Ҳужжатларни, хусусан бухгалтерия ҳужжатларини қалбакилаштириш нимаси билан хавфли

Функция недоступна

ҲУЖЖАТЛАРНИ, ХУСУСАН БУХГАЛТЕРИЯ ҲУЖЖАТЛАРИНИ ҚАЛБАКИЛАШТИРИШ НИМАСИ БИЛАН ХАВФЛИ

1. Ҳужжатни қалбакилаштиришнинг ўзи нима

2. Молиявий ҳисоботларни қалбакилаштириш

3. Ҳужжатдаги имзони қалбакилаштириш

4. «Ўтган сана билан» тузилган ва расмийлаштирилган ҳужжатлар

5. Шартномани алиштириб қўйиш

6. Ишга қабул қилиш чоғида қалбаки ҳужжатлар қандай аниқланади

Нимагадир бухгалтерия ишида ҳужжатларни қалбакилаштириш мавзусини бўрттириб кўрсатмасликка ҳаракат қиладилар. Зеро, баъзан бухгалтерия хизмати олдиндан тайёрланган, муҳр ва имзо қўйилган ҳужжатларнинг бланкаларидан фойдаланиши ҳеч кимга сир эмас. Ёки ходим ишдан бўшаган бўлса ҳам, ҳужжатларда унинг имзоси пайдо бўлишда давом этади. Буйруқлар орасида каср рақамли ёки рақамларга ҳарф қўшилган буйруқ бирдан пайдо бўлиб қолади. Бухгалтер қўли билан қўйилган директор имзоси ҳақида эса гапирмаса ҳам бўлади, ҳатто: «Ўз директори ўрнига имзо қўя олмайдиган бухгалтер бухгалтер эмас» дея ҳазил ҳам қиладилар.

Ҳужжатни имзолаётган мансабдор шахснинг исми олдига эгри чизиқ қўйилиши алоҳида эътиборга лойиқ. Ўринбосарлар шундай кўрсатилади, деган фикр мавжуд. Бироқ ҳеч бир НҲҲда бундай қоида белгиланмаган. Ҳар қандай ҳужжатда лавозими ва фамилияси кўрсатилган шахснинг имзоси қўйилган бўлиши керак. У ерда директор қайд этилган бўлса, директорнинг имзоси қўйилиши керак. Ҳужжатни ўринбосар имзоласа, демак, айнан у ўз лавозими ва