ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Соғлиқни сақлаш. Жисмоний тарбия ва спорт. Туризм / Туризм / Сайёҳлик фаолиятини тартибга солиш, у билан қўшма соҳалар /Ўзбекистон Республикаси Президентининг 12.01.2024 й. ПФ-9-сон "Республикага хорижий туристлар оқимини кескин ошириш ҳамда ички туризмни янада жадаллаштириш чора-тадбирлари тўғрисида"ги Фармони
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ФАРМОНИ
12.01.2024 й.
N ПФ-9
РЕСПУБЛИКАГА ХОРИЖИЙ ТУРИСТЛАР
ОҚИМИНИ КЕСКИН ОШИРИШ ҲАМДА ИЧКИ
ТУРИЗМНИ ЯНАДА ЖАДАЛЛАШТИРИШ
ЧОРА-ТАДБИРЛАРИ ТЎҒРИСИДА
Жаҳон туризм бозоридаги кучли рақобат шароитида Ўзбекистонга хорижий туристларни кенг жалб қилиш, уларга зарур шарт-шароитлар яратиш, туризм намойиши объектларидан самарали фойдаланган ҳолда ҳудудларни ўзаро боғловчи туризм хизматларини янада кенгайтириш, соҳада янги иш ўринларини яратиш, шунингдек, республика туризм салоҳиятини хорижий мамлакатларда манзилли тарғиб қилиш мақсадида:
1. Қуйидагилар:
2024 йилда Қорақалпоғистон Республикаси, вилоятлар ва Тошкент шаҳрида туризмни ривожлантиришнинг мақсадли кўрсаткичлари 1-иловага мувофиқ;
Ўзбекистон Республикасининг хорижий мамлакатлардаги дипломатик ваколатхоналари томонидан 2024 йилда хорижий туристларни Ўзбекистонга жалб қилиш бўйича режа-жадвал 2-иловага мувофиқ;
Хорижий ва маҳаллий туристлар оқимини янада ошириш ҳамда зарур шарт-шароитларни яратиш бўйича "йўл харитаси" 3-иловага мувофиқ;
Хитой Халқ Республикаси, Европа Иттифоқи мамлакатлари, Араб давлатлари ва Россия Федерациясидан туристларни жалб қилиш бўйича чора-тадбирлар дастури 4а - 4г-иловаларга мувофиқ тасдиқлансин.
2. Экология, атроф-муҳитни муҳофаза қилиш ва иқлим ўзгариши вазирлиги, Иқтисодиёт ва молия вазирлиги ҳамда Қурилиш ва уй-жой коммунал хўжалиги вазирлигининг:
туризм салоҳияти юқори бўлган туман ва шаҳарларда замонавий меҳмонхоналар (жойлаштириш воситалари) ва майдони 5 минг квадрат метрдан ортиқ бўлган савдо-кўнгилочар мажмуаларидан иборат бўлган туризм марказларини барпо қилиш;
"Зомин" туристик-рекреацион зонаси, "Чимён" халқаро умуммавсумий курорти ва "Амирсой" тоғ-чанғи курорт зонаси ҳудудида бож олинмайдиган ("duty free") ва йирик халқаро брендларнинг савдо дўконларидан иборат бўлган йирик савдо комплексларини ("Luxury tourism village") барпо қилиш тўғрисидаги таклифларига розилик берилсин.
Замонавий меҳмонхоналар ва савдо-кўнгилочар мажмуалардан иборат бўлган туризм марказлари ва йирик савдо комплекслари барпо қилинадиган туман (шаҳар)лар рўйхати 5-иловага мувофиқ тасдиқлансин.
3. Белгилаб қўйилсинки, туризм марказлари ҳудудидаги:
а) меҳмонхоналарда:
туну кун ишлайдиган ресторан, кафе ва умумий овқатланиш шохобчалари фаолияти;
соғломлаштириш ва "SPA" хизматлари, сузиш ҳавзалари (бассейн) фаолияти йўлга қўйилади;
б) савдо-кўнгилочар мажмуаларда:
бож олинмайдиган савдо дўконлари ("duty free") ва қўшилган қиймат солиғи билан сотилган айрим турдаги товарларга "tax free" тизими қўлланиладиган чакана савдо шохобчалари;
миллий ипак матолари ҳамда ҳунармандчилик (сувенир) маҳсулотлари савдоси;
миллий заргарлик маҳсулотлари ва Ўзбекистон Республикасида ишлаб чиқарилган, қимматбаҳо металлардан тайёрланган (10, 20, 50, 100, 200, 500 грамм ва 1 килограммли олтин қуймалар) ўлчовли қуймалар чакана савдосидан иборат бўлган "олтин йўлак" савдо қаторлари;
йирик халқаро брендларнинг сифатли маҳсулотлари савдоси;
тўй маросими тадбирларини ташкил этиш учун ҳудуд ва кинотеатрлар фаолияти йўлга қўйилади.
Экология, атроф-муҳитни муҳофаза қилиш ва иқлим ўзгариши вазирлиги Иқтисодиёт ва молия вазирлиги билан биргаликда икки ой муддатда Ўзбекистон Республикаси Президентининг 2022 йил 27 январдаги "Хизматлар соҳасини ривожлантиришга оид қўшимча чора-тадбирлар тўғрисида"ги ПҚ-104-сон қарори 2-бандининг "в" кичик бандида белгиланган имтиёзлар туризм марказларига нисбатан ҳам татбиқ этиш юзасидан тегишли норматив-ҳуқуқий ҳужжат лойиҳасини киритсин.
4. Туризм марказлари ва йирик савдо комплексларини барпо қилиш учун ер участкаларини аниқлаш бўйича ишчи гуруҳ таркиби 6-иловага мувофиқ тасдиқлансин.
Ишчи гуруҳ (А. Арипов) икки ой муддатда мазкур Фармоннинг 5-иловасида белгиланган туман ва шаҳарларда туризм марказларини ва йирик савдо комплексларини ("Luxury tourism village") барпо этиш учун ер участкалари ҳудудини аниқласин ва белгиланган тартибда савдога чиқарилишини таъминласин.
5. Белгилансинки, туризм марказларининг мастер режалари лойиҳаларини ишлаб чиқиш бўйича лойиҳалаштириш ва консалтинг компаниялари, маҳаллий ва хорижий экспертлар ҳамда бошқарувчи компаниялар хизматлари учун ҳақ тўлаш Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитасининг (кейинги ўринларда - Туризм қўмитаси) Туризмни қўллаб-қувватлаш жамғармаси маблағлари ҳисобидан амалга оширилади.
6. "Ўзбекзаргарсаноати" уюшмасининг қуйидагиларни амалга ошириш тўғрисидаги таклифи маъқуллансин:
туризм марказлари ҳудудидаги савдо-кўнгилочар мажмуаларининг "олтин йўлак" савдо қаторларида заргарлик буюмларининг чакана савдо дўконларини қуриш учун маҳаллий ва хорижий инвесторларни жалб этиш;
туризм марказлари ҳудудидаги савдо-кўнгилочар мажмуаларга заргарлик буюмларини сотиш билан шуғулланувчи тадбиркорлик субъектларини жалб этиш;
туризм марказлари ҳудудидаги савдо-кўнгилочар мажмуаларидаги савдо дўконларининг узлуксиз фаолият олиб бориши учун зарур чораларни амалга ошириш.
7. Белгилансинки:
2024 йилдан бошлаб хорижий мамлакатларда республиканинг туризм салоҳиятини тарғиб қилиш учун Туризм қўмитасининг Туризм вакиллари бириктирилади;
Туризм вакилларига номзодлар ҳамда улар томонидан республиканинг туризм салоҳияти тарғиб қилинадиган хорижий мамлакатлар Туризм қўмитаси томонидан тасдиқланади;
Туризм вакилини Ўзбекистон Республикасининг туризм салоҳиятини тарғиб қилиш фаолиятини рағбатлантириш Туризмни қўллаб-қувватлаш жамғармаси маблағлари ҳисобидан амалга оширилади;
Туризм вакили учун Ўзбекистон Республикасининг туризм салоҳиятини намойиш қилувчи тарғибот материаллари (фото ва видео материаллар, буклет, флаер ва бошқалар) Туризмни қўллаб-қувватлаш жамғармаси маблағлари ҳисобидан тайёрланади ва етказилади.
