Ўзбекистон Республикаси Вазирлар Маҳкамасининг 26.11.2024 й. 787-сон "Махсус электрон тизим орқали рухсат этиш хусусиятига эга айрим ҳужжатларни бериш соҳасидаги қонунчилик ҳужжатлари тизимлаштирилиши муносабати билан Вазирлар Маҳкамасининг "Халқаро йўлларда ташиш дафтарчасини қўллаган ҳолда юкларни халқаро ташиш соҳасидаги айрим норматив-ҳуқуқий ҳужжатларни тасдиқлаш тўғрисида" 2021 йил 2 декабрдаги 727-сон қарорига ўзгартириш ва қўшимчалар киритиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

26.11.2024 й.

N 787

МАХСУС ЭЛЕКТРОН ТИЗИМ ОРҚАЛИ

РУХСАТ ЭТИШ ХУСУСИЯТИГА ЭГА АЙРИМ

ҲУЖЖАТЛАРНИ БЕРИШ СОҲАСИДАГИ ҚОНУНЧИЛИК

ҲУЖЖАТЛАРИ ТИЗИМЛАШТИРИЛИШИ МУНОСАБАТИ

БИЛАН ВАЗИРЛАР МАҲКАМАСИНИНГ "ХАЛҚАРО ЙЎЛЛАРДА

ТАШИШ ДАФТАРЧАСИНИ ҚЎЛЛАГАН ҲОЛДА ЮКЛАРНИ

ХАЛҚАРО ТАШИШ СОҲАСИДАГИ АЙРИМ НОРМАТИВ-

ҲУҚУҚИЙ ҲУЖЖАТЛАРНИ ТАСДИҚЛАШ ТЎҒРИСИДА"

2021 ЙИЛ 2 ДЕКАБРДАГИ 727-СОН ҚАРОРИГА

ЎЗГАРТИРИШ ВА ҚЎШИМЧАЛАР

КИРИТИШ ТЎҒРИСИДА

Божхона органларида рухсат бериш тартиб-таомиллари ислоҳ қилиниб, автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳномани олиш жараёнларини рақамлаштириш орқали бюрократик тўсиқларни қисқартиш борасида тизимли чора-тадбирлар амалга оширилмоқда.

Шу билан бирга, автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳномани олиш, амал қилишини тугатиш, бекор қилиш ёки амал қилиш муддатини узайтириш бўйича мурожаат қилган Ўзбекистон Республикаси жисмоний ва юридик шахслари божхона органларига тегишли ҳужжатларни қоғоз нусхада тақдим этиши долзарб муаммо бўлиб қолмоқда.

Ўзбекистон Республикаси Президентининг "Божхона маъмуриятчилигини янада такомиллаштиришга доир қўшимча чора-тадбирлар тўғрисида" 2022 йил 27 апрелдаги ПФ-122-сон Фармонига мувофиқ, шунингдек, автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳномани олиш, амал қилишини тугатиш, бекор қилиш ёки амал қилиш муддатини узайтириш жараёнларини рақамлаштириш орқали соддалаштириш мақсадида Ўзбекистон Республикаси Вазирлар Маҳкамаси ҚАРОР ҚИЛАДИ:

1. Вазирлар Маҳкамасининг "Халқаро йўлларда ташиш дафтарчасини қўллаган ҳолда юкларни халқаро ташиш соҳасидаги айрим норматив-ҳуқуқий ҳужжатларни тасдиқлаш тўғрисида" 2021 йил 2 декабрдаги 727-сон қарорига иловага мувофиқ қуйидагиларни назарда тутувчи ўзгартириш ва қўшимчалар киритилсин:

автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳномани (кейинги ўринларда - гувоҳнома) олиш, амал қилишини тугатиш, бекор қилиш ёки амал қилиш муддатини узайтириш бўйича ахборот тизимини жорий этиш йўли билан ҳужжатларни қоғоз нусхада талаб қилишдан воз кечиш;

гувоҳнома олиш бўйича мурожаатларни Ўзбекистон Республикаси Ягона интерактив давлат хизматлари портали (кейинги ўринларда - ЯИДХП) ва "Лицензия" ахборот тизими (кейинги ўринларда - "Лицензия" АТ) орқали кўриб чиқиш механизмини жорий этиш.

2. Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси ЯИДХП ва "Лицензия" АТ орқали гувоҳнома олиш бўйича техник ҳужжатни бир ой муддатда ишлаб чиқсин ҳамда белгиланган тартибда келишиш учун Рақамли технологиялар вазирлигига киритсин.

3. Ўзбекистон Республикаси Рақамли технологиялар вазирлиги Адлия вазирлиги ҳамда Иқтисодиёт ва молия вазирлиги ҳузуридаги Божхона қўмитаси билан биргаликда уч ой муддатда:

гувоҳнома олиш бўйича давлат хизматларини кўрсатишнинг маъмурий регламенти бўйича давлат хизматлари кўрсатишни ЯИДХП ва "Лицензия" АТ орқали жорий этиш чораларини кўрсин;

гувоҳнома олиш бўйича давлат хизматларини кўрсатишда иштирок этувчи давлат органлари ва ташкилотларнинг ЯИДХП ва "Лицензия" АТга уланишини таъминласин.

4. Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси Рақамли технологиялар вазирлиги, Адлия вазирлиги ҳамда манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

5. Ушбу қарор расмий эълон қилинган кундан эътиборан уч ой ўтгач кучга киради.

6. Мазкур қарорнинг бажарилишини назорат қилиш Ўзбекистон Республикаси Бош вазири ўринбосари - иқтисодиёт ва молия вазири Ж.А. Қўчқоров зиммасига юклансин.

Ўзбекистон Республикасининг Бош вазири                                                    А. Арипов

Вазирлар Маҳкамасининг

2024 йил 26 ноябрдаги

787-сон қарорига

ИЛОВА

Вазирлар Маҳкамасининг "Халқаро йўлларда ташиш

дафтарчасини қўллаган ҳолда юкларни халқаро ташиш

соҳасидаги айрим норматив-ҳуқуқий ҳужжатларни

тасдиқлаш тўғрисида" 2021 йил 2 декабрдаги

727-сон қарорига киритилаётган ўзгартириш

ва қўшимчалар

1. 2-бандда:

тўртинчи хатбошидан "тасдиқлансин" сўзи чиқариб ташлансин;

қуйидаги мазмундаги бешинчи хатбоши билан тўлдирилсин:

"автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳномани олиш, амал қилишини тугатиш, бекор қилиш ёки амал қилиш муддатини узайтириш бўйича давлат хизматларини кўрсатиш тартибини белгилашни назарда тутувчи Автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳнома олиш бўйича давлат хизматларини кўрсатишнинг маъмурий регламенти 3а-иловага мувофиқ тасдиқлансин".

2. 6-банднинг иккинчи хатбошиси "ЯИДХП" сўзидан кейин "ва "Лицензия" ахборот тизими" сўзлари билан тўлдирилсин.

