга оширилади.
КЎРСАТИШ ТАРТИБИ
7. Давлат хизматлари кўрсатиш мазкур Регламентга 1-иловада келтирилган схемага асосан амалга оширилади.
8. Талабгор ёки унинг вакили давлат хизматларидан фойдаланиш учун Марказга ўзи келиб мурожаат қилади ёхуд давлат хизматларидан электрон тарзда фойдаланиш учун ЯИДХПда рўйхатдан ўтади.
Сўровнома ушбу Регламентга 2-иловада келтирилган шакл бўйича электрон равишда тўлдиради.
9. Талабгор ёки унинг вакили Марказга ўзи келиб мурожаат этганда, унинг сўровномаси Марказ ходими томонидан тўлдирилиб, талабгор ёки унинг вакили томонидан тасдиқланганидан сўнг реал вақт режимида ваколатли органга электрон шаклда юборилади.
10. Талабгор ёки унинг вакили ЯИДХП орқали мурожаат этганда, сўровнома автоматик тарзда ваколатли органга электрон шаклда юборилади.
Талабгор ёки унинг вакили ЯИДХП орқали давлат хизматларидан фойдаланганда, сўровномани электрон рақамли имзо билан тасдиқлаш талаб этилмайди.
11. Сўровномага қуйидагилар илова қилинади:
наслчилик заводи, наслчилик хўжалиги, генофонд хўжалиги мақомини олишга талабгорлар учун - сўнгги уч йилда ўтказилган наслли маҳсулотлар (материаллар) бонитировкаси натижалари бўйича маълумотномалар нусхаси.
Бунда наслчилик хўжалиги мақомига эга бўлган хўжаликлардан сотиб олинган ёки хорижий давлатлардан олиб келинган наслдор чорва ҳайвонлари мазкур Регламентга 4 - 18-иловаларда белгиланган минимал талабларга мувофиқ келганда ҳамда талабгор томонидан ҳайвонларнинг наслдорлигини тасдиқловчи ҳужжатлар тақдим этилганда, наслли маҳсулотлар (материаллар) бонитировкаси натижалари бўйича маълумотномалар нусхасини тақдим этиш талаб қилинмайди;
наслдор чорва ҳайвонларининг идентификация қилинганлиги тўғрисидаги маълумот;
тегишли чорва ҳайвонлари турлари бўйича наслчилик хўжалиги мақомини олиш учун мазкур Регламентга 4 - 18-иловаларда белгиланган минимал талабларга мувофиқлиги бўйича талабгор томонидан тасдиқланган маълумотлар.
Янгидан ташкил этилаётган чорвачилик субъектлари томонидан хорижий давлатлардан ёки республикадаги наслчилик хўжаликларидан олиб келинган наслли чорва ҳайвонларига қўйиладиган талаблар мазкур Регламентга 4 - 18-иловаларда белгиланган минимал талабларга мувофиқ бўлганда улардан уч йиллик фаолияти тўғрисидаги маълумот талаб этилмайди.
12. Қуйидаги ҳужжатлар ваколатли орган томонидан тегишли давлат органлари ва ташкилотларидан мустақил равишда ёки "Электрон ҳукумат" тизими идоралараро интеграциялашув платформаси орқали сўраб олинади:
талабгорнинг давлат рўйхатидан ўтказилганлиги тўғрисидаги гувоҳномаси нусхаси;
юридик шахслар учун - ташкилот штатидаги олий ёки ўрта махсус маълумотли зооинженерия мутахассисининг дипломи нусхаси.
13. Давлат хизматлари кўрсатилганлиги учун базавий ҳисоблаш миқдорининг икки баравари миқдорида йиғим ундирилади.
Давлат хизматлари кўрсатиш учун ЯИДХП орқали мурожаат этилганда, ушбу банднинг биринчи хатбошисида кўрсатилган йиғим суммасининг 90 фоизи ундирилади.
Давлат хизматлари кўрсатганлик учун йиғимлар тўланганлигини тасдиқлаш ахборот-коммуникация тизимлари орқали амалга оширилади.
14. Давлат хизматлари кўрсатганлик учун ундириладиган йиғимлар қуйидаги тартибда тақсимланади:
а) Марказга ўзи келиб мурожаат этганда:
20 фоизи - Ўзбекистон Республикаси Адлия вазирлигининг Давлат хизматларини ривожлантириш жамғармасига;
0,5 фоизи - Ягона биллинг тизими орқали давлат хизматларини кўрсатганлик учун Ўзбекистон Республикаси Рақамли технологиялар вазирлиги ҳузуридаги "Электрон ҳукумат лойиҳаларини бошқариш маркази" давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;
қолган маблағлар - ваколатли орган ҳисобварағига ўтказилади;
б) ЯИДХП орқали мурожаат этилганда:
10 фоизи - Ўзбекистон Республикаси Адлия вазирлигининг Давлат хизматларини ривожлантириш жамғармасига;
11,75 фоизи (шундан 0,5 фоизи - ягона биллинг тизими орқали давлат хизматлари кўрсатилганда) - Ўзбекистон Республикаси Рақамли технологиялар вазирлиги ҳузуридаги "Электрон ҳукумат лойиҳаларини бошқариш маркази" давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;
қолган маблағлар - ваколатли органнинг ҳисобварағига ўтказилади.
