Ўзбекистон Республикаси Президентининг 06.02.2024 й. ПҚ-60-сон "Оҳалик - Оқбўйро - Миронқул" туристик-рекреацион зонаси фаолиятини ташкил этиш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

06.02.2024 й.

N ПҚ-60

"ОҲАЛИК - ОҚБЎЙРО - МИРОНҚУЛ"

ТУРИСТИК-РЕКРЕАЦИОН ЗОНАСИ

ФАОЛИЯТИНИ ТАШКИЛ ЭТИШ

ЧОРА-ТАДБИРЛАРИ ТЎҒРИСИДА

Самарқанд вилоятининг туризм салоҳиятидан самарали фойдаланган ҳолда вилоятда туризмнинг эко ҳамда экстремал каби турларини ривожлантириш учун зарур шарт-шароитлар яратиш, замонавий талаблар асосида экологик тез қуриладиган жойлаштириш воситалари, савдо-кўнгилочар ва бошқа туризм инфратузилмаси объектларини барпо этиш, шунингдек, тоғли ҳудудда янги иш ўринларини яратиш мақсадида:

1. Экология, атроф-муҳитни муҳофаза қилиш ва иқлим ўзгариши вазирлиги ҳамда Самарқанд вилояти ҳокимлигининг:

Самарқанд туманида умумий майдони 1 697 гектар бўлган "Оҳалик", умумий майдони 414 гектар бўлган "Оқбўйро" ҳамда умумий майдони 2 545 гектар бўлган "Миронқул" тоғ туризми лойиҳаларидан иборат бўлган "Оҳалик - Оқбўйро - Миронқул" туристик-рекреацион зонасини (кейинги ўринларда - Туристик зона) ташкил этиш;

Туристик зонани ривожлантириш ва бошқариш мақсадида Самарқанд тумани ҳокимлиги ҳузурида давлат муассасаси шаклида "Оҳалик - Оқбўйро - Миронқул" туристик-рекреацион зонаси дирекцияси"ни (кейинги ўринларда - Дирекция) ташкил этиш тўғрисидаги таклифлари маъқуллансин.

2. Қуйидагилар:

"Оҳалик" тоғ туризми лойиҳаси чегараларининг тавсифи 1-иловага мувофиқ;

"Оқбўйро" тоғ туризми лойиҳаси чегараларининг тавсифи 2-иловага мувофиқ;

"Миронқул" тоғ туризми лойиҳаси чегараларининг тавсифи 3-иловага мувофиқ;

"Оҳалик - Оқбўйро - Миронқул" туристик-рекреацион зонаси ҳудудида туризм соҳасини комплекс ривожлантириш чора-тадбирлари дастури 4-иловага мувофиқ;

"Оҳалик - Оқбўйро - Миронқул" туристик-рекреацион зонаси ва унга олиб борувчи йўл-транспорт, муҳандислик-коммуникация ва ишлаб чиқариш инфратузилмасини ривожлантириш дастури 5-иловага мувофиқ тасдиқлансин.

3. Белгилансинки:

Туристик зона фаолият кўрсатиш муддати кейинчалик узайтириш имконияти билан 30 йилга ташкил қилинади;

Туристик зонанинг бош режаси ва батафсил режалаштириш лойиҳаларини ишлаб чиқиш учун лойиҳалаштириш ва консалтинг компаниялари, маҳаллий ва хорижий экспертлар ҳамда бошқарувчи компаниялар хизматлари учун ҳақ тўлаш Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитасининг Туризмни қўллаб-қувватлаш жамғармаси (кейинги ўринларда - Жамғарма) маблағлари ҳисобидан амалга оширилади;

Жамғарма ҳисобидан амалга ошириладиган харажатларни қоплаш Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси (кейинги ўринларда - Туризм қўмитаси) ва Самарқанд вилояти ҳокимлиги томонидан тасдиқланадиган график асосида Туристик зона ҳудудидаги ер участкаларини электрон онлайн аукцион орқали реализация қилишдан тушган тушумлар ҳисобидан қопланади;

Туристик зона инфратузилмасининг қурилишини молиялаштириш харажатлари белгиланган тартибда тасдиқланган лойиҳани техник-иқтисодий асослаш асосида амалга оширилади.

