Кимёлаштириш ва ўсимликларни ҳимоя қилиш воситаларини синовдан ўтказиш ҳамда рўйхатга олиш тартиби тўғрисида Низом (ЎзР ВМ 06.03.2024 й. 115-сон қарорига 1-илова)

Функция недоступна

Вазирлар Маҳкамасининг

2024 йил 6 мартдаги

115-сон қарорига

1-ИЛОВА

Кимёлаштириш ва ўсимликларни ҳимоя

қилиш воситаларини синовдан ўтказиш ҳамда

рўйхатга олиш тартиби тўғрисида

НИЗОМ

1-БОБ. УМУМИЙ ҚОИДАЛАР

1. Мазкур Низом кимёлаштириш ва ўсимликларни ҳимоя қилиш воситаларини синовдан ўтказиш ва рўйхатга олиш тартибини белгилайди.

2. Ушбу Низомда қуйидаги асосий тушунчалар қўлланилади:

ариза берувчи - кимёлаштириш ва ўсимликларни ҳимоя қилиш воситаларини рўйхатдан ўтказиш учун ариза берган республика ижро этувчи ҳокимият органлари, хўжалик бошқаруви органлари ҳамда ташкилий-ҳуқуқий шаклига кўра тадбиркорлик фаолияти субъектлари ёки уларнинг ишончли вакили;

вегетация даври - қишлоқ хўжалиги экини экилганидан бошлаб унинг пишиб етилгунига қадар бўлган давр;

кимёлаштириш воситалари - ўсимликларнинг ривожланиши ва пишиб етилишини тезлаштириш, ҳосилдорлиги ва сифатини ошириш, шунингдек, тупроқ унумдорлигини яхшилаш учун фойдаланиладиган кимёвий воситалар;

кимёлаштириш ва ўсимликларни ҳимоя қилиш воситаларининг биологик самарадорлиги - зарарли организмларнинг нобуд бўлиши ёки сонининг камайиши ёхуд ўсимликларнинг зарарланиш даражаси камайиши билан ифодаланган воситадан фойдаланиш натижаси;

кимёлаштириш ва ўсимликларни ҳимоя қилиш воситаларининг фарқланиб турувчи (савдо) номи - маҳсулотни синовдан ўтказиш, рўйхатга олиш, қадоқлаш, реклама қилиш ва фақат ариза берувчи (рўйхатдан ўтказувчи) томонидан маҳсулотни бошқалардан фарқлаш учун фойдаланиладиган ном;

кимёлаштириш воситасини идентификациялаш - кимёлаштириш воситалари намунасига ва (ёки) унинг тавсифига асосан лаборатория синовлари орқали мувофиқлигини аниқлаш;

махсус ваколатли давлат органи - Ўзбекистон Республикаси Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги;

микробиологик ўғит - таркибида микроорганизмлар бўлган ўғитлар;

минерал ўғит - тайёрланган ёки қазиб олинган, таркибида минерал шаклдаги озиқлантирувчи моддалар бўлган ўғитлар;

органик ўғит - келиб чиқиши ўсимлик ёки ҳайвонлар билан боғлиқ моддалардан ташкил топган ўғитлар;

органик-минерал ўғит - органик ёки ноорганик келиб чиқишга эга озиқа моддалари билан органик ва минерал ўғитларни аралаштириш ва (ёки) кимёвий бирикмалар олиш йўли билан олинадиган ўғитлар;

пестицидларнинг қолдиқ миқдори - ўсимлик ва атроф-муҳит объектлари таркибидаги пестицид қолдиқларининг миқдорий кўрсаткичи бўлиб, улар орқали инсонлар ва ҳайвонлар хавфсизлиги баҳоланади;

рўйхатга олинганлиги тўғрисидаги гувоҳнома - кимёлаштириш ва ўсимликларни ҳимоя қилиш воситалари рўйхатга олинганлигини тасдиқловчи ҳужжат;

синовларни ўтказувчи ташкилотлар - махсус ваколатли давлат органи томонидан тасдиқланадиган, кимёлаштириш ва ўсимликларни ҳимоя қилиш воситаларининг биологик самарадорлигини, токсикологик-гигиеник хоссаларини ва экологик хоссаларини аниқловчи илмий-тадқиқот ташкилотлари;

таъсир этувчи (фаол) модда - ўсимликларни ҳимоя қилиш воситаларининг зарарли организмга токсик таъсир кўрсатувчи биологик фаол қисми;

фойдаланиш регламенти - кимёлаштириш ва ўсимликларни ҳимоя қилиш воситаларини қўллаш тартиби ва қоидалари;

хавфсизлик паспорти - кимёлаштириш воситалари учун техник ҳужжатларнинг мажбурий таркибий қисми бўлган ва истеъмолчига кимёлаштириш воситаларидан қишлоқ хўжалигида фойдаланиш, уларни сақлаш, ташиш ва утилизация қилиш хавфсизлиги тўғрисида ҳамда инсон ҳаёти ва соғлиғи, мулк ва атроф-муҳит хавфсизлигини таъминлаш учун ишончли маълумот беришга мўлжалланган ишлаб чиқарувчи ташкилот томонидан берилган ҳужжат;

эталон (андоза) - рўйхатга олинадиган ўсимликларни ҳимоя қилиш воситалари самарадорлигини қиёслаш варианти (фитосанитария мақсади ва кимёвий гуруҳи бўйича синовдан ўтказилаётган воситага ўхшаш ҳамда рўйхатга олинган ўсимликларни ҳимоя қилиш воситаси);

ўсимликларнинг ўсишини бошқарувчи воситалар (стимуляторлар) - ўсимликлар ўсиши ва ривожланишини жадалаштирувчи ёки тартибга солувчи табиий ёхуд сунъий ҳосил этилган маҳсулот;

техник ҳужжат (досье) - ўсимликларни ҳимоя қилиш воситалари ва микробиологик ўғитлар ҳамда ўсимликлар ўсишини бошқарувчи воситаларнинг биологик, физик-кимёвий ва токсикологик хусусиятлари тўғрисидаги маълумот;

ўсимликларни ҳимоя қилиш воситалари - ўсимликларни ҳимоя қилиш учун қўлланиладиган кимёвий воситалар ва биологик ҳимоя воситалари (инсектоакарацидлар, родентицидлар, фунгицидлар, гербицидлар, уруғ дорилагичлар, феромонлар, дефолиантлар, десикантлар ва бошқалар);

ўсимликларни ҳимоя қилиш воситаларининг аналитик стандарти -ўсимликларни ҳимоя қилиш воситаларининг препаратив шакли таркибидаги биологик фаол қисми (таъсир этувчи модда)нинг стандарт намунаси;

ўсимликларни ҳимоя қилиш воситаларининг аналоги - битта таъсир этувчи модда асосида худди шундай препаратив шаклда тайёрланган ўсимликларни ҳимоя қилиш воситалари;

қўллаш меъёрлари - ишлов бериладиган экин майдони ёки ишлов бериладиган бирликка сарфланадиган ўсимликларни ҳимоя қилиш воситаларининг массаси ёки ҳажми (гектарига (квадрат метрига) / грамм / литр / килограмм / тонна / дона (таблетка, штамм).

3. Ўзбекистон Республикасида ишлаб чиқариладиган ёки бошқа мамлакатлардан олиб келинадиган кимёлаштириш ва ўсимликларни ҳимоя қилиш воситалари рўйхатга олиниши лозим.

Ўзбекистон Республикаси ҳудудида рўйхатдан ўтмаган кимёлаштириш ва ўсимликларни ҳимоя қилиш воситаларини ишлаб чиқариш, олиб кириш, сотиш ва улардан фойдаланиш тақиқланади.

4. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳнома махсус ваколатли давлат органи томонидан берилади.

Бунда кимёлаштириш ва ўсимликларни ҳимоя қилиш воситалари беш йил муддатга рўйхатга олинади.

2-БОБ. КИМЁЛАШТИРИШ ВА ЎСИМЛИКЛАРНИ

ҲИМОЯ ҚИЛИШ ВОСИТАЛАРИНИ

РЎЙХАТГА ОЛИШ

5. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳнома мазкур Низомга 1-иловадаги схемага мувофиқ берилади.

6. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномани бериш:

кимёлаштириш воситалари учун - Ўзбекистон Республикаси миллий валютасида базавий ҳисоблаш миқдорининг 20 баравари миқдорида;

ўсимликларни ҳимоя қилиш воситалари, микробиологик ўғитлар ва ўсимликларнинг ўсишини бошқарувчи воситалар учун - Ўзбекистон Республикаси миллий валютасида базавий ҳисоблаш миқдорининг 200 баравари миқдорида бир марталик йиғим ундирилади.

Ўзбекистон Республикаси ҳудудидан ташқарида чет эл валютасида амалга ошириладиган тўловлар Ўзбекистон Республикаси Марказий банки томонидан белгиланган валюталарнинг расмий айирбошлаш курсидан келиб чиққан ҳолда ҳисобланади.

3-БОБ. КИМЁЛАШТИРИШ ВА ЎСИМЛИКЛАРНИ

ҲИМОЯ ҚИЛИШ ВОСИТАЛАРИНИ РЎЙХАТГА

ОЛИШ УЧУН АРИЗА БЕРИШ

7. Кимёлаштириш ва ўсимликларни ҳимоя қилиш воситалари қуйидаги тартибда рўйхатга олинади:

минерал, органик, органик-минерал ўғитларни ўз ичига олган кимёлаштириш воситалари Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси (кейинги ўринларда - Санитария-эпидемиологик осойишталик ва жамоат саломатлиги қўмитаси) ҳамда Экология, атроф-муҳитни муҳофаза илиш ва иқлим ўзгариши вазирлигининг, шунингдек, аккредитациядан ўтган лабораторияларнинг синовлари хулосасига мувофиқ;

ўсимликларни ҳимоя қилиш воситалари ҳамда микробиологик ўғитлар ва ўсимликларнинг ўсишини бошқарувчи воситаларни ўз ичига олган кимёлаштириш воситалари Санитария-эпидемиологик осойишталик ва жамоат саломатлиги қўмитаси ҳамда Экология, атроф-муҳитни муҳофаза қилиш ва иқлим ўзгариши вазирлигининг ҳамда синовларни ўтказувчи ташкилотларнинг синовлари хулосасига мувофиқ.