МАҚОМИНИ БЕРИШ ТАРТИБИ
15. Ваколатли орган талабгор томонидан тўлдирилган сўровномадаги маълумотларнинг тўғрилигини аниқлаш учун сўровнома тушганидан сўнг 10 иш куни ичида жойига чиққан ҳолда қуйидагиларни ўрганади:
наслчилик заводларида ёки хўжаликларида етиштирилган, шунингдек, хорижий давлатлардан олиб келинган наслдор чорва ҳайвонлари билан подани (гала) тўлдириб борилганлиги;
селекция-наслчилик ишлари бўйича режаларнинг ишлаб чиқилганлиги;
селекция-наслчилик илмий-тадқиқот ишларининг илғор ютуқлари ва усулларидан фойдаланилганлиги;
селекция маркази, ипподром, назорат-синов станцияси ва иммуногенетик назорат лабораторияларининг "Ўзбекистон аккредитация маркази" давлат унитар корхонаси томонидан белгиланган тартибда техник жиҳатдан малакалилиги маъқуллашдан ўтганлиги;
наслли маҳсулотлар (материаллар) уларнинг наслдорлигини тасдиқловчи ҳужжатлар билан бирга юридик ва жисмоний шахсларга аукцион ёки шартнома асосида етказиб берилганлиги;
ҳар бир наслдор чорва ҳайвонлари идентификация қилинганлиги;
наслли маҳсулотлар (материаллар) бонитировкаси ўз вақтида ўтказиб борилганлиги, уларнинг натижаларини таҳлил қилиш орқали поданинг (галанинг) маҳсулдорлигини ошириш бўйича зарур чора-тадбирлар амалга оширилганлиги;
давлат наслдор чорва ҳайвонлари дафтарига киритиш учун тақдим этган ва киритилган наслдор чорва ҳайвонларининг мавжудлиги;
чорва ҳайвонларини сунъий уруғлантириш корхонаси учун наслдор чорва ҳайвонлари маҳсулдорлиги ва авлодларининг сифати бўйича баҳоланганлиги;
давлат тармоқ дастурларига мувофиқ селекция-наслчилик ишлари бўйича иш режалари ишлаб чиқилганлиги ва уларнинг амалга оширилиши;
наслли маҳсулотлар (материаллар)нинг келиб чиқиши, сақланиши, баҳоланиши ва насл сифатини тасдиқловчи зоотехник ҳужжатлар мавжудлиги;
наслдор чорва ҳайвонларини асраш ва парваришлаш учун мустаҳкам озуқа таъминоти (йил давомида бир меъёрда озиқлантириш) яратилганлиги;
наслчилик хўжалигининг муайян тоифаси бўйича тадбирларни амалга ошириш учун автоматлаштирилган технологиялар, зарур асбоб-ускуналар ва жиҳозларнинг мавжудлиги;
наслчилик хўжалиги мақомини олишга талабгорнинг ўз фаолиятида зоотехника, ветеринария ва санитария талабларига риоя қилиши;
селекция-наслчилик ишлари бўйича ҳисоб-китоблар ва ҳужжатлар юритилиши;
селекция-наслчилик ресурсларининг яхшиланиши, сақланиши, такрор кўпайтирилиши ва улардан оқилона фойдаланилиши таъминланганлиги;
чорва ҳайвонлари маҳсулдорлиги бўйича ҳисоб-китобни юритиш, типи бўйича таснифлаш, келиб чиқишини генетик экспертиза қилиш (иммуногенетик назорат лабораторияси бўлмаган ҳудудда чорва ҳайвонларининг генетик келиб чиқишини таҳлил қилиш) ва уларнинг маҳсулдорлиги ҳамда авлодининг сифати бўйича баҳолаш талабларининг бажарилиши;
уруғ олиш учун фақат такрор кўпайтириладиган наслдор эркак чорва ҳайвонларидан фойдаланилиши, уруғ ва эмбрионларнинг технологик талабномаларда ва ветеринария-санитария қоидалари ва нормалари талабларида белгиланган шарт-шароитда тайёрланиши, идентификациялаш ва сақланиши;
наслли маҳсулотларнинг (материалларнинг) сифати кафолатланиши;
наслчилик заводи мақоми учун наслнинг такомиллаштирилиши, яхшиланиши, чорва ҳайвонлари маҳсулдорлигини кўпайтириш бўйича фаолиятнинг самарадорлиги, маълум бир соф зотли чорва ҳайвонларини урчитиш ва яратиш ишларининг сифат кўрсаткичлари;
наслчилик хўжалиги мақоми учун чорва ҳайвонларини камида уч йил давомида наслдор соф зотли чорва ҳайвонлари билан урчитишнинг самарадорлиги ва сифат кўрсаткичлари;
селекция маркази мақоми учун маълум бир чорва ҳайвонлари зотини такомиллаштириш мақсадида замонавий усуллардан фойдаланилаётганлиги ва уларнинг янги чорва ҳайвонлари зотларини яратиш ҳамда кўпайтиришдаги самарадорлиги;
ипподром мақоми учун отларнинг келиб чиқиши, зотга хослиги, экстерьери (ташқи кўриниши), гавда тузилиши ва бошқа кўрсаткичлари бўйича синовларни ўтказиш бўйича етарли шароитларнинг яратилганлиги;
иммуногенетик назорат лабораторияси мақоми учун наслдор чорва ҳайвонларини генетик усулда баҳолаш фаолиятини амалга ошириш бўйича шароитларнинг мавжудлиги;
назорат-синов станцияси мақоми учун наслдор чорва ҳайвонларининг қийматини ошириш, маҳсулдорлиги ва сифат кўрсаткичларини баҳолаш бўйича шароитлар мавжудлиги;
чорва ҳайвонларини сунъий уруғлантириш корхонаси мақоми учун юқори генетик маҳсулдорлик хусусиятига эга бўлган турли зотга мансуб эркак чорва ҳайвонларидан олинган музлатилган уруғларнинг сифатли сақланиши ва сунъий уруғлантирилиши учун шароитларнинг яратилганлиги;
эмбрионларни кўчириб ўтказиш (трансплантация) маркази мақоми учун юқори маҳсулдорлик хусусиятига эга бўлган наслдор она чорва ҳайвонларининг сақланиши ва эмбрионлар тайёрланиши учун шароитларни яратилганлиги ҳамда малакали мутахассислар билан таъминланганлиги;
чорва ҳайвонлари уруғини ишлаб чиқиш ва сотиш корхонаси мақоми учун наслни яхшиловчи наслдор эркак чорва ҳайвонларини сақлаш учун етарли шароитлар яратилганлиги ва музлатилган уруғлар банкининг ташкил этилганлиги ҳамда районлаштирилган наслдор чорва ҳайвонлари зотларининг музлатилган уруғлари сотилганлиги;
генофонд хўжалиги мақоми учун чорва ҳайвонларининг генофонд (кам сонли) турлари ва зотлари сақланиши, маълум бир эволюцион хусусиятни наслдан-наслга ўтказиш қобилиятига эга бўлган чорва ҳайвонларини урчитиш, сақлаш, янги зот ва типларини яратиш бўйича шароитларнинг яратилганлиги;
ташкилот штатида олий ёки ўрта махсус маълумотга эга зооинженерия мутахассислари ва чорва ҳайвонларини сунъий уруғлантирадиган техник ходимларнинг мавжудлиги.
Талабгорнинг фаолиятини ўрганиш вақтида ваколатли орган томонидан туманлар (шаҳарлар) ветеринария бўлимлари орқали талабгорнинг эпизоотик барқарорлиги, ветеринария-санитария қоидалари ва нормалари ҳам ўрганилади.
Ўрганиш якунлари бўйича ваколатли орган ушбу Регламентга 3-иловада келтирилган шаклга мувофиқ далолатнома тузади.
16. Сўровномада ҳақиқий бўлмаган, сохта ва нотўғри маълумотлар мавжудлиги аниқланганда ёки ҳужжатлар тўлиқ тақдим этилмаганда ваколатли орган талабгорга ушбу камчиликларни 10 иш куни ичида бартараф этиш имкониятини беради. Бунда давлат хизматлари кўрсатиш муддати аниқланган камчиликларни бартараф этиш вақтида тўхтатиб турилади.
17. Қуйидагилар давлат хизматлари кўрсатишни рад этиш учун асос бўлади:
ўрганиш жараёнида талабгорнинг имкониятлари наслчилик хўжалиги мақомини бериш бўйича мазкур Регламентнинг 15-бандида кўрсатилган талаб ва шартларга мувофиқ бўлмаганда;
талабгор томонидан ушбу Регламентнинг 16-бандида кўрсатилган муддатда камчиликлар бартараф этилмаганда.
Давлат хизматлари кўрсатишни бошқа асосларга кўра рад этиш тақиқланади.
18. Ваколатли орган далолатнома расмийлаштирилганидан сўнг 1 иш куни ичида ушбу Регламентга 19-иловага мувофиқ наслчилик хўжалиги мақоми берилганлиги тўғрисидаги гувоҳномани (QR-код қўйилган) расмийлаштиради ва шу куннинг ўзида Марказ ёки ЯИДХП орқали талабгорга юборади.
Наслчилик хўжалиги мақоми берилганлиги тўғрисидаги гувоҳнома 5 йил муддатга берилади.
19. Ваколатли орган мазкур Регламентнинг 15-бандига мувофиқ ўрганиш натижаларига кўра, наслчилик хўжалиги мақомини беришни рад этиш сабаблари кўрсатилган хабарномани 5 иш куни ичида талабгорга юборади.
