Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Хўжалик ва тадбиркорлик фаолиятининг умумий масалалари / Ўз кучини йўқотган ҳужжатлар / Лицензиялаш. Рухсат бериш тартиб-таомиллари /

Архитектура-шаҳарсозлик ҳужжатларини яратиш фаолиятини лицензиялаш тўғрисида Низом (ЎзР ВМ 30.04.2009 й. 126-сон қарорига 1-илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

2009 йил 30 апрелдаги

126-сон қарорига

1-ИЛОВА



Архитектура-шаҳарсозлик ҳужжатларини

яратиш фаолиятини лицензиялаш тўғрисида

НИЗОМ


I. УМУМИЙ ҚОИДАЛАР


1. Ушбу Низом архитектура-шаҳарсозлик ҳужжатларини яратиш фаолиятини лицензиялаш тартибини белгилайди.

Барча турдаги архитектура-шаҳарсозлик ҳужжатларини яратиш фаолияти объектларни қуриш учун муҳандислик-техник изланишларни, дастлабки ва якуний техник-иқтисодий ҳисоб-китобларни ҳамда техник-иқтисодий асослашларни яратишни, бино ва иншоотларни лойиҳалашни, қурилишнинг лойиҳа-смета ҳужжатларини яратишни, хўжалик, саноат ва бошқа мақсадлардаги бинолар ва иншоотларни ҳамда уларнинг комплексларини, муҳандислик ва транспорт инфратузилмаси бинолари ва иншоотларини кенгайтириш, реконструкция қилиш, техник жиҳатдан қайта жиҳозлаш ва мукаммал таъмирлаш, шунингдек уларнинг мустаҳкамлиги, барқарорлиги ва ишончлилиги йўқолган тақдирда одамлар хавфсизлигига хавф ёки катта моддий йўқотишлар вужудга келадиган унинг муҳим функцияларини бажариш элементларини ўз ичига олади.


2. Лицензия бериш, лицензиянинг амал қилишини тўхтатиб туриш ёки тугатиш, шунингдек уни бекор қилиш ва қайта расмийлаштириш тўғрисидаги қарорлар Ўзбекистон Республикаси Давлат архитектура ва қурилиш қўмитаси (кейинги ўринларда "Давархитектқурилиш" қўмитаси деб аталади) томонидан қабул қилинади.

Лицензиялар бериш тўғрисидаги ҳужжатларни кўриб чиқиш учун "Давархитектқурилиш" қўмитасида Эксперт комиссия (кейинги ўринларда Комиссия деб аталади) тузилади. Эксперт комиссия фаолияти "Давархитектқурилиш" қўмитаси томонидан тасдиқланган низомга мувофиқ ташкил этилади. Комиссия ўзига юкланган функцияларни бажариш учун "Давархитектқурилиш" қўмитаси вакилларидан ишчи гуруҳ тузади.


3. Архитектура-шаҳарсозлик ҳужжатларини яратиш фаолияти фақат ушбу Низомда назарда тутилган талабларга мувофиқ бўлган юридик шахслар томонидан амалга оширилади.

Архитектура-шаҳарсозлик ҳужжатларини яратиш фаолиятини амалга ошириш ҳуқуқига намунавий (оддий) лицензиялар берилади.

Намунавий лицензиялар лицензия талабгорининг аризасига биноан умуман лойиҳалаш фаолияти турига ёки ушбу Низомга 1-иловага биноан Архитектура-шаҳарсозлик ҳужжатлари классификаторига ва Ўзбекистон Республикаси Вазирлар Маