Иқтисодиёт ва молия вазирининг 02.02.2024 й. 103-сон "Ўзбекистон Республикаси бюджет ҳисобининг стандарти (2-сонли БҲС) "Ягона счётлар режаси"га қўшимчалар ва ўзгартиришлар киритиш тўғрисида"ги Буйруғи (АВ томонидан 14.03.2024 й. 3078-4-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

14.03.2024 й.

N 3078-4

ЎЗБЕКИСТОН РЕСПУБЛИКАСИ

ИҚТИСОДИЁТ ВА МОЛИЯ ВАЗИРИНИНГ

02.02.2024 й.

N 103

БУЙРУҒИ

Ўзбекистон Республикаси бюджет ҳисобининг стандарти

(2-сонли БҲС) "Ягона счётлар режаси"га қўшимчалар

ва ўзгартиришлар киритиш тўғрисида

Ўзбекистон Республикасининг Бюджет кодекси ва Ўзбекистон Республикасининг "Бухгалтерия ҳисоби тўғрисида"ги Қонунига мувофиқ БУЮРАМАН:

1. Ўзбекистон Республикаси молия вазирининг 2018 йил 10 сентябрдаги 125-сон буйруғи (рўйхат рақами 3078, 2018 йил 20 октябрь) (Қонун ҳужжатлари маълумотлари миллий базаси, 22.10.2018 й., 10/18/3078/2073-сон) билан тасдиқланган Ўзбекистон Республикаси бюджет ҳисобининг стандарти (2-сонли БҲС) "Ягона счётлар режаси"га иловага мувофиқ қўшимчалар ва ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

Вазир                                                                         Д. Кучкаров

Буйруққа

ИЛОВА

Ўзбекистон Республикаси бюджет ҳисобининг стандарти

(2-сонли БҲС) "Ягона счётлар режаси"га киритилаётган

қўшимчалар ва ўзгартиришлар

1. Қуйидаги мазмундаги 22-1-банд билан тўлдирилсин:

"22-1. 134 000 "Бюджет тизими бюджетларидан ажратиладиган трансфертлар бўйича дебитор қарзлар" счётининг тегишли субсчётлари мазкур Стандартнинг 12-бандига мувофиқ 13 та рақамда юритилади.".

2. Қуйидаги мазмундаги 23-1-банд билан тўлдирилсин:

"23-1. 149 000 "Бюджет тизими бюджетлари ва бошқа бюджетдан ташқари жамғармаларнинг келиб тушмаган ҳисобланган даромадлари бўйича дебитор қарздорликлари" счётининг тегишли субсчётларида бюджет тизими бюджетлари ва бошқа бюджетдан ташқари жамғармаларига келиб тушмаган тақсимланиши лозим бўлган Ягона ғазна ҳисобварағидаги маблағлар бўйича дебиторлик қарздорликлар акс эттирилади ҳамда мазкур Стандартнинг 12-бандига мувофиқ 13 та рақамда юритилади.".

3. 26-банд қуйидаги мазмундаги учинчи хатбоши билан тўлдирилсин:

"301 300 "Ҳисоб-китоблар марказининг депозити ва Ягона ғазна ҳисобварағидаги вақтинчалик бўш турган маблағларни жалб этиш бўйича мажбуриятлар" счёти депозит ва Ягона ғазна ҳисобварағидаги вақтинчалик бўш турган маблағларнинг ички ҳисоб-китоб марказларида ва тегишли ғазначилик филиалларида очилган ғазна ҳисобварақларига йўналтирилиши;";

учинчи хатбоши тўртинчи хатбоши деб ҳисоблансин.

4. Қуйидаги мазмундаги 27-1-банд билан тўлдирилсин:

"27-1. 301 300 "Ҳисоб-китоблар марказининг депозити ва Ягона ғазна ҳисобварағидаги вақтинчалик бўш турган маблағларни жалб этиш бўйича мажбуриятлар" счёти депозит ва Ягона ғазна ҳисобварағидаги вақтинчалик бўш турган маблағларни ички ҳисоб-китоб марказларида тўлиқ акс эттириш, тегишли ғазначилик филиалларида очилган ғазна ҳисобварақларига маблағларни манбалари таснифи бўйича йўналтириш мақсадида мазкур Стандартнинг 10-бандига мувофиқ 13 та рақамда юритилади.".

5. Қуйидаги мазмундаги 34-1-банд билан тўлдирилсин:

"34-1. 324 000 "Бюджет тизими бюджетларидан ажратиладиган трансфертлар бўйича кредитор қарзлар" счётининг тегишли субсчётлари мазкур Стандартнинг 12-бандига мувофиқ 13 та рақамда юритилади.".

6. Қуйидаги мазмундаги 46-1-банд билан тўлдирилсин:

"46-1. 640 000 "Давлат бюджети маблағлари ҳисобидан олинган трансфертлар бўйича ўзаро ҳисоб-китоблар" счётининг тегишли субсчётлари мазкур Стандартнинг 12-бандига мувофиқ 13 та рақамда юритилади.".

7. 49-банд қуйидаги мазмундаги иккинчи хатбоши билан тўлдирилсин:

"993 100 "Давлат мақсадли ва бошқа бюджетдан ташқари жамғармалар маблағлари тушумининг молиявий натижалари" субсчёти мазкур Стандартнинг 12-бандига мувофиқ 13 та рақамда юритилади.".

8. Қуйидаги мазмундаги 50-1-банд билан тўлдирилсин:

"50-1. 590 000 "Бюджет тизими бюджетларининг ва бошқа бюджетдан ташқари жамғармаларнинг келиб тушмаган ҳисобланган даромадлари" счётининг тегишли субсчётларида бюджет тизими бюджетлари ва бошқа бюджетдан ташқари жамғармаларига келиб тушмаган тақсимланиши лозим бўлган Ягона ғазна ҳисобварағидаги маблағлар бўйича ҳисобланган даромадлар акс эттирилади ҳамда мазкур Стандартнинг 12-бандига мувофиқ 13 та рақамда юритилади.".

9. 54-банднинг иккинчи хатбошиси ва 55-банднинг иккинчи хатбошисидан ", "503 000 "Бюджетдан молиялаштириш"" деган сўзлар чиқариб ташлансин.

10. 58-банднинг иккинчи хатбошиси, 59-банднинг иккинчи хатбошиси, 61-банднинг иккинчи хатбошиси, 67-банднинг иккинчи хатбошиси, 76-банднинг иккинчи хатбошиси ҳамда 281-банддаги "341 400 "Бюджет ташкилотларининг тўловларнинг махсус турларига доир ҳисоб-китоблардан кредитор қарзлари"" деган сўзлар "151 400 "Бюджет ташкилотларининг тўловларнинг махсус турларига доир ҳисоб-китоблардан дебитор қарзлари"" деган сўзлар билан алмаштирилсин.

11. 65-банднинг тўртинчи хатбошисидаги "520 450" рақамлари "520 160" рақамлари билан алмаштирилсин.

12. 66-бандда:

учинчи хатбоши қуйидаги таҳрирда баён этилсин:

"Бюджет ташкилотлари томонидан маҳсулотларни (ишларни, хизматларни) реализацияси амалга оширилганда 911 200 "Маҳсулот (иш, хизмат)лар реализацияси" субсчёти дебетланади ва 180 000 "Товарларга (ишларга, хизматларга) харажатлар" субсчёти (тайёр маҳсулот реализация қилинганда 163 000 "Тайёр маҳсулот" субсчёти) кредитланади, шунингдек, бир вақтнинг ўзида 151 200 "Бюджет ташкилотларининг харидор ва буюртмачилар билан ҳисоб-китоблар бўйича дебитор қарзлари" субсчёти дебетланади ва 911 200 "Маҳсулот (иш, хизмат)лар реализацияси" субсчёти кредитланади.";

бешинчи хатбоши қуйидаги таҳрирда баён этилсин:

"реализация натижасида олинган фойда бўйича 911 200 "Маҳсулот (иш, хизмат)лар реализацияси" субсчёти дебетланади ва 520 310 "Бюджет ташкилотларининг ривожлантириш жамғармаси бўйича ҳисобланган даромадлари", 520 320 "Тиббиёт ташкилотларининг моддий рағбатлантириш ва ривожлантириш жамғармаси маблағлари бўйича ҳисобланган даромадлари" ёки 520 490 "Бюджет ташкилотларининг қонунчилик ҳужжатларига мувофиқ бошқа турдаги ҳисобланган даромадлари" субсчётларнинг тегишлисининг кредитига ўтказилади;";

олтинчи хатбошидаги "911 000" рақамлари "911 100" рақамлари билан алмаштирилсин.

13. 82-бандда:

учинчи хатбоши қуйидаги таҳрирда баён этилсин:

"Бюджет ташкилотлари томонидан маҳсулотларни (ишларни, хизматларни) реализацияси амалга оширилганда 911 200 "Маҳсулот (иш, хизмат)лар реализацияси" субсчёти дебетланади ва 180 000 "Товарларга (ишларга, хизматларга) харажатлар" субсчёти (тайёр маҳсулот реализация қилинганда 163 000 "Тайёр маҳсулот" субсчёти) кредитланади, шунингдек, бир вақтнинг ўзида 151 200 "Бюджет ташкилотларининг харидор ва буюртмачилар билан ҳисоб-китоблар бўйича дебитор қарзлари" субсчёти дебетланади ва 911 200 "Маҳсулот (иш, хизмат)лар реализацияси" субсчёти кредитланади.";

бешинчи хатбоши қуйидаги таҳрирда баён этилсин:

"реализация натижасида олинган фойда бўйича 911 200 "Маҳсулот (иш, хизмат)лар реализацияси" субсчёти дебетланади ва 520 310 "Бюджет ташкилотларининг ривожлантириш жамғармаси бўйича ҳисобланган даромадлари", 520 320 "Тиббиёт ташкилотларининг моддий рағбатлантириш ва ривожлантириш жамғармаси маблағлари бўйича ҳисобланган даромадлари" ёки 520 490 "Бюджет ташкилотларининг қонунчилик ҳужжатларига мувофиқ бошқа турдаги ҳисобланган даромадлари" субсчётлари кредитланади;";

олтинчи хатбошидаги "911 000" рақамлари "911 100" рақамлари билан алмаштирилсин;

ўн учинчи хатбошидаги "счётининг тегишли субсчётларида" деган сўзлар "субсчётида" деган сўз билан алмаштирилсин.

14. 88-банднинг иккинчи хатбошисидаги "субсчётлари дебетланади" деган сўзлар "субсчётлари кредитланади" деган сўзлар билан алмаштирилсин.

15. 95-банднинг учинчи хатбошиси қуйидаги таҳрирда баён қилинсин:

"Депозитга қўйилган маблағлар бўйича фоиз кўринишидаги даромадларнинг ҳисобланиши 151 900 "Бюджет ташкилотларининг бошқа турдаги ҳисоб-китоблардан дебитор қарзлари" субсчётининг дебетида ва 520 000 "Бюджет ташкилотларининг бюджетдан ташқари маблағлари бўйича ҳисобланган даромадлари" счётининг тегишли субсчёти кредитида акс эттирилади. Ушбу фоиз кўринишидаги даромадларнинг келиб тушиши пул маблағларини ҳисобга олувчи тегишли субсчётларнинг дебетида ва 151 900 "Бюджет ташкилотларининг бошқа турдаги ҳисоб-китоблардан дебитор қарзлари" субсчётининг кредитида акс эттирилади.".

16. 100-банд қуйидаги таҳрирда баён этилсин:

"100. 151 400 "Бюджет ташкилотларининг тўловларнинг махсус турларига доир ҳисоб-китоблардан дебитор қарзлари" субсчётида қуйидагилар бўйича:

ходимлар иш жойида овқат билан таъминланганлиги;

болаларнинг мактабгача таълим ташкилотларида (болалар боғчаларида) сақланганлиги;

болаларнинг мусиқа ва санъат мактабларида ўқитилганлиги;

тарбияланувчилар мактаб-интернатларда ва бошқа таълим муассасаларида сақланганлиги учун ота-оналар билан олиб бориладиган ҳисоб-китоблар ҳисоби юритилади.

Ота-оналар томонидан тўланган маблағларга 151 400 "Бюджет ташкилотларининг тўловларнинг махсус турларига доир ҳисоб-китоблардан дебитор қарзлари" субсчёт кредитланади ва 102 405 "Мактабгача таълим ташкилотларида болалар таъминоти учун ота-оналардан олинадиган тўловлар", 102 406 "Мактабдан ташқари муассасаларда болалар таъминоти учун ота-оналардан олинадиган тўловлар", 102 408 "Мактаб-интернатлар ва лицейларда болаларнинг таъминоти учун ота-оналардан олинадиган тўловлар" ёки 102 415 "Бошқа таълим муассасаларида болалар таъминоти учун ота-оналардан олинадиган тўловлар" субсчётлари дебетланади. Бунда, тўловлар нақд пулда бюджет ташкилотининг кассасига амалга оширилганда тегишли касса билан боғлиқ ўтказмалар берилади.

Тўловлар ҳисобланганда эса 151 400 "Бюджет ташкилотларининг тўловларнинг махсус турларига доир ҳисоб-китоблардан дебитор қарзлари" субсчётининг дебетида ва 520 100 "Тўловларнинг махсус турларига доир ҳисоб-китоблар бўйича ҳисобланган даромадлар" счётининг тегишли субсчётлари кредитида акс эттирилади.

Болалар мактабгача таълим ташкилотидан чиқариб олинган тақдирда олдиндан тўланган сумма ота-оналарга қайтарилганда 151 400 "Бюджет ташкилотларининг тўловларнинг махсус турларига доир ҳисоб-китоблардан дебитор қарзлари" субсчётининг дебетига ва пул маблағларини акс эттирувчи субсчётларнинг кредитига ёзилади. Бир вақтнинг ўзида ҳисобланган тўловлар фарқ суммасига сторно ўтказмаси берилади.

Аналитик ҳисоб ҳар бир тарбияланувчи бўйича алоҳида юритилади.

Ходимлар билан уларнинг иш жойларидан овқатланиш учун олиб бориладиган ҳисоб-китобларда қонунчилик ҳужжатларига кўра касалхоналар, мактабгача таълим ташкилотлари, ногиронлиги бўлган шахслар, шунингдек қариялар уйлари ва бошқа ташкилотлар жойлашган ерда умумий овқатланиш корхоналари бўлмаган ҳолларда уларнинг ходимларига тўлов ҳисобига овқатланиш рухсат этилган бўлиб ушбу ташкилотларнинг ходимлари билан овқатланганлик учун ҳисоб-китоб олиб борилади.

Ходимлар билан улар олган овқатлар учун ҳисоб-китоб юритганда 151 400 "Бюджет ташкилотларининг тўловларнинг махсус турларига доир ҳисоб-китоблардан дебитор қарзлари" субсчётнинг дебетига сарф қилинган озиқ-овқат маҳсулотларининг қиймати ёзилади, бунда, 161 110 "Жорий озиқ-овқат маҳсулотлари" субсчёт кредитланади.

Кредитга ходимлардан овқат учун олинган суммалар ёзиб борилади, бунда тегишли пул маблағларини ҳисобга олувчи субсчётлар дебетланади.".

17. 111-банднинг иккинчи хатбошиси, 282 ва 283-бандлар ҳамда 315-банднинг иккинчи ва тўртинчи хатбошиларидаги "520 200" рақамлари "520 150" рақамлари билан алмаштирилсин.

18. 112-банд қуйидаги мазмундаги иккинчи хатбоши билан тўлдирилсин:

"Бюджет ташкилотлари ўртасида тақсимланган маблағлар 154 000 "Бюджет ташкилотларининг бюджетдан ташқари маблағлари ҳисобидан дебитор қарзлари" субсчётининг кредитига ва 102 410 "Вазирликлар ва идораларнинг ажратмалар ҳисобига шаклланадиган бюджетдан ташқари жамғармалари" субсчётининг дебетига ёзилади.".

19. 129-банд қуйидаги мазмундаги бешинчи хатбоши билан тўлдирилсин:

"Қуйи бюджет ташкилотлари юқори бюджет ташкилотларидан хом ашё ва материалларни марказлашган тартибда олганда, 161 000 "Хом ашё ва материаллар" счётнинг тегишли субсчётлари дебитланади ва 901 200 "Марказлашган ҳолда олинган ёки берилган товар-моддий захиралар" субсчётининг кредитига ҳисобга олинади.";

бешинчи ва олтинчи хатбошилар тегишли равишда олтинчи ва еттинчи хатбошилар деб ҳисоблансин.