Наслчилик хўжалиги мақомини беришни рад этиш тўғрисидаги хабарнома юборилганидан сўнг талабгор 90 кун ичида камчиликларни бартараф этиб, қайта мурожаат қилганда йиғимлар ундирилмайди.
Талабгор ушбу муддат ичида камчиликларни бартараф этмаса, қилинган қайта мурожаатни кўриб чиқиш учун ушбу Регламентнинг 13-бандида кўрсатилган миқдорда йиғимлар ундирилади.
20. Талабгор давлат хизматларидан фойдаланишнинг ҳар қандай босқичида ундан бош тортиш ҳуқуқига эга. Талабгор давлат хизматларидан фойдаланишдан бош тортганда, унинг сўровномаси кўрилмасдан қолдирилади. Бунда тўланган йиғим суммаси қайтарилмайди.
МАҚОМИНИ ОЛГАН СУБЪЕКТГА
ҚЎЙИЛАДИГАН ТАЛАБЛАР
21. Наслчилик хўжалиги мақомини олган субъектларга қуйидаги талаблар қўйилади:
ҳаракатларни бажаришда ва (ёки) муайян фаолиятни амалга оширишда қонунчилик ҳужжатларида белгиланган талаб ва шартларга риоя этиши;
наслчилик субъекти - юридик шахс бўлганда ва унинг номи ёки жойлашган жойи (почта манзили) ўзгарганда, якка тартибдаги тадбиркор бўлганда ва унинг давлат рўйхатидан ўтказилганлиги тўғрисидаги гувоҳномада кўрсатилган фамилияси, исми, отасининг исми ёки фаолият кўрсатадиган жойи ўзгарганда, қайта давлат рўйхатидан ўтганидан сўнг ваколатли органни хабардор қилиши;
наслчилик хўжалиги мақомининг тегишли тоифаси бўйича меъёр ва қоидаларга риоя этиши.
22. Наслчилик хўжалиги мақоми берилганлиги тўғрисидаги гувоҳномани олган шахс ушбу гувоҳномани бошқа шахсга фойдаланиш учун бериши мумкин эмас.
23. Наслчилик хўжаликларида наслчилик ишининг юритилиши ваколат орган томонидан белгиланган тартибда назорат қилинади.
5-БОБ. НАСЛЧИЛИК ХЎЖАЛИГИ МАҚОМИ
БЕРИЛГАНЛИГИ ТЎҒРИСИДАГИ ГУВОҲНОМАНИ
ҚАЙТА РАСМИЙЛАШТИРИШ, УНИНГ АМАЛ
ҚИЛИШ МУДДАТИНИ УЗАЙТИРИШ
24. Юридик шахс номи, ташкилий-ҳуқуқий шакли ёки фаолият кўрсатадиган жойи (почта манзили) ўзгарганда, якка тартибдаги тадбиркорнинг фамилияси, исми, отасининг исми ёки яшаш жойи ўзгарганда қайта давлат рўйхатидан ўтказилганидан сўнг бир ой муддатда наслчилик хўжалиги мақоми берилганлиги тўғрисидаги гувоҳномани қайта расмийлаштириш бўйича сўровномани юбориши шарт.
Бунда наслчилик хўжалиги мақоми берилганлиги тўғрисидаги гувоҳнома қайта расмийлаштирилганлиги учун йиғим ундирилмайди.
25. Наслчилик хўжалиги мақоми берилганлиги тўғрисидаги гувоҳноманинг амал қилиш муддати субъектнинг сўровномасига асосан узайтирилиши мумкин. Бунда субъект наслчилик хўжалиги мақоми берилганлиги тўғрисидаги гувоҳноманинг амал қилиш муддати тугашидан бир ой олдин ваколатли органга сўровнома юбориши лозим. Гувоҳнома муддатини узайтириш мазкур Регламентнинг 2-бобида белгиланган тартибда кўриб чиқилади.
26. Субъект йўқотилган ёки яроқсиз ҳолга келган наслчилик хўжалиги мақоми берилганлиги тўғрисидаги гувоҳноманинг дубликатини ахборот тизимлари орқали чекланмаган миқдорда олиши мумкин. Бунда гувоҳноманинг дубликати берилганлиги учун йиғим ундирилмайди.
6-БОБ. НАСЛЧИЛИК ХЎЖАЛИГИ МАҚОМИ
БЕРИЛГАНЛИГИ ТЎҒРИСИДАГИ ГУВОҲНОМАНИНГ
АМАЛ ҚИЛИШИНИ ТЎХТАТИБ ТУРИШ,
БЕКОР ҚИЛИШ ВА ТЎХТАТИШ
27. Наслчилик хўжалиги мақоми берилганлиги тўғрисидаги гувоҳноманинг амал қилишини тўхтатиб туриш, бекор қилиш ва тўхтатиш "Маъмурий тартиб-таомиллар тўғрисида"ги Ўзбекистон Республикаси Қонунининг 58 - 60 ва 70-моддаларига мувофиқ амалга оширилади.
28. Ваколатли орган наслчилик хўжалиги мақоми берилганлиги тўғрисидаги гувоҳномалар реестрини юритади ва уни расмий веб-сайтига жойлаштиради.
Наслчилик хўжалиги мақоми берилганлиги тўғрисидаги гувоҳномалар реестри танишиш учун очиқ ҳисобланади.
29. Ваколатли орган жисмоний ва юридик шахсларга наслчилик хўжалиги мақомини бериш бўйича амалга оширилган ишлар тўғрисида Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитасига чораклик ҳисоботларни ҳисобот чораги якуни бўйича кейинги ойнинг 15-кунига қадар, йиллик ҳисоботларни ҳисобот йили якуни бўйича кейинги йилнинг 25 январига қадар тақдим этиб боради.
30. Ваколатли орган, Марказ ва давлат хизматлари кўрсатишда иштирок этувчи бошқа ташкилотлар давлат хизматлари кўрсатиш бўйича олинган маълумотларнинг сир сақланишини таъминлайди.
31. Ўзбекистон Республикаси Адлия вазирлиги ва унинг ҳудудий бўлинмалари мазкур Регламент талаблари бўйича давлат органлари ва бошқа ташкилотларнинг фаолияти устидан доимий назорат қилади ва мониторинг юритади.
32. Талабгор наслчилик хўжалиги мақоми бериш жараёнида давлат хизматлари кўрсатувчи ташкилотлар ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилиши мумкин.
33. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
1-ИЛОВА
Наслчилик хўжалиги мақомини бериш
бўйича давлат хизматлари кўрсатиш
СХЕМАСИ
Босқичлар
|
Субъектлар
|
Тадбирлар
|
Бажариш муддатлари
|
|||
1-босқич |
Жисмоний ва юридик шахслар (кейинги ўринларда -талабгор) |
1. Наслчилик хўжалиги мақомини бериш бўйича давлат хизматларидан фойдаланиш учун давлат хизматлари марказига (кейинги ўринларда - Марказ) ўзи келиб, шунингдек, Ўзбекистон Республикаси Ягона интерактив давлат хизматлари портали (кейинги ўринларда - ЯИДХП) орқали сўровнома билан мурожаат қилади. 2. Кўрсатиладиган давлат хизматлари учун йиғимни амалга оширади.
|
1. Хоҳишига кўра 2. Мурожаат қилганда |
|||
2-босқич |
1. Марказ 2. ЯИДХП |
Сўровномани Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитасининг ҳудудий бошқармаларига (кейинги ўринларда - ваколатли орган) юборади.
|
Сўровнома тўлдирилгандан сўнг автоматик тарзда |
|||
3-босқич |
Ваколатли орган |
1. Сўровномага асосан талабгорга наслчилик хўжалиги мақомини бериш масаласини жойига чиққан ҳолда ўрганади. 2. Ўрганиш натижаларига кўра талабгорга наслчилик хўжалиги мақомини бериш ёки беришни рад этиш юзасидан қарор қабул қилади ҳамда далолатнома билан расмийлаштиради.
|
10 иш куни мобайнида |
|||
4-босқич |
Ваколатли орган |
1. Наслчилик хўжалиги мақоми берилганлиги тўғрисидаги гувоҳномани (QR-код қўйилган) расмийлаштиради ва Марказ ёки ЯИДХП орқали талабгорга юборади. 2. Наслчилик хўжалиги мақомини бериш рад этилганда, бу ҳақида талабгорни хабардор қилади.
|
1 иш куни мобайнида |
|||
2-ИЛОВА
__________________ (сана) |
________________ (рақам) |
Наслчилик хўжалиги мақомини бериш бўйича
давлат хизматлари кўрсатиш юзасидан
СЎРОВНОМА
I. Талабгор - юридик шахс тўғрисида маълумот: |
|||||
1. Ташкилот номи |
|||||
2. Жойлашган жойи (почта манзили) |
|||||
3. Солиқ тўловчининг идентификация рақами |
|||||
4. Телефон рақами |
|||||
Юридик шахс вакили: |
|||||
1. Ф.И.О. |
|||||
2. Жисмоний шахснинг шахсий идентификация рақами |
|||||
II. Талабгор - жисмоний шахс тўғрисида маълумот: |
|||||
1. Ф.И.О. |
|||||
2. Жисмоний шахснинг шахсий идентификация рақами |
|||||
3. Манзили |
|||||
4. Телефон рақами |
|||||
III. Давлат хизматларидан фойдаланиш сабаби: |
янги гувоҳномани расмийлаштириш |
||||
гувоҳномани қайта расмийлаштириш |
|||||
гувоҳноманинг амал қилиш муддатини узайтириш |
|||||
гувоҳноманинг амал қилишини тўхтатиб туриш |
|||||
гувоҳномани бекор қилиш |
|||||
гувоҳноманинг амал қилишини тўхтатиш |
|||||
IV. Талабгорнинг зооинженерия бўйича мутахассислари тўғрисидаги маълумотлар:
|
|||||
Т/р |
Ф.И.О. |
Лавозими |
Мутахассислиги бўйича иш стажи
|
Маълумоти бўйича мутахассислиги (диплом бўйича)
|
|
1.
|
|||||
...
|
|||||
Тасдиқлайман:
|
|||||
3-ИЛОВА
ДАЛОЛАТНОМА
_____-сон
____________ тумани (шаҳри) |
20__ йил "___"________ |
Ҳудудий ветеринария ва чорвачиликни ривожлантириш бошқармаси бошлиғи ўринбосари
, |
|
(Ф.И.О.) |
ҳудудий ветеринария ва чорвачиликни ривожлантириш бошқармасининг наслчилик бўлими мутахассиси
, |
туман |
|||
(Ф.И.О.) |
ветеринария ва чорвачиликни ривожлантириш бўлими бошлиғи
(Ф.И.О.) |
иштирокида |
ни |
|
(хўжалик номи) |
наслчилик хўжалиги тоифасига ўтказиш учун:
наслчилик хўжалиги ҳисоб-китобини ва ҳужжатларини юритиш;
наслчилик хўжалиги ресурсларининг яхшиланиши, сақланиши, такрор кўпайтирилиши ва улардан оқилона фойдаланилишини таъминлаш;
ҳайвонлар маҳсулдорлиги ҳисоб-китобини юритиш, типи бўйича таснифлаш, келиб чиқишини генетик экспертиза қилиш (иммуногенетик назорат лабораторияси бўлмаган ҳудудларда уларнинг генетик келиб чиқишини (генотипини) таҳлил қилиш) ва ҳайвонларни маҳсулдорлиги ҳамда авлодининг сифати бўйича баҳолаш талабларини бажариш;
уруғ олиш учун фақат такрор кўпайтириладиган наслдор ҳайвонлардан фойдаланиш, уруғ ва эмбрионларни технологик ва ветеринария-санитария талабномаларида белгиланган шароитда тайёрлаш, идентификациялаш ва сақлаш;
наслли маҳсулотларнинг (материаллар) сифати кафолатланишига оид масалалар кўриб чиқилди ҳамда талабгорнинг наслчилик хўжалиги сифатида доимий фаолият олиб бориш имкониятлари таҳлил қилиниб:
га |
||
(юридик шахснинг номи ёки жисмоний шахснинг Ф.И.О.) |
бўйича |
||
(наслдор ҳайвон тури) |
мақомини бериш тавсия қилинди/қилинмади |
||
(наслчилик хўжалиги тоифаси) |
(кераклисининг тагига чизилсин) |
Ҳудудий ветеринария ва чорвачиликни ривожлантириш бошқармаси бошлиғи ўринбосари |
|||
(имзоси) |
(Ф.И.О.) |
Наслчилик бўлими мутахассиси |
|||
(имзоси) |
(Ф.И.О.) |
________туман ветеринария ва чорвачиликни ривожлантириш бўлими бошлиғи |
|||
(имзоси) |
(Ф.И.О.) |
4-ИЛОВА
Сут-гўшт йўналишидаги қорамол
зотларини урчитиш билан шуғулланувчи
наслчилик хўжаликларига қўйиладиган
МИНИМАЛ ТАЛАБЛАР
Кўрсаткичлар
|
Наслчилик заводи
|
Наслчилик хўжалиги
|
Генофонд хўжалиги
|
Сигирлар сони, бош |
100 |
30 |
30 |
Соф зотли сигирлар улуши, фоиз |
100 |
100 |
50 |
Умумий подадаги элита-рекорд ва элита-классга мансуб она қорамоллар улуши, фоиз |
90 |
80 |
|
Бир йилда бир сигир I класснинг минимал кўрсаткичларига нисбатан ишлаб чиқарадиган сут миқдори, ёғи ва оқсили (ўртача пода бўйича), фоиз |
150 |
130 |
100 |
Бир ойда сут маҳсулдорлиги бўйича назорат соғимини ўтказиш даврийлиги, марта |
1 |
1 |
1 |
Зотлар бўйича сут маҳсулдорлиги, кг: қора-ола зотлар қизил зотлар қўнғир зотлар Бушуев зоти Симменталь (флегфих) зоти бошқа зотлар |
5 000 4 100 4 000 3 100 4 800 6 000 |
4 000 3 500 3 300 2 900 4 400 4 500 |
|
Сунъий уруғлантирилган сигирлар ва ғунажинлар улуши, фоиз |
100 |
100 |
|
шундан, наслни яхшиловчи буқалар билан сунъий уруғлантирилган сигир ва ғунажинлар улуши, фоиз |
100 |
100 |
|
100 бош сигирдан олинган бузоқлар сони, бош |
85 |
83 |
80 |
Тирик вазни бўйича I классга мансуб ғунажинлар улуши, фоиз |