Махсус ваколатли давлат органи ушбу бандда келтирилган синовлар хулосаларига мувофиқ воситаларни рўйхатга олиш ёки уни рўйхатга олишни рад этиш тўғрисида қарор қабул қилади.

8. Ариза берувчи кимёлаштириш ва ўсимликларни ҳимоя қилиш воситаларини рўйхатга олиш учун қуйидагиларни тақдим этади:

а) кимёлаштириш воситалари учун:

мазкур Низомга 2-иловага мувофиқ шаклдаги ариза;

ариза берувчи томонидан бошқа мамлакатдан олиб келинадиган кимёлаштириш воситаларини рўйхатдан ўтказиш учун ишлаб чиқарувчининг розилик хати (ишончнома, келишув битими) ва маҳсулот ишлаб чиқариш сертификати ёки лицензияси;

кимёлаштириш воситаларини рўйхатдан ўтказган ташкилот номидан ёки товар белгисидан (хизмат кўрсатиш белгисидан) бошқа шахс фойдаланганда, тузилган лицензия шартномаси ёки комплекс тадбиркорлик лицензияси шартномасининг нусхаси ёхуд интеллектуал мулк объектларига (товар белгисига) бўлган ҳуқуқларни тасдиқловчи ҳужжатнинг нусхаси (агар мавжуд бўлса);

кимёлаштириш воситаларини синовдан ўтказиш бўйича аккредитацияланган лабораториянинг олти ойдан ортиқ бўлмаган воситалар синовлари хулосаси ва мазкур Низомга 3-иловага мувофиқ хавфсизлик паспорти;

б) ўсимликларни ҳимоя қилиш воситалари, микробиологик ўғитлар ва ўсимликлар ўсишини бошқарувчи воситалар учун:

ўсимликларни ҳимоя қилиш воситалари учун ушбу Низомга 2а-иловага мувофиқ шаклдаги ариза. Бунда ўсимликларни ҳимоя қилиш воситасининг номи аввал рўйхатга олинган воситанинг номидан фарқланиши лозим (камида учта бош ҳарфи фарқ қилиши лозим), унинг хоссалари ва келиб чиқишини чалғитишга йўл қўйилмаслиги шарт;

ариза берувчи томонидан бошқа мамлакатдан олиб келинадиган ўсимликларни ҳимоя қилиш воситаларини рўйхатдан ўтказиш учун ишлаб чиқарувчининг розилик хати (ишончнома, келишув битими) ва маҳсулот ишлаб чиқариш сертификати ёки лицензияси;

ўсимликликларни ҳимоя қилиш воситаларини рўйхатдан ўтказган ташкилот номидан ёки товар белгисидан (хизмат кўрсатиш белгисидан) бошқа шахс фойдаланганда, тузилган лицензия шартномаси ёки комплекс тадбиркорлик лицензияси шартномасининг нусхаси ёхуд интеллектуал мулк объектларига (товар белгисига) бўлган ҳуқуқларни тасдиқловчи ҳужжатнинг нусхаси (агар мавжуд бўлса);

янги микробиологик воситалар учун мазкур Низомга 4 ёки 8, 9 ва 10-иловаларга мувофиқ шаклдаги маълумотлар;

ушбу Низомга 6а-11-иловаларда назарда тутилган тартибда йиғилган, қисмлар бўйича гуруҳланган ва рақамланган, тегишли равишда ушбу воситани асл ишлаб чиқарувчи корхона томонидан тасдиқланган техник ҳужжатлар (досье) тўплами;

воситанинг препаратив шакли ва (ёки) концентрацияси, шунингдек, унинг аналоги ўзгарганда, таркибида олдин рўйхатга олинган воситаларнинг таъсир этувчи моддалари бўлган комбинацияланган воситаларни рўйхатдан ўтказиш учун мазкур Низомга 6 ёки 6а, 7 ва 11-иловаларга мувофиқ шаклдаги маълумотлар;

титри ўзгарган микробиологик воситаларни рўйхатга олиш учун мазкур Низомга 6, 6а, 9 ва 11-иловаларга мувофиқ шаклдаги маълумотлар;

воситадан фойдаланиш регламенти;

ўсимлик маҳсулотлари ва атроф-муҳит объектларида пестицидларнинг қолдиқ миқдори меъёрлари ва уларни аниқлаш усуллари (ўсимлик маҳсулотларидаги пестицид қолдиқларининг рухсат этилган максимал даражаси, санитария-маиший мақсадларда фойдаланиладиган сув ҳавзаларида пестицид қолдиқларининг рухсат этилган максимал концентрацияси, иш зонаси ҳавосида пестицид қолдиқларининг рухсат этилган максимал концентрацияси, иш зонаси ва атмосфера ҳавосидаги пестицидлар таъсирининг тахминий хавфсиз даражаси, пестицид қолдиқларининг тупроқдаги рухсат этилган максимал концентрацияси);

ўрам-қути ва ёрлиқ тўғрисида мазкур Низомга 5а-иловага мувофиқ шаклдаги маълумотлар.

Кимёлаштириш ва ўсимликларни ҳимоя қилиш воситаларининг ёрлиғи ва унга илова қилинган ҳужжатлар матни ўзбек тилида (чет эл ариза берувчилари учун рус тилида), шунингдек, хавфли кимёлаштириш воситаларининг ёрлиғида огоҳлантирувчи тамғаси бўлиши керак.

Ариза берувчидан ушбу бандда назарда тутилмаган бошқа ҳужжат ва маълумотларни талаб этишга йўл қўйилмайди.

9. Ариза берувчи мазкур Низомнинг 8-бандида назарда тутилган ҳужжат ва маълумотларни махсус ваколатли давлат органининг "Минерал ўғитлар ва ўсимликларни ҳимоя қилиш бўйича биологик ва кимёвий воситаларни синовдан ўтказиш, рўйхатга олиш" автоматлаштирилган ахборот тизими (кейинги ўринларда - АТТ) орқали электрон шаклда тақдим этади ва электрон рақамли имзо билан тасдиқлайди.

10. Ариза берувчи томонидан ҳужжат ва маълумотлар тўлиқ тақдим этилмаганда, шунингдек, амал қилиш муддати ўтган ҳужжатлар тақдим этилганда, махсус ваколатли давлат органи ўн беш иш куни ичида камчиликларни кўрсатган ҳолда хатоларни тўғрилаш ва етишмаётган ҳужжатларни тақдим этиш учун такроран тақдим этиши мумкин бўлган муддатни кўрсатган ҳолда хабарнома юборади.

Бунда хабарномада кўрсатилган муддат камчиликларни бартараф этиш учун зарур бўладиган вақтга мутаносиб бўлиши, лекин ушбу муддат ўттиз иш кунидан ошмаслиги лозим.

11. Махсус ваколатли давлат органи ариза берувчи томонидан берилган ҳужжат ва маълумотларни мустақил равишда асл ишлаб чиқарувчидан текширишга ҳақли.

12. Тақдим этилган ҳужжат ва маълумотлар ҳамда кейинчалик Ўзбекистон Республикаси ҳудудида фойдаланиладиган препаратларнинг ножўя таъсири учун ишлаб чиқарувчи ҳамда синовни ўтказувчи ташкилотлар жавобгар ҳисобланади.

13. Ариза берувчи махсус ваколатли давлат органи томонидан кўриб чиқилган ҳужжатлар орасидан мазмуни тижорат сирини ташкил этувчи конфиденциал тусдаги ҳужжатлар рўйхатини белгилайди ва уларнинг "конфиденциал"лигини тасдиқлайди.

Махсус ваколатли давлат органи ва синовни ўтказувчи ташкилотлар томонидан техник ҳужжат (досъе)нинг конфиденциал маълумотлари ошкор этилмайди.

4-БОБ. КИМЁЛАШТИРИШ ВА ЎСИМЛИКЛАРНИ

ҲИМОЯ ҚИЛИШ ВОСИТАЛАРИНИ РЎЙХАТГА

ОЛИШ СИНОВЛАРИНИ ЎТКАЗИШ

14. Кимёлаштириш ва ўсимликларни ҳимоя қилиш воситаларини рўйхатга олиш синовлари уларнинг биологик самарадорлигини, токсикологик-гигиеник хоссаларини ҳамда экологик хоссаларини аниқлаш мақсадида ўтказилади.

Махсус ваколатли давлат органи ариза берувчи томонидан тақдим этилган ҳужжатларни Санитария-эпидемиологик осойишталик ва жамоат саломатлиги қўмитаси ҳамда Экология, атроф-муҳитни муҳофаза қилиш ва иқлим ўзгариши вазирлиги билан биргаликда ўрганади.

15. Махсус ваколатли давлат органи ариза келиб тушган кундан эътиборан ўн беш иш куни ичида Санитария-эпидемиологик осойишталик ва жамоат саломатлиги қўмитаси ҳамда Экология, атроф-муҳитни муҳофаза қилиш ва иқлим ўзгариши вазирлиги билан келишилган ҳолда, ўсимликларни ҳимоя қилиш воситаларини, микробиологик ўғитлар ва ўсимликлар ўсишини бошқарувчи воситаларни рўйхатга олиш учун синовларни ўтказиш режасини тасдиқлайди.

16. Махсус ваколатли давлат органи воситаларнинг биологик самарадорлигини аниқлаш учун Қишлоқ хўжалиги вазирлиги ва Фанлар академияси, токсикологик-гигиеник хоссаларини аниқлаш учун Санитария-эпидемиологик осойишталик ва жамоат саломатлиги қўмитаси ҳамда экологик хоссаларини аниқлаш учун Экология, атроф-муҳитни муҳофаза қилиш ва иқлим ўзгариши вазирлигининг тақдимномасига асосан синовларни ўтказувчи ташкилотлар рўйхатини тасдиқлайди.

17. Кимёлаштириш воситалари ишлаб чиқарувчилар ва бошқа манфаатдор шахслар (ишлаб чиқарувчиларнинг ваколатли вакиллари, импорт қилувчилар, давлат назоратини амалга оширувчилар) томонидан идентификация қилиш орқали аниқланади.

Идентификация қилиш кимёлаштириш воситаларини ишлаб чиқариш жараёни ва ишлатилган асосий компонентлар, ўрам ёки ёрлиқда кўрсатилган озиқа моддалари миқдори ва уларнинг шаклини аниқлаш ва кимёлаштириш воситалари намунасининг лаборатория синовлари маълумотларига мувофиқлигини текшириш орқали амалга оширилади.