4. Самарқанд вилояти ҳокимлиги Туризм қўмитаси билан биргаликда 2024 йил 1 августга қадар Туристик зонанинг бош режаси ва батафсил режалаштириш лойиҳаларини қуйидагиларни назарда тутган ҳолда ишлаб чиқиб, уларни Қурилиш ва уй-жой коммунал хўжалиги вазирлиги билан келишсин ҳамда тасдиқланишини таъминласин:

"Оҳалик", "Оқбўйро" ҳамда "Миронқул" тоғ туризми лойиҳалари (кейинги ўринларда - тоғ туризми лойиҳалари) ҳудудларини замонавий экологик талаблар асосида тез қуриладиган модулли ва капсулали жойлаштириш воситалари, ўтов ва автокемпинг лагерларини барпо қилишга ихтисослаштириш орқали тақдим этиладиган хизматлар турини кенгайтириш;

тоғ туризми лойиҳалари ҳудудини ўзаро боғловчи кемпинг лагерлари ва пикник зоналар мавжуд бўлиши имкониятини инобатга олган ҳолда туристик сўқмоқларнинг жойлашувини белгилаш;

тоғ туризми лойиҳалари ҳудудларини "зиплайн", "банжи-жампинг" ва "зорбинг" аттракционлари, канатли парк, дор йўллари, дельтаплан ва параплан ёки ҳаво шарида учиш каби экстремал туризм йўналиши фаолиятини ташкил қилишга ихтисослаштириш;

тоғ туризми лойиҳалари ҳудудидаги электр тармоқларини ер остидан ўтказиш ҳамда уларнинг ҳудудида махсус пиёдалар ва велосипед йўлакларини барпо этиш;

тоғ туризми лойиҳалари ҳудудида ўрнатиладиган йўл кўрсаткичлари ва намунавий санитария-гигиена шохобчаларини жойлаштириш ҳамда чиқиндиларни ташлаш нуқталарини белгилаш;

сувенирлар ва озиқ-овқат маҳсулотлари савдоси объектларини жойлаштириш.

5. Дирекция Туристик зона ҳудудида йўл ва туризм инфратузилмаси, муҳандислик-коммуникация тармоқларини модернизация қилиш ва қуриш лойиҳаларини амалга оширишда буюртмачи этиб белгилансин.

6. Белгилаб қўйилсинки:

Туристик зонадаги туристик инфратузилмани яратиш имконияти бўлган ер участкалари кейинчалик самарали фойдаланиш ва (ёки) инвесторларга реализация қилиш учун доимий фойдаланиш ҳуқуқи билан Дирекцияга ўтказилади;

Дирекцияга ўтказилган ер участкаларини реализация қилиш Дирекциянинг қарорига асосан электрон онлайн аукцион орқали белгиланган тартибда амалга оширилади;

Туристик зона ҳудудидаги ер участкаларини реализация қилишдан тушган маблағлар (савдога чиқариш ва сотиш билан боғлиқ харажатлардан ташқари) тўлиқлигича Дирекцияга йўналтирилади;

Туристик зона ҳудудидаги ер участкаларини реализация қилишдан тушган маблағлар Дирекция фаолиятини молиялаштириш ҳамда тоғ туризми лойиҳаларини амалга ошириш, жумладан муҳандислик-коммуникация тармоқларини қуриш ва таъмирлаш чора-тадбирларини молиялаштиришга йўналтирилади;

Туристик зона ҳудудидаги автомобиль йўллари, ичимлик ва оқова сув тармоқларини қуриш ва таъмирлаш ишлари 2024-2026 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида туризм объектлари инфратузилмасини яхшилаш учун назарда тутилган маблағлар ҳисобидан амалга оширилади.

7. Самарқанд вилояти ҳокимлиги бир ой муддатда Дирекция фаолиятини ташкил қилиш, шу жумладан унинг моддий-техника базасини мустаҳкамлаш, жойлаштириш, асосий воситалар, анжомлар ва транспорт воситалари билан таъминлаш учун қонунчиликда тақиқланмаган манбалар ҳисобидан зарур маблағларни ажратсин.

8. Туризм қўмитаси Самарқанд вилояти ҳокимлиги билан биргаликда икки ой муддатда Туристик зона ҳудудида кўрсатиладиган хизматларни диверсификация ва монетизация қилишга доир тарғибот дастурини ишлаб чиқсин ва Вазирлар Маҳкамасига киритсин.