3. 1-иловада:

6-банддаги "Давлат божхона қўмитаси" сўзлари "Иқтисодиёт ва молия вазирлиги ҳузуридаги Божхона қўмитаси" сўзлари билан алмаштирилсин;

18-банднинг учинчи хатбошиси қуйидаги таҳрирда баён этилсин:

"Конвенция талаблари асосида автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳнома";

20-банднинг учинчи хатбошиси қуйидаги таҳрирда баён этилсин:

"автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳномани ёки контейнерларда ташишга рухсат бериш тўғрисидаги лавҳанинг мавжудлигини назоратдан ўтказади";

23-банднинг саккизинчи хатбошиси қуйидаги таҳрирда баён этилсин:

"ХЙТ дафтарчаси Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси Ягона автоматлаштирилган ахборот тизимида (кейинги ўринларда - Божхона қўмитаси ЯААТ) рўйхатга олинади ва манзил божхона органига назоратга қўйилади";

26-банддаги, 27-банднинг бешинчи хатбошисидаги, 32-банднинг ўн биринчи хатбошисидаги, 36-банднинг учинчи хатбошидаги, 54-банднинг биринчи ва иккинчи хатбошиларидаги, 58-банднинг учинчи хатбошисидаги, 59-банднинг биринчи хатбошисидаги ва 63-банддаги "ДБҚ" сўзи "Божхона қўмитаси" сўзлари билан алмаштирилсин;

29-банднинг учинчи хатбошиси қуйидаги таҳрирда баён этилсин:

"Конвенция талаблари асосида автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳнома ёки контейнерларда тегишли лавҳалар";

30-банднинг олтинчи хатбошиси қуйидаги таҳрирда баён этилсин:

"автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳнома ёки контейнерларда тегишли лавҳалар мавжудлигини";

41-банднинг биринчи хатбошисидаги "тўрттадан" сўзи "саккизтадан" сўзи билан алмаштирилсин;

45-банднинг ўн биринчи хатбошисидаги "ДБҚга" сўзи "божхона органларига" сўзлари билан алмаштирилсин;

46-банднинг учинчи хатбошиси қуйидаги таҳрирда баён этилсин:

"автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳнома ёки контейнерларда лавҳа мавжуд бўлмаганда ёки уларнинг муддати тугаганда";

62-банд қуйидаги мазмундаги бешинчи хатбоши билан тўлдирилсин:

"Конвенция талаблари асосида кафолат уюшмасидан ундирилган божхона тўловлари ва кечиктириш учун фоизлар суммаси беш йил муддатга қадар Иқтисодиёт ва молия вазирлиги ҳузуридаги Божхона қўмитасининг бюджетдан ташқари ҳисоб рақамларида сақланади";

1-илованинг матни қуйидаги таҳрирда баён этилсин:

         

      

2-иловада:

1-бобнинг йигирма ва йигирма биринчи хатбошилари қуйидаги таҳрирда баён этилсин:

"9-графа. "Автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳнома".

Автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳноманинг рақами ва амал қилиш муддати кўрсатилади";

7-бобнинг йигирма бешинчи хатбошиси қуйидаги таҳрирда баён этилсин:

"а) автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳноманинг мавжудлиги".

4. 2-иловада:

3-банд қуйидаги таҳрирда баён этилсин:

"3. ХЙТ дафтарчасидан фойдаланиш учун рухсатнома Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси (кейинги ўринларда - Божхона қўмитаси) Қорақалпоғистон Республикаси, вилоятлар, Тошкент шаҳар бошқармалари ва "Тошкент-AЭРО" ихтисослаштирилган божхона комплекси (кейинги ўринларда - Божхона қўмитаси ҳудудий бошқармалари) томонидан ушбу Регламентга 1 ва 2-иловаларга мувофиқ схема ва рухсатнома бўйича берилади";

қуйидаги мазмундаги 4-1-банд билан тўлдирилсин:

"4-1. Рухсатнома олинаётган автотранспорт воситасининг божхона кўздан кечируви ўтказилганда божхона кўриги далолатномаси расмийлаштирилади";

6-банд "Ягона интерактив давлат хизматлари портали (кейинги ўринларда - ЯИДХП)" сўзларидан кейин "ёки "Лицензия" ахборот тизими (кейинги ўринларда - "Лицензия" АТ)" сўзлари билан тўлдирилсин;

10-банддаги "Давлат божхона қўмитаси, Давлат солиқ қўмитасининг" сўзлари "Божхона қўмитаси, Солиқ қўмитасининг" сўзлари билан алмаштирилсин;

12-банд қуйидаги таҳрирда баён этилсин:

"12. Ариза ЯИДХП ёки "Лицензия" АТ орқали Божхона қўмитасининг Ягона автоматлаштирилган ахборот тизимига (кейинги ўринларда - Божхона қўмитаси ЯААТ) келиб тушади. Ушбу ариза шу вақтнинг ўзида автоматик тарзда Солиқ қўмитасига ва кафолат уюшмасига юборилади";

13-бандда:

иккинчи хатбошидаги "ДБҚ" сўзи "Божхона қўмитаси" сўзлари билан алмаштирилсин;

учинчи хатбошидаги "Давлат солиқ қўмитасининг ҳудудий бошқармалари уч иш куни мобайнида ДБҚ" сўзлари "Солиқ қўмитасининг ҳудудий бошқармалари уч иш куни мобайнида Божхона қўмитаси" сўзлари билан алмаштирилсин;

тўртинчи хатбошидаги "Давлат божхона қўмитасининг ҳудудий бошқармалари уч иш куни мобайнида ДБҚ" сўзлари "Божхона қўмитасининг ҳудудий бошқармалари уч иш куни мобайнида Божхона қўмитаси" сўзлари билан алмаштирилсин;

бешинчи хатбошидаги "ДБҚ, Давлат солиқ қўмитаси" сўзлари "Божхона қўмитаси, Солиқ қўмитаси" сўзлари билан алмаштирилсин;

14-банддаги "Давлат солиқ қўмитасининг ҳудудий бошқармалари томонидан ариза кўриб чиқилгандан сўнг Давлат божхона қўмитасининг" сўзлари "Солиқ қўмитасининг ҳудудий бошқармалари томонидан ариза кўриб чиқилгандан сўнг Божхона қўмитасининг" сўзлари билан алмаштирилсин;

15-бандда:

биринчи хатбошидаги "Давлат божхона қўмитасининг" сўзлари "Божхона қўмитаси" сўзлари билан алмаштирилсин;

иккинчи хатбоши "ЯИДХП" сўзидан кейин "ёки "Лицензия" АТ" сўзлари билан тўлдирилсин;

16-банд ва 25-банднинг биринчи ва иккинчи хатбошилари "ЯИДХП" сўзидан кейин "ёки "Лицензия" АТ" сўзлари билан тўлдирилсин;

17-банддаги "Давлат божхона қўмитасига ушбу Регламентга 5-иловага мувофиқ ДБҚ" сўзлари "Божхона қўмитасига ушбу Регламентга 5-иловага мувофиқ Божхона қўмитаси" сўзлари билан алмаштирилсин;

18-банднинг биринчи хатбошиси, 19-банднинг биринчи хатбошиси ҳамда 23-банддаги "Давлат божхона қўмитаси" сўзлари "Божхона қўмитаси" сўзлари билан алмаштирилсин;

26 ва 27-бандлар қуйидаги таҳрирда баён этилсин:

"26. Қайта рўйхатдан ўтказиш ва (ёки) ўзгаришлар тўғрисида мурожаат (тегишли ҳужжатлар илова қилинган ҳолда) келиб тушганда, Божхона қўмитаси ҳудудий бошқармаси томонидан текширилади, мурожаат ЯИДХП ёки "Лицензия" АТга келиб тушган кундан бошлаб уч иш куни ичида тасдиқланади ёки рад этилади.

27. Ўзгартирилган маълумотлар тасдиқланган тақдирда, Божхона қўмитасининг тегишли ҳудудий бошқармаси рухсатнома маълумотларини Божхона қўмитаси ЯААТда янгилайди ва Божхона қўмитасига киритилган тузатишлар бўйича ахборот беради. Божхона қўмитаси масъул ходими тегишли ўзгартиришларни ХЙТ Халқаро банк маълумотлари базасига киритади";

28-банддаги "Давлат божхона қўмитасининг" сўзлари "Божхона қўмитасининг" сўзлари билан алмаштирилсин;

29-бандда:

биринчи хатбоши қуйидаги таҳрирда баён этилсин:

"29. ХЙТ дафтарчасидан фойдаланиш учун рухсатнома қуйидаги ҳолларда ЯИДХП ёки "Лицензия" АТ орқали икки кун ичида Божхона қўмитаси ҳудудий бошқармалари томонидан бекор қилинади:";

иккинчи хатбоши "ЯИДХП" сўзидан кейин "ёки "Лицензия" АТ" сўзлари билан тўлдирилсин;

30-банд қуйидаги таҳрирда баён этилсин:

"30. ХЙТ дафтарчасидан фойдаланиш учун рухсатномани бекор қилиш ҳақидаги қарор Божхона қўмитаси, рухсатнома эгаси ва кафолат уюшмасига ЯИДХП ёки "Лицензия" АТ орқали юборилади";

31-банддаги "Давлат божхона қўмитасининг" сўзлари "Божхона қўмитасининг" сўзлари билан алмаштирилсин;

33-банд қуйидаги таҳрирда баён этилсин:

"33. ХЙТ дафтарчасидан фойдаланиш учун берилган рухсатномалар реестри (кейинги ўринларда - реестр) ушбу Регламентга 6-иловага мувофиқ шаклда автоматик равишда Божхона қўмитаси ЯААТ томонидан яратилади. Реестр маълумотларининг шаклланиши Божхона қўмитаси томонидан назорат қилинади."

1-илованинг матни қуйидаги таҳрирда баён этилсин:

"ХЙТ дафтарчасидан фойдаланиш

учун рухсатнома олиш

схемаси

          

               

Изоҳ. Мазкур схемада кўрсатилган 4-9-босқичлар ваколатли органлар томонидан автоматлаштирилиши мумкин";

2-иловада:

5 ва 12-позициялардаги "Давлат божхона қўмитаси" сўзлари "Божхона қўмитаси" сўзлари билан алмаштирилсин;

6 ва 7-позициялар "Ягона интерактив давлат хизматлари портали" сўзларидан кейин "ёки "Лицензия" ахборот тизими" сўзлари билан тўлдирилсин;

13-позициядаги "Давлат солиқ қўмитаси" сўзлари "Солиқ қўмитаси" сўзлари билан алмаштирилсин;

3-илованинг 4.1.4-бандидаги "тасарруфида бўлиш муддати" сўзлари "тасарруфига ўтган санаси" сўзлари билан алмаштирилсин;

5-илова матнидаги "Давлат божхона қўмитаси" сўзлари "Иқтисодиёт ва молия вазирлиги ҳузуридаги Божхона қўмитаси" сўзлари билан алмаштирилсин.

5. 3-иловада:

2-банд қуйидаги таҳрирда баён этилсин:

"2. Иқтисодиёт ва молия вазирлиги ҳузуридаги Божхона қўмитаси (кейинги ўринларда - Божхона қўмитаси) Ўзбекистон Республикаси ҳудудида Конвенция қоидаларидан фойдаланиш ҳуқуқидан маҳрум қилинган ва бундай ҳуқуқи тикланган ташувчиларнинг ушбу Низомга иловада белгиланган шаклда реестрини юритади;

3-банднинг биринчи хатбошиси, 6-банднинг биринчи хатбошиси ҳамда 8-банддаги "Давлат божхона қўмитаси" сўзлари "Божхона қўмитаси" сўзлари билан алмаштирилсин;

4-банднинг биринчи хатбошисидаги "Давлат божхона қўмитасига" сўзлари "Божхона қўмитасига" сўзлари билан алмаштирилсин;

5-банд қуйидаги таҳрирда баён этилсин:

"5. Ташувчини Ўзбекистон Республикаси ҳудудида Конвенция қоидаларидан фойдаланиш ҳуқуқидан маҳрум қилиш бўйича қарор (кейинги ўринларда - ҳуқуқдан маҳрум қилиш бўйича қарор) ушбу Низомнинг 3-бандида белгиланган ҳолатларда ҳудудий божхона бошқармалари Божхона қўмитасига киритган таклифлар асосида Божхона қўмитаси хатларига мувофиқ расмийлаштирилиб, ҳудудий божхона бошқармалари, ташувчи, Халқаро йўлларда ташиш Ижроия кенгаши, Кафолат уюшмаси ва ташувчи ташкил этилган ёки доимий манзилгоҳи жойлашган давлатнинг ваколатли органи манзилларига юборилади";

7-бандда:

учинчи хатбошидаги "Давлат божхона қўмитасига" сўзлари "Божхона қўмитасига" сўзлари билан алмаштирилсин;

тўртинчи ва бешинчи хатбошилардаги "Давлат божхона қўмитаси" сўзлари "Божхона қўмитаси" сўзлари билан алмаштирилсин;

илова матнидаги "Давлат божхона қўмитасининг" сўзлари "Божхона қўмитасининг" сўзлари билан алмаштирилсин.

6. Қуйидаги мазмундаги 3а-илова билан тўлдирилсин:

"Вазирлар Маҳкамасининг

2021 йил 2 декабрдаги

727-сон қарорига

3а-ИЛОВА

Автотранспорт воситасига товарларни божхона

муҳрлари  ва  пломбалари  остида  ташишга  рухсат

берилганлиги тўғрисидаги гувоҳнома олиш бўйича

давлат хизматларини кўрсатишнинг

МАЪМУРИЙ РЕГЛАМЕНТИ

1-БОБ. УМУМИЙ ҚОИДАЛАР

1. Ушбу Регламент автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳнома олиш, амал қилишини тугатиш, бекор қилиш ёки амал қилиш муддатини узайтириш бўйича давлат хизматларини кўрсатиш тартибини белгилайди.