100 |
100 |
80 |
100 бош сигирдан олинган бузоқлардан тайёрлаб сотилган наслли қорамоллар улуши, фоиз |
20 |
20 |
|
шу жумладан, наслли буқалар, фоиз |
2 |
||
Насл учун сотилган қорамолларда элита-рекорд ва элита-классга мансуб қорамоллар улуши, фоиз: буқалар ғунажин ва таналар I классга мансуб ғунажин ва таналар |
100 80 20 |
100 70 30 |
|
Лактация даври якунига қадар 7 000 кг ва ундан кўп сут берган сигирлар улуши, фоиз |
15 |
10 |
|
Наслдор буқа берувчи сигирлар гуруҳи, фоиз |
60 |
40 |
100 |
Насл учун сотиладиган ёш қорамоллар улуши, фоиз |
100 |
100 |
100 |
5-ИЛОВА
Гўшт йўналишидаги қорамол зотларини
урчитиш билан шуғулланувчи наслчилик
хўжаликларига қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи
|
Наслчилик хўжалиги
|
Генофонд хўжалиги
|
Сигирлар бош сони, бош |
100 |
30 |
30 |
Соф зотли қорамоллар улуши, фоиз: наслдор буқалар сигирлар IV авлод сигирлар |
100 100 |
100 70 30 |
100 50 |
Умумий подадаги элита-рекорд ва элита-классга мансуб қорамоллар улуши, фоиз: наслдор буқалар сигирлар |
100 70 |
100 50 |
90 40 |
Ёш қорамолларнинг тирик вазни бўйича: элита-рекорд ва элита-классга мансуб ёш қорамоллар улуши, фоиз эркак қорамолларда: 6 ойликда 15 ойликда урғочи қорамолларда: 6 ойликда 15 ойликда |
60 60 65 60 |
50 50 50 50 |
40 40 40 40 |
100 бош сигирдан олинган бузоқлар сони, бош |
80 |
80 |
77 |
Тирик вазни бўйича I классга мансуб ғунажинлар улуши, фоиз |
90 |
80 |
50 |
100 бош она қорамолдан олинган бузоқлардан тайёрлаб сотилган наслдор ёш қорамоллар улуши, фоиз |
15 |
10 |
|
шу жумладан, буқачалар, фоиз |
5 |
2 |
|
Сотилган наслдор ёш қорамолларда элита-рекорд ва элита-классга мансуб ёш қорамоллар улуши, фоиз: буқачалар ғунажин ва таналар |
100 55 |
95 50 |
50 30 |
Келиб чиқиши бўйича генетик экспертиза ўтказилган қорамоллар улуши, фоиз: наслдор буқалар буқа берувчи сигирлар
|
100 100 |
100 100 |
100 100 |
6-ИЛОВА
Қўй ва эчки зотларини урчитиш
билан шуғулланувчи наслчилик
хўжаликларига қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи
|
Наслчилик хўжалиги
|
Генофонд хўжалиги
|
Она қўйлар (она эчкилар) ва бир ёшдан катта тўқлилар сони, бош |
1500 |
300 |
500 |
шундан, элита ва I класс улуши, фоиз |
80 |
70 |
70 |
Элита ва I классга мансуб наслдор қўчқорлар (такалар) улуши, фоиз |
100 |
100 |
100 |
100 бош она қўйдан (эчкидан) олинган қўзилар (улоқлар) сони, бош |
100 |
95 |
95 |
Онасидан ажратишгача бўлган даврда ёш қўзиларни (улоқларни) сақлаш даражаси, фоиз |
95 |
95 |
95 |
Наслдор қўчқорларнинг (такаларнинг) авлодлари сифати бўйича баҳолаш, асосий наслдор қўчқорларга нисбатан улуши, фоиз |
100 |
||
Она қўйларни сунъий уруғлантириш сони, бош |
100 |
100 |
|
Тирик вазни бўйича I классга мансуб қўйлар (эчкилар) улуши, фоиз |
|||
Наслдор қўчқорлар (такалар) сони, бош |
125 |
115 |
115 |
Селекция ўзагидаги она қўйлар (она эчкилар) сони, бош |
125 |
115 |
115 |
Селекция гуруҳи ўзагидаги она қўйлар (она эчкилар) сони, бош |
115 |
110 |
110 |
100 бош она қўйдан (эчкидан) тайёрлаб сотилган наслдор ёш қўйлар (эчкилар) улуши, фоиз |
15 |
15 |
|
шу жумладан, қўчқорчалар (такачалар) улуши, фоиз |
10 |
5 |
|
шундан элита-классга мансуб қўчқорчалар (такачалар) улуши, фоиз |
50 |
40 |
|
I класс ва элита-классга мансуб тўқлилар улуши, фоиз |
50 |
40 |
|
Жун қирқими (момиқ тарами) бўйича I классга нисбатан улуши, фоиз: наслдор қўчқорлар (такалар) она қўйлар |
110 105 |
105 100 |
105 100 |
Онасидан ажратиш пайтидаги тирик вазни бўйича I классга мансуб бўлганлар улуши, фоиз: қўчқорчалар (такачалар) тўқличалар (эчкичалар) |
110 105 |
100 100 |
100 100 |
Келиб чиқиши бўйича генетик экспертиза ўтказилган наслдор қўчқорлар (такалар) улуши, фоиз
|
100 |
100 |
100 |
7-ИЛОВА
Сут йўналишидаги эчки зотларини
урчитиш билан шуғулланувчи наслчилик
хўжаликларига қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи
|
Наслчилик хўжалиги
|
Генофонд хўжалиги
|
Эчкилар сони, бош |
500 |
300 |
30 |
Соф зотли эчкилар улуши, фоиз |
100 |
100 |
50 |
Умумий подадаги элита-рекорд ва элита-классга мансуб она эчкилар сони, бош |
450 |
240 |
|
Бир йилда бир эчки I класснинг минимал кўрсаткичларига нисбатан ишлаб чиқарадиган сут миқдори, ёғи ва оқсили (ўртача пода бўйича), фоиз |
150 |
130 |
100 |
Эчкиларни соғиш ускунасида соғиш улуши, фоиз |
100 |
100 |
|
Бир ойда сут маҳсулдорлиги бўйича назорат соғимини ўтказиш даврийлиги, марта |
1 |
1 |
1 |
Зотлар бўйича сут маҳсулдорлиги, кг: маҳаллий сутдор эчки Заанен зоти Тоггенбург зоти Алп зоти бошқа зотлар |
500 1100 1000 1100 1000 |
400 800 700 800 800 |
200 |
Наслни яхшиловчи зотли такалардан табиий ёки сунъий усулда уруғлантиришда фойдаланиш даражаси, фоиз |
100 |
100 |
100 |
100 бош она эчкидан улоқлар олиш улуши, фоиз |
120 |
110 |
85 |
шундан: маҳаллий сутдор эчки Заанен зоти Тоггенбург зоти Алп зоти бошқа зотлар |
110 150 110 110 120 |
100 150 100 110 115 |
85 |
Тирик вазни бўйича I классга мансуб урғочи улоқлар улуши, фоиз |
100 |
100 |
60 |
100 бош она эчкидан олинган улоқлар сони, бош |
25 |
20 |
|
шундан наслдор такалар сони, бош |
10 |
10 |
|
Насл учун сотилган эчкиларда элита-рекорд ва элита-классга мансуб эчкилар улуши, фоиз |
100 |
100 |
|
шундан: такалар I класс урғочи улоқлар |
80 20 |
70 30 |
|
Лактация даври якунига қадар 1 000 кг ва ундан кўп сут берган эчкилар улуши, фоиз |
20 |
15 |
|
Наслдор така берувчи она эчки гуруҳи, фоиз |
60 |
40 |
20 |
8-ИЛОВА
Қоракўл қўй зотларини урчитиш
билан шуғулланувчи наслчилик
хўжаликларига қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи
|
Наслчилик хўжалиги
|
Жами она қўйлар сони, бош |
2 500 |
300 |
шундан соф зотли қўйлар улуши, фоиз |
100 |
100 |
Умумий подадаги она қўйлар ва тўқлиларнинг улуши, фоиз |
60 |
62 |
шундан элита-класс ва I классга мансуб она қўйлар ва тўқлилар улуши, фоиз |
90 |
80 |
Умумий подадаги наслли қўчқорлар улуши, фоиз |
2 |
2 |
шундан элита-классга мансуб қўчқорлар улуши, фоиз |
100 |
100 |
Авлодларининг сифати бўйича баҳоланган қўчқорлар улуши, фоиз |
100 |
|
100 бош она қўйдан олинган қўзилар сони, бош |
100 |
90 |
Олинган қўзилардан сотилган наслли қўзилар улуши, фоиз |
15 |
10 |
Сунъий қочирилган она қўйлар улуши, фоиз |
100 |
100 |
Қўчқорчалар сони, бош |
10 |
5 |
шундан элита-классга мансуб қўчқорчалар улуши, фоиз |
100 |
100 |
Йирик ва ўрта ўлчамдаги қоракўл териларнинг чиқиши, фоиз |
95 |
95 |
Қоракўл териларда ихтисослаштирилган рангларнинг улуши, фоиз: қора кулранг сур оқ бинафша |
100 35 60 50 40 |
98 30 50 45 35 |
I навли қоракўл терилар улуши, фоиз: қора ранг шу жумладан, жакет гуруҳи кулранг сур |
86 37 85 88 |
84 35 82 86 |
Келиб чиқиши бўйича генетик экспертиза ўтказилган қўйлар улуши, фоиз |
100 |
9-ИЛОВА
Йилқиларни урчитиш билан шуғулланувчи
наслчилик хўжаликларига қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи
|
Наслчилик хўжалиги
|
Генофонд хўжалиги
|
Наслдор айғир ва биялар сони, бош: шундан отхона-яйловда сақланганда: айғирлар биялар маданийлаштирилган уюрларда сақланганда: айғирлар биялар уюрда сақланганда: айғирлар биялар |
3 50 7 100 30 300 |
2 30 5 80 15 200 |
3 30 7 100 8 120 |
Соф зотли отлар улуши, фоиз айғирлар биялар |
100 100 |
100 100 |
100 100 |
Бонитировка бўйича зотли отлар улуши, фоиз: элита-классга мансуб наслдор айғирлар элита-классга мансуб наслдор биялар I классга мансуб отлар |
100 60 40 |
100 50 40 |
100 20 50 |
Сотилган тойчалардан элита-классга мансуб наслли ёш тойлар улуши, фоиз: салт минилувчи ва йўртоқи зотлар оғир юк тортувчи зотлар Қорабайир зотлар |
80 70 50 |
60 55 45 |
|
100 бош биядан олинган қулунлар сони, бош: салт минилувчи ва йўртоқи зотлар оғир юк тортувчи зотлар Қорабайир зотлар |
60 75 75 |
60 75 75 |
60 70 70 |
Келиб чиқиши бўйича генетик экспертиза ўтказилган отлар улуши, фоиз: айғирлар биялар айғирчалар биячалар |
100 100 100 100 |
100 100 100 100 |
100 100 100 100 |
10-ИЛОВА
Туя зотларини урчитиш билан шуғулланувчи
наслчилик хўжаликларига қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи
|
Наслчилик хўжалиги
|
Генофонд хўжалиги
|
Наслдор нартуялар ва моялар сони, бош: шундан оғилхона-яйловда сақланганда: нартуялар моялар маданийлаштирилган уюрларда сақланганда: нартуялар моялар уюрда сақланганда: нартуялар моялар |
3 50 7 100 30 300 |
2 30 5 80 15 200 |
3 30 7 100 8 120 |
Соф зотли туялар улуши, фоиз: нартуялар моялар |
100 100 |
100 100 |
100 100 |
Бонитировка бўйича зотли туялар улуши, фоиз: элита-классга мансуб наслдор нартуялар элита-классга мансуб наслдор моялар I классга мансуб туялар |
100 60 40 |
100 50 40 |
100 20 50 |
Сотилган бўталоқлардан элита-классга мансуб наслдор ёш туялар улуши, фоиз: бир ўркачли икки ўркачли |
80 70 |
60 55 |
|
100 бош моядан олинган бўталоқлар сони, бош: бир ўркачли икки ўркачли |
75 75 |
75 75 |
70 70 |
Келиб чиқиши бўйича генетик экспертиза ўтказилган туялар улуши, фоиз: нартуялар моялар нартуячалар моячалар |
100 100 100 100 |
100 100 100 100 |
100 100 100 100 |
11-ИЛОВА
Чўчқа зотларини урчитиш билан шуғулланувчи
наслчилик хўжаликларига қўйиладиган
МИНИМАЛ ТАЛАБЛАР
Кўрсаткичлар
|
Наслчилик заводлари
|
Наслчилик хўжаликлари
|
||
1-зот гуруҳи
|
2-зот гуруҳи
|
1-зот гуруҳи
|
2-зот гуруҳи
|
|
Асосий она чўчқалар сони, бош |
200 |
200 |
50 |
50 |
шундан соф зотли чўчқалар улуши, фоиз |
100 |
100 |
100 |
100 |
Асосий подадаги классларга мансуб чўчқалар улуши, фоиз: она чўчқаларда: элита-рекорд ва элита-класс наслдор эркак чўчқаларда: элита-рекорд ва элита-класс барча эркак чўчқаларга нисбатан соф зотли чўчқалар улуши, фоиз |
75 100 100 |
75 100 100 |
70 85 100 |
70 85 100 |
Она чўчқаларни баҳолаш: бир йилда бир бош асосий она чўчқадан бола олиш сони, бош бош пуштдорлар сони, бош 21 кунликда уядаги чўчқа болалари вазни, кг 35 кунликда уядаги чўчқа болалари вазни, кг 60 кунликда уядаги чўчқа болалари вазни, кг бўрдоқилашда кунлик ўсиш, грамм |
20 11 52 85 180 500 |
18 9 52 80 170 550 |
18 10 48 75 160 500 |
15 9 48 70 150 500 |
Асосий подадаги чўчқаларга нисбатан назорат усулида бўрдоқига боқишни баҳолаш, фоиз: эркак чўчқалар она чўчқалар |
100 50 |
100 50 |
||
Ёш чўчқаларни парваришлаш усулида баҳолаш, фоиз: эркак чўчқалар урғочи чўчқалар |
100 100 |
100 100 |
100 40 |
100 40 |
Олинган чўчқа болаларидан насл учун сотилганларининг улуши, фоиз |
20 |
20 |
25 |
20 |
Селекция ишида ахборотлаштириш технологиясидан фойдаланиш |
+ |
+ |
+ |
+ |
Келиб чиқиши бўйича генетик экспертиза ўтказилган чўчқалар улуши, фоиз: наслдор эркак чўчқалар эркак чўчқалар урғочи чўчқалар |
100 100 100 |
100 100 100 |
||
12-ИЛОВА
Мўйначилик учун ҳайвон зотларини
урчитиш билан шуғулланувчи наслчилик
хўжаликларига қўйиладиган
МИНИМАЛ ТАЛАБЛАР
Кўрсаткичлар |
Наслчилик заводи
|
Наслчилик хўжалиги
|
Асосий подадаги эркак ҳайвонлар сони, бош: норка нутрия |
1 000 200 |
300 100 |
Асосий подадаги элита-классга (I ва II класс) мансуб ҳайвонлар улуши, фоиз: катта ёшдаги эркак ҳайвонлар катта ёшдаги урғочи ҳайвонлар ёш эркак ҳайвонлар ёш урғочи ҳайвонлар |
90 85 95 90 |
80 75 90 85 |
Ёш ҳайвонларнинг тана узунлиги*, см: эркак норка урғочи норка |
48 41 |
46 39 |
Ёш ҳайвонларнинг тирик вазни**, кг: эркак норка урғочи норка эркак нутрия урғочи нутрия |
2,7 1,4 4,4 4,0 |
2,6 1,3 4,4 3,9 |
Бир бош она ҳайвондан олинган бола сони, бош: норка нутрия |
4,5 6,0 |
4,8 6,5 |
Парваришлаш даврида сақланиши, фоиз: норка нутрия |
97 92 |
97 92 |
Олинган ҳайвон болаларидан насл учун сотилганларининг улуши, фоиз |
5 |
5 |
Насл учун сотилган ёш ҳайвонлардан элита-классга мансуб ҳайвонлар улуши, фоиз |
90 |
85 |
Изоҳ.