9. Инвестициялар, саноат ва савдо вазирлиги Самарқанд вилояти ҳокимлиги билан биргаликда Туристик зонанинг ўзига хослигини инобатга олган ҳолда хизмат кўрсатиш объектларини қуриш учун нуфузли ташкилотларни, шу жумладан салоҳиятли хорижий ва маҳаллий инвесторларни жалб қилиш чораларини кўрсин.

10. Ички ишлар вазирлиги манфаатдор вазирлик ва идоралар билан биргаликда уч ой муддатда Туристик зона ҳудудида Самарқанд вилояти Ички ишлар бошқармаси Хавфсиз туризмни таминлаш бошқармасининг мавжуд штат бирликлари ҳамда иш ҳақи жамғармаси доирасида хавфсизликни таминлаш бўлимини ташкил этиш дастурини тасдиқласин.

11. Самарқанд вилояти ҳокимлиги Туризм қўмитаси билан биргаликда икки ой муддатда Туристик зонанинг ўзига хослигидан келиб чиқиб, "Дизайн-код" лойиҳасини ишлаб чиқиб, Вазирлар Маҳкамасига киритсин.

12. Дирекция Самарқанд вилояти, Самарқанд тумани, Гулобод қўрғони, 1-уй манзилига текин фойдаланиш ҳуқуқи асосида жойлаштирилсин.

13. Мазкур қарорнинг ижросини самарали ташкил қилишга масъул ва шахсий жавобгар этиб экология, атроф-муҳитни муҳофаза қилиш ва иқлим ўзгариши вазири А.А. Абдухакимов ҳамда Самарқанд вилояти ҳокими Э.О. Турдимов белгилансин.

Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти                                   Ш. Мирзиёев

Ўзбекистон Республикаси

Президентининг

2024 йил 6 февралдаги

ПҚ-60-сон қарорига

1-ИЛОВА

"Оҳалик" тоғ туризми лойиҳаси чегараларининг

ТАВСИФИ

Самарқанд вилоятининг Самарқанд туманида жойлашган Ўрта Оҳалик маҳалла фуқаролар йиғинидаги Ўрта Оҳалик МФЙ ва Янгижой маҳалла тизимидаги Оқбўйро аҳоли пункти чегарасидаги Оқбўйро кўчасининг ўнг томонида шимолий-шарқий бурчагидаги нуқта бошланғич 1-нуқта (WGS-84 координаталар тизимида, шимолий кенглик координаталари 39°31'58.83", шарқий узоқлик координаталари 66°54'31.15") деб қабул қилинди.

1-нуқтадан чегара чизиғи тўғри чизиқ билан Ўрта Оҳалик МФЙ ва Янгижой МФЙ чегара чизиғи бўйлаб жанубий-шарқий йўналишда 702 метр масофада тоғ қиррасидаги 2-нуқтага (шимолий кенглик 39°31'36.14", шарқий узоқлик 66°54'28.90") туташади.

2-нуқтадан чегара чизиғи тоғ қирраларининг шимол томонидан жанубий йўналишда 3 421 метр масофада тоғ қиррасидаги 3-нуқтага (шимолий кенглик 39°29'59.95", шарқий узоқлик 66°53'16.62") туташади.

3-нуқтадан чегара чизиғи тоғ қирралари бўйлаб жанубий-ғарбий йўналишда 2 041 метр масофада тоғ қиррасидаги 4-нуқтага (шимолий кенглик 39°29'59.94", шарқий узоқлик 66°51'52.09") туташади.

4-нуқтадан чегара чизиғи тоғ қирралари бўйлаб жанубий йўналишда 1 459 метр масофада тоғ қиррасидаги 5-нуқтага (шимолий кенглик 39°29'13.04", шарқий узоқлик 66°51'44.63") туташади.

5-нуқтадан чегара чизиғи тоғ қирраларидаги ўрмон хўжалик ерлари чегараси бўйлаб ғарбий йўналишда 3 013 метр масофада тоғ қиррасидаги 6-нуқтага (шимолий кенглик 39°30'0.10", шарқий узоқлик 66°49'54.27") туташади.

6-нуқтадан чегара чизиғи тоғ қирраларидаги Ўрта Оҳалик МФЙ ва Миронқул МФЙ чегара чизиғи бўйлаб шимолий-шарқий йўналишда 3 563 метр масофада тоғ қиррасидаги 7-нуқтага (шимолий кенглик 39°31'13.30", шарқий узоқлик 66°51'49.52") туташади.