Туризм қўмитаси икки ой муддатда хорижий мамлакатларда республиканинг туризм салоҳиятини тарғиб қилиш учун Туризм вакилларининг бириктирилишини таъминласин.
8. Ўзбекистон Республикасида туризм ва унга ёндош соҳаларни жадал ривожлантириш бўйича ишчи гуруҳлар таркиби 7-иловага мувофиқ тасдиқлансин.
Ишчи гуруҳлар раҳбарлари 2024 йил 1 июнга қадар:
республикада савдо-кўнгилочар мажмуаларини барпо қилишни қўллаб-қувватлаш ва йирик халқаро савдо брендларини мамлакатимизга жалб қилиш;
тиббиёт туризмини ривожлантириш, йирик тиббиёт кластерларини барпо қилиш ҳамда "Medical visa" муддатини узайтириш;
хорижий мамлакатларнинг синовдан ўтган ижобий тажрибаси асосида ҳунармандчилик маҳсулотларини ишлаб чиқаришни кенгайтириш ва ҳунармандларни қўллаб-қувватлашнинг янги тизимини жорий қилиш;
"Ипак йўли" туризм ва маданий мерос халқаро университети тасарруфидаги техникум ва коллежларга хорижий ҳамда халқаро таълим муассасаларини "франшиза" асосида жалб қилиш;
халқаро нуфузли туристик ва маркетинг рақамли платформаларида республиканинг миллий туризм маҳсулотлари ва хизматларини жойлаштириш бўйича чора-тадбирлар дастури лойиҳаларини ишлаб чиқиб, Вазирлар Маҳкамасига киритсин.
9. Туризм соҳасидаги лойиҳаларни амалга оширишни молиялаштириш учун қуйидаги маблағлар ҳисобидан жами 200 миллион АҚШ доллари эквивалентида туризм кредит линияси очилсин:
50 миллион АҚШ доллари - оилавий тадбиркорликни ривожлантириш дастурлари доирасида лойиҳаларни молиялаштириш учун ажратилган маблағлар ҳисобидан;
150 миллион АҚШ доллари - Туризм қўмитаси ҳамда тижорат банклари томонидан халқаро молия институтлари ва хорижий ҳукумат молия ташкилотларидан туризм кредит линиясини амалга ошириш учун жалб қилинадиган маблағлар ҳисобидан.
Белгилансинки, туризм кредит линияси оилавий тадбиркорликни ривожлантириш дастурлари таркибига қўшилади ҳамда қуйидаги шартларда амалга оширилади:
а) туризм кредит линиясининг 50 фоизи:
3 йил муддатга, шу жумладан 1 йиллик имтиёзли давр билан йиллик Марказий банк асосий ставкасидан 4 фоизлик пункт юқори ставкада миллий валютада жойлаштириш воситалари ҳудудида чўмилиш ҳавзалари (бассейн) учун - 200 миллион сўмгача;
5 йил муддатга, шу жумладан 1 йиллик имтиёзли давр билан йиллик Марказий банк асосий ставкасидан 4 фоизлик пункт юқори ставкада чодирлар (кемпинг) учун - 100 миллион сўмгача, ўтовлар учун - 300 миллион сўмгача, экоуйлар учун - 500 миллион сўмгача, контейнерлар учун - 600 миллион сўмгача, хостеллар учун - 1 миллиард сўмгача ҳамда глэмпинглар учун - 1,5 миллиард сўмгача, модулли меҳмонхоналар ва автокемпинг лагерлар (камида 10 та автокемпинг) учун - 3 миллиард сўмгача миллий валютада ажратилади;
б) туризм кредит линиясининг 50 фоизи тижорат банклари томонидан замонавий аквапарклар қуриш учун 10 миллиард сўмгача 10 йил муддатга, шу жумладан 1 йиллик имтиёзли давр билан йиллик Марказий банк асосий ставкасидан 4 фоизлик пункт юқори ставкада миллий валютада ажратилади.
Бош вазир ўринбосари Ж.А. Кучкаров туризм соҳасидаги лойиҳаларни амалга оширишни молиялаштириш бўйича кредит линиясидан самарали фойдаланиш, лойиҳалар амалга оширилиши ва белгиланган муддатда ишга туширилишини мувофиқлаштириб борсин.
10. Туризм қўмитаси Қурилиш ва уй-жой коммунал хўжалиги вазирлиги билан биргаликда 2024 йил 1 октябрга қадар туризм марказларининг мастер режалари ишлаб чиқилишини таъминласин.
11. Шундай тартиб ўрнатилсинки, унга мувофиқ 2024 йилдан бошлаб:
а) туризм намойиши объектларини ўзаро боғловчи "туризм ҳалқалари"ни ташкил қилиш асосида саёҳат муддатини оширишни назарда тутувчи "Ўзбекистонда яна бир кун саёҳат" дастури амалга оширилади. Бунда:
республика ҳудудларидаги туризм намойиши объектларини ўзаро боғловчи "республика туризм ҳалқалари" (вилоятлараро);
Қорақалпоғистон Республикаси, вилоятлар ва Тошкент шаҳри ҳудудидаги туризм намойиши объектларини ўзаро боғловчи "ҳудудий туризм ҳалқалари" (туман ва шаҳарлараро) ташкил этилади.
Туризм қўмитаси Савдо-саноат палатаси, Маданият вазирлиги ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда "туризм ҳалқалари"га киритилган энг яхши туризм намойиши объектлари ва соҳа субъектларини "Uzbekistan Tourism Industry Awards" мукофоти билан тақдирлаб борсин;
б) республикадаги туризм намойиши объектларини ўзаро боғловчи Туристик йўналишлар (маршрутлар)нинг ягона реестри юритилади. Бунда:
Туристик йўналишлар (маршрутлар)нинг ягона реестрини (кейинги ўринларда - Ягона реестр) шакллантириш ва юритиш Туризм қўмитаси томонидан амалга оширилади;
Ягона реестрга киритилган туристик йўналишлар (маршрутларга) Туризм қўмитаси муаллифлик ҳуқуқига эга бўлмайди;
туризм объектларининг йўл инфратузилмаси ва муҳандислик-коммуникация тармоқларини яхшилаш учун Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурига киритишда Ягона реестрга кирган объектларга устуворлик берилади;
туроператорлар ўз "туристик пакет"ларини шакллантиришида Ягона реестрга киритилган маълумотлардан бепул фойдаланади;
в) ҳар икки йилда бир маротаба май ойининг учинчи ҳафтасида мукофот жамғармаси 2 миллион АҚШ доллари бўлган Халқаро "Ўзбекистон ипак матолари" мода ҳафталиги ("SILK UZBEKISTAN FASHION WEEK") ўтказилади. Бунда:
мода ҳафталиги давомида жаҳоннинг етакчи мода уйлари жалб қилинади ва улар ўртасида Ўзбекистоннинг ипак матоларидан замонавий кийимларни тайёрлаш бўйича танлов ўтказилади;
мода ҳафталигининг мукофот жамғармаси Республика бюджети маблағлари ҳисобидан молиялаштирилади;
г) миллий заргарлик маҳсулотлари дўконларида Ўзбекистон Республикасида ишлаб чиқарилган, қимматбаҳо металлардан тайёрланган ўлчовли қуймалар ҳамда Марказий банкнинг эсдалик пул белгиларини сотиш учун вендинг автоматларини ўрнатишга рухсат берилади.
12. Туризм қўмитаси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда уч ой муддатда "Ўзбекистонда яна бир кун саёҳат" дастурини ишлаб чиқиб, тасдиқлаш учун Вазирлар Маҳкамасига киритсин.
13. Белгилансинки, 2024 йилдан бошлаб:
а) "Тўрт фаслнинг ҳар бирида саёҳат" туризм мавсумларининг очилишини назарда тутувчи фестиваллар ўтказилади. Бунда:
баҳор туризм мавсуми - февраль ойининг, ёз туризм мавсуми - май ойининг, куз туризм мавсуми - август ойининг ва қиш туризм мавсуми - ноябрь ойининг сўнгги ҳафтасида бошланади;
баҳор ва куз фаслларида республиканинг эко, экстремал, агро, гастрономик ва тиббий, соғломлаштириш туризм салоҳияти;
ёз фаслида республиканинг сувда дам олиш ва пляж, эко, тарихий билим берувчи ва маданий-кўнгилочар, гастрономик туризм салоҳияти;
қиш фаслида республиканинг тиббий, соғломлаштириш, экстремал туризм ва тоғ-чанғи курорт зоналарининг имкониятлари намойиш этилади ҳамда тарғиб қилинади;
б) ички туризм йўналишидаги туроператорларнинг маҳсулотларини туристларга тақдим қилиш мақсадида "Тўрт фаслнинг ҳар бирида саёҳат" туризм мавсумининг очилиши доирасида "Ўзбекистон бўйлаб саёҳат қил!" ички туризм ярмаркаси ташкил этилади.
Ички туризм ярмаркаси 2024 йилда Туризмни қўллаб-қувватлаш жамғармаси маблағлари ҳисобидан Тошкент шаҳрида, 2025 йилдан бошлаб иштирок этувчи тадбиркорлик субъектлари, маҳаллий бюджет ва қонунчилик ҳужжатларида тақиқланмаган бошқа манбалар ҳисобидан республика ҳудудларида ўтказилади;
в) Бутунжаҳон туризм ташкилоти (ЮНВТО) шафелигидаги Халқаро туризм академиясида юқори малакали кадрлар тайёрлаш мақсадида ҳар йили Давлат бюджети ҳисобидан маблағлар ажратиб борилади.
14. Белгилансинки, 2024 йил 1 мартдан 2026 йил 1 мартга қадар:
а) белгиланган тартибда тасдиқланган рўйхатга асосан тадбиркорлик субъектлари томонидан Ўзбекистон Республикаси ҳудудига олиб кириладиган ўхшаши республикада ишлаб чиқарилмайдиган қуйидаги товарлар божхона божлари тўланишидан озод этилади:
меҳмонхона ва бошқа жойлаштириш воситалари, савдо-кўнгилочар мажмуаларини қуриш, реконструкция қилиш ва жиҳозлаш учун асбоб-ускуналар, техника, хомашё, бутловчи буюмлар ва эҳтиёт қисмлар, мебель ва инвентарлар, қурилиш материаллари ва бошқа материаллар;
чўмилиш ҳавзалари (бассейн) ва аквапарклар учун мўлжалланган асбоб-ускуналар, жиҳозлар, турникетлар, тўлов-маълумот терминаллари, видеокузатув тизимлари, янги замонавий энергия тежовчи тизимлар, махсус сув тозалаш фильтрлари;
туризм марказларида жойлашган заргарлик ва олтин маҳсулотлари чакана савдоси дўконлари фаолиятини ташкил қилиш учун керак бўладиган қурилиш (реконструкция ва модернизация қилиш) материаллари, асбоб-ускуналар ва технологиялар;
б) Мўйноқ ва Зомин аэропортларига парвозлар амалга оширилганда 23 ёшгача бўлган ёшлар, ёшга доир пенсия ва нафақа олувчилар, ногиронлиги бўлган шахслар учун авиайўловчилар чипталарини сотиш 50 фоизлик имтиёзли тарифлар бўйича амалга оширилади ҳамда йўловчи ташувчи компанияларнинг ушбу имтиёз тақдим қилиш билан боғлиқ харажатлари Ўзбекистон Республикаси республика бюджети маблағлари ҳисобидан қоплаб берилади.
15. Давлат активларини бошқариш агентлиги меҳмонхона ва туризм хизматларини кўрсатиш бўйича давлат активларини савдога чиқаришда харид тўловларини, миқдоридан қатъи назар, 5 йилгача бўлиб-бўлиб тўлаш имкониятини назарда тутсин ҳамда уч ойдан ортиқ муддат сотилмасдан турган активларнинг бошланғич баҳосини 30 фоизгача пасайтириш, зарур ҳолларда, баланс (қолдиқ) қийматида сотиш чораларини кўриб борсин.
16. Туризм қўмитасига қуйидаги қўшимча вазифалар юклатилсин:
ҳудудларда туризм бозорининг турли сегментларига мўлжалланган ва ҳунармандчилик фаолиятининг ҳар бир йўналишини ривожлантиришга қаратилган дастурларни ишлаб чиқиш ҳамда уларнинг амалга оширилишини мувофиқлаштириш;
миллий ҳунармандчилик, айниқса сувенир маҳсулотларининг рақобатбардошлиги ва сифатини, туристлар учун улар жозибадорлигини янада ошириш, шунингдек, ҳунармандчилик маҳсулотларини кенг тарғиб қилиш;
ҳунармандчилик фаолиятини амалга ошириш ва экспортни рағбатлантириш учун қулай шароитлар яратишга қаратилган қонунчилик базасини такомиллаштириш, халқаро меъёр ва стандартларни миллий қонунчиликка имплементация қилиш.
Белгилансинки, Туризм қўмитаси ушбу банд билан унга юклатилган вазифаларни "Ҳунарманд" уюшмаси ва йирик ҳунармандлар билан биргаликда ишлаб чиқади ва амалга оширади.
17. Ички ишлар вазирлиги икки ҳафта муддатда Тахтақорача довонидан ўтиш талабларни қайта кўриб чиқиб, автотранспорт воситаларининг довондан ўтишига нисбатан талабларни юмшатиш чораларини кўрсин.
18. Туризм қўмитаси уч ой муддатда хорижий мутахассисларни жалб қилган ҳолда умумий овқатланиш шохобчаларида кўрсатиладиган хизматлар сифатини оширишга қаратилган семинарлар ташкил қилсин.
19. Қуйидагилар:
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари ҳар ойда камида бир маротаба туризм соҳасидаги тадбиркорлик субъектлари билан "очиқ мулоқот" шаклида учрашув ўтказиб, ҳудуднинг туризм салоҳиятини янада ошириш юзасидан чора-тадбирларни амалга оширсин;
Ўзбекистон Республикасининг Бош вазири А.Н. Арипов ҳар чоракда камида бир маротаба вазирлик ва идоралар раҳбарлари иштирокида туризм соҳасида амалга оширилаётган ишлар бўйича муҳокамалар ўтказиб борсин, соҳада юзага келаётган муаммоларни тезкор бартараф этиш ва олдини олиш юзасидан уларнинг ахборотларини эшитиб борсин ҳамда туризмни ривожлантириш бўйича зарур чора-тадбирлар амалга оширилишини таъминласин.
20. Экология, атроф-муҳитни муҳофаза қилиш ва иқлим ўзгариши вазирлиги Адлия вазирлиги билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
21. Мазкур Фармоннинг ижросини самарали ташкил қилишга масъул ва шахсий жавобгар этиб Бош вазир ўринбосарлари ҳамда экология, атроф-муҳитни муҳофаза қилиш ва иқлим ўзгариши вазири А.А. Абдухакимов белгилансин.
Фармон ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. Мирзиёев
Президентининг
2024 йил 12 январдаги
ПФ-9-сон Фармонига
1-ИЛОВА
2024 йилда Қорақалпоғистон
Республикаси, вилоятлар ва Тошкент
шаҳрида туризмни ривожлантиришнинг
МАҚСАДЛИ КЎРСАТКИЧЛАРИ
Т/р |
Ҳудуд номи |
2024 йилда хорижий туристлар ташрифи режаси (минг нафар) |
шундан чораклар кесимида
|
2024 йилда ички туристлар ташрифи режаси (минг нафар)
|
шундан чораклар кесимида
|
Туроператор/ турагентлар сони
|
Жойлаштириш воситалари сони
|
||||||||
I чорак |
II чорак |
III чорак |
IV чорак |
I чорак |
II чорак |
III чорак |
IV чорак |
2023 йил 1 январь ҳолатига
|
2024 йилга режа |
2023 йил 1 январь ҳолатига |
2024 йилга режа |
||||
Республика бўйича |
10569 |
1750 |
3322 |
3251 |
2246 |
22000,0 |
2158,5 |
8340,9 |
7206,3 |
4294,3 |
2649 |
100 |
5526 |
600 |
|
1. |
Қорақалпоғистон Республикаси |
111 |
15,0 |
45,0 |
35,0 |
16,0 |
1 111,6 |
107,6 |
470,2 |
330,1 |
203,7 |
60 |
1 |
99 |
13 |
2. |
Андижон вилояти |
410 |
53,0 |
101,0 |
130,0 |
126,0 |
1 633,9 |
155,0 |
535,0 |
594,6 |
349,3 |
117 |
2 |
157 |
15 |
3. |
Бухоро вилояти |
1 500 |
258,6 |
375,0 |
413,8 |
452,6 |
1 229,2 |
157,5 |
388,9 |
408,3 |
274,5 |
141 |
2 |
532 |
60 |
4. |
Жиззах вилояти |
350 |
75,5 |
95,5 |
94,0 |
85,0 |
832,6 |
92,2 |
258,1 |
269,9 |
212,4 |
27 |
2 |
224 |
26 |
5. |
Қашқадарё вилояти |
500 |
74,9 |
160,1 |
170,0 |
94,9 |
1 985,0 |
184,4 |
700,0 |
803,5 |
297,1 |
30 |
1 |
342 |
34 |
6. |
Навоий вилояти |
350 |
33,0 |
120,0 |
135,0 |
62,0 |
793,8 |
80,9 |
358,0 |
239,4 |
115,5 |
49 |
1 |
199 |
20 |
7. |
Наманган вилояти |
500 |
71,5 |
257,3 |
105,9 |
65,3 |
2 192,4 |
159,0 |
1 208,7 |
518,2 |
306,5 |
104 |
3 |
710 |
32 |
8. |
Самарқанд вилояти |
1 850 |
200,0 |
750,0 |
700,0 |
200,0 |
2 737,5 |
239,0 |
1 242,1 |
770,9 |
485,5 |
292 |
3 |
606 |
55 |
9. |
Сурхондарё вилояти |
250 |
50,0 |
75,0 |
75,0 |
50,0 |
1 640,2 |
205,0 |
693,7 |
220,8 |
520,7 |
50 |
1 |
210 |
21 |
10. |
Сирдарё вилояти |
56 |
8,3 |
13,1 |
17,6 |
17,0 |
484,7 |
73,3 |
147,6 |
163,6 |
100,2 |
21 |
1 |
50 |
17 |
11. |
Тошкент вилояти |
442 |
67,0 |
105,0 |
137,0 |
133,0 |
1 509,2 |
202,3 |
546,2 |
448,6 |
312,1 |
92 |
2 |
1 093 |
156 |
12. |
Фарғона вилояти |
430 |
53,0 |
103,0 |
148,0 |
126,0 |
2 658,5 |
202,3 |
652,0 |
1 406,3 |
397,8 |
123 |
3 |
343 |
26 |
13. |
Хоразм вилояти |
720 |
90,0 |
272,0 |
240,0 |
118,0 |
971,4 |
100,0 |
321,0 |
353,9 |
196,5 |
83 |
2 |
207 |
35 |
14. |
Тошкент шаҳри |
3 100 |
700,0 |
850,0 |
850,0 |
700,0 |
2 220,2 |
200,0 |
819,3 |
678,2 |
522,7 |
1460 |
76 |
754 |
90 |
Президентининг
2024 йил 12 январдаги
ПФ-9-сон Фармонига
2-ИЛОВА
Ўзбекистон Республикасининг хорижий
мамлакатлардаги дипломатик ваколатхоналари
томонидан 2024 йилда хорижий туристларни
Ўзбекистонга жалб қилиш бўйича
РЕЖА-ЖАДВАЛ
Т/р
|
Ўзбекистон Республикасининг хорижий мамлакатлардаги дипломатик ваколатхонаси
|
Хизмат кўрсатаётган давлат
|
Хорижий туристлар сони (9 964 000)
|
|
Асосий давлат
|
Бириктирилган давлат
|
|||
1. |
Ўзбекистон Республикасининг Австриядаги элчихонаси |
Австрия |
Словакия |
15 000 |
2. |
Ўзбекистон Республикасининг Америка Қўшма Штатларидаги элчихонаси |
АҚШ |
Канада, Бразилия, Мексика |
50 000 |
3. |
Ўзбекистон Республикасининг Бирлашган Араб Амирлигидаги элчихонаси |
БАА |
- |
20 000 |
4. |
Ўзбекистон Республикасининг Беларусдаги элчихонаси |
Белорусь |
- |
50 000 |
5. |
Ўзбекистон Республикасининг Бельгиядаги элчихонаси |
Бельгия |
Нидерландия, Люксембург |
20 000 |
6. |
Ўзбекистон Республикасининг Буюк Британиядаги элчихонаси |
Буюк Британия |
Ирландия |
40 000 |
7. |
Ўзбекистон Республикасининг Венгриядаги элчихонаси |
Венгрия |
- |
4 000 |
8. |
Ўзбекистон Республикасининг Германиядаги элчихонаси |
Германия |
Швейцария, Чехия |
65 000 |
9. |
Ўзбекистон Республикасининг Индонезиядаги элчихонаси |
Индонезия |
Вьетнам |
20 000 |
10. |
Ўзбекистон Республикасининг Испаниядаги элчихонаси |
Испания |
Ватикан |
35 000 |
11. |
Ўзбекистон Республикасининг Исроилдаги элчихонаси |
Исроил |
Фаластин |
35 000 |
12. |
Ўзбекистон Республикасининг Италиядаги элчихонаси |
Италия |
Греция |
45 000 |
13. |
Ўзбекистон Республикасининг Жанубий Кореядаги элчихонаси |
Жанубий Корея |
- |
65 000 |
14. |
Ўзбекистон Республикасининг Латвиядаги элчихонаси |
Латвия |
Литва |
20 000 |
15. |
Ўзбекистон Республикасининг Малайзиядаги элчихонаси |
Малайзия |
- |
12 000 |
16. |
Ўзбекистон Республикасининг Мисрдаги элчихонаси |
Миср |
- |
10 000 |
17. |
Ўзбекистон Республикасининг Озарбайжондаги элчихонаси |
Озарбайжон |
Грузия |
30 000 |
18. |
Ўзбекистон Республикасининг Покистондаги элчихонаси |
Покистон |
- |
10 000 |
19. |
Ўзбекистон Республикасининг Польшадаги элчихонаси |
Польша |
- |
20 000 |
20. |
Ўзбекистон Республикасининг Россия Федерациясидаги элчихонаси |
Россия Федерацияси |
- |
1 460 000 |
21. |
Ўзбекистон Республикасининг Саудия Арабистондаги элчихонаси |
Саудия Арабистони |
- |
10 000 |
22. |
Ўзбекистон Республикасининг Сингапурдаги элчихонаси |
Сингапур |
- |
10 000 |
23. |
Ўзбекистон Республикасининг Тожикистондаги элчихонаси |
Тожикистон |
- |
2 400 000 |
24. |
Ўзбекистон Республикасининг Туркиядаги элчихонаси |
Туркия |
Болгария |
175 000 |
25. |
Ўзбекистон Республикасининг Туркманистондаги элчихонаси |
Туркманистон |
- |
390 000 |
26. |
Ўзбекистон Республикасининг Франциядаги элчихонаси |
Франция |
Португалия |
60 000 |
27. |
Ўзбекистон Республикасининг Хитойдаги элчихонаси |
Хитой |
- |
180 000 |
28. |
Ўзбекистон Республикасининг Швециядаги элчихонаси |
Швеция |
Дания, Норвегия |
10 000 |
29. |
Ўзбекистон Республикасининг Эрондаги элчихонаси |
Эрон |
- |
15 000 |
30. |
Ўзбекистон Республикасининг Япониядаги элчихонаси |
Япония |
- |
50 000 |
31. |
Ўзбекистон Республикасининг Уммондаги элчихонаси |
Уммон |
- |
3 000 |
32. |
Ўзбекистон Республикасининг Қирғизистондаги элчихонаси |
Қирғизистон |
- |
2 300 000 |
33. |
Ўзбекистон Республикасининг Қозоғистондаги элчихонаси |
Қозоғистон |
- |
2 200 000 |
34. |
Ўзбекистон Республикасининг Қувайтдаги элчихонаси |
Қувайт |
- |
5 000 |
35. |
Ўзбекистон Республикасининг Ҳиндистондаги элчихонаси |
Ҳиндистон |
Бангладеш |
100 000 |
36. |
Ўзбекистон Республикасининг Украинадаги элчихонаси |
Украина |
- |
15 000 |
37. |
Ўзбекистон Республикасининг Бангкок шаҳридаги Бош консуллиги |
Таиланд |
- |
5 000 |
38. |
Ўзбекистон Республикасининг Афғонистондаги элчихонаси |
Афғонистон |
- |
5 000 |
39. |
Ўзбекистон Республикасининг Қатардаги элчихонаси |
Қатар |
- |
5 000 |
Президентининг
2024 йил 12 январдаги
ПФ-9-сон Фармонига
3-ИЛОВА
Хорижий ва маҳаллий туристлар
оқимини янада ошириш ҳамда зарур
шарт-шароитларни яратиш бўйича
"ЙЎЛ ХАРИТАСИ"
Президентининг
2024 йил 12 январдаги
ПФ-9-сон Фармонига
4а-ИЛОВА
Хитой Халқ Республикасидан туристларни
жалб қилиш бўйича чора-тадбирлар
ДАСТУРИ
Т/р
|
Чора-тадбирлар номи
|
Амалга ошириш механизми
|
Ижро муддати
|
Молиялаштириш манбалари
|
Масъул ижрочилар
|
I. ТУРИСТИК МАҲСУЛОТЛАР ЯРАТИШ ВА ТАКОМИЛЛАШТИРИШ ЧОРА-ТАДБИРЛАРИ
|
|||||
1. |
Хитойдан ташриф буюрган сайёҳлар хоҳишига биноан турмаршрутлар ишлаб чиқиш. |
Амалий чора-тадбирлар. |
2024 йил март-июнь |
Ижрочилар маблағлари |
Туризм қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
II. ИНФРАТУЗИЛМАНИ ЯХШИЛАШ ВА ТУРИСТЛАР УЧУН ҚУЛАЙ ШАРОИТЛАР ЯРАТИШ ЧОРА-ТАДБИРЛАРИ
|
|||||
2. |
Жойларда Хитой таомларини тайёрлайдиган умумий овқатланиш мажмуаларини ташкил этиш. |
Амалий чора-тадбирлар. |
2024 йил март-июнь |
Ташаббускорлар маблағлари |
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
3. |
Хорижий давлатлар тажрибаси асосида хорижий сайёҳлар учун Alipay, WeChat ва UniPay каби халқаро пул ўтказмаларини жорий этиш бўйича таклиф ишлаб чиқиш. |
Амалий чора-тадбирлар. |
2024 йил март |
Ижрочилар маблағлари |
Марказий банк, Рақамли технологиялар вазирлиги |
4. |
Хитойдан ташриф буюрувчи сайёҳлар энг борадиган туризм объектларида хитой тилидаги маълумотларни жойлаштириш. |
1. Туризм объектлари рўйхатини шакллантириш. 2. Хитой тилидаги маълумотларни жойлаштириш. |
2024 йил март-июнь |
Ижрочилар маблағлари |
Туризм қўмитаси, Маданий мерос агентлиги |
5. |
Хитой тилида сўзлашувчи гид-таржимонлар тайёрлаш тизимини кучайтириш. |
1. Самарқанд шаҳридаги "Ипак йўли" туризм ва маданий мерос халқаро университетида хитой тили дарсларини татбиқ этиш. 2. Хитой тилида сўзлашувчи гид-таржимонларни тайёрлаш. |
2024 йил сентябрь |
Туризмни қўллаб- қувватлаш жамғармаси маблағлари |
Туризм қўмитаси |
III. ТАРҒИБОТ ВА МАРКЕТИНГ
|
|||||
6. |
Хитой провинцияларида "Роуд-шоу" ташкил этиш. |
1. Хитойнинг "Роуд-шоу" ўтказиладиган салоҳиятли провинцияларининг рўйхатини шакллантириш. 2. Хитой туризм бозори билан ишлайдиган маҳаллий туроператорлар рўйхатини шакллантириш. 3. "Роуд-шоу" дастурини ишлаб чиқиш ва уни белгиланган шаҳарларда ташкил этиш. |
2024 йил февраль |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
7. |
Хитой Халқ Республикасидан туристлар оқимини ошириш мақсадида мазкур давлатнинг провинциялари билан ҳамкорликни йўлга қўйиш. |
1. Туризм қўмитаси вакилларини Хитойга хизмат сафарига юбориш. 2. Хитойнинг провинциялари раҳбарлари билан музокаралар олиб бориш ва уларга мос (мақбул) туристик маршрутлар тақдим этиш. |
2024 йил февраль |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
3. Келишув асосида босқичма-босқич Хитойдан 1 млн нафар туристлар оқимини ташкил қилиш. |
Режа-график асосида |
||||
8. |
Ўзбекистонда Хитойнинг туризм соҳасидаги йирик бизнес вакиллари билан "Uzbekistan Destination Forum"ни ташкил этиш ва ўтказиш. |
1. Хитойнинг туризм соҳасидаги йирик бизнес вакиллари рўйхатини шакллантириш. 2. Ташкилий масалалар ва муддатларни келишиш. 3. Форум дастури лойиҳасини ишлаб чиқиш ва тасдиқлаш. |
2024 йил март |
- |
Туризм қўмитаси, Ташқи ишлар вазирлиги |
9. |
Буддизм йўналиши, исломий меъморчилик, этно ва тоғ туризми йўналишида тарғибот кампанияларини ташкил қилиш. |
Амалий чора-тадбирлар. |
2024 йил давомида |
Туризмни қўллаб- қувватлаш жамғармаси маблағлари |
Туризм қўмитаси, Самарқанд, Сурхондарё, Бухоро вилоятлари ҳокимликлари |
10. |
"Trip.com Group Ltd" (Хитой) платформаси орқали Жанубий-Шарқий Осиё ва Европа давлатларида мамлакатимизнинг сайёҳлик салоҳиятини тарғиб қилиш. |
Амалий чора-тадбирлар. |
2024 йил давомида |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
Президентининг
2024 йил 12 январдаги
ПФ-9-сон Фармонига
4б-ИЛОВА
Европа Иттифоқи мамлакатларидан туристларни
жалб қилиш бўйича чора-тадбирлар
ДАСТУРИ
Т/р
|
Чора-тадбирлар номи
|
Амалга ошириш механизми
|
Ижро муддати
|
Молиялаштириш манбалари
|
Масъул ижрочилар
|
I. ИНФРАТУЗИЛМАНИ ЯХШИЛАШ ВА ТУРИСТЛАР УЧУН ҚУЛАЙ ШАРОИТЛАР ЯРАТИШ ЧОРА-ТАДБИРЛАРИ
|
|||||
1. |