20. 131-банднинг учинчи ва бешинчи - еттинчи хатбошилари ҳамда 134-банднинг еттинчи хатбошисидаги "750 000 "Бошқа даромадлар бўйича ҳақиқий харажатлар" субсчётининг" деган сўзлар "911 200 "Маҳсулот (иш, хизмат)лар реализацияси" субсчётининг" деган сўзлар билан алмаштирилсин.

21. Қуйидаги мазмундаги 133-1-банд билан тўлдирилсин:

"133-1. 170 000 "Товар-моддий захираларга харажатлар" субсчётида товар-моддий захираларни харид қилиш ва етказиб бериш билан боғлиқ барча харажатлар ҳисобга олинади.

Ушбу субсчётнинг дебетида товар-моддий захираларнинг қиймати акс эттирилади ва 421 100 "Бюджет ташкилотларининг маҳсулот етказиб берувчилар ва пудратчилар билан ҳисоб-китоблар бўйича узоқ муддатли кредитор қарзлари" ёки 341 900 "Бюджет ташкилотларининг бошқа турдаги ҳисоб-китоблардан кредитор қарзлари" счётларининг тегишли субсчётлари кредитланади.

Товар-моддий захираларни харид қилишнинг ҳақиқий қиймати бўйича 170 000 "Товар-моддий захираларга харажатлар" субсчёти кредитланади ва товар-моддий захираларни ҳисобга олувчи субсчётлар дебетланади.".

22. 158-бандининг 2-кичик банди иккинчи, учинчи, бешинчи хатбошилари ва 3-кичик банди иккинчи, учинчи, бешинчи хатбошилари, 185-банднинг 1-кичик банди иккинчи, учинчи, бешинчи хатбошилари ва 2-кичик банди иккинчи, учинчи, бешинчи хатбошилари, 222-банднинг 1-кичик банди иккинчи, учинчи, бешинчи хатбошилари ва 2-кичик банди иккинчи, учинчи, бешинчи хатбошилари ҳамда 308-банднинг биринчи-олтинчи ва саккизинчи хатбошиларидаги "911 000" рақамлари "911 100" рақамлари билан алмаштирилсин.

23. 175-банд ўз кучини йўқотган деб топилсин.

24. 253-банд қуйидаги таҳрирда баён этилсин:

"253. 341 400 "Бюджет ташкилотларининг тўловларнинг махсус турларига доир ҳисоб-китоблардан кредитор қарзлари" субсчётида қуйидагилар бўйича:

ходимлар иш жойида овқат билан таъминланганлиги;

болаларни мактабгача таълим ташкилотларида (болалар боғчаларида) сақланганлиги;

болаларни мусиқа ва санъат мактабларида ўқитилганлиги;

тарбияланувчиларни мактаб-интернатларда ва бошқа таълим муассасаларида сақланганлиги учун ота-оналар билан олиб бориладиган ҳисоб-китоблардан юзага келган кредитор қарзлар ҳисоби ва бошқа шу каби ҳисоб-китоблар ҳисоби юритилади.

Болаларнинг мактабгача таълим ташкилотларида (болалар боғчаларида) сақланганлиги, болаларни мусиқа ва санъат мактабларида ўқитилганлиги, тарбияланувчиларни мактаб-интернатларда ва бошқа таълим муассасаларида сақланганлиги учун ота-оналар билан олиб бориладиган ҳисоб-китоблардан юзага келган кредитор қарзлар келгуси ҳисоб-китобларда инобатга олинади.".

25. Қуйидаги мазмундаги 308-1-банд билан тўлдирилсин:

"308-1. 911 200 "Маҳсулот (иш, хизмат)лар реализацияси" субсчётида тайёр маҳсулотлар (ишлар, хизматлар), жумладан, ишлаб чиқариш (ўқув) устахоналари, ёрдамчи қишлоқ хўжалик ва ўқув-тажриба хўжаликларининг тайёр маҳсулотлари ва бошқа маҳсулотларнинг (иш, хизматлар) реализацияси ҳисобга олинади.