7-нуқтадан чегара чизиғи тоғ қирраси бўйлаб шимолий йўналишда 1 517 метр масофада чегаранинг якуний тоғ қиррасидаги 8-нуқтага (шимолий кенглик 39°32'1.05", шарқий узоқлик 66°52'4.94") туташади.

8-нуқтадан чегара чизиғи тоғ қирра бўйлаб шимолий-шарқий йўналишда 2 396 метр масофада Ўрта Оҳалик МФЙ ва Оҳалик МФЙ ўртасидаги Боғиравон кўчасининг чап томонидаги 9-нуқтага (шимолий кенглик 39°32'15.67", шарқий узоқлик 66°53'43.45") туташади.

9-нуқтадан чегара чизиғи Боғиравон кўчасининг чап томони бўйлаб шарқий йўналишда 205 метр масофада маҳаллий каналнинг чап томон бурилиш бурчагидаги 10-нуқтага (шимолий кенглик 39°32'12.92", шарқий узоқлик 66°53'51.28") туташади.

10-нуқтадан чегара чизиғи маҳаллий каналнинг чап томони бўйлаб шимолий йўналишда 206 метр масофада Оқбўйро кўчасининг бошланадиган жойидаги 11-нуқтага (шимолий кенглик 39°32'19.01", шарқий узоқлик 66°53'54.85") туташади.

11-нуқтадан чегара чизиғи Оқбўйро кўчасининг бошланадиган жойи бўйлаб жанубий-шарқий йўналишда 1 069 метр масофада Ўрта Оҳалик МФЙ ва Янгижой маҳалла тизимидаги Оқбўйро аҳоли пункти чегарасидаги Оқбўйро кўчасининг ўнг томонидаги 1-нуқтага (шимолий кенглик 39°31'58.83", шарқий узоқлик 66°54'31.15") туташади.

Ўзбекистон Республикаси

Президентининг

2024 йил 6 февралдаги

ПҚ-60-сон қарорига

2-ИЛОВА

"Оқбўйро" тоғ туризми лойиҳаси чегараларининг

ТАВСИФИ

Самарқанд вилоятининг Самарқанд туманида жойлашган Янгижой маҳалла тизимидаги Оқбўйро аҳоли пунктидан ўтувчи Оқбўйро кўчасининг 2 121 метр масофадаги чап томонида шимолий-шарқий бурчагидаги нуқта бошланғич 1-нуқта (WGS-84 координаталар тизимида, шимолий кенглик координаталари 39°31'41.90", шарқий узоқлик координаталари 66°55'7.07") деб қабул қилинди.

1-нуқтадан чегара чизиғи тўғри чизиқ билан тоғ қирралари бўйлаб жанубий йўналишда 3 341 метр масофада тоғ қиррасидаги 2-нуқтага (шимолий кенглик 39°29'59.89", шарқий узоқлик 66°54'19.92") туташади.

2-нуқтадан чегара чизиғи тоғ қирраларининг жануб томонидан ғарбий йўналишда 1 492 метр масофада тоғ қиррасида Ўрта Оҳалик МФЙ чегараси билан туташ жойидаги 3-нуқтага (шимолий кенглик 39°29'59.95", шарқий узоқлик 66°53'16.62") туташади.

3-нуқтадан чегара чизиғи тоғ қирраларидаги Янгижой МФЙ ва Ўрта Оҳалик МФЙ чегара чизиғи бўйлаб шимолий-шарқий йўналишда 3 241 метр масофада тоғ қиррасидаги 4-нуқтага (шимолий кенглик 39°31'36.14", шарқий узоқлик 66°54'28.90") туташади.

4-нуқтадан чегара чизиғи тоғ қирралари бўйлаб шимолий йўналишда 702 метр масофада Ўрта Оҳалик МФЙ ва Янгижой маҳалла тизимидаги Оқбўйро аҳоли пункти чегарасида Оқбўйро кўчасининг 1 083 метр масофада ўнг томонидаги 5-нуқтага (шимолий кенглик 39°31'58.83", шарқий узоқлик 66°54'31.15") туташади.

5-нуқтадан чегара чизиғи Оқбўйро кўчасининг 1 083 метр масофада ўнг томони бўйлаб шарқий йўналишда 96 метр масофада Оқбўйро кўчасининг 1 179 метр масофада чап томонидаги 6-нуқтага (шимолий кенглик 39°31'57.14", шарқий узоқлик 66°54'34.60") туташади.