18. Кимёлаштириш воситаларини идентификация қилишда қуйидаги талабларга риоя қилинади:

кимёлаштириш воситаларининг сифати ва назорати 12-иловадаги кўрсаткичларга мос келиши лозим, сифат кўрсаткичида кўрсатилган минимал ва максимал қийматлардан четга чиқишга йўл қўйилмайди;

кимёлаштириш воситаларининг сифат кўрсаткичининг салбий оғиши 13-иловадаги оғиш кўрсаткичларидан, номақбул аралашмаларнинг концентрацияси 14-иловадаги рухсат этилган концентрациядан ошмаслиги лозим.

19. Қуйидаги ҳолларда кимёлаштириш ва ўсимликларни ҳимоя қилиш воситаларини рўйхатга олиш учун синовларни ўтказишга рухсат берилмайди:

тақиқланган воситалар таркибига киритилган ёки ўсимликларни ҳимоя қилиш воситаларининг тақиқланган ҳамда чекланган фаол ва нофаол ингредиентлар реестрига киритилган бўлса;

Ўзбекистон Республикасида патентлар билан ҳимояланган фаол моддаларни ёки воситаларни ўз ичига олган бўлса;

Ўзбекистон Республикасида бир хил экин ва зарарли организмларга нисбатан қўлланилган, олдин рўйхатга олинган ва сарф меъёри сезиларли даражада камайтирилган бўлса;

агар таъсир этувчи (фаол) модда ёки ўсимликларни ҳимоя қилиш воситалари олиб кирилиши тақиқланган ва Ўзбекистон Республикаси томонидан ратификация қилинган халқаро конвенция ва ҳужжатлар рўйхатида бўлса;

рўйхатга олиш учун ариза ҳисобот йилининг 1 февралидан кеч берилган бўлса.

20. Рўйхатга олиш учун синовлар ариза берувчилар билан синовларни ўтказувчи ташкилотлар ўртасида тузилган шартномага мувофиқ амалга оширилади.

21. Ариза берувчи синов учун мўлжалланган воситанинг асл ишлаб чиқарувчи қадоғидаги пломбаланган зарур миқдордаги намунасини ва унга берилган мувофиқлик сертификати ва таҳлил сертификатини, шунингдек, аналоги бўлмаган ва таркибида янги таъсир этувчи (фаол) модда бўлган воситалар учун аналитик стандарт ва эталон воситасини синовни ўтказувчи ташкилотлар (аккредитациядан ўтган лабораториялар)га бевосита ёки почта алоқа воситаси орқали тақдим этади.

22. Тақдим этилган намуналарнинг ишончли сақланиши ҳамда мақсадга кўра хавфсиз фойдаланилиши синовдан ўтказувчи ташкилотлар зиммасида бўлади.

23. Рўйхатга олиш учун синовларнинг белгиланган тартибда ўтказилиши, натижаларнинг ишончлилиги, хулосалар ва тавсияларнинг объективлиги (холисоналиги) учун синовни ўтказувчи ташкилотлар жавобгар ҳисобланади.

24. Кимёлаштириш ва ўсимликларни ҳимоя қилиш воситаларини рўйхатга олиш учун ариза берган шахс, шунингдек, ушбу воситаларни ишлаб чиқарувчилар кимёлаштириш ва ўсимликларни ҳимоя қилиш воситаларини рўйхатга олиш учун синовларнинг натижалари тўғрисидаги хулосани тайёрлашда иштирок этишга ҳақли эмас.

25. Токсикологик баҳолаш мақсадида Ўзбекистон Республикаси ҳудудига воситалар намунаси (аналитик намунаси)нинг зарур бўлган миқдорини олиб кириш учун кимёлаштириш ва ўсимликларни ҳимоя қилиш воситаларини рўйхатга олиш синовини ўтказиш дастури асос бўлади.

Бунда воситаларнинг синов учун талаб этиладиган миқдори синов ўтказувчи ташкилотлар томонидан белгиланади.

26. Ўзбекистон Республикаси ҳудудида ўсимликларни ҳимоя қилиш воситаларининг биологик самарадорлигини аниқлашда таққослаш учун эталон мавжуд бўлмаган тақдирда, махсус ваколатли давлат органи билан келишилган ҳолда худди шундай мақсадли эталондан фойдаланишга йўл қўйилади.

Эталон сифатида қўлланиладиган ўсимликларни ҳимоя қилиш воситалари мавжуд бўлмаган тақдирда, воситаларни рўйхатга олиш учун синовларни эталонсиз ўтказишга рухсат берилади.

27. Ўсимликларни ҳимоя қилиш воситаларининг биологик самарадорлиги синовлари зарарли организмларнинг хусусиятлари (авлодлар сони, патогенлиги, чидамлилиги, иқтисодий аҳамияти, тарқалиш майдони)ни ҳисобга олган ҳолда экинлар етиштириладиган ҳудудларда ўтказилади.

Ўсимликларни ҳимоя қилиш воситаларининг биологик самарадорлиги синовлари экин тури ва зарарли организмларга қараб турли тупроқ-иқлим шароитларида ўтказилади.

28. Синовдан ўтказилаётган ўсимликларни ҳимоя қилиш воситаларининг ўсимлик маҳсулотлари ва атроф-муҳит объектларида қолдиқ миқдорлари ва препаратларнинг парчаланиш динамикасини аниқлаш ишлари уларнинг биологик ва иқтисодий самарадорлиги баҳоланган тажриба майдонларидан олинган намуналарни ўрганиш орқали амалга оширилади.

29. Рўйхатга олиш учун синовлар:

рецептурани ўзгартириш, препаратив шакли ва таъсир этувчи (фаол) модданинг фоиз таркиби ўзгариши, ишлаб чиқарувчини ўзгартириш, аналоглар синовлари, комбинацияланган препаратлар, пестицидлар, олдин рўйхатга олинган препаратларнинг бир қисми бўлган таъсир этувчи (фаол) моддалар учун - 12 ой (тўлиқ бир вегетация даврида);

янги таъсир этувчи (фаол) моддаларни ўз ичига олган воситалар учун - 24 ой (тўлиқ икки вегетация даврида) муддатида ўтказилади.

Агар воситаларнинг турли тупроқ-иқлим минтақаларида ўтказилган рўйхатга олиш учун синов натижалари бир-биридан кескин фарқ қилса, у ҳолда ариза берувчининг розилиги билан воситаларни рўйхатга олиш учун синовларини ўтказиш муддати бир йилгача узайтирилади ёки ўсимликларни ҳимоя қилиш воситалари, микробиологик ўғитлар ва ўсимликлар ўсишини бошқарувчи воситаларнинг сарф меъёрини аниқлаш мақсадида такрорий тажрибалар дала шароитида ўтказилади.

30. Рўйхатга олиш учун синов ўтказувчи ташкилотлар томонидан воситаларни рўйхатга олиш синовлари натижалари тўғрисидаги ҳисоботлар ушбу Низомга 15-иловага мувофиқ шаклда тайёрланади.

Синов натижалари тўғрисидаги хулосада қуйидагилар қайд этилади:

воситаларни рўйхатдан ўтказишнинг мақсадга мувофиқлиги;

фойдаланиш қоидалари ва чекловлари ёхуд воситаларини рўйхатга олиш мумкин эмаслиги тўғрисида аниқ хулоса ва тавсиялар;

салбий ножўъя таъсирларнинг мавжудлиги.

31. Синов ўтказувчи ташкилотлар ўсимликларни ҳимоя қилиш воситалари, микробиологик ўғитлар ва ўсимликлар ўсишини бошқарувчи воситалар бўйича тегишли хулоса ва илмий ҳисоботларни ҳар йили 1 ноябрга қадар махсус ваколатли давлат органига АТТ орқали тақдим этади.

минерал, органик, органик-минерал ўғитларни ўз ичига олган кимёлаштириш воситалари аккредитациядан ўтган лаборатория таҳлиллари натижалари синов методикаларида белгиланган муддатлар асосида тақдим этилади.

32. Кимёлаштириш ва ўсимликларни ҳимоя қилиш воситалари рўйхатга олиш учун синовдан ўтказилган далаларда етиштирилган ҳосилдан давлат санитария назоратини амалга оширувчи органнинг рухсати билан фойдаланилади.

5-БОБ. ҲИСОБОТЛАРНИ ТАҚДИМ ЭТИШ

ВА КЎРИБ ЧИҚИШ, ШУНИНГДЕК, РЎЙХАТГА

ОЛИНГАНЛИГИ ТЎҒРИСИДАГИ ГУВОҲНОМАНИ

БЕРИШ ЁКИ УНИ БЕРИШНИ РАД ЭТИШ

ТЎҒРИСИДА ҚАРОР ҚАБУЛ ҚИЛИШ

33. Махсус ваколатли давлат органи ваколатли давлат органлари билан биргаликда ариза берувчилар томонидан тақдим этилган ҳужжатларни кўриб чиқади.

34. Махсус ваколатли давлат органи хулосаларга ва илмий ҳисоботларга асосан якуний хулоса тайёрлайди ҳамда уларнинг натижаларига кўра кимёлаштириш ва ўсимликларни ҳимоя қилиш воситаларини рўйхатга олиш ҳақида ёхуд рўйхатга олишни рад этиш тўғрисида қарор қабул қилади.

Махсус ваколатли давлат органи кимёлаштириш воситаларини ва ўсимликларни ҳимоя қилиш воситаларини рўйхатга олиш учун синовларнинг натижаларини таҳлил қилади ҳамда баҳолайди.

Синовларни ўтказган ташкилотлар ёки улардан бири синовлар якунлари бўйича салбий хулоса чиқарган тақдирда, кимёлаштириш воситаларини ва ўсимликларни ҳимоя қилиш воситаларини рўйхатга олиш рад этилади.

35. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳнома беришни рад этиш учун қуйидагилар асос бўлади:

ариза берувчи томонидан ўсимликларни ҳимоя қилиш воситалари рўйхатга олинганлиги тўғрисидаги гувоҳнома олиш учун талаб этилган ҳужжатлар ва маълумотлар камчиликларни бартараф этиш учун махсус ваколатли давлат органи томонидан берилган муддат ичида тўлиқ тақдим этилмаганлиги;

тақдим этилган ҳужжатлар ушбу Низом талабларини бузган ҳолда расмийлаштирилганлиги;

ариза берувчи томонидан тақдим этилган ҳужжатларда нотўғри ёки бузиб кўрсатилган маълумотларнинг мавжудлиги;

воситаларнинг инсон саломатлиги ва атроф-муҳит учун хавфлилиги тўғрисида илгари номаълум бўлган маълумотлар олинганлиги;

рўйхатга олиш синовларини ўтказиш методикаси (услуб)нинг бузилганлиги;

ушбу Низомга мувофиқ воситаларни рўйхатга олиш учун синовларни ўтказиш натижалари бўйича асослантирилган салбий хулосалар берилганлиги;

давлат экологик экспертизаси, токсикологик-гигиеник экспертиза ва биологик самарадорлик бўйича салбий хулоса берилганлиги;

интеллектуал мулк соҳасидаги қонунчиликка риоя этилмаганлиги.

36. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳнома беришнинг рад этилганлиги ҳақидаги хабарнома ариза берувчига электрон шаклда рад этишнинг сабаблари ҳамда қонунчилик ҳужжатларининг нормалари кўрсатилган ҳолда юборилади.

6-БОБ. КИМЁЛАШТИРИШ ВА ЎСИМЛИКЛАРНИ

ҲИМОЯ ҚИЛИШ ВОСИТАЛАРИ РЎЙХАТГА ОЛИНГАНЛИГИ

ТЎҒРИСИДАГИ ГУВОҲНОМАНИ РАСМИЙЛАШТИРИШ

37. Ушбу Низомнинг 6-бандида белгиланган йиғим учун тўловлар амалга оширилгандан сўнг махсус ваколатли давлат органи томонидан 10 иш куни ичида мазкур Низомга 16-иловага мувофиқ электрон шаклда рўйхатга олинганлиги тўғрисидаги гувоҳнома расмийлаштирилади.

38. Махсус ваколатли давлат органи томонидан кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳнома расмийлаштирилгандан сўнг Ўсимликлар зараркунандалари, касалликлари ва бегона ўтларга қарши курашишнинг қўллаш учун рухсат этилган кимёвий ҳамда биологик воситалари, дефолиантлар ва ўсимликлар ўсишини бошқарувчи воситалар рўйхатига киритади ҳамда ўзининг расмий веб-сайтида эълон қилиб боради.

39. Кимёлаштириш ва ўсимликларни ҳимоя қилиш воситалари рўйхатга олинган (қайта рўйхатга олинган)дан сўнг воситаларнинг савдо номини ёки таркибини ўзгартиришга йўл қўйилмайди.

40. Ўсимликларни ҳимоя қилиш бўйича шошилинч чоралар кўрилишини талаб қилувчи ҳолатлар мавжуд бўлган тақдирда, рўйхатдан ўтказилмаган ўсимликларни ҳимоя қилиш воситаларини бир йилгача бўлган муддатда тажриба тариқасида қўллашга йўл қўйилади.

Ўсимликларни ҳимоя қилиш воситаларини тажриба тариқасида қўллашга доир рухсатнома махсус ваколатли давлат органи томонидан Экология, атроф-муҳитни муҳофаза қилиш ва иқлим ўзгариши вазирлиги ҳамда Санитария-эпидемиологик осойишталик ва жамоат саломатлиги қўмитаси билан келишилган ҳолда, олдиндан белгиланган майдон ёки ҳудуд учун бир вегетация даврига бўлган муддатга берилади.

Ўсимликларни ҳимоя қилиш воситаларини тажриба тариқасида қўллашга доир рухсатномани бериш чоғида махсус ваколатли давлат органи тажриба раҳбарини, шунингдек, уни ўтказиш қоидалари ва шартларини белгилайди.

Ўсимликларни ҳимоя қилиш воситаларини тажриба тариқасида қўллаш муддати тугаганидан кейин тажриба раҳбари махсус ваколатли давлат органига тажриба натижалари тўғрисидаги ҳисоботни, шунингдек, ўсимликларни ҳимоя қилиш воситалари қолдиқлари, асбоблар ва мосламалар турган жой ҳақидаги ахборотни тақдим этади.

7-БОБ. КИМЁЛАШТИРИШ ВА ЎСИМЛИКЛАРНИ ҲИМОЯ

ҚИЛИШ ВОСИТАЛАРИ РЎЙХАТГА ОЛИНГАНЛИГИ

ТЎҒРИСИДАГИ ГУВОҲНОМАНИ ҚАЙТА

РАСМИЙЛАШТИРИШ

41. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномани қайта расмийлаштириш ариза берувчининг мурожаатига асосан махсус ваколатли давлат органи томонидан кўриб чиқилади.

Юридик шахс бўлган тадбиркорлик субъекти қайта ташкил этилганда, унинг номи ёки жойлашган жойи (почта манзили) ўзгарган тақдирда, тадбиркорлик субъекти ёхуд унинг ҳуқуқий вориси қайта рўйхатдан ўтгандан кейин 5 иш куни ичида маълумотларни тасдиқловчи ҳужжатларни илова қилган ҳолда, кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномани қайта расмийлаштириш бўйича махсус ваколатли давлат органига ариза билан мурожаат қилади.

Якка тартибдаги тадбиркорнинг фамилияси, исми, отасининг исми ёки фаолият кўрсатадиган жойи ўзгарганда, тадбиркорлик субъекти сифатида қайта рўйхатдан ўтгандан кейин 5 иш куни ичида маълумотларни тасдиқловчи ҳужжатларни илова қилган ҳолда, кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномани қайта расмийлаштириш бўйича махсус ваколатли давлат органига ариза билан мурожаат қилади.

42. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномани рўйхатга олувчини ўзгартириш учун қуйидаги ҳужжатлар тақдим этилади:

мазкур Низомга 2-иловага мувофиқ шаклда кимёлаштириш воситаси ва Низомга 2а-иловага мувофиқ шаклда ўсимликларни ҳимоя қилиш воситасини рўйхатга олувчини (ариза берувчини) ўзгартириш тўғрисидаги ариза;

кимёлаштириш ва ўсимликларни ҳимоя қилиш воситаларини рўйхатдан ўтказиш ҳуқуқи янги рўйхатга олувчига (ариза берувчига) ўтганлигини тасдиқловчи ҳужжатлар (шартнома, хат, келишув битимлар);

янги рўйхатга олувчи (ариза берувчи) номидан кимёлаштириш ва ўсимликларни ҳимоя қилиш воситаларини рўйхатга олувчи бўлганлигини тасдиқловчи ҳамда кимёлаштириш ва ўсимликларни ҳимоя қилиш воситаларини ишлаб чиқарувчи, савдо номи, таъсир этувчи моддасининг ишлаб чиқарувчиси, фойдаланиш регламентлари ўзгартирилмаганлигини тасдиқловчи ҳужжатлар;

кимёлаштириш ва ўсимликларни ҳимоя қилиш воситаларини ишлаб чиқарувчи хорижий корхонанинг розилик берганлигини тасдиқловчи ҳужжат;

кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳноманинг асл нусхаси (агар гувоҳнома қоғоз шаклда олинган бўлса);

янги рўйхатга олувчи (ариза берувчи) номидан мазкур Низомга 5-иловага мувофиқ шаклда кимёлаштириш воситаси ёки 5а-иловага (қадоқ ёки ўрам шакли) мувофиқ шаклда ўсимликларни ҳимоя қилиш воситалари тўғрисида маълумот.

Бунда гувоҳномани рўйхатга олувчини ўзгартириш учун ариза берувчидан ушбу бандда назарда тутилмаган ҳужжатларни талаб қилишга йўл қўйилмайди.

43. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳнома қайта расмийлаштирилганда, ўсимлик зараркунандалари, касалликлари ва бегона ўтларга қарши фойдаланишга рухсат этилган кимёвий ва биологик кураш воситалари, шунингдек, дефолиантлар, десикантлар ва ўсимликларнинг ўсишини бошқарувчи воситалар рўйхатига ҳамда кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномалар реестрига тегишли ўзгартиришлар киритилади.

44. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномани қайта расмийлаштириш ариза берилган кундан бошлаб 10 иш куни ичида амалга оширилади.

Бунда кимёлаштириш ва ўсимликларни ҳимоя қилиш воситаларини рўйхатга олиш муддати сақланиб қолади, қайта рўйхатга олиш учун синовлар ўтказилмайди.

45. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномани қайта расмийлаштириш учун йиғим ундирилмайди.

8-БОБ. КИМЁЛАШТИРИШ ВА ЎСИМЛИКЛАРНИ

ҲИМОЯ ҚИЛИШ ВОСИТАЛАРИНИ ҚАЙТА

РЎЙХАТГА ОЛИШ ТАРТИБИ

46. Рўйхатга олиш муддати тугагандан сўнг ариза берувчининг аризасига кўра:

кимёлаштириш воситаларини қайта рўйхатга олиниши учун мазкур Низомга 2, 5 ва 6-иловаларга мувофиқ шаклдаги ҳужжатлар;

ўсимликларни ҳимоя қилиш воситалари, микробиологик ўғитлар ҳамда ўсимликлар ўсишини бошқарувчи воситалар учун мазкур Низомга 2а, 6а, 7 ва 11-иловаларга мувофиқ шаклдаги ҳужжатлар тақдим этилади.

47. Санитария-эпидемиологик осойишталик ва жамоат саломатлиги қўмитаси ҳамда Экология, атроф-муҳитни муҳофаза қилиш ва иқлим ўзгариши вазирлигининг хулосалари асосида қабул қилинган махсус ваколатли давлат органининг қарори воситаларнинг кейинги муддатга қайта рўйхатга киритилишига асос бўлади.

48. Кимёлаштириш ва ўсимликларни ҳимоя қилиш воситаларини қайта рўйхатга олиш учун ариза берувчи рўйхатга олиш муддати тугашидан камида 60 кун олдин махсус ваколатли давлат органига рўйхатга олинганлиги тўғрисидаги гувоҳномани кўрсатган ҳолда ариза билан мурожаат қилади.

49. Махсус ваколатли давлат органи томонидан қайта рўйхатга олиш тўғрисидаги мурожаатни келиб тушган кундан бошлаб 20 иш куни ичида кўриб чиқади, Санитария-эпидемиологик осойишталик ва жамоат саломатлиги қўмитаси ва Экология, атроф-муҳитни муҳофаза қилиш ва иқлим ўзгариши вазирлиги билан келишилган ҳолда, қарор қабул қилади ҳамда кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномани расмийлаштиради.