2. Ушбу Регламентда қуйидаги тушунчалардан фойдаланилади:

аризачи - гувоҳнома олиш, амал қилишини тугатиш, бекор қилиш ёки амал қилиш муддатини узайтириш бўйича мурожаат қилган юридик ёки жисмоний шахс;

гувоҳнома - автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳнома;

оғир вазнли ёки катта ҳажмли юклар - ҳар қандай оғир ва катта ҳажмли, оғирлиги, ўлчами ва хусусиятидан келиб чиқиб, ёпиладиган йўл автотранспорт воситасида ташиш имкони бўлмаган юклар;

автотранспорт воситаси - божхона назорати остидаги товарларни божхона пломбалари ва муҳрлари остида ташиш учун мўлжалланган автотранспорт воситаси (тиркама, ярим тиркама, контейнер) ёки автотранспорт воситасининг қисми (юк бўлими);

контейнер - юкларни жойлаштиришга мўлжалланган ёпиқ ёки қисман ёпиқ идиш, доимий ва етарли даражада мустаҳкам, шунингдек, кўп маротаба ишлатишга мўлжалланган, юкларни оралиқ масофада қайта юкламасдан, битта ёки бир нечта транспорт турларида ташишга мўлжалланган, бир транспорт туридан иккинчи транспорт турига юклашни енгиллаштириш учун жиҳозланган, юкларни енгил ортиш ва тушириш учун тайёрланган, камида бир куб метр ички ҳажмига эга бўлган транспорт воситаси (цистерна ёки бошқа шунга ўхшаш мослама);

ЯИДХП - Ўзбекистон Республикаси Ягона интерактив давлат хизматлари портали;

"Лицензия" ахборот тизими (кейинги ўринларда - "Лицензия" АТ) - лицензиялаш, рухсат бериш ва хабардор қилиш тартиб-таомиллари билан боғлиқ барча жараёнларни қамраб олган, идоралараро электрон ўзаро ҳамкорлик қилиш имкониятига эга бўлган тизим.

3. Гувоҳнома Юкларни халқаро йўлларда ташиш дафтарчасини қўллаган ҳолда юкларни халқаро ташиш тўғрисидаги божхона конвенцияси (1975 йил, Женева) (кейинги ўринларда - Конвенция) ҳамда Ўзбекистон Республикаси Божхона кодекси (кейинги ўринларда - Кодекс) талаблари ва шартлари асосида берилади.

4. Гувоҳнома ҳар бир автотранспорт воситасига алоҳида берилади, гувоҳномани конструкциянинг тури бўйича бериш бундан мустасно.

5. Гувоҳнома олиш учун автотранспорт воситаси Кодекс ва Конвенцияда назарда тутилган шартларга мувофиқ бўлиши лозим.

6. Автотранспорт воситасига гувоҳнома:

аризачи автотранспорт воситасидан фойдаланувчи юридик ёки жисмоний шахс бўлганда - якка тартибда;

аризачи айни бир турдаги конструкцияга эга бўлган автотранспорт воситаларини серияли ишлаб чиқарувчи завод бўлганда - конструкциянинг тури бўйича берилиши мумкин.

7. Гувоҳнома Конвенция талаблари асосида халқаро йўлларда ташиш (кейинги ўринларда - ХЙТ) дафтарчасидан фойдаланган ҳолда товарларни халқаро ташиш ҳамда бошқа қонунчилик билан белгиланган мақсадларда берилади.

Гувоҳнома божхона органлари талабларига кўра товарнинг кузатув ҳужжатлари билан бирга тақдим этилади.

8. Гувоҳнома мавжуд бўлмаган автотранспорт воситаларида ХЙТ дафтарчалари асосида товарларни ташиш тақиқланади, оғир вазнли ёки катта ҳажмли юклар ташилиши бундан мустасно.

Оғир вазнли ёки катта ҳажмли юкларни ХЙТ дафтарчаси асосида ташиш тартиби қонунчиликда белгиланган тартибда амалга оширилади.

9. Автотранспорт воситаси кейинчалик гувоҳнома бериш жараёнидаги техник талабларга жавоб бермаса, ХЙТ дафтарчасидан фойдаланган ҳолда ташувни амалга ошириш учун ушбу автотранспорт воситаси белгиланган техник талабларига жавоб берадиган ҳолга келтирилиши лозим.

10. Гувоҳнома амал қилиш муддати икки йилни ташкил этади.

11. Гувоҳнома мазкур Регламентга 1-иловада келтирилган схема ҳамда 2-иловада келтирилган гувоҳнома паспорти асосида берилади.

2-БОБ. ДАВЛАТ ХИЗМАТЛАРИНИ

КЎРСАТИШ ТАРТИБИ

12. Аризачи гувоҳномани олиш учун ЯИДХП ёки "Лицензия" АТ орқали қуйидаги ҳужжатларни электрон рақамли имзо (кейинги ўринларида - ЭРИ) билан тасдиқлаган ҳолда божхона органларига жўнатиш йўли билан мурожаат қилади:

а) якка тартибда гувоҳнома олиш учун:

мазкур Регламентга 3-иловада келтирилган электрон ариза;

автотранспорт воситасига нисбатан мулк ҳуқуқини ёки ундан фойдаланиш ҳуқуқини тасдиқловчи ҳужжатнинг кўчирма нусхаси;

ушбу Регламентга 4-иловада кўрсатилган намунага мувофиқ автотранспорт воситасининг олдидан, орқадан, чапдан, ўнгдан кўриниши, шунингдек пломбалар ва муҳрлар қўйиладиган жойнинг тасвири мавжуд бўлган, аризачи томонидан тасдиқланган рангли фотосуратлар (битта фотосуратда битта автотранспорт воситасининг кўпи билан икки томонини бир вақтнинг ўзида тасвирлашга йўл қўйилади). Бунда фотосуратлар куннинг ёруғ вақтида олинган JPEG форматда, ҳар бирининг ҳажми 5 Мбдан ошмаган бўлиши лозим;

б) конструкциянинг тури бўйича гувоҳнома олиш учун:

мазкур Регламентга 5-иловада келтирилган электрон ариза;

автотранспорт воситаси конструкциясининг чизмаларини ва батафсил тавсифи;

ушбу Регламентга 4-иловада кўрсатилган намунага мувофиқ автотранспорт воситасининг олдидан, орқадан, чапдан, ўнгдан кўриниши, шунингдек, пломбалар ва муҳрлар қўйиладиган жойнинг тасвири мавжуд бўлган рангли фотосуратлар. Бунда фотосуратлар куннинг ёруғ вақтида олинган JPEG форматда, ҳар бирининг ҳажми 5 Мбдан ошмаган бўлиши лозим.

13. Аризачи давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга.

Аризачи давлат хизматидан фойдаланишдан бош тортган тақдирда, унинг аризаси кўрилмасдан қолдирилади.

14. Аризачининг ЯИДХП ёки "Лицензия" АТ орқали мурожаати автоматик тарзда божхона органларига юборилади.

Якка тартибда гувоҳнома олиш учун ариза ва унга илова қилинган ҳужжатлар аризачи танлаган Ўзбекистон Республикаси ҳудудидаги божхона органига юборилади.

Конструкциянинг тури бўйича гувоҳнома олиш учун ариза ва унга илова қилинган ҳужжатлар аризачи қайси Божхона қўмитаси ҳудудий бошқармасининг (кейинги ўринларда - ҳудудий бошқарма) фаолият кўрсатиш зонасида автотранспорт воситалари ишлаб чиқариладиган бўлса, ўша ҳудудий бошқармага юборилади.

15. Давлат хизматларини кўрсатганлик учун тўлов ундирилмайди.

3-БОБ. ЯККА ТАРТИБДА ГУВОҲНОМА

БЕРИШ ЁКИ УНИ БЕРИШНИ РАД ЭТИШ

16. Ариза ва унга илова қилинган ҳужжатлар Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг (кейинги ўринларда - Божхона қўмитаси) Ягона автоматлаштирилган ахборот тизими орқали (кейинги ўринларида - Божхона қўмитаси ЯААТ) божхона органига келиб тушади.

17. Масъул ходим икки иш куни ичида келиб тушган ҳужжатларни ўрганиб чиқади ва Божхона қўмитаси ЯААТ орқали ЯИДХП ёки "Лицензия" АТга гувоҳнома сўралаётган автотранспорт воситасини Конвенция ва Кодекс билан белгиланган техник талабларга риоя этилганлигини ўрганиш учун ушбу автотранспорт воситасини кўздан кечириш учун божхона органига тақдим этиш бўйича аризачига электрон хабарнома юборади.

18. Автотранспорт воситани кўздан кечириш учун божхона органига тақдим этишга хабарнома берилганда аризачи етти иш куни ичида автотранспорт воситасини аризада белгилаган божхона органига кўздан кечириш учун тақдим этиши лозим.

Автотранспорт воситаси белгиланган муддатда божхона органига тақдим этилмаган тақдирда, жўнатилган ариза автоматик тарзда бекор қилинади.

19. Автотранспорт воситаси аризада белгиланган божхона органига тақдим этилганда божхона органи масъул ходими аризачи билан бирга автотранспорт воситасини кўздан кечиради ҳамда Конвенция ва Кодексда белгиланган талабларга мувофиқлигини ўрганади.

20. Кўздан кечирув натижаси бўйича божхона органи масъул ходими бир иш кунидан кечиктирмасдан Божхона қўмитаси ЯААТ орқали ЯИДХП ёки "Лицензия" АТдан гувоҳнома берилганлиги (юборилганлиги) ёки гувоҳнома бериш рад этилганлиги ҳақида хабарнома юборади.

21. Гувоҳнома QR-код (матрик штрихли код) билан ҳимояланган ва электрон рақамли имзо билан тасдиқланади ҳамда ЯИДХП ёки "Лицензия" АТ орқали ушбу Регламентга 6-иловадаги шаклга (контейнерлар учун 7-иловадаги шаклга) мувофиқ электрон тарзда аризачига юборилади.

Аризачи гувоҳномани pdf форматида ЯИДХП ёки "Лицензия" АТдан юклаб олиши мумкин.

Аризачи гувоҳнома бериш тўғрисида хабарнома олганидан кейин республиканинг исталган божхона органига гувоҳномани тақдим этади. Божхона органи бир иш куни ичида гувоҳнома маълумотларини ЯИДХП ёки "Лицензия" АТ орқали текширади ва уни муҳр билан тасдиқлайди.

22. Мазкур Регламентга:

6-иловага мувофиқ шаклдаги гувоҳнома А4 форматидаги қоғозда чоп этилади;

7-иловага мувофиқ шаклдаги гувоҳнома А4 форматидаги бир варақдан иборат (олди ва орқа тарафига) қоғозда чоп этилади.

Гувоҳнома ҳолатини текшириш (гувоҳнома эгаси тўғрисида маълумот, автотранспорт воситаси расмлари, гувоҳнома ҳолати ва бошқа маълумотлар) гувоҳномада мавжуд QR-кодни сканер қилиш йўли билан амалга оширилиши мумкин.

23. Контейнерга гувоҳнома берилган тақдирда, аризачи томонидан ушбу Регламентга 8-иловада келтирилган намунага асосан контейнернинг кўринадиган қисмига тўртбурчак темир лавҳа ўрнатилгандан сўнг ушбу контейнерда божхона пломбалари ва муҳрлари остида товарларни ташиш мумкин.

Мазкур банднинг биринчи хатбошисида назарда тутилган лавҳага қуйидаги маълумотлар ўйиб ёзилади:

"Божхона пломбалари ва муҳрлари остида товарларни ташишга рухсат берилди"

куйидаги тартибда гувоҳнома рақами - UZ/00/0000 ("UZ" - Ўзбекистон Республикасининг икки харфли белгиси, "01" - гувоҳнома рақами, 2025 - гувоҳнома берилган йили);

ишлаб чиқарувчи завод томонидан берилган контейнер рақами.

24. Гувоҳнома беришни рад этиш учун қуйидагилар асос бўлади:

гувоҳнома бериш учун зарур бўлган ҳужжатларнинг аризачи томонидан тўлиқ ҳажмда тақдим этилмаганлиги;

автотранспорт воситасининг Кодекснинг 227-моддасида белгиланган талаблар ва шартларга номувофиқлиги;

аризачи томонидан тақдим этилган ҳужжатларда нотўғри ёки бузиб кўрсатилган маълумотларнинг мавжудлиги.

Гувоҳнома беришни бошқа асосларга кўра, шу жумладан мақсадга мувофиқ эмас деган важ билан рад этишга йўл қўйилмайди.

25. Мазкур Регламентнинг 24-банди иккинчи хатбошисида кўрсатилган фактлар аниқланганда, агар аризада бартараф этилиши мумкин бўлган камчиликлар мавжуд бўлса, божхона органи уларни бартараф этиш учун аризачига ўттиз иш кунигача бўлган муддат беради.

Камчиликларни бартараф этиш зарурлиги тўғрисидаги хабарнома божхона органи томонидан бир иш куни ичида ЯИДХП ёки "Лицензия" АТ орқали электрон шаклда аризачига юборилади.

Камчиликларни бартараф этиш зарурлиги тўғрисидаги хабарномада тақдим этилган ҳужжатларда аниқланган камчиликлар ҳамда уларни бартараф этиш усуллари, шунингдек, аризачи кўрсатилган сабабларни бартараф қилиб, тегишли ҳужжатларни кўриб чиқиш учун такроран тақдим этиши мумкин бўлган муддат кўрсатилади.

Камчиликларни бартараф этиш зарурлиги тўғрисидаги хабарномада кўрсатилган муддат камчиликларни бартараф этиш учун зарур бўладиган вақтга мутаносиб бўлиши керак.

Божхона органи аниқланган камчиликларни бартараф этиш мақсадида аризачига малакали ходимларни излашда, ҳужжатларни ва дастурларни маромига етказиш учун мутахассисларни жалб этишда, шунингдек, гувоҳномани олиш учун бошқа зарур шарт-шароитларни яратишда кўмаклашиши ва зарур маслаҳатлар бериши керак, аризачи таклиф этилган ёрдамни рад этган ҳоллар бундан мустасно.

Камчиликларни бартараф этиш зарурлиги тўғрисидаги хабарнома юборилган кундан бошлаб гувоҳнома бериш тўғрисидаги аризани кўриб чиқиш муддати тўхтатиб турилади.

Ҳужжатлар камчиликларни бартараф этиш зарурлиги тўғрисидаги хабарномада кўрсатилган камчиликларни бартараф этмасдан ёки хабарномада кўрсатилган муддат ўтганидан кейин такроран тақдим этилган тақдирда, божхона органи гувоҳнома беришни рад этиш ҳақида қарор қабул қилишга ҳақли. Бунда гувоҳнома беришни бартараф этиш зарурлиги тўғрисидаги хабарномада кўрсатилмаган янги асослар бўйича рад этишга йўл қўйилмайди.

26. Гувоҳнома беришни рад этиш тўғрисида қарор қабул қилинганда, божхона органи бир иш кунидан кечиктирмасдан ЯИДХП ёки "Лицензия" АТ орқали гувоҳнома бериш рад этилганлиги тўғрисида хабар юборади.

Гувоҳнома бериш рад этилганлиги ҳақида қарор қабул қилинган тақдирда рад этиш тўғрисидаги хабарда рад этиш сабаблари ва қонунчиликнинг нормалари кўрсатилиши лозим.

Аризачи гувоҳнома бериш рад этилганлиги ҳақидаги хабар олинган санадан эътиборан ўн иш куни ичида рад этиш сабабларини бартараф қилишга ва ҳужжатларни такроран кўриб чиқиш учун тақдим этишга ҳақли. Ўн иш кунида камчиликлар бартараф этилмаганда аризачи мазкур Маъмурий регламент талаблари асосида янги ариза билан мурожаат қилади.

27. Гувоҳнома беришни рад этиш учун асос бўлган сабаблар аризачи томонидан бартараф қилинган тақдирда, аризачи ЯИДХП ёки "Лицензия" АТ орқали мазкур Регламентга 3-иловада келтирилган аризани тўлдиради ва аввалги рад этилган ариза тўғрисида маълумотларни (ариза рақамини) кўрсатади.

28. Божхона органи масъул ходими келиб тушган ҳужжатлар ва гувоҳнома беришни рад этиш учун асос бўлган сабаблар аризачи томонидан бартараф қилинганлигини бир иш куни ичида ўрганади.

Божхона органи масъул ходими гувоҳнома сўралаётган автотранспорт воситасининг конструкцияси (автотранспорт воситасининг ўрами, сим-арқон, тиркама ва ярим тиркамадаги бошқа ўзгаришлар) ўзгартириш киритиш зарур бўлган ҳолларда такроран кўздан кечириш учун божхона органига тақдим этишни сўрайди ва аризачи автотранспорт воситасини бир иш кунида аризада кўрсатилган божхона органига тақдим этади.

Автотранспорт воситаси белгиланган муддатда божхона органига тақдим этилмаган тақдирда, жўнатилган ариза автоматик тарзда бекор қилинади.

29. Автотранспорт воситаси аризада белгиланган божхона органига тақдим этилганда божхона органи масъул ходими аризачи билан биргаликда автотранспорт воситасини кўздан кечиради ҳамда Конвенция ва Кодексда белгиланган талабларга мувофиқлигини такроран ўрганади.

30. Гувоҳнома беришни рад этиш учун асос бўлган сабаблар бартараф этилганда, божхона органи бир иш кунидан кечиктирмасдан Божхона қўмитаси ЯААТ орқали ЯИДХПга ёки "Лицензия" АТдан гувоҳномани юборади.

Рад этиш учун асос бўлган сабаблар бартараф этилмаганда, гувоҳнома бериш рад этилади.

Гувоҳнома бериш тўғрисидаги ариза такроран кўриб чиқилаётганда гувоҳнома беришни рад этиш тўғрисидаги хабарда илгари кўрсатилмаган асосларга кўра гувоҳнома беришни рад этишга йўл қўйилмайди.

31. Аризачи божхона органининг гувоҳнома беришни рад этиш тўғрисидаги қарори, шунингдек, божхона органи мансабдор шахсининг ҳаракати (ҳаракатсизлиги) устидан қонунчилик ҳужжатларида белгиланган тартибда шикоят қилиш ҳуқуқига эга.

4-БОБ. АВТОТРАНСПОРТ ВОСИТАСИГА

КОНСТРУКЦИЯНИНГ ТУРИ БЎЙИЧА

ГУВОҲНОМА БЕРИШ ЁКИ УНИ

БЕРИШНИ РАД ЭТИШ

32. Бир турдаги автотранспорт воситалари серияли ишлаб чиқарилса, ишлаб чиқарувчи (юридик шахс) томонидан бир турдаги автотранспорт воситаларига гувоҳнома олиниши мумкин.

33. Масъул ходим ўн иш кунида келиб тушган ҳужжатларни ўрганиб чиқади ва Божхона қўмитаси ЯААТ орқали ЯИДХПга ёки "Лицензия" АТга гувоҳнома сўралаётган автотранспорт воситалар турини Конвенция ва Кодекс билан белгиланган техник талабларга риоя этилганлигини ўрганиш мақсадида аризачига ишлаб чиқариш жараёнларини ўрганиш ҳамда ушбу турдаги автотранспорт воситаси (воситалари)ни кўздан кечириш учун хабарнома жўнатади.

34. Ишлаб чиқариш жараёнини ўрганиш ва бир турдаги автотранспорт воситаларини кўздан кечириш бўйича хабарнома келиб тушганда аризачи етти иш куни ичида божхона органи масъул ходимини ишлаб чиқариш жараёнини ва сўралган автотранспорт воситаларини кўздан кечириш учун тақдим этиши лозим.

Аризачи томонидан белгиланган муддатда мазкур жараёнлар амалга оширилмаган тақдирда ариза автоматик тарзда бекор қилинади.

35. Ҳудудий бошқарма масъул ходими аризачи билан биргаликда ишлаб чиқариш жараёнлари ва бир турдаги автотранспорт воситаси(лари)ни кўздан кечиради ҳамда уларнинг Конвенция ва Кодексда белгиланган талабларга мувофиқлигини ўрганади.

36. Ўрганиш натижаси бўйича ҳудудий бошқарма бир иш кунидан кечиктирмасдан Божхона қўмитаси ЯААТ орқали ЯИДХП ёки "Лицензия" АТдан гувоҳнома берилганлиги (юборилганлиги) ёки гувоҳнома бериш рад этилганлиги ҳақида хабарнома юборади.

Гувоҳнома QR-код (матрик штрихли код) билан ҳимояланган ва электрон рақамли имзо билан тасдиқланади ҳамда ЯИДХП ёки "Лицензия" АТ орқали ушбу Регламентга 9-иловадаги шаклга (контейнерлар учун 7-иловадаги шаклга) мувофиқ электрон тарзда аризачига юборилади.

Аризачи гувоҳномани pdf форматида ЯИДХП ёки "Лицензия" АТдан юклаб олиши мумкин.

Аризачи гувоҳнома бериш тўғрисида хабарнома олганидан кейин республиканинг исталган божхона органига гувоҳномани тақдим этади. Божхона органи бир иш куни ичида гувоҳнома маълумотларини ЯИДХП ёки "Лицензия" АТ орқали текширади ва уни муҳр билан тасдиқлайди.

37. Мазкур Регламентга:

7-иловага мувофиқ шаклдаги гувоҳнома А4 форматидаги бир варақдан иборат (олди ва орқа тарафига) қоғозда чоп этилади;

9-иловага мувофиқ шаклдаги гувоҳнома А4 форматидаги қоғозда чоп этилади.

38. Конструкция тури бўйича гувоҳнома олгандан сўнг аризачига Божхона қўмитаси ЯААТда гувоҳнома шакллантириш имконияти берилади.

ЯИДХПда ёки "Лицензия" АТда аризачига бир турдаги ишлаб чиқарилган автотранспорт воситаларига (ҳар бирига алоҳида) мазкур Регламентга 9-иловадаги шаклда (контейнерлар учун 7-иловадаги шаклда) pdf форматидаги QR-кодли гувоҳномани юклаб олиш имконияти яратилади.

39. Гувоҳнома ҳолатини текшириш (гувоҳнома эгаси тўғрисида маълумот, автотранспорт воситаси расмлари, гувоҳнома ҳолати ва бошқа маълумотлар) гувоҳномада мавжуд QR-кодни сканер қилиш йўли билан амалга оширилиши мумкин.

40. Конструкция тури бўйича контейнерга гувоҳнома берилган тақдирда, аризачи томонидан мазкур Регламентга 8-иловада келтирилган намунага асосан контейнернинг кўринадиган қисмига темир тўртбурчак лавҳа ўрнатилгандан сўнг ушбу контейнерда божхона пломбалари ва муҳрлари остида товарларни ташиш мумкин.

Мазкур лавҳага ушбу Регламентнинг 23-бандида кўрсатилган маълумотлар ҳамда автотранспорт воситаси турига тегишли ҳарф ва рақамлар ўйиб ёзилади.

41. Автотранспорт воситасини серияли ишлаб чиқарувчи ташкилотдан харид қилган шахс республикадаги исталган божхона органига гувоҳномани тақдим этади. Божхона органи бир иш куни ичида гувоҳнома маълумотларини ЯИДХП ёки "Лицензия" АТ орқали текширади ва уни муҳр билан тасдиқлайди.

42. Конструкция тури бўйича гувоҳнома беришни рад этиш ва рад этиш асосларини бартараф қилган ҳолда қайта келиб тушган аризаларни кўриб чиқиш мазкур Регламентнинг 24-30-бандларида белгиланган асослар ва тартибга мувофиқ амалга оширилади.

43. Аризачи божхона органининг гувоҳнома беришни рад этиш тўғрисидаги қарори, шунингдек, божхона органи мансабдор шахсининг ҳаракати (ҳаракатсизлиги) устидан қонунчилик ҳужжатларида белгиланган тартибда шикоят қилиш ҳуқуқига эга.

5-БОБ. ГУВОҲНОМАНИНГ АМАЛ ҚИЛИШИНИ

ТУГАТИШ УЧУН БОЖХОНА ОРГАНЛАРИГА

МУРОЖААТ ҚИЛИШ ТАРТИБИ

44. Гувоҳноманинг амал қилиши қуйидаги ҳолларда тугатилади:

автотранспорт воситаси товарларни божхона пломбалари ва муҳрлари остида ташиш учун яроқсиз ҳолга келганда;

автотранспорт воситаларининг миллий давлат рўйхатидан ўтказиш рақамлари алмашганда;

гувоҳноманинг амал қилиш муддати тугаганда.

45. Мазкур Регламентнинг 44-бандида кўрсатилган ҳолатлар юзага келиши билан гувоҳноманинг амал қилиши тугатилган деб ҳисобланади ҳамда гувоҳноманинг амал қилиши тугатилганлиги тўғрисида божхона органи томонидан қарор қабул қилиш талаб этилмайди.

6-БОБ. ГУВОҲНОМАНИ БЕКОР ҚИЛИШ

УЧУН БОЖХОНА ОРГАНЛАРИГА

МУРОЖААТ ҚИЛИШ ТАРТИБИ

46. Гувоҳнома қуйидагилар асосида бекор қилинади:

аризачининг гувоҳномани бекор қилиш тўғрисидаги аризаси;

автотранспорт воситасининг конструкцияси ўзгартирилганлиги факти (гувоҳнома конструкциянинг тури бўйича берилганда);

гувоҳнома қалбаки ҳужжатлардан фойдаланган ҳолда олинганлиги факти аниқланганда;

божхона органининг гувоҳнома бериш тўғрисидаги қарори қонунга хилоф эканлиги аниқланганда.

47. Гувоҳнома мазкур Регламентнинг 46-банди иккинчи ва учинчи хатбошиларида келтирилган ҳолларда божхона органи томонидан, мазкур Регламентнинг 46-банди тўртинчи ва бешинчи хатбошиларида назарда тутилган ҳолларда эса суд томонидан бекор қилинади.

48. Гувоҳномани бекор қилиш бўйича аризани жўнатиш гувоҳнома эгаси томонидан амалга оширилади.

Гувоҳномани бекор қилиш тўғрисида ариза ЯИДХП ёки "Лицензия" АТ орқали жўнатилади.

49. Божхона органи гувоҳномани бекор қилиш тўғрисида ЯИДХП ёки "Лицензия" АТ орқали келиб тушган аризани икки иш куни ичида кўриб чиқади ва гувоҳномани бекор қилиш тўғрисида қарор қабул қилади.

Гувоҳномани бекор қилиш тўғрисидаги божхона органининг қарори аризачига қарор қабул қилинган кундан эътиборан бир иш кунидан кечиктирмай ЯИДХП ёки "Лицензия" АТ орқали етказилади.

Гувоҳнома бекор қилинган тақдирда, у икки иш куни ичида божхона органига қайтарилиши ва йўқ қилиниши лозим.

7-БОБ. ГУВОҲНОМА АМАЛ ҚИЛИШ МУДДАТИНИ

УЗАЙТИРИШ УЧУН БОЖХОНА ОРГАНЛАРИГА

МУРОЖААТ ҚИЛИШ ТАРТИБИ

50. Гувоҳнома қайта расмийлаштирилмайди.

51. Гувоҳноманинг амал қилиш муддати тугагач гувоҳноманинг амал қилиши аризачининг аризасига кўра икки йилга узайтирилади.

Гувоҳноманинг амал қилиш муддатини узайтириш тўғрисидаги ариза божхона органига гувоҳноманинг амал қилиш муддати тугагунига қадар берилиши лозим.

52. Гувоҳноманинг амал қилиш муддатини узайтириш гувоҳнома бериш учун белгиланган тартибда амалга оширилади. Бунда, гувоҳноманинг амал қилиш муддатини узайтириш тўғрисидаги ариза маълумотларига амалдаги гувоҳнома рақами тўғрисидаги маълумотлар графаси қўшилади.

53. Гувоҳнома йўқотилган ёки унга шикаст етказилган тақдирда аризачининг мурожаатига асосан гувоҳноманинг нусхаси берилади.

8-БОБ. ЯКУНЛОВЧИ ҚОИДА

54. Ушбу Регламент талабларининг бузилишида айбдор бўлган шахслар қонунчилик ҳужжатларига мувофиқ жавоб берадилар.

          

           

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома олиш

бўйича давлат хизматларини кўрсатишнинг

маъмурий регламентига

1-ИЛОВА

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома олиш

схемаси

       

           

          

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома олиш

бўйича давлат хизматларини кўрсатишнинг

маъмурий регламентига

2-ИЛОВА

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома

ПАСПОРТИ

            

       

         

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома олиш

бўйича давлат хизматларини кўрсатишнинг

маъмурий регламентига

3-ИЛОВА

Автотранспорт воситасига товарларни божхона

муҳрлари ва пломбалари остида ташишга якка

тартибда рухсат берилганлиги тўғрисидаги

гувоҳнома бериш ҳақида

АРИЗА

           

         

Изоҳ:

*) Контейнер тўғрисидаги маълумотлар фақат контейнерга гувоҳнома олишда тўлдирилади;

**) Ушбу банд, гувоҳнома амал қилиш муддатини узайтириш ёки гувоҳнома беришни рад этиш учун асос бўлган сабаблар аризачи томонидан бартараф қилинган тақдирда божхона органларига мурожаат қилишда тўлдирилади.