6-нуқтадан чегара чизиғи Оқбўйро кўчасининг 1 179 метр масофада чап томони бўйлаб шарқий йўналишда 345 метр масофада Оқбўйро кўчасининг 1 524 метр масофада чап томонидаги 7-нуқтага (шимолий кенглик 39°31'54.69", шарқий узоқлик 66°54'48.70") туташади.

7-нуқтадан чегара чизиғи Оқбўйро кўчасининг 1 524 метр масофада чап томони бўйлаб жанубий-шарқий йўналишда 283 метр масофада Оқбўйро кўчасининг 1 807 метр масофада чап томонидаги 8-нуқтага (шимолий кенглик 39°31'49.87", шарқий узоқлик 66°54'58.75") туташади.

8-нуқтадан чегара чизиғи Оқбўйро кўчасининг 1 807 метр масофада чап томони бўйлаб жанубий-шарқий йўналишда 314 метр масофада Оқбўйро аҳоли пунктидан ўтувчи Оқбўйро кўчасининг 2 121 метр масофадаги чап томонидаги нуқта бошланғич 1-нуқтага (шимолий кенглик 39°31'41.90", шарқий узоқлик 66°55'7.07") туташади.

Ўзбекистон Республикаси

Президентининг

2024 йил 6 февралдаги

ПҚ-60-сон қарорига

3-ИЛОВА

"Миронқул" тоғ туризми лойиҳаси чегараларининг

ТАВСИФИ

Самарқанд вилоятининг Самарқанд туманида жойлашган Миронқул маҳалла фуқаролар йиғинидаги "Ганиев Далер" МЧЖ ер майдонининг шимолий-шарқий бурчагидаги нуқта бошланғич 1-нуқта (WGS-84 координаталар тизимида, шимолий кенглик координаталари 39°32'35.56", шарқий узоқлик координаталари 66°51'53.95") деб қабул қилинди.

1-нуқтадан чегара чизиғи тўғри чизиқ билан "Ганиев Далер" МЧЖ ер майдонининг шимолий-шарқий бурчаги бўйлаб жанубий йўналишда 169 метр масофада очиқ майдондаги 2-нуқтага (шимолий кенглик 39°32'30.27", шарқий узоқлик 66°51'52.12") туташади.

2-нуқтадан чегара чизиғи "Самарқанд Мева Сабзавотлари" МЧЖ ер майдонининг шимолий-шарқий бурчаги бўйлаб шарқ йўналишда 543 метр масофада очиқ майдондаги 3-нуқтага (шимолий кенглик 39°32'29.08", шарқий узоқлик 66°52'14.69") туташади.

3-нуқтадан чегара чизиғи "Самарқанд Мева Сабзавотлари" МЧЖ ер майдонининг шимолий-шарқий бурчаги бўйлаб жанубий йўналишда 898 метр масофада тоғ қиррасидаги 4-нуқтага (шимолий кенглик 39°32'1.05", шарқий узоқлик 66°52'4.94") туташади.

4-нуқтадан чегара чизиғи тоғ қирраларининг шимол томонидан жанубий йўналишда 1 517 метр масофада тоғ қиррасидаги 5-нуқтага (шимолий кенглик 39°49'21.21", шарқий узоқлик 64°43'19.79") туташади.

5-нуқтадан чегара чизиғи тоғ қирралари бўйлаб жанубий йўналишда 3 563 метр масофада тоғ қиррасидаги 6-нуқтага (шимолий кенглик 39°30'0.10", шарқий узоқлик 66°49'54.27") туташади.

6-нуқтадан чегара чизиғи тоғ қирралари бўйлаб жанубий йўналишда 1 413 метр масофада тоғ қиррасидаги 7-нуқтага (шимолий кенглик 39°29'18.16", шарқий узоқлик 66°49'30.73") туташади.

7-нуқтадан чегара чизиғи тоғ қирралари бўйлаб жанубий йўналишда 737 метр масофада тоғ қиррасидаги 8-нуқтага (шимолий кенглик 39°29'6.41", шарқий узоқлик 66°49'3.64") туташади.

8-нуқтадан чегара чизиғи тоғ қирралари бўйлаб жанубий йўналишда 1 700 метр масофада тоғ қиррасидаги 9-нуқтага (шимолий кенглик 39°28'31.31", шарқий узоқлик 66°48'8.88") туташади.