Илмий туризм, геотуризм, астротуризм ва ботаник туризм масканларини ташкил этиш ва тарғиб этиш. |
Амалий чора-тадбирлар. |
Доимий |
Ижрочилар маблағлари |
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Туризм қўмитаси |
2. |
Сервис сифати ҳамда соҳа ходимларининг малака ва маданиятини ошириш бўйича ўқитиш тизимини яратиш. |
Амалий чора-тадбирлар. |
2024 йил май |
Ижрочилар маблағлари |
Туризм қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
3. |
Йўл атрофида туристларга хизмат кўрсатувчи автокемпинглар қуриш ва фаолиятини йўлга қўйиш. |
Амалий чора-тадбирлар. |
2024 йил йил давомида |
Ижрочилар маблағлари |
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
II. ТАРҒИБОТ ВА МАРКЕТИНГ
|
|||||
4. |
Европа Иттифоқи мамлакатларида бўлиб ўтадиган халқаро туризм кўргазма ва ярмаркаларида Ўзбекистоннинг туризм салоҳиятини кенг тарғиб қилиш. |
1. Тадбирда иштирок этиш учун жойни ижарага олиш. 2. Стенд дизайнини ишлаб чиқиш ва уни қуриш учун тендер эълон қилиш. 3. "Ўзбекистон" ягона миллий стендида иштирок этиш учун туризм соҳасидаги тадбиркорлик субъектлари (туристик агентлик, туристик оператор, меҳмонхона, транспорт компаниялари)ни жалб этиш. 4. Кўргазма ва ярмаркаларда иштирок этиш. |
2024 йил давомида |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
5. |
Европа Иттифоқи мамлакатларининг етакчи нашрлари, телеканаллари, машҳур блогерлари учун мамлакат бўйлаб пресс-турлар ташкил этиш. |
1. Етакчи нашрлар, телеканаллар ва машҳур блогерлар рўйхатини шакллантириш. 2. Ташкилий масалалар ва муддатларни келишиш. 3. Ташриф дастури лойиҳасини ишлаб чиқиш ва тасдиқлаш. |
2024 йил давомида |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
6. |
Туристик платформалар орқали Европа Иттифоқи давлатларида мамлакатимизнинг сайёҳлик салоҳиятини тарғиб қилиш. |
Амалий чора-тадбирлар. |
2024 йил давомида |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
7. |
Мамлакатимизнинг туристик салоҳиятини Европа туризм бозорида тарғиб қилиш мақсадида "Роуд-шоу"ларни ташкил қилиш. |
Амалий чора-тадбирлар. |
Мунтазам равишда |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
Президентининг
2024 йил 12 январдаги
ПФ-9-сон Фармонига
4в-ИЛОВА
Араб давлатларидан туристларни жалб
қилиш бўйича чора-тадбирлар
ДАСТУРИ
Т/р
|
Чора-тадбирлар номи
|
Амалга ошириш механизми
|
Ижро муддати
|
Молиялаштириш манбалари
|
Масъул ижрочилар
|
I. ТУРИСТИК МАҲСУЛОТЛАР ЯРАТИШ ВА ТАКОМИЛЛАШТИРИШ ЧОРА-ТАДБИРЛАРИ
|
|||||
1. |
Ов туризми масканларини ташкил этиш ва ривожлантириш. |
1. Ўрмон хўжаликлари, овчилик хўжаликлари, экомарказлар, миллий табиат боғлари ва табиат ёдгорликларини тўлиқ акс эттирувчи экотуристик рўйхатни шакллантириш. 2. Масканлар хариталарини тайёрлаш ва сайёҳлик платформаларига жойлаштириш. |
2024 йил март-июнь |
Ижрочилар маблағлари |
Экология, атроф-муҳитни муҳофаза қилиш ва иқлим ўзгариши вазирлиги, Туризм қўмитаси. |
2. |
Қишки туризм масканларини ривожлантириш ва Араб давлатлари орасида кенг тарғиб этиш. |
Амалий чора-тадбирлар. |
2024 йил давомида |
Ижрочилар маблағлари |
Туризм қўмитаси |
II. ИНФРАТУЗИЛМАНИ ЯХШИЛАШ ВА ТУРИСТЛАР УЧУН ҚУЛАЙ ШАРОИТЛАР ЯРАТИШ ЧОРА-ТАДБИРЛАРИ
|
|||||
3. |
Араб давлатларидан ташриф буюрувчи туристлар энг борадиган туризм объектларида араб тилидаги маълумотларни жойлаштириш. |
1. Туризм объектлари рўйхатини шакллантириш. 2. Араб тилидаги маълумотларни жойлаштириш. |
2024 йил давомида |
Ижрочилар маблағлари |
Туризм қўмитаси, Маданий мерос агентлиги |
III. ТАРҒИБОТ ВА МАРКЕТИНГ
|
|||||
4. |
Араб давлатларида бўлиб ўтадиган халқаро туризм кўргазма ва ярмаркаларида Ўзбекистоннинг туризм салоҳиятини кенг тарғиб қилиш. |
1. Тадбирда иштирок этиш учун жойни ижарага олиш. 2. Стенд дизайнини ишлаб чиқиш ва уни қуриш учун тендер эълон қилиш. 3. "Ўзбекистон" ягона миллий стендида иштирок этиш учун туризм соҳасидаги тадбиркорлик субъектлари (туристик агентлик, туристик оператор, меҳмонхона, транспорт компаниялари)ни жалб этиш. 4. Кўргазма ва ярмаркаларда иштирок этиш. |
2024 йил давомида |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
5. |
Араб давлатларининг етакчи нашрлари, телеканаллари, машҳур блогерлари учун мамлакат бўйлаб пресс-турлар ташкил этиш. |
1. Етакчи нашрлар, телеканаллар ва машҳур блогерлар рўйхатини шакллантириш. 2. Ташкилий масалаларни ва муддатларни келишиш. 3. Ташриф дастури лойиҳасини ишлаб чиқиш ва тасдиқлаш. |
2024 йил давомида |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
6. |
Бухорода Араб давлатларидаги йирик туризм соҳасидаги бизнес вакиллари билан "Bukhara Destination Forum"ни ўтказиш. |
1. Йирик туризм соҳасидаги бизнес вакиллари рўйхатини шакллантириш. 2. Форум дастури лойиҳасини ишлаб чиқиш ва тасдиқлаш. 3. Маҳаллий туроператорлар иштирокида Форумни юқори савияда ўтказиш ва ОАВда кенг ёритиш. |
2024 йил март |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги, Бухоро вилояти ҳокимлиги |
7. |
Саудия Арабистони, Бирлашган Араб Амирликлари, Қувайт, Қатар давлатларида исломий меъморчилик, ҳадис имомлари, Ҳазрати имом мажмуаси, эко туризм, тоғ туризми юзасидан тарғибот тадбирларини амалга ошириш. |
1. Араб давлатлари учун қизиқиш уйғотадиган Ўзбекистондаги туристик объектлар ҳақида тарғибот материалларини, шунингдек, турпакетларни брошюра шаклида ва интерактив шаклда (электрон дастур) араб тилида тайёрлаш. 2. Тарғибот материалларини дипломатик каналлар орқали араб туроператорларига етказиш.