911 200 "Маҳсулот (иш, хизмат)лар реализацияси" субсчётининг кредитига маҳсулотлар (иш, хизматлар)нинг реализация қилинган суммалари ёзилади (ўзаро тузилган шартнома бўйича) ва 151 000 "Бюджет ташкилотларининг турли ҳисоб-китоблар бўйича дебитор қарзлари" счётининг тегишли субсчётлари дебетланади. Субсчёт дебетига эса реализация қилинган маҳсулотларнинг ҳақиқий таннархи ёзилади ва 163 000 "Тайёр маҳсулот" субсчёти кредитланади. Агарда, бажарилган ишлар ва кўрсатилган хизматлар реализация қилинаётган бўлса, уларнинг ҳақиқий таннархи 911 200 "Маҳсулот (иш, хизмат)лар реализацияси" субсчётининг дебетида ва 180 000 "Товар (иш, хизмат)ларга харажатлар" субсчётининг кредитида акс эттирилади.

Реализация натижалари бўйича фойда суммасига 911 200 "Маҳсулот (иш, хизмат)лар реализацияси" субсчёти дебетланади ва 520 310 "Бюджет ташкилотларининг ривожлантириш жамғармаси бўйича ҳисобланган даромадлари", 520 320 "Тиббиёт ташкилотларининг моддий рағбатлантириш ва ривожлантириш жамғармаси маблағлари бўйича ҳисобланган даромадлари" ёки 520 490 "Бюджет ташкилотларининг қонунчилик ҳужжатларига мувофиқ бошқа турдаги ҳисобланган даромадлари" субсчётлари кредитланади. Аксинча, зарар суммасига 741 000 "Бюджет ташкилотларининг ривожлантириш жамғармаси маблағлари ҳисобидан амалга оширилган ҳақиқий харажатлар", 742 000 "Тиббиёт ташкилотларининг моддий рағбатлантириш ва ривожлантириш жамғармаси маблағлари ҳисобидан амалга оширилган ҳақиқий харажатлар" ёки 750 000 "Бошқа даромадлар бўйича ҳақиқий харажатлар" субсчётлари дебетланади ва 911 200 "Маҳсулот (иш, хизмат)лар реализацияси" субсчёти кредитланади. 911 200 "Маҳсулот (иш, хизмат)лар реализацияси" субсчёти бўйича қолдиқ қолмайди.".

26. 1-илова:

1) 102 419-қатордан кейин қуйидаги мазмундаги қаторлар билан тўлдирилсин:

2) 111 300-қатордан кейин қуйидаги мазмундаги қаторлар билан тўлдирилсин:

3) 133 300-қатордан кейин қуйидаги мазмундаги қаторлар билан тўлдирилсин:

4) 145 000 - 146 000-қаторлар қуйидаги таҳрирда баён этилсин:

5) 146 000-қатордан кейин қуйидаги мазмундаги қаторлар билан тўлдирилсин:

6) 231 311-қатор қуйидаги таҳрирда баён этилсин:

7) 233 200 - 233 320 ва 233 332-қаторлар чиқариб ташлансин;

8) 301 100-қатордан кейин қуйидаги мазмундаги қаторлар билан тўлдирилсин:

9) 301 900-қатордан кейин қуйидаги мазмундаги қаторлар билан тўлдирилсин:

10) 323 300-қатордан кейин қуйидаги мазмундаги қаторлар билан тўлдирилсин:

11) 520 200-қатордаги "520 200" рақамлари "520 150" рақамлари билан алмаштирилсин;

12) 520 150-қатордан кейин қуйидаги мазмундаги қаторлар билан тўлдирилсин:

13) 520 450-қатор чиқариб ташлансин;

14) 550 000-қатордан кейин қуйидаги мазмундаги қаторлар билан тўлдирилсин:

15) 630 000-қатордан кейин қуйидаги мазмундаги қаторлар билан тўлдирилсин:

16) 911 000-қатор қуйидаги таҳрирда баён этилсин:

17) 911 000-қатордан кейин қуйидаги мазмундаги қаторлар билан тўлдирилсин:

Қонун ҳужжатлари маълумотлари миллий базаси (www.lex.uz),

2024 йил 18 март