9-нуқтадан чегара чизиғи тоғ қиррасининг ўрмон хўжалиги ерлари бўйлаб шимолий-ғарбий йўналишда 1 654 метр масофада Нуробод туман чегарасининг тоғ қиррасидаги 10-нуқтага (шимолий кенглик 39°29'0.12", шарқий узоқлик 66°47'10.36") туташади.

10-нуқтадан чегара чизиғи тоғ қиррасининг Нуробод туман чегараси бўйлаб шимолий йўналишда 1 638 метр масофада Нуробод туман чегарасининг тоғ қиррасидаги 11-нуқтага (шимолий кенглик 39°29'49.88", шарқий узоқлик 66°47'33.04") туташади.

11-нуқтадан чегара чизиғи тоғ қиррасининг Нуробод туман чегараси бўйлаб шимол йўналишда 2 810 метр масофада Нуробод туман чегарасининг тоғ қиррасидаги 12-нуқтага (шимолий кенглик 39°31'3.40", шарқий узоқлик 66°48'44.59") туташади.

12-нуқтадан чегара чизиғи тоғ қиррасининг Нуробод туман чегараси бўйлаб шимолий йўналишда 562 метр масофада Нуробод туман чегарасининг тоғ қиррасидаги 13-нуқтага (шимолий кенглик 39°31'10.87", шарқий узоқлик 66°49'5.14") туташади.

13-нуқтадан чегара чизиғи тоғ қиррасининг Нуробод туман чегараси бўйлаб шимолий йўналишда 2 668 метр масофада Нуробод туман чегарасининг тоғ қиррасидаги 14-нуқтага (шимолий кенглик 39°32'35.36", шарқий узоқлик 66°49'28.40") туташади.

14-нуқтадан чегара чизиғи тоғ қиррасининг Нуробод туман чегараси томонидан шарқий йўналишда 325 метр масофада "Самарқанд Мева Сабзавотлари" МЧЖ ер майдонидаги 15-нуқтага (шимолий кенглик 39°32'27.97", шарқий узоқлик 66°49'38.13") туташади.

15-нуқтадан чегара чизиғи "Самарқанд Мева Сабзавотлари" МЧЖ ер майдони бўйлаб шарқий йўналишда 264 метр масофада "Самарқанд Мева Сабзавотлари" МЧЖ ер майдонидаги 16-нуқтага (шимолий кенглик 39°32'29.97", шарқий узоқлик 66°49'49.03") туташади.

16-нуқтадан чегара чизиғи "Самарқанд Мева Сабзавотлари" МЧЖ ер майдони бўйлаб шарқий йўналишда 655 метр масофада Зарчашма кўчасининг ўнг томонидаги 17-нуқтага (шимолий кенглик 39°32'26.60", шарқий узоқлик 66°50'16.16") туташади.

17-нуқтадан чегара чизиғи Зарчашма кўчасининг ўнг томони бўйлаб шарқий йўналишда 204 метр масофада очиқ ер майдонидаги 18-нуқтага (шимолий кенглик 39°32'30.43", шарқий узоқлик 66°50'22.96") туташади.

18-нуқтадан чегара чизиғи очиқ ер майдони бўйлаб шарқий йўналишда 2 178 метр масофада "Ганиев Далер" МЧЖ ер майдонининг шимолий-шарқий бурчагидаги 1-нуқтага (шимолий кенглик 39°32'35.56", шарқий узоқлик 66°51'53.95") туташади.

Ўзбекистон Республикаси

Президентининг

2024 йил 6 февралдаги

ПҚ-60-сон қарорига

4-ИЛОВА

"Оҳалик - Оқбўйро - Миронқул" туристик-рекреацион

зонаси ҳудудида туризм соҳасини комплекс

ривожлантириш чора-тадбирлари

ДАСТУРИ

            

Ўзбекистон Республикаси

Президентининг

2024 йил 6 февралдаги

ПҚ-60-сон қарорига

5-ИЛОВА

"Оҳалик - Оқбўйро - Миронқул"

туристик-рекреацион зонаси ва унга олиб борувчи

йўл-транспорт, муҳандислик-коммуникация ва ишлаб

чиқариш инфратузилмасини ривожлантириш

ДАСТУРИ

Қонун ҳужжатлари маълумотлари миллий базаси (www.lex.uz),

2024 йил 7 февраль