50. Махсус ваколатли давлат органининг кимёлаштириш ва ўсимликларни ҳимоя қилиш воситаларини қайта рўйхатга олиш бўйича юборган сўровномаларига мувофиқ Санитария-эпидемиологик осойишталик ва жамоат саломатлиги қўмитаси ҳамда Экология, атроф-муҳитни муҳофаза қилиш ва иқлим ўзгариши вазирлиги 10 иш куни ичида тегишли хулосаларни тақдим этиши лозим.

51. Махсус ваколатли давлат органи ўсимликлар зараркунандалари, касалликлари ва бегона ўтларга қарши курашишнинг қўллаш учун рухсат этилган кимёвий ҳамда биологик воситалари, дефолиантлар ва ўсимликлар ўсишини бошқарувчи воситалар рўйхатига қайта рўйхатга олинган воситалар тўғрисидаги маъумотларни киритади ҳамда ўзининг расмий веб-сайтига жойлаштиради.

52. Ушбу Низомнинг 48-бандида белгиланган муддат ўтгандан кейин тақдим этилган қайта рўйхатга олиш тўғрисидаги аризалар махсус ваколатли давлат органи томонидан қабул қилинмайди ва қайта рўйхатга олишни рад этиш учун асос ҳисобланди.

53. Кимёлаштириш ва ўсимликларни ҳимоя қилиш воситалари қуйидаги ҳолларда қайта рўйхатдан ўтказилмайди:

ваколатли давлат органлари томонидан тасдиқланган, инсон саломатлиги, ҳайвонлар ёки атроф-муҳит учун хавфлилиги тўғрисида илгари номаълум бўлган янги маълумотлар олинганда;

ўсимликларни ҳимоя қилиш воситалари Ўзбекистон Республикаси томонидан ратификация қилинган халқаро конвенциялар рўйхатига ҳамда Ўсимликларни ҳимоя қилиш воситаларининг фаол ва нофаол бўлган, фойдаланиш тақиқланган ҳамда чекланган ингредиентлари реестрига киритилган бўлса;

қишлоқ хўжалигида фойдаланиладиган воситаларнинг қўллаш меъёрлари ҳамда биологик самарадорлиги камайганлиги тўғрисида тегишли далолатнома расмийлаштирилган бўлса;

воситаларнинг кимёвий таркиби, рецептураси ва ишлаб чиқариш технологиясида (формуляцияси) ўзгаришлар киритилган бўлса.

54. Ариза берувчи қайта рўйхатга олишда воситаларнинг кимёвий таркиби, рецептураси ва ишлаб чиқариш технологияси (формуляцияси)даги барча ўзгаришлар, шунингдек, унинг хавфлилиги бўйича янги маълумотлар пайдо бўлиши тўғрисида ҳужжатларни тақдим этади.

55. Кимёлаштириш ва ўсимликларни ҳимоя қилиш воситалари қайта рўйхатга олинганда тегишинча мазкур Низомнинг 6-бандида назарда тутилган йиғим суммасининг ярми миқдоридаги бир марталик йиғим ундирилади.

9-БОБ. КИМЁЛАШТИРИШ ВА ЎСИМЛИКЛАРНИ ҲИМОЯ

ҚИЛИШ ВОСИТАЛАРИ РЎЙХАТГА ОЛИНГАНЛИГИ

ТЎҒРИСИДАГИ ГУВОҲНОМАНИНГ АМАЛ

ҚИЛИШИНИ ТУГАТИШ

56. Рўйхатга олинганлиги тўғрисидаги гувоҳнома қуйидаги ҳолларда тугатилади:

қўлланилаётган кимёлаштириш ва ўсимликларни ҳимоя қилиш воситаларининг таркибида бошқа аралашмалар мавжуд бўлганда ёки уларнинг таркиби рўйхатга олинган таркибдан фарқ қилганда;

рўйхатга олинган кимёлаштириш ва ўсимликларни ҳимоя қилиш воситалари қўлланилганда инсон соғлиғига, атроф-муҳитга ёки биологик ҳимоя воситаларига зарар етказилиши эҳтимоли тўғрисида илмий жиҳатдан тасдиқланган янги маълумотлар мавжуд бўлганда;

рўйхатга олинган кимёлаштириш ва ўсимликларни ҳимоя қилиш воситаларининг номақбул хоссаси ҳамда биологик самарадорлиги паст эканлиги аниқланганда.

57. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳноманинг амал қилиши махсус ваколатли давлат органи томонидан Санитария-эпидемиологик осойишталик ва жамоат саломатлиги қўмитасининг, Экология, атроф-муҳитни муҳофаза қилиш ва иқлим ўзгариши вазирлигининг хулосасига асосан тугатилади.

58. Махсус ваколатли давлат органи томонидан кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳноманинг амал қилиши тугатилганда, ўсимликлар зараркунандалари, касалликлари ва бегона ўтларга қарши курашишнинг қўллаш учун рухсат этилган кимёвий ҳамда биологик воситалари, дефолиантлар ва ўсимликлар ўсишини бошқарувчи воситалар рўйхатига тегишли ўзгартиришлар киритади ҳамда маълумотларни ўзининг веб-сайтига жойлаштиради.

59. Махсус ваколатли давлат органи қарор қабул қилингандан кейин 10 иш куни ичида кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномани олган шахсга рўйхатга олинганлиги тўғрисидаги гувоҳноманинг тугатилганлигини хабардор қилади.

60. Санитария-эпидемиологик осойишталик ва жамоат саломатлиги қўмитаси, Экология, атроф-муҳитни муҳофаза қилиш ва иқлим ўзгариши вазирлиги томонидан махсус ваколатли давлат органи билан биргаликда фаол моддадан фойдаланишга тақиқ ўрнатилганда, ушбу фаол моддани ўз ичига олган ўсимликларни ҳимоя қилиш воситаларини рўйхатга олувчи дарҳол хабардор қилинади ҳамда 24 ой ичида ушбу маҳсулотларни қўллашни тўхтатиши шарт, бунда мазкур давр мобайнида тақиқланган фаол моддани ўз ичига олган ўсимликларни ҳимоя қилиш воситаларини республикага олиб кириш ва ишлаб чиқариш тақиқланади.

61. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳноманинг амал қилишини тугатиш юзасидан гувоҳнома эгаси томонидан белгиланган тартибда суд органларига мурожаат қилиши мумкин.

10-БОБ. КИМЁЛАШТИРИШ ВА ЎСИМЛИКЛАРНИ ҲИМОЯ

ҚИЛИШ ВОСИТАЛАРИ РЎЙХАТГА ОЛИНГАНЛИГИ

ТЎҒРИСИДАГИ ГУВОҲНОМАЛАР

РЕЕСТРИНИ ЮРИТИШ

62. Махсус ваколатли давлат органи кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномалар реестрини юритади.

63. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномалар реестрида қуйидаги маълумотлар кўрсатиб ўтилади:

ариза берувчиларнинг номи, уларнинг ташкилий-ҳуқуқий шакли, манзили, телефони;

рўйхатга олинганлиги тўғрисидаги гувоҳномалар берилган сана ва тартиб рақами;

кимёлаштириш ва ўсимликларни ҳимоя қилиш воситаларини қўллаш доираси ҳамда меъёрлари;

рўйхатга олинганлиги тўғрисидаги гувоҳноманинг амал қилиш муддати;

рўйхатга олинганлиги тўғрисидаги гувоҳноманинг амал қилишини тугатиш асоси ва санаси.

11-БОБ. КИМЁЛАШТИРИШ ВА ЎСИМЛИКЛАРНИ

ҲИМОЯ ҚИЛИШ ВОСИТАЛАРИНИ РЎЙХАТГА

ОЛУВЧИНИНГ ҲУҚУҚ ВА МАЖБУРИЯТЛАРИ

64. Кимёлаштириш ва ўсимликларни ҳимоя қилиш воситалари ушбу Низом талабларига мувофиқ кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномага эга бўлган тақдирда реализация қилишга йўл қўйилади.

65. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномага эга субъектлар қуйидаги ҳуқуқларга эга бўлади:

ишлаб чиқарилган кимёлаштириш ва ўсимликларни ҳимоя қилиш воситалари билан улгуржи ва чакана савдо қилиш;

кимёлаштириш ва ўсимликларни ҳимоя қилиш воситаларини белгиланган тартибда хорижий мамлакатлардан Ўзбекистон Республикаси ҳудудига олиб кириш;

кимёлаштириш ва ўсимликларни ҳимоя қилиш воситаларининг истеъмолчилар ўртасида белгиланган тартибда рекламасини йўлга қўйиш;

кимёлаштириш воситаларини ва ўсимликларни ҳимоя қилиш воситаларини рўйхатга олиш тўғрисидаги аризани кўриб чиқишни рад этиш ҳақидаги, кимёлаштириш воситаларини ва ўсимликларни ҳимоя қилиш воситалари рўйхатга олинганлиги тўғрисидаги гувоҳнома бериш ёхуд уни беришни рад этиш ҳақидаги қарорлар устидан қонунчиликда белгиланган тартибда шикоят қилиш.

Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномага эга субъектлар қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

66. Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномага эга субъектларга қуйидаги мажбуриятлар юкланади:

кимёлаштириш ва ўсимликларни ҳимоя қилиш воситаларини рўйхатга олинган ишлаб чиқарувчидан олиб киришга;

яроқлилик муддати тугаган кимёлаштириш ва ўсимликларни ҳимоя қилиш воситаларини савдога чиқармаслик;

яроқлилик муддати олти ойдан кам бўлган кимёлаштириш ва ўсимликларни ҳимоя қилиш воситаларини хорижий мамлакатлардан Ўзбекистон Республикаси ҳудудига олиб кирмаслик;

реализация қилишга чиқарилган кимёлаштириш ва ўсимликларни ҳимоя қилиш воситаларини яроқлилик муддатига доимий эътибор қаратиш;

махсус ваколатли давлат органига кимёлаштириш ва ўсимликларни ҳимоя қилиш воситалари ҳақидаги маълумотларни белгиланган тартибда тақдим қилиш;

яроқлилик муддати тугаган кимёлаштириш ва ўсимликларни ҳимоя қилиш воситаларини реализация қилишдан чиқариш, воситалар ва уларнинг идишлари утилизацияси (йўқ қилиниши)ни қонунчилик ҳужжатларида билан белгиланган талаблар асосида амалга ошириш.

Кимёлаштириш ва ўсимликларни ҳимоя қилиш воситалари рўйхатга олинганлиги тўғрисидаги гувоҳномага эга субъектлар қонунчилик ҳужжатларига мувофиқ бошқа мажбуриятларга ҳам эга бўлиши мумкин.

12-БОБ. ЯКУНЛОВЧИ ҚОИДАЛАР

67. Мазкур Низом талабларини бузганликда айбдор шахслар қонунчилик ҳужжатларида белгиланган тартибда жавобгар бўладилар.

         

       

Низомга

1-ИЛОВА

Кимёлаштириш ва ўсимликларни ҳимоя

қилиш воситаларини синовдан ўтказиш

ҳамда рўйхатга олиш

СХЕМАСИ

      

         

        

Низомга

2-ИЛОВА

Кимёлаштириш воситаларини рўйхатга олиш учун

АРИЗА

        

I. Умумий маълумотлар

1. Кимёлаштириш воситасини рўйхатдан ўтказиш учун ариза берилади

q ишлаб чиқарувчи q импорт қилувчи q қадоқловчи

(кераклигисини белгиланг!)

      

        

реестрда

Ваколатли орган

3. Жўнатувчи:

     

     

     

     

     

4. Ариза берувчи шахс ҳақида маълумот

       

          

       

         

4.4. Шахсни тасдиқловчи ҳужжатнинг маълумотлари (агар шахсий код бўлмаса, тўлдирилади):

        

     

      

      

5. Кимёлаштириш воситасини ишлаб чиқарувчиси:

         

      

     

     

     

5.4. Ваколатли орган реестрида ишлаб чиқарувчининг қайд рақами

       

     

II. Кимёлаштириш воситаси ҳақида маълумот

     

        

7. Номи

       

       

       

       

       

       

Тақдим этилган маълумотларнинг тўғрилигини тасдиқлайман

        

      

          

Низомга

2а-ИЛОВА

Ўсимликларни ҳимоя қилиш воситасини

рўйхатга олиш учун

АРИЗА*

     

Ариза берувчининг Ф.И.О., имзоси

*) Ҳар бир ўсимликларни ҳимоя қилиш воситалари учун ариза алоҳида тўлдирилади.

Низомга

3-ИЛОВА

Хавфсизлик паспорти

1. Моддалар/аралашмалар ва компания/ташкилотлар таърифи:

1) маҳсулот таърифи;

2) моддалар/аралашмаларнинг тавсия этилган ва тавсия этилмаган белгиланган ишлатиш доираси;

3) етказиб берувчи тўғрисида маълумот;

4) тезкор алоқа учун телефон рақами.

2. Хавфни аниқлаш (идентификациялаш):

1) модда ёки аралашманинг таснифи;

2) ёрлиқ элементлари;

3) бошқа хавф турлари.

3. Таркиби/ингредиентлар ҳақида маълумот:

1) моддалар;

2) аралашмалар.

4. Биринчи ёрдам чоралари:

1) биринчи ёрдам чораларининг тавсифи;

2) ўткир ва кечиктирилган энг муҳим аломатлар ва таъсирлар;

3) шошилинч тиббий ёрдам ва зарур бўлган махсус парвариш ҳақида кўрсатма.

5. Ёнғин ва портлаш хавфсизлигини таъминлаш чоралари ва воситалари:

1) ёнғинга қарши воситалар;

2) модда ёки аралашмадан келиб чиқадиган махсус хавф омиллари;

3) ўт ўчирувчилар учун тавсиялар.

6. Авариялар ва фавқулодда вазиятлар ҳамда уларнинг оқибатларининг олдини олиш ва бартараф қилиш чоралари:

1) шахсий эҳтиёт чоралари, ҳимоя воситалари ва фавқулодда вазиятлар;

2) атроф-мухитни муҳофаза қилиш чоралари;

3) хавф кенгайишининг олдини олиш ва тозалаш усуллари ва воситалари;

4) бошқа бобларга ҳавола.

7. Юклаш, тушириш, сақлаш ва муомалада бўлиш қоидалари:

1) хавфсиз фойдаланиш бўйича эҳтиёт чоралари;

2) хавфсиз сақлаш шартлари, шу жумладан, барча турдаги номувофиқликлар;

3) махсус якуний қўллаш доиралари.

8. Хавфни назорат қилиш ва шахсий ҳимоя воситалари:

1) назорат қилиш параметрлари;

2) таъсирни назорати қилиш.

9. Физик ва кимёвий хусусиятлар:

1) асосий физик ва кимёвий хоссалар ҳақида маълумот;

2) техник хавфсизлик бўйича бошқа маълумот.

10. Барқарорлик ва реакция қобилияти:

1) реактивлик;

2) кимёвий барқарорлик;

3) хавфли реакциялар эҳтимоли;

4) олдини олиш керак бўлган ҳолатлар;

5) мос келмайдиган материаллар;

6) парчаланишдаги хавфли моддалар.

11. Токсиклик ҳақида маълумотлар:

1) токсикологик таъсирлар ҳақида маълумот;

2) қўшимча маълумотлар.

12. Атроф-муҳитга таъсири ҳақида маълумот:

1) токсиклик;

2) барқарорлик ва дегратация;

3) биоаккумуляция потенциали;

4) атроф-муҳитдаги ҳаракатчанлик (тарқалиши);

5) чидамлилик, биоаккумуляторлик ва токсикликни (PBT) ёки юқори барқарорлик ва юқори биоаккумуляторликни (vPvB) баҳолаш натижалари;

6) бошқа ножўя таъсирлар.

13. Утилизация қилиш бўйича тавсиялар:

1) заҳарли кимёвий моддалар чиқиндилари ҳамда улардан бўшаган қадоқлаш идишлари билан боғлиқ ишларни амалга ошириш.

14. Ташиш (транспортировка) ҳақида маълумот;

1) Бирлашган Миллатлар Ташкилотининг тавсияларига мувофиқ юк тушириш турининг ва/ёки транспортнинг номланиши;

2) транспорт воситаларининг турлари;

3) транспорт тамғаси ва қадоқлаш гуруҳи;

4) амалдаги қоидаларга мувофиқ хавфсиз ташиш бўйича тавсиялар

(шу жумладан, корхона ҳудудида).

15. Норматив-ҳуқуқий ҳужжатлар (миллий ва халқаро қонунчиликда) ҳақида маълумотлар:

1) моддалар ва аралашмалар билан боғлиқ хавфсизлик, соғлиқни ва атроф-муҳитни муҳофаза қилиш соҳасидаги қонунчилик талаблари;

2) кимёвий хавфсизликни баҳолаш.

16. Қўшимча маълумотлар:

1) хавфсизлик паспортини қайта кўриб чиқишда (қайта нашр этишда) ўзгартиришлар киритилган бўлимларни кўрсатиш лозим;

2) хавфсизлик паспортини тузишда ишлатилган маълумотлар манбаларининг рўйхати.

       

        

Низомга

4-ИЛОВА

I. Тақдим қилинаётган микробиологик ўғитнинг

фаол ингредиент ва препаратив шаклининг

(бактериал, замбуруғли, вирусли, микроспородиал

препаратлар, микроорганизмларнинг ҳаёт

фаолияти маҳсули асосида) таркиби

ва хусусиятлари тўғрисида

МАЪЛУМОТ

           

     

       

II. Тақдим қилинаётган микроорганизмни токсикологик

баҳолаш (бактериялар, замбуруғлар) тўғрисида

МАЪЛУМОТ

          

         

         

Низомга

5-ИЛОВА

Кимёлаштириш воситаларининг

маркировкасига талаблар

           

         

*) Қуйидаги маълумотлар тақдим этилади:

1.1. Асосий озиқа моддалари N-P-K тартибида кимёвий белгилар билан кўрсатилган азот (N), фосфор (P) ёки калий (К) ни талаб қилади.

1.2. Кимёвий белгилар билан белгиланган Ca-Mg-Na-S кетма-кетлигида, эълон қилинган иккиламчи озиқа моддалари калций (Cа), магний (Мg), натрий (Nа) ёки олтингугурт (S).

1.3. Эълон қилинган озиқа моддаларининг таркибини кўрсатадиган рақамлар, яъни умумий азот (N), фосфор пентоксиди (P2O5) сифатида жами фосфор ёки калий оксиди (К2О) сифатида жами калий, сўнгра қавс ичида умумий калций оксиди (CаО), магний оксиди (МgО), натрий оксиди (Nа2О) ёки олтингугурт триоксиди (SО3) миқдорларини кўрсатувчи рақамлар.

1.4. Қуйидаги эълон қилинган озиқа моддаларининг таркиби қуйидаги тартибда ва массаси фоиз билан ифодаланади:

1.4.1. азот (N):

1.4.1.1. умумий азот (N);

1.4.1.2. нитратли азот шаклида;

1.4.1.3. аммиакли азот шаклида;

1.4.1.4. карбамид шаклида;

1.4.1.5. карбамидоформальдегид, изобутилидендимочевина, кротонилидендимочевина шаклида;

1.4.1.6. цианамид азот шаклида;

1.4.2. фосфор пентоксиди (P2O5):

1.4.2.1. умумий фосфор пентоксиди (P2O5);

1.4.2.2. сувда эрувчан фосфор пентоксиди (P2O5);

1.4.2.3. аммоний цитратнинг нейтрал эритмасида эрувчан фосфор пентоксиди (P2O5);

1.4.2.4. таркибида форфорит уни мавжуд булса - чумоли кислотасида эрувчан фосфор пентоксиди (P2O5);

1.4.3. сувда эрувчан калий оксиди (K2O)

1.4.4. кальций оксиди (CaO)

1.4.5. магний оксиди (MgO)

1.4.6. натрий оксиди (Na2O)

1.4.7. олтингугурт триоксиди (SO3)

1.4.8. 1.4.4., 1.4.5., 1.4.6., 1.4.7-бандларда қайд этилган:

1.4.8.1. сувда тўлиқ эрийдиган бўлса - фақат сувда эрийдиган таркиб шаклида;

1.4.8.2. агар кўрсатилган озиқа моддаларининг эрийдиган таркиби белгиланган озуқа моддаларининг умумий таркибининг камида тўртдан бир қисмини ташкил этса - умумий таркиб ва сувда эрувчан таркиб шаклида;

1.4.8.3. бошқа ҳолларда умумий таркиби кўрсатилади.