|
2024 йил давомида |
Туризмни қўллаб- қувватлаш жамғармаси маблағлари |
Туризм қўмитаси, Дин ишлари бўйича қўмита, Самарқанд, Сурхондарё, Бухоро вилоятлари, Тошкент шаҳар ҳокимликлари, Ташқи ишлар вазирлиги |
Президентининг
2024 йил 12 январдаги
ПФ-9-сон Фармонига
4г-ИЛОВА
Россия Федерациясидан туристларни жалб
қилиш бўйича чора-тадбирлар
ДАСТУРИ
Т/р
|
Чора-тадбирлар номи
|
Амалга ошириш механизми
|
Ижро муддати
|
Молиялаштириш манбалари
|
Масъул ижрочилар
|
I. ТУРИСТИК МАҲСУЛОТЛАР ЯРАТИШ ВА ТАКОМИЛЛАШТИРИШ ЧОРА-ТАДБИРЛАРИ
|
|||||
1. |
Ўзбекистонда бўлиб ўтадиган халқаро фестиваллар давомида махсус турпакетлар яратиш. |
1. Россиялик туристлар учун турпакетларни шакллантириш. 2. Россия туроператорлари орасида пакетларни илгари суриш. |
Мунтазам равишда |
- |
Туризм қўмитаси, Маданият вазирлиги |
2. |
Россиянинг йирик туроператорлари орасида энотуризм ва гастрономик туризмни тарғиб қилиш. |
1. Энотуризм ва гастрономик туризм объектлари учун харита ва янги турпакетларни шакллантириш. 2. Россиянинг йирик сайёҳлик компанияларига турпакетларни тақдим этиш. |
2024 йил январь-февраль |
Ижрочилар маблағлари |
Туризм қўмитаси |
3. |
Экстремал ва тоғ туризми турпакетларини илгари суриш. |
1. Янги турпакетларни шакллантириш. 2. Россиянинг йирик сайёҳлик компанияларига турпакетларни тақдим этиш. |
2024 йил март-июнь |
Ижрочилар маблағлари |
Туризм қўмитаси |
4. |
Россия Федерациясининг ҳар бир минтақаси учун имтиёзли ваучерлар тўплами асосида касаба уюшмалари, фахрийлар гуруҳлари, бюджет ва бошқа ташкилотларнинг ишчилари гуруҳлари учун туристик саёҳат жадвалларини шакллантириш. |
1. Россиялик туристлар учун имтиёзли турпакетларни шакллантириш. 2. Россия ташкилотлари ўртасида имтиёзли турпакетларни илгари суриш. 3. Гуруҳ ташкилотчисига бепул саёҳатни таъминловчи тизимни жорий этиш. |
Мунтазам равишда |
Ижрочилар маблағлари |
Ўзбекистон касаба уюшмалари Федерацияси, Туризм қўмитаси |
5. |
Авто-мототуризм турларини ривожлантириш ва қулай шарт-шароитлар яратиш орқали Россия Федерациясидан ташриф буюрувчи сайёҳлар сонини ошириш. |
1. Магистрал ва ички йўллар бўйида автокемпинглар ташкил этиш. 2. Тасдиқланган тақвим режага асосан йил давомида йўналишга доир халқаро ва маҳаллий тадбирлар ташкил этиш. |
Режа-график асосида |
Ижрочилар маблағлари |
Туризм қўмитаси, Ўзбекистон авто-мото туризм ассоциацияси |
II. ИНФРАТУЗИЛМАНИ ЯХШИЛАШ ВА ТУРИСТЛАР УЧУН ҚУЛАЙ ШАРОИТЛАР ЯРАТИШ ЧОРА-ТАДБИРЛАРИ
|
|||||
6. |
Россиянинг йирик компаниялари, банклари, ташкилотларининг MICE тадбирларини ташкил этиши учун Ўзбекистонда давлат объектлари (конгресс марказлари, форумлар уйлари ва ҳ.к.)дан фойдаланиш механизмини яратиш. |
1. Мурожаатларни марказлаштирилган ҳолда қабул қилиш ва давлат объектларини ижарага бериш бўйича таклифлар бериш учун масъул этиб "Туристларга хизмат кўрсатиш маркази" ДУКни белгилашни назарда тутувчи ҳужжатни ишлаб чиқиш ва қабул қилиш. 2. Россия Федерациясида Ўзбекистондаги MICE туризм объектларини тарғиб қилиш. |
2024 йил март |
Маблағ талаб этилмайди |
Туризм қўмитаси, Давлат активларини бошқариш агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Ташқи ишлар вазирлиги |
7. |
Ўзбекистон Республикаси туроператорлари ва сайёҳлик компаниялари томонидан ташкил этилган Россия Федерацияси олий ўқув юртлари талабаларидан ташкил топган ёшлар туристик гуруҳларига Ўзбекистон бўйлаб саёҳатларда чегирмалар бериш тизимини жорий этиш. |
1. Таклифлар ва Ҳукумат қарорлари лойиҳаларини ишлаб чиқиш. |
2024 йил февраль |
Туризмни қўллаб- қувватлаш жамғармаси маблағлари |
Туризм қўмитаси |
2. Ҳужжатларни имзолаш ва чегирма тизимини жорий этиш. |
2024 йил апрель |
||||
III. ТАРҒИБОТ ВА МАРКЕТИНГ
|
|||||
8. |
"Россияда Ўзбекистон туризми йили" дастурини амалга ошириш. |
1. "Россияда Ўзбекистон туризми йили" дастурини шакллантириш. 2. Дастурни Россия томони билан келишиш. 3. Дастурни амалга ошириш. |
Келишилган муддатларда |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
9. |
Россиядаги музейлар коллекцияларида жойлашган Ўзбекистон маданий объектлари коллекцияларининг кўргазмаларини ташкил этиш. |
1. Кўргазма дастурини шакллантириш. 2. Дастурни Россия томони билан келишиш. 3. Тадбирларни ўтказиш. |
Келишилган муддатларда |
Ижрочилар маблағлари |
Маданий мерос агентлиги, Ташқи ишлар вазирлиги |
10. |
Россия Федерациясининг йирик шаҳарларида "Ўзбекистонга саёҳат" тарғибот тадбирларини ўтказиш. |
1. Россия туризм бозорини таҳлил қилиш ва юқори даражадаги чиқиш туризми йўналишларини аниқлаш. 2. Тадбирлар дастурларини ишлаб чиқиш. 3. Тарғибот тадбирларини ўтказиш. |
Келишилган муддатларда |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
11. |
Россия Федерациясининг марказий телеканалларида Ўзбекистоннинг туризм салоҳиятига оид кўрсатувларни намойиш этиш. |
1. Телеканаллар билан музокаралар олиб бориш. 2. Эфир вақти бўйича шартномаларни имзолаш. 3. Материалларни эфирга бериш. |
Мунтазам равишда |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
12. |
Ўзбекистон Республикаси ҳудудида Россия Федерациясининг машҳур телеканаллари кўрсатувларини суратга олиш ишларини олиб бориш. |
1. Телеканаллар ва кўрсатувлар рўйхатини шакллантириш. 2. Музокаралар олиб бориш ва муддатларни ишлаб чиқиш. 3. Суратга олиш ва эфирга узатиш. |
Мунтазам равишда |
Туризмни қўллаб- қувватлаш жамғармаси маблағлари |
Туризм қўмитаси, Ташқи ишлар вазирлиги |
Президентининг
2024 йил 12 январдаги
ПФ-9-сон Фармонига
5-ИЛОВА
Замонавий меҳмонхоналар ва савдо-кўнгилочар
мажмуалардан иборат бўлган туризм марказлари
ва йирик савдо комплекслари барпо
қилинадиган туман (шаҳар)лар
РЎЙХАТИ
Т/р |
Туман (шаҳар) номи
|
Ҳудуд номи
|
1. |
Нукус шаҳри |
Қорақалпоғистон Республикаси |
2. |
Бухоро шаҳри |
Бухоро вилояти |
3. |
Зомин тумани |
Жиззах вилояти |
4. |
Шаҳрисабз шаҳри |
Қашқадарё вилояти |
5. |
Қарши шаҳри |
|
6. |
Самарқанд шаҳри |
Самарқанд вилояти |
7. |
Самарқанд тумани |
|
8. |
Термиз шаҳри |
Сурхондарё вилояти |
9. |
Қўқон шаҳри |
Фарғона вилояти |
10. |
Марғилон шаҳри |
|
11. |
Хива шаҳри |
Хоразм вилояти |
12. |
Бўстонлиқ тумани |
Тошкент вилояти |
Изоҳ. Қорақалпоғистон Республикаси Жўқорғи Кенгеси, халқ депутатлари вилоят Кенгашлари Туризм қўмитаси билан келишган ҳолда ушбу рўйхатга қўшимчалар киритиши ёки бир туман (шаҳар)да икки ва ундан ортиқ "туризм марказлари" ҳудудини белгилаши мумкин.
Президентининг
2024 йил 12 январдаги
ПФ-9-сон Фармонига
6-ИЛОВА
Туризм марказлари ва йирик
савдо комплексларини барпо қилиш
учун ер участкаларини аниқлаш
бўйича ишчи гуруҳ
ТАРКИБИ
1. А. Арипов |
- |
Ўзбекистон Республикасининг Бош вазири, Ишчи гуруҳ раҳбари |
2. А. Раматов |
- |
Ўзбекистон Республикаси Бош вазирининг ўринбосари, Ишчи гуруҳ раҳбари ўринбосари |
3. Лавозими бўйича |
- |
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари |
4. А. Абдухакимов |
- |
экология, атроф-муҳитни муҳофаза қилиш ва иқлим ўзгариши вазири |
5. Л. Кудратов |
- |
инвестициялар, саноат ва савдо вазири |
6. Д. Касимов |
- |
Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил |
7. И. Норқулов |
- |
иқтисодиёт ва молия вазирининг биринчи ўринбосари |
8. А. Каримов |
- |
адлия вазири ўринбосари |
9. А. Ортиков |
- |
Давлат активларини бошқариш агентлиги директори |
10. Ф. Пулатов |
- |
Кадастр агентлиги директори |
11. М. Жуманиязов |
- |
Ўзбекистон Республикаси Бош вазири ўринбосари котибияти мудири, Ишчи гуруҳ масъул котиби |
Изоҳ. Ишчи гуруҳ аъзолари бошқа ишга ўтган тақдирда, унинг таркибига ушбу лавозимга янгидан тайинланган ёки тегишли функцияларни бажариш зиммасига юкланган шахслар киритилади.