        

           

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома олиш

бўйича давлат хизматларини кўрсатишнинг

маъмурий регламентига

4-ИЛОВА

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома олиш учун

аризага илова қилинадиган фотосуратларнинг

НАМУНАЛАРИ

        

1. Автотранспорт воситасининг ўнг ва чап томонидан кўринишининг фотосурати

         

          

2. Автотранспорт воситасининг орқа ва олди томонидан кўринишининг фотосурати

        

             

3. Автотранспорт воситасининг пломбалар ва муҳрлар қўйиладиган жойнинг фотосурати

              

        

Изоҳ: Автотранспорт воситаси турига қараб божхона муҳрлари ва пломбалари қўйиладиган жойнинг фотосурати ракурси ўзгариши мумкин

        

           

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома олиш

бўйича давлат хизматларини кўрсатишнинг

маъмурий регламентига

5-ИЛОВА

Автотранспорт воситасига товарларни

божхона муҳрлари ва пломбалари остида ташишга

конструкциянинг тури бўйича рухсат берилганлиги

тўғрисидаги гувоҳнома бериш ҳақида

АРИЗА

       

          

Изоҳ:

*) Контейнер тўғрисидаги маълумотлар фақат контейнерга гувоҳнома олишда тўлдирилади;

**) Ушбу банд, гувоҳнома амал қилиш муддатини узайтириш ёки гувоҳнома беришни рад этиш учун асос бўлган сабаблар аризачи томонидан бартараф қилинган тақдирда божхона органларига мурожаат қилишда тўлдирилади.

          

        

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома олиш

бўйича давлат хизматларини кўрсатишнинг

маъмурий регламентига

6-ИЛОВА

            

         

          

               

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома олиш

бўйича давлат хизматларини кўрсатишнинг

маъмурий регламентига

7-ИЛОВА

          

орқа қисмидаги огоҳлантиришни қаранг/см. предупреждение на обороте/ Important notice overleaf

Д И Қ Қ A Т !

(1975 йилги ХЙТ дафтарчасини қўллаган ҳолда юкларни халқаро ташиш

тўғрисидаги Божхона конвенцияси 7-илова II қисми 6 ва 7-бандлари)

6. Aгар контейнер рухсат бериш тартиби билан қўйилган техник талабларга бошқа жавоб бермаса, у ҳолда, божхона муҳрлари ва пломбалари остида ташишлар учун қўллашдан аввал, у ушбу техник талабларга қайта жавоб бериши учун шундай тарзда унга рухсат бериш учун асос бўлиб хизмат қилган ҳолатга келтирилиши керак бўлади.

7. Aгар контейнернинг асосий характеристикалари ўзгартирилган бўлса, ушбу контейнерга рухсат бериш ўз кучини йўқотади, ва у божхона муҳрлари ва пломбалари остида юкларни ташиш учун қўллашдан аввал ваколатли орган томонидан янги рухсат бериш предмети бўлиб қолиши керак.

        

        

В Н И М А Н И Е !

(Пункты 6 и 7 части II приложения 7 к Таможенной конвенции

о международной перевозке грузов с применением книжки МДП, 1975 г.)

6. Если контейнер не отвечает больше техническим требованиям, предписанным процедурой допущения, то, прежде чем использоваться для перевозок под таможенными печатями и пломбами, он должен быть приведен в состояние, послужившим основанием для его допущения, таким образом, чтобы вновь отвечать этим техническим требованиям.

7. Если основные характеристики контейнера изменены, допущение этого контейнера теряет силу, и он должен стать предметом нового допущения компетентным органом, прежде чем использоваться для перевозки грузов под таможенными печатями и пломбами.

   

    

IMPORTANT NOTICE

(Annex 7, Part II, paragraphs 6 and 7, to the Customs Convention

on the International Transport of Goods under cover of TIR Carnets, 1975)

6. If a container no longer complies with the technical conditions prescribed for its approval, it shall, before it can be used for the transport of goods under Customs seal, be restored to the condition which had justified its approval, so as to comply again with the said technical conditions.

7. If the essential characteristics of a container are changed the container shall cease to be covered by the approval and shall be re-approved by the competent authority before it can be used for the transport of goods under Customs seal.

             

         

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома олиш

бўйича давлат хизматларини кўрсатишнинг

маъмурий регламентига

8-ИЛОВА

Гувоҳнома олган контейнерга ўрнатиладиган

тўртбурчак темир лавҳа намунаси

        

* фақат контрукция тури бўйича рухсат берилганда

только в случае допущения по типу конструкции

оnly in case of approval by design type

        

          

Автотранспорт воситасига товарларни божхона

муҳрлари ва пломбалари остида ташишга рухсат

берилганлиги тўғрисидаги гувоҳнома олиш

бўйича давлат хизматларини кўрсатишнинг

маъмурий регламентига

8-ИЛОВА

          

орқа қисмидаги огоҳлантиришни қаранг/см. предупреждение на обороте/ Important notice overleaf

   

     

Д И Қ Қ A Т !

(1975 йилги ХЙТ дафтарчасини қўллаган ҳолда юкларни халқаро ташиш тўғрисидаги

Божхона конвенцияси 7-илованинг II қисми 6 ва 7-бандлари)

           

6. Aгар контейнер рухсат бериш тартиби билан қўйилган техник талабларга бошқа жавоб бермаса, у ҳолда, божхона муҳрлари ва пломбалари остида ташишлар учун қўллашдан аввал, у ушбу техник талабларга қайта жавоб бериши учун шундай тарзда унга рухсат бериш учун асос бўлиб хизмат қилган ҳолатга келтирилиши керак бўлади.

7. Aгар контейнернинг асосий характеристикалари ўзгартирилган бўлса, ушбу контейнерга рухсат бериш ўз кучини йўқотади ва у божхона муҳрлари ва пломбалари остида юкларни ташиш учун қўллашдан аввал ваколатли орган томонидан янги рухсат бериш предмети бўлиб қолиши керак.

В Н И М А Н И Е !

(Пункты 6 и 7 части II приложения 7 к Таможенной конвенции

о международной перевозке грузов с применением книжки МДП, 1975 г.)

6. Если контейнер не отвечает больше техническим требованиям, предписанным процедурой допущения, то, прежде чем использоваться для перевозок под таможенными печатями и пломбами, он должен быть приведен в состояние, послужившим основанием для его допущения, таким образом, чтобы вновь отвечать этим техническим требованиям.

7. Если основные характеристики контейнера изменены, допущение этого контейнера теряет силу, и он должен стать предметом нового допущения компетентным органом, прежде чем использоваться для перевозки грузов под таможенными печатями и пломбами.

IMPORTANT NOTICE

(Annex 7, Part II, paragraphs 6 and 7, to the Customs Convention

on the International Transport of Goods under cover of TIR Carnets, 1975)

6. If a container no longer complies with the technical conditions prescribed for its approval, it shall, before it can be used for the transport of goods under Customs seal, be restored to the condition which had justified its approval, so as to comply again with the said technical conditions.

7. If the essential characteristics of a container are changed the container shall cease to be covered by the approval and shall be re-approved by the competent authority before it can be used for the transport of goods under Customs seal.

         

            

Қонун ҳужжатлари маълумотлари миллий базаси (www.lex.uz),

2024 йил 27 ноябрь