         

     

Низомга

5а-ИЛОВА

Ўсимликларни ҳимоя қилиш воситаларининг маркировкаси

ва ўрам-қути ёрлиғига талаблар

Ўсимликларни ҳимоя қилиш воситаларини рўйхатдан ўтказиш учун ҳар бир аризага қуйидаги талабларга жавоб берадиган ва ўзбек тилида чоп этилган маҳсулот ёрлиғи тақдим этилиши лозим:

1) барча ўсимликларни ҳимоя қилиш воситаларининг ёрлиғида қуйидаги ёзувлар бўлиши лозим: "Мазкур воситадан ёрлиқда кўрсатилганлардан фарқли равишда фойдаланиш тақиқланади" ва "Ишлатишдан олдин диққат билан ўқинг!";

2) ёрлиқларда ўсимликларни ҳимоя қилиш воситаларининг халқаро классификацияга мос равишда хавф таснифига кўра тегишли сигнал сўзлари бўлиши (Хавфли!, Эҳтиёт бўлинг!);

3) ўсимликларни ҳимоя қилиш воситаларининг хавфини акс эттирувчи хавф пиктограммалари халқаро талабларда белгиланганидек киритилиши керак;

4) ишлаб чиқариш ва қадоқлаш компанияси, шунингдек, почта манзили кўрсатилиши;

5) пестициднинг савдо номи, рўйхатдан ўтказувчи компания (ариза берувчи);

6) таъсир этувчи фаол модда номи ёки микроорганизмнинг тури ва штамми;

7) фаол модданинг грамм/литр ёки грамм/килограммдаги миқдори (тирик ҳужайралар титри ёки уларнинг метаболик маҳсулоти);

8) пестициднинг препарат шакли;

9) қўллаш доираси, фойдаланиш регламентлари, воситанинг ва ишчи эритманинг қўллаш меъёрлари;

10) ҳар экин тури учун кутиш даври;

11) чекловлар:

пестициднинг токсиклиги (хавф даражаси) кўрсатилган бўлиши;

пестицидни сақлаш, ташиш ва ишлатишда эҳтиёт чоралари;

биринчи ёрдам қилиш маълумотлари;

12) тўкилган воситаларни зарарсизлантириш усуллари:

13) восита ишлаб чиқарилган сана ва яроқлилик муддати;

14) хавфлилик даражасига қараб, пиктограммалар ва рангли чизиқлар халқаро талабларга мувофиқ ёрлиққа туширилади;

15) пестициднинг рўйхатга олинганлик рақами.

     

      

       

       

Низомга

6-ИЛОВА

Тақдим қилинаётган кимёлаштириш ва барча

турдаги минерал ўғитларнинг физикавий-кимёвий

хусусиятлари тўғрисида

МАЪЛУМОТ

         

      

       

Низомга

6а-ИЛОВА

Тақдим қилинаётган ўсимликларни ҳимоя қилиш

воситаларининг физикавий-кимёвий

хусусиятлари тўғрисида

МАЪЛУМОТ

         

       

        

Низомга

7-ИЛОВА

Тақдим қилинаётган ўсимликларни ҳимоя қилиш

воситаларининг токсикологик-гигиеник

таърифи тўғрисида

МАЪЛУМОТ

         

       

        

Низомга

8-ИЛОВА

Тақдим қилинаётган ўсимликларни ҳимоя қилиш

воситаларининг, микробиологик препаратларнинг

фаол ингредиент ва препаратив шаклининг (бактериал,

замбуруғли, вирусли, микроспородиал препаратлар,

микроорганизмларнинг ҳаёт фаолияти маҳсули

асосида) таркиби ва хусусиятлари тўғрисида

МАЪЛУМОТ

      

       

       

Низомга

9-ИЛОВА

Тақдим қилинаётган ўсимликларни ҳимоя қилиш

воситаларининг, микробиологик препаратларнинг

фаол ингредиент ва препаратив шаклининг

токсикологик баҳолаш тўғрисида

МАЪЛУМОТ

        

     

        

Низомга

10-ИЛОВА

Тақдим қилинаётган ўсимликларни ҳимоя қилиш

воситаларининг, микробиологик препаратларнинг

фаол ингредиент ва препаратив шаклининг

экологик-токсикологик тавсифи тўғрисида

МАЪЛУМОТ

        

      

        

Низомга

11-ИЛОВА

Кимёлаштириш ва ўсимликларни ҳимоя қилиш

воситаларини ишлатиш тартиби тўғрисида

МАЪЛУМОТ

         

      

       

Низомга

12-ИЛОВА

Ўғитларни идентификация қилишга қўйиладиган

ТАЛАБЛАР

A. Оддий минерал ўғитлар (таркибида битта муҳим ўсимлик озиқаси мавжуд).

A.1. Азотли ўғитлар

       

      

      

A.2. Фосфорли ўғитлар

        

       

      

A.3. Калийли ўғитлар

      

       

     

B. Мураккаб минерал ўғитлар (ўсимликлар учун икки ёки

ундан ортиқ асосий озиқа моддаларини ўз ичига олади)

B.1. Минерал ўғитлар NPK

       

      

      

B.2. Минерал ўғитлар NPK

        

       

        

B.3. Минерал ўғитлар NK

      

      

     

B.4. Минерал ўғитлар РК

     

     

    

C. Суюқ минерал ўғитлар:

    

C.1. Оддий суюқ ўғитлар

      

        

    

C.2. Мураккаб суюқ ўғитлар

(NPK, NP, NK, PK)

     

        

     

D. Иккиламчи ўсимлик озиқаларини ўз ичига олган минерал ўғитлар

(кальций, магний ва олтингугурт)

       

        

      

E. Фақат микроэлементларни ўз ичига олган

минерал ўғитлар (микроўғитлар)

          

      

     

F. Оҳак материаллари

         

      

Эслатма. *) Нейтраллаш қобилиятини кальций оксиди (CаО) эквивалентида ифодалаш учун 0,56 коэффициентдан фойдаланиш керак.

     

         

Ж. Органик ва органик-минерал ўғитлар

         

        

Изоҳ:

1. Органик ўғит - келиб чиқиши ўсимлик ёки ҳайвонлар билан боғлиқ моддалардан ташкил топган ўғит.

2. Органик-минерал ўғит - органик ёки ноорганик келиб чиқишга эга озиқа моддалари билан органик ва минерал ўғитларни аралаштириш ва (ёки) кимёвий бирикмалар олиш йўли билан олинадиган ўғит.

3. Қайта ишланган органик ўғит - келиб чиқиши органик (ўсимлик ёки ҳайвон) бўлган, физик ёки кимёвий жиҳатдан асл ҳолатидан ўзгарган, шу жумладан, органик келиб чиқадиган хом ашёни ёмғир чувалчанглари томонидан қайта ишланган ҳар қандай ўғит. Қоидаларда белгиланган қайта ишланган органик ўғитларга қўйиладиган талаблар қадоқланган органик ўғитларга нисбатан қўлланилади.

4. Қўлланилиш кўрсатмаларга мувофиқ ёрлиқда, маркировкада ёки қўшимча ҳужжатлар кўрсатилганига асосан, агар ўсимлик ёки тупроқ вегетация даврида ёки йил давомида камида 10 кг га -1 N, 5 кг га -1 P 2 O 5 , 5 кг га -1 K 2 О билан таъминланмаган бўлса, келиб чиқиши органик маҳсулот органик ўғит ҳисобланмайди.

H. Махсус мақсадли ўғитлар*

       

     

Эслатма. *) Махсус мақсадли ўғитлар - бу маълум мақсадлар учун (ёпиқ жойларда, боғларда, ўтлоқларда, ёпиқ ўсимликларда, ўрмон хўжалигида ва бошқаларда) ёки махсус қўллаш усулларидан фойдаланган ҳолда (баргдан озиқлантириш, суғориш билан) ҳар қандай экин тури учун мўлжалланган ўғитлар ва бошқалар).

I. Микробиологик ўғитлар

        

         

Изоҳ. *) КОЕ - колония ҳосил қилувчи бирликлар.

J. Ўсимликлар ўсишини бошқарувчи препаратлар (стимуляторлар)

       

        

Изоҳ. Ўсимликлар ўсишини бошқарувчи воситалар (стимулятор) - ўсимликлар ўсишини бошқаришда зарур деб тан олинган бир ёки бир нечта кимёвий элементларни, шунингдек тавсия этилган ўғит меъёрларига мувофиқ, асосан ўсимликларни озиқлантириш учун эмас, балки ўсишини бошқариш учун ишлатиладиган бир ёки бир нечта биологик фаол бирикмаларни ўз ичига олган маҳсулот.

Ўғитда эълон қилиниши керак бўлган

микроэлементларнинг минимал миқдори

    

1. Ўғитда эълон қилиниши керак бўлган

микроэлементларнинг минимал миқдори:

   

1.1. Фақат микроэлементларни ўз ичига олган

қаттиқ ёки суюқ аралашмаларда:

     

1-жадвал

       

1.1.1. Фақат микроэлементларни ўз ичига олган қаттиқ аралашмаларда (микроўғитлар) умумий микроэлементларнинг минимал миқдори - массасининг 5 фоизи;

1.1.2. Фақат микроэлементларни ўз ичига олган суюқ аралашмаларда (микроўғитлар) умумий микроэлементларнинг минимал миқдори - массасининг 2 фоизи;

1.2. Таркибида микроэлементлар бўлган муҳим ва

(ёки) иккиламчи озиқа элементларини ўз ичига

олган минерал ўғитларда:

         

2-жадвал

      

      

2. Энг кенг тарқалган микроэлементлар-хелатланган

агентлар учун қисқартмалар:

       

        

*) Макроўғит - таркибида макро ва микроэлементлар бўлган минерал ўғит;

**) микроўғит - озиқлантирувчи элементлари микроэлементлардан иборат минерал ўғит.

     

       

Низомга

13-ИЛОВА

Ўғитларнинг эълон қилинган сифат кўрсаткичининг

рухсат этилган салбий оғиши*

         

      

*) Агар маълум бир кимёлаштириш воситасининг озиқа моддаларининг максимал миқдори иловада кўрсатилмаган бўлса, озиқа моддаларининг таркиби эълон қилинган таркибдан кўпроқ оширишга йўл қўйилади.