*) Ҳар бир ҳайвон туридан насл учун ҳайвонларни ажратишда тана ўлчами, тирик вазни кўрсатилади.
**) Ҳайвонларни сунъий уруғлантиришда улардан бола олиш улуши 25 фоизгача камайишига йўл қўйилади.
13-ИЛОВА
Қуён зотларини урчитиш
билан шуғулланувчи наслчилик
хўжаликларига қўйиладиган
МИНИМАЛ ТАЛАБЛАР
Кўрсаткичлар
|
Наслчилик заводи
|
Наслчилик хўжалиги
|
Асосий она қуёнлар сони, бош |
300 |
200 |
Асосий подадаги соф зотли қуёнлар улуши, фоиз: эркак қуён урғочи қуён |
100 100 |
100 100 |
Элита ва I классга мансуб қуёнлар улуши, фоиз эркак қуён урғочи қуён |
100 80 |
95 70 |
Ёш қуёнлар сони, бош |
80 |
60 |
Асосий она қуёндан 1 марта бола олиш, бош |
6 |
6 |
Асосий она қуёндан 3 марта бола олиш, бош |
18 |
18 |
3 ойлик ёш қуёнларнинг тирик вазни*, кг: оқ великан кул ранг великан, совет шиншилласи, қора-қўнғир кумушсимон, вена ҳаво ранги, совет мардери калифорния, оқ оқ момиқ ва ангор |
2,4 2,3 2,0 2,3 1,9 |
2,4 2,3 2,0 2,3 1,9 |
4 ойлик ёш қуёнларнинг тирик вазни*, кг: оқ великан кул ранг великан, совет шиншилласи, қора-қўнғир кумушсимон, вена ҳаво ранги, совет мардери калифорния, оқ оқ момиқ ва ангор |
3,0 2,9 2,6 2,8 2,4 |
3,0 2,9 2,6 2,8 2,4 |
Олинган қуёнлардан насл учун сотилган қуёнлар улуши, фоиз |
25 |
25 |
Сотилган ёш қуёнчалардан элита ва I классга мансуб қуёнчалар улуши, фоиз |
100 |
90 |
Қуёнларнинг парваришлаш даврида сақланиши, фоиз |
75 |
75 |
*) Изоҳ. Насл учун ажратилган ҳар бир ҳайвон бўйича минимал тирик вазни кўрсатилади.
14-ИЛОВА
Балиқ зотларини урчитиш билан шуғулланувчи
наслчилик хўжаликларига қўйиладиган
МИНИМАЛ ТАЛАБЛАР
Кўрсаткичлар
|
Карп
|
Сазан
|
Форель
|
Ўтхўр балиқлар
|
Наслчилик заводи
|
||||
Жами ота-она балиқлар сони, бош |
600 |
200 |
600 |
600 |
шундан: соф зотли ота-она балиқлар улуши, фоиз элита-рекорд ва элита-классга мансуб балиқлар улуши, фоиз I классга мансуб балиқлар улуши, фоиз |
100 70 30 |
100 60 40 |
100 80 20 |
100 60 40 |
Эркак балиқлар сони, бош |
300 |
100 |
400 |
300 |
шундан: соф зотли ота-она балиқлар улуши, фоиз элита-рекорд ва элита-классга мансуб балиқлар улуши, фоиз I классга мансуб балиқлар улуши, фоиз |
100 70 30 |
100 60 40 |
100 80 20 |
100 60 40 |
Урчитиш мавсумида қатнашган ҳар бир ота балиқдан тайёрлаб сотилган наслли маҳсулот (чавоқ, увулдириқ), минг доза |
200 |
25 |
2,5 |
250 |
Сотилган наслли ота-она балиқлар сони, бош |
30 |
20 |
100 |
30 |
I классга мансуб балиқлар зичлиги, фоиз |
100 |
100 |
100 |
100 |
I классга мансуб балиқлар маҳсулдорлиги, фоиз |
100 |
100 |
100 |
100 |
Наслчилик хўжалиги
|
||||
Жами ота-она балиқлар сони, бош |
600 |
200 |
400 |
600 |
шундан: соф зотли ота-она балиқлар улуши, фоиз элита-рекорд ва элита-классга мансуб балиқлар улуши, фоиз I классга мансуб балиқлар улуши, фоиз |
80 60 40 |
80 50 50 |
90 70 30 |
80 50 50 |
Эркак балиқлар сони, бош |
300 |
100 |
200 |
300 |
шундан: соф зотли ота-она балиқлар улуши, фоиз элита-рекорд ва элита-классга мансуб балиқлар улуши, фоиз I классга мансуб балиқлар улуши, фоиз |
80 60 40 |
80 50 50 |
90 70 30 |
80 50 50 |
Урчитиш мавсумида қатнашган ҳар бир ота балиқдан тайёрлаб сотилган наслли маҳсулот (чавоқ, увулдириқ), минг доза |
160 |
20 |
2,0 |
200 |
Сотилган наслли ота-она балиқлар сони, бош |
||||
I классга мансуб балиқлар зичлиги, фоиз |
80 |
80 |
80 |
80 |
I классга мансуб балиқлар маҳсулдорлиги, фоиз |
80 |
80 |
80 |
80 |
15-ИЛОВА
Парранда зотларини урчитиш билан шуғулланувчи
наслчилик хўжаликларига қўйиладиган
МИНИМАЛ ТАЛАБЛАР
Наслчилик заводлари |
|||||||||
Кўрсаткичлар |
Жумладан, йўналишлар бўйича |
курка
|
ўрдак
|
ғоз
|
цесарка
|
туяқуш
|
бедана
|
||
тухум
|
гўшт- тухум
|
гўшт
|
|||||||
Тухум берувчилар сони, минг бош |
30 |
30 |
20 |
5 |
15 |
10 |
5 |
0,05 |
5 |
Умумий галага нисбатан насл гуруҳи, фоиз: элита-рекорд ва элита-класс |
60 |
60 |
60 |
60 |
60 |
60 |
60 |
60 |
60 |
Товуқнинг бир йилда берадиган тухуми сони, дона |
285 |
220 |
170 |
120 |
180 |
40 |
110 |
40 |
220 |
Гала айланиши |
1,1 |
1,2 |
1,4 |
||||||
Жами ишлаб чиқарилган тухумга нисбатан насл учун фойдаланилган тухум улуши, фоиз |
35 |
40 |
60 |
70 |
75 |
80 |
40 |
60 |
40 |
Ёш жўжаларнинг чиқиши, фоиз |
75 |
75 |
65 |
60 |
70 |
60 |
65 |
75 |
70 |
Ёш жўжаларнинг сақланиши, фоиз |
95 |