Президентининг
2024 йил 12 январдаги
ПФ-9-сон Фармонига
7-ИЛОВА
Ўзбекистон Республикасида туризм ва унга
ёндош соҳаларни жадал ривожлантириш
бўйича ишчи гуруҳлар
ТАРКИБИ
1-ишчи гуруҳ. Республикада савдо-кўнгилочар мажмуаларини
барпо қилишни қўллаб-қувватлаш ва йирик халқаро савдо
брендларини мамлакатимизга жалб қилиш бўйича
А. Раматов |
- |
Ўзбекистон Республикаси Бош вазирининг ўринбосари, Ишчи гуруҳ раҳбари |
Л. Кудратов |
- |
инвестициялар, саноат ва савдо вазири, Ишчи гуруҳ раҳбари ўринбосари |
А. Абдухакимов |
- |
экология, атроф-муҳитни муҳофаза қилиш ва иқлим ўзгариши вазири, Ишчи гуруҳ раҳбари ўринбосари |
Д. Касимов |
- |
Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил |
И. Махкамов |
- |
транспорт вазири |
И. Норқулов |
- |
иқтисодиёт ва молия вазирининг биринчи ўринбосари |
Б. Усманов |
- |
ташқи ишлар вазири ўринбосари |
Х. Мелиев |
- |
адлия вазири ўринбосари |
А. Ортиков |
- |
Давлат активларини бошқариш агентлиги директори |
Д. Ваҳобов |
- |
Савдо-саноат палатаси раиси |
Ш. Кудбиев |
- |
Солиқ қўмитаси раиси |
Д. Саттаров |
- |
Техник жиҳатдан тартибга солиш агентлиги директори |
И. Мухторов |
- |
Божхона қўмитаси раисининг биринчи ўринбосари |
Б. Абидов |
- |
инвестициялар, саноат ва савдо вазири ўринбосари, Ишчи гуруҳ масъул котиби |
2-ишчи гуруҳ. Тиббиёт туризмини ривожлантириш,
йирик тиббиёт кластерларини барпо қилиш
А. Абдухакимов |
- |
экология, атроф-муҳитни муҳофаза қилиш ва иқлим ўзгариши вазири, Ишчи гуруҳ раҳбари |
А. Шадманов |
- |
соғлиқни сақлаш вазирининг биринчи ўринбосари, Ишчи гуруҳ раҳбари ўринбосари |
Б. Ходжаев |
- |
иқтисодиёт ва молия вазири ўринбосари |
Б. Усманов |
- |
ташқи ишлар вазири ўринбосари |
Х. Мелиев |
- |
адлия вазири ўринбосари |
А. Ортиков |
- |
Давлат активларини бошқариш агентлиги директори |
Д. Ваҳобов |
- |
Савдо-саноат палатаси раиси |
И. Мухторов |
- |
Божхона қўмитаси раисининг биринчи ўринбосари |
Д. Саттаров |
- |
Ўзбекистон техник жиҳатдан тартибга солиш агентлиги директори |
У. Шадиев |
- |
Туризм қўмитаси раиси, Ишчи гуруҳ масъул котиби |
3-гуруҳ. Ҳунармандчилик маҳсулотларини ишлаб чиқаришни
кенгайтириш ва ҳунармандларни қўллаб-қувватлашнинг
янги тизимини жорий қилиш бўйича
А. Абдухакимов |
- |
экология, атроф-муҳитни муҳофаза қилиш ва иқлим ўзгариши вазири, Ишчи гуруҳ раҳбари |
Д. Ваҳобов |
- |
Савдо-саноат палатаси раиси, Ишчи гуруҳ раҳбари ўринбосари |
У. Шадиев |
- |
Туризм қўмитаси раиси, Ишчи гуруҳ раҳбари ўринбосари |
И. Норқулов |
- |
иқтисодиёт ва молия вазирининг биринчи ўринбосари |
Л. Кудратов |
- |
инвестициялар, саноат ва савдо вазири |
Б. Усманов |
- |
ташқи ишлар вазири ўринбосари |
А. Каримов |
- |
адлия вазири ўринбосари |
А. Мавлонов |
- |
Божхона қўмитаси раиси |
У. Абдуллаев |
- |
"Ҳунарманд" уюшмаси раиси, Ишчи гуруҳ масъул котиби |
4-ишчи гуруҳ. "Ипак йўли" туризм ва маданий мерос халқаро
университети тасарруфидаги техникум ва коллежларга хорижий
ҳамда халқаро таълим муассасаларини "франшиза"
асосида жалб қилиш бўйича
У. Шадиев |
- |
Туризм қўмитаси раиси, Ишчи гуруҳ раҳбари |
К. Каримов |
- |
олий таълим, фан ва инновациялар вазирининг биринчи ўринбосари, Ишчи гуруҳ раҳбари ўринбосари |
Б. Ходжаев |
- |
иқтисодиёт ва молия вазири ўринбосари |
Б. Усмонов |
- |
ташқи ишлар вазири ўринбосари |
А. Каримов |
- |
адлия вазири ўринбосари |
Р. Турдибоева |
- |
камбағалликни қисқартириш ва бандлик вазири ўринбосари |
З. Худойбердиев |
- |
Олий таълим, фан ва инновациялар вазирлиги ҳузуридаги Профессионал таълимни ривожлантириш институти директори |
Д. Саттаров |
- |
Ўзбекистон техник жиҳатдан тартибга солиш агентлиги директори |
Ж. Элтазаров |
- |
"Ипак йўли" туризм ва маданий мерос халқаро университетининг биринчи проректори, Ишчи гуруҳ масъул котиби |
5-ишчи гуруҳ. Халқаро нуфузли туристик ва маркетинг
рақамли платформаларида республиканинг миллий туризм
маҳсулотлари ва хизматларини жойлаштириш бўйича
У. Шадиев |
- |
Туризм қўмитаси раиси, Ишчи гуруҳ раҳбари |
О. Пекось |
- |
рақамли технологиялар вазирининг биринчи ўринбосари, Ишчи гуруҳ раҳбари ўринбосари |
Б. Усманов |
- |
ташқи ишлар вазири ўринбосари |
Д. Саиджанов |
- |
Ахборот ва оммавий коммуникациялар агентлиги директорининг биринчи ўринбосари |
Д. Ваҳобов |
- |
Савдо-саноат палатаси раиси |
Б. Абидов |
- |
инвестициялар, саноат ва савдо вазири ўринбосари |
Ж. Чориев |
- |
транспорт вазири ўринбосари |
Д. Саттаров |
- |
Ўзбекистон техник жиҳатдан тартибга солиш агентлиги директори |
Г. Исраилова |
- |
Хусусий туризм ташкилотлари уюшмаси раиси |
У. Абдуллаев |
- |
"Ҳунарманд" уюшмаси раиси |
Ж. Абдусаламов |
- |
Туризм қўмитаси раисининг биринчи ўринбосари, Ишчи гуруҳ масъул котиби |
Изоҳ. Ишчи гуруҳ аъзолари бошқа ишга ўтган тақдирда, унинг таркибига ушбу лавозимга янгидан тайинланган ёки тегишли функцияларни бажариш зиммасига юкланган шахслар киритилади.
Қонун ҳужжатлари маълумотлари миллий базаси (www.lex.uz),
2024 йил 18 январь
78-150-11-72 
Мобильная версия сайта