Эслатма:

1. Ишлаб чиқариш, қайта ишлаш, намуна олиш ва синовдан ўтказиш натижасида ўғитлар сифатининг ўзгаришини ҳисобга олиш зарур.

2. Азотнинг турли шаклларининг эълон қилинган таркибининг рухсат этилган оғиши (NO3, NH4 ва бошқалар) ва турли хил эритувчиларда эрийдиган фосфор (P2O5) уларнинг умумий таркибининг 1/10 қисмини ташкил қилади, агар тегишли ўсимлик озиқланиш элементининг умумий таркиби 1-иловада кўрсатилган талабларга жавоб берса, максимал оғиш оғирлик бўйича икки фоизни ташкил қилади ва салбий оғиш ушбу иловада кўрсатилган.

3. Агар ушбу иловада кўрсатилмаган бўлса, тегишли эълон қилинган индикаторнинг рухсат этилган салбий оғиши эълон қилинган қийматнинг 1/5 қисмини ташкил қилади.

         

         

Низомга

14-ИЛОВА

Номақбул аралашмаларнинг рухсат этилган

максимал концентрацияси

1. Ўғитлардаги аралашмалар қуйидаги чегара қийматларидан ошмаслиги керак:

1.1. Kадмий (Cd):

1.1.2. Ноорганик макроэлементли ўғитдаги умумий фосфор (Р) миқдори фосфор пентоксидининг (P2O5) масса эквиваленти 5%дан кам бўлса - ҳар бир кг қуруқ моддага 3 мг;

1.1.3. Ноорганик макроэлементли ўғитнинг умумий фосфор (Р) миқдори фосфор пентоксиди (P2O5) масса эквиваленти бўйича 5% ёки ундан кўп бўлса (фосфатли ўғит) - ҳар бир кг фосфор пентоксиди (P2O5) учун 60 мг.

1.2. Олти валентли хром (Cr VI) - кг қуруқ модда учун 2 мг.

1.3. Симоб (Hg) - қуруқ модданинг кг бошига 1 мг.

1.4. Никел (Ni) - қуруқ модданинг кг бошига 100 мг.

1.5. Қўрғошин (Pb) - қуруқ модданинг кг бошига 120 мг.

1.6. Маргумуш (As) - қуруқ модданинг кг бошига 40 мг.

1.7. Биурет (C2H5N3O2) - қуруқ модданинг кг бошига 12 мг.

1.8. Перхлорат (ClO4-) - қуруқ модданинг кг бошига 50 мг.

1.9. Ноорганик макроўғит таркибидаги мис (Cu) қуруқ модданинг кг учун 600 мг дан ошмаслиги керак ва ноорганик макроўғитдаги рух (Zn) қуруқ модданинг 1 кг учун 1500 мг дан ошмаслиги керак. Аммо, агар тупроқдаги элементларнинг етишмаслигини бартараф этиш ва эълон қилиш учун ноорганик макроўғитга мис (Cu) ёки рух (Zn) қўшилса, бу чегаралар қўлланилмайди.

2. Микро ўғитлардаги аралашмалар қуйидаги чегара қийматларидан ошмаслиги керак:

     

         

        

Низомга

15-ИЛОВА

Кимёлаштириш ва ўсимликларни ҳимоя қилиш

воситаларини синовдан ўтказиш ва илмий ҳисоботлар

тайёрлаш учун асосий кўрсаткичлар бўйича

ТАРТИБ

1. Биологик самарадорлиги юзасидан синов натижалари бўйича ҳисоботнинг шакли (1-илова).

2. Кимёлаштириш ва ўсимликларни ҳимоя қилиш воситаларини рўйхатга олиш учун синовларни ўтказган ходимлар (Ф.И.О.), илмий даражаси (агар бўлса), имзоси.

3. Зарарли организм бўйича муаммонинг ҳолати, синов ўтказишнинг мақсади.

4. Синовдан ўтказилаётган кимёлаштириш ва ўсимликларни ҳимоя қилиш воситалари (гербицидлар, акарицидлар, инсектицидлар, биологик препаратлар ва бошқалар) учун объектлар (ҳашаротлар, касалликлар, бегона ўтлар, нематодлар ва бошқалар) бўйича илмий адабиётларнинг қисқа таҳлили (1,5-2 бет).

5. Кимёлаштириш ва ўсимликларни ҳимоя қилиш воситаларини рўйхатга олиш бўйича синовларнинг тажриба режасида қуйидагилар кўрсатилиши лозим:

- воситани рўйхатга олиш учун талабгор ташкилот номи, давлати;

- рўйхатга олиш учун берилган савдо номи;

- ўсимликларни ҳимоя қилиш воситасининг таъсир этувчи моддаси;

- препарат шакли;

- ўсимликларни ҳимоя қилиш воситаси қўлланиладиган зарарли организм номи;

- синовни ўтказиш жойи ва хўжалик номи;

- синов ўтказилган муддат;

- синов ўтказилаётган экин тури, нави (ёки бошқа объект);

- синов ўтказилаётган майдонда зарарли организмнинг мавжудлиги бўйича тегишли лаборатория хулосаси (ИЗММ асосида);

- синов ўтказиш учун андоза сифатида олинган кимёлаштириш ва ўсимликларни ҳимоя қилиш воситаларининг номи, препарат шакли, таъсир этувчи моддаси, қўллаш меъёри;

- синов ўтказилаётган ўсимликларни ҳимоя қилиш воситасининг сарф меъёри (ишчи эритма сарф меъёри, препарат 1 гектар майдонга);

- тажриба тури (кичик дала тажрибаси (5 м2дан 200 м2 гача) ёки катта дала тажрибаси (0,5 га дан юқори);

- синов даврида фойдаланилган техник жиҳоз ёки ускуна тури, маркаси;

- синов ўтказилаётган ўсимликларни ҳимоя қилиш воситасини қўллаш усули;

- синов ўтказилаётган даврдаги ҳаво ҳарорати, шамол тезлиги ва нисбий ҳаво намлиги;

6. Синовни ўтказиш услублари (методикаси).

7. Тадқиқот натижалари (батафсил).

8. Хулоса ва таклифлар.

9. Фойдаланилган илмий адабиётлар рўйхати.

10. Синов якуни бўйича хулоса ва таклифлар (1-форма, жадвал) (2-илова).

11. Синов натижалари бўйича синов ўтказилган хўжалик (корхона) раҳбари ёки мутахассиси ҳамда синов ўтказган ходимлар иштирокидаги далолатнома (3-илова).

12. Дала синовлари учун тажриба режасига асосан ўсимлик зараркунандалари, касалликлар ва бегона ўтлар тушган майдонни танлаш (фотолавҳаси билан).

13. Синовни кунлик ўрганиб бориш мақсадида дала дафтарини юритиш.

14. Синовни ўтказиш жараёнидаги фото ва видеолавҳалар (дала синови ўтказилгунга қадар, синовни ўтказиш жараёни ва ундан кейинги ҳолат).

Изоҳ. Ҳисобот уч (3) нусхада тайёрланади, уларнинг бир донаси Агентлик учун, иккинчи нусхаси буюртмачи корхона учун, учинчи нусхаси синов ўтказган ташкилот учун қолдирилади.

       

         

Тартибга

1-ИЛОВА

НАМУНА

ҚИШЛОҚ ХЎЖАЛИГИ ВАЗИРЛИГИ

ЎСИМЛИКЛАР КАРАНТИНИ ВА ҲИМОЯСИ АГЕНТЛИГИ

ЎСИМЛИКЛАР КАРАНТИНИ ВА ҲИМОЯСИ

ИЛМИЙ-ТАДҚИҚОТ ИНСТИТУТИ

       

"ТАСДИҚЛАЙМАН"

Ўсимликлар карантини ва ҳимояси

илмий-тадқиқот институти

директори

__________ _________

(имзо)            (Ф.И.О.)

202__й. "___" ___________

ИЛМИЙ ҲИСОБОТ

Помидор экинида иссиқхона оққанотига қарши Sunultra 40% сус.к. ("Агробизнес" МЧЖ, Ўзбекистон) препаратининг биологик самарадорлиги бўйича рўйхатга олиш учун синов натижалари

Тошкент - 20__ й.

         

    

Тартибга

2-ИЛОВА

1-форма

Рўйхатга олиш учун синовлар якуни

бўйича хулоса ва тавсиялар

1. Ўсимликларни ҳимоя қилиш воситасининг савдо номи.

2. Таъсир этувчи моддаси.

3. Рўйхатга олиш учун талабгор ташкилотнинг номи, давлати.

4. Рўйхатга олиш учун синовларни ўтказган ташкилотнинг номи.

5. Рўйхатга олиш учун синов ўтказилган жой ва муддати.

      

        

         

Рўйхатга олиш учун синовни ўтказган ташкилот раҳбарининг лавозими:          (имзо, муҳр)              Ф.И.О.

        

     

Тартибга

3-ИЛОВА

ЎСИМЛИКЛАРНИ ҲИМОЯ ҚИЛИШ ВОСИТАСИНИНГ

РЎЙХАТГА ОЛИШ УЧУН СИНОВ НАТИЖАЛАРИ БЎЙИЧА

ДАЛОЛАТНОМА

       

202__й. "___"________

           

         

         

           

           

         

         

           

         

5. Зарарли организмнинг тури, рўйхатга олиш учун синовдан олдинги ўртача миқдори:

        

         

         

           

         

         

           

         

         

           

         

         

           

         

           

         

         

           

         

         

         

         

          

Низомга

16-ИЛОВА

КИМЁЛАШТИРИШ ВА ЎСИМЛИКЛАРНИ

ҲИМОЯ ҚИЛИШ ВОСИТАЛАРИ РЎЙХАТГА

ОЛИНГАНЛИГИ ТЎҒРИСИДА

ГУВОҲНОМА

       

     

         

      

         

Воситанинг савдо номи, концентрацияси, препарат шакли, таъсир этувчи моддаси

        

         

      

Кимёлаштириш ва ўсимликларни ҳимоя қилиш воситасининг рўйхатга олинганлиги рақами ва санаси ___________ -сон 20__ йил "____" ___________

          

      

Кимёлаштириш ва ўсимликларни ҳимоя қилиш воситасининг этикеткаси ва маркировкаси матни илова қилинади.

           

            

         

      

Қонун ҳужжатлари маълумотлари миллий базаси (www.lex.uz),

2024 йил 7 март