Идишларда қадоқланган ичимлик ва табиий минерал сувларни қайта ишлаш ва қуйиш билан шуғулланувчи корхоналар учун санитария қоидаларини (0058-23-сон СанҚваН) тасдиқлаш тўғрисида"ги Қарори (ЎзР Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг 21.11.2023 й. 25-сон)

Функция недоступна

СОҒЛИҚНИ САҚЛАШ ВАЗИРЛИГИ ҲУЗУРИДАГИ

САНИТАРИЯ-ЭПИДЕМИОЛОГИК ОСОЙИШТАЛИК

ВА ЖАМОАТ САЛОМАТЛИГИ ҚЎМИТАСИНИНГ

21.11.2023 й.

N 25-сон

ҚАРОРИ

Идишларда қадоқланган ичимлик ва

табиий минерал сувларни қайта ишлаш ва

қуйиш билан шуғулланувчи корхоналар

учун санитария қоидаларини

(0058-23-сон СанҚваН)

тасдиқлаш тўғрисида

[Ўзбекистон Республикаси Адлия вазирлиги томонидан

2023 йил 14 декабрда ҳисобга олинди, ҳисоб рақами 224]

Ўзбекистон Республикасининг "Аҳолининг санитария-эпидемиологик осойишталиги тўғрисида"ги Қонуни ва Ўзбекистон Республикаси Президентининг 2020 йил 25 июлдаги ПФ-6035-сон "Коронавирус пандемиясини юмшатиш, аҳолининг санитария-эпидемиологик осойишталиги ва саломатлигини сақлаш тизимини тубдан такомиллаштириш чора-тадбирлари тўғрисида"ги Фармонига мувофиқ, Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси ҚАРОР ҚИЛАДИ:

1. Идишларда қадоқланган ичимлик ва табиий минерал сувларни қайта ишлаш ва қуйиш билан шуғулланувчи корхоналар учун санитария қоидалари (0058-23-сон СанҚваН) иловага мувофиқ тасдиқлансин.

2. Ўзбекистон Республикаси Бош давлат санитария врачи томонидан 2016 йил 25 февралда тасдиқланган "Идишларда қадоқланган ичимлик ва минерал сувларни қайта ишлаш, қуйиш корхоналари учун санитария қоидалари" (0328-16-сон СанҚваН) ўз кучини йўқотган деб топилсин.

3. Мазкур қарор Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Ўзбекистон Савдо-саноат палатаси, Сув хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Тоғ-кон саноати ва геология вазирлиги, Инвестициялар, саноат ва савдо вазирлиги билан келишилган.

4. Мазкур қарор расмий эълон қилинган кундан эътиборан кучга киради.

Санитария-эпидемиологик осойишталик ва

жамоат саломатлиги хизмати бошлиғи                                                     Б. Юсупалиев

Қонун ҳужжатлари маълумотлари миллий базаси (www.lex.uz).