95 |
95 |
90 |
93 |
93 |
94 |
90 |
93 |
Катта товуқларнинг сақланиши, фоиз |
96 |
96 |
96 |
95 |
95 |
94 |
95 |
95 |
95 |
Тизимдаги селекция уялари сони, дона |
60 |
60 |
60 |
60 |
60 |
60 |
60 |
60 |
60 |
Тизим ичида чатиштириш орқали бир уядаги она товуқлардан ажратиб олинган ёш жўжалар улуши, фоиз |
12 |
15 |
15 |
15 |
10 |
10 |
15 |
15 |
15 |
16-ИЛОВА
Парранда зотларини урчитиш
билан шуғулланувчи наслчилик
хўжаликларига қўйиладиган
МИНИМАЛ ТАЛАБЛАР
I ва II классдаги наслчилик хўжаликлари
|
|||||||||
Кўрсаткичлар |
Жумладан, йўналишлар бўйича
|
курка
|
ўрдак
|
ғоз
|
цесарка
|
туяқуш
|
бедана
|
||
тухум
|
тухум- гўшт
|
гўшт
|
|||||||
Тухум берувчилар сони, минг бош |
20 |
20 |
15 |
5 |
15 |
10 |
3 |
0,03 |
4 |
Умумий галага нисбатан насл гуруҳи, фоиз I класс (авлод-аждодлари) II класс (ота-она)
|
70 100 |
70 100 |
70 100 |
70 100 |
70 100 |
70 100 |
70 100 |
70 100 |
70 100 |
Товуқнинг бир йилда берадиган тухуми сони, дона |
270 |
185 |
165 |
110 |
170 |
35 |
100 |
40 |
200 |
Гала айланиши |
1,1 |
1,2 |
1,4 |
||||||
Жами ишлаб чиқарилган тухумга нисбатан насл учун фойдаланилган тухум улуши, фоиз |
50 |
50 |
60 |
60 |
70 |
80 |
40 |
60 |
30 |
Ёш жўжаларнинг чиқиши, фоиз |
75 |
75 |
65 |
60 |
70 |
60 |
60 |
75 |
70 |
Ёш жўжаларнинг сақланиши, фоиз |
90 |
90 |
90 |
90 |
92 |
92 |
94 |
95 |
92 |
Катта товуқларнинг сақланиши, фоиз |
95 |
95 |
95 |
95 |
94 |
94 |
95 |
95 |
94 |
17-ИЛОВА
Асалари зотларини урчитиш
билан шуғулланувчи наслчилик
хўжаликларига қўйиладиган
МИНИМАЛ ТАЛАБЛАР
Кўрсаткичлар
|
Наслчилик заводи
|
Наслчилик хўжалиги
|
Асалари оилалари сони, дона |
1 600 |
200 |
шу жумладан, соф зотли асалари оилалари сони, дона |
1 600 |
200 |
Юқори класс билан баҳоланган оилалар сони, фоиз |
60 |
40 |
Наслли маҳсулот сотиш (йил бошидаги оилага нисбатан сотилган асалари пакети), фоиз |
50 |
50 |
Она асалари оиласи, дона |
10 |
10 |
Бир оиладан жами асал ишлаб чиқариш, кг |
20 |
20 |
Қишга чидамлилиги (қишдаги асалари чиқими), фоиз |
10 |
10 |
18-ИЛОВА
Тут ипак қурти зотларини кўпайтириш
билан шуғулланувчи наслчилик
хўжаликларига қўйиладиган
МИНИМАЛ ТАЛАБЛАР
Кўрсаткичлар
|
Ўлчов бирлиги
|
Энг кам талаб
|
Оилалар питомнигида
|
||
Зотлар сони |
дона |
4-6 |
Барча зотлар бўйича боқиладиган оилалар |
дона |
250-300 |
Барча зотлар бўйича тайёрланаётган дастлабки тухум қуймалари |
дона |
3 000 |
Инкубаторга қўйиладиган тухум қуймалари |
дона |
2 000 |
Танлаш жадаллиги |
фоиз |
50-60 |
Тухумнинг жонланиши |
фоиз |
95-98 |
Пилланинг ўртача вазни |
грамм |
1,8-2,0 |
Суперэлита босқичида
|
||
Супер элита пиллаларини тайёрлаш учун инкубаторга қўйилган тухумлар миқдори |
қути |
10-15 |
Супер элита қуртларидан олинган ялпи ҳосил |
килограмм |
650-700 |
Бир қути супер элита қуртидан олинган пилла |
килограмм |
60-70 |
Супер элита пиллаларини танлаш жадаллиги |
фоиз |
60-70 |
Супер элита тухумларини тайёрлаш |
қути |
280-300 |
Бир кг пилладан тухум чиқиши |
грамм |
45-60 |
Тухумларнинг жонланиши |
фоиз |
95-98 |
Пилланинг ўртача вазни |
грамм |
1,8-2,0 |
Элита босқичида
|
||
Элита тухумларини тайёрлаш учун боқиладиган қуртлар ҳажми |
қути |
280-300 |
Етиштирилган элита пиллалари ҳажми |
метр куб |
16-20 |
Бир қути тут ипак қуртидан олинган пилла |
килограмм |
65-70 |
Элита пиллаларини танлаш жадаллиги |
фоиз |
60-70 |
Элита тухумларни тайёрлаш ҳажми |
қути |
3 000 |
Элита тухумларнинг жонланиши |
фоиз |
95-98 |
Пилланинг ўртача вазни |
грамм |
1,8-2,0 |
19-ИЛОВА
Наслчилик хўжалиги мақоми берилганлиги тўғрисида
ГУВОҲНОМА
Ўзбекистон Республикасининг Давлат герби тасвири
|
|||
|
|||
Наслчилик хўжалиги мақоми берилганлиги тўғрисида
|
|||
ГУВОҲНОМА _____-сон
|
|||
Давлат наслчилик реестридаги рақами |
|||
Юридик шахс номи / ЯТТнинг Ф.И.О. |
|||
СТИР ёки ЖШШИР рақами |
|||
Наслдор ҳайвоннинг тури (зоти) |
|||
Наслчилик хўжалиги тоифаси |
|||
Гувоҳнома берилган сана |
|||
Гувоҳноманинг амал қилиш муддати |
|||
Гувоҳномани берган ташкилот: _____________________________ _____________________________ _____________________________ _____________________________ _____________________________
|
|||
QR-код |
|||
Қонун ҳужжатлари маълумотлари миллий базаси (www.lex.uz),
2023 йил 6 сентябрь
78-150-11-72 
Мобильная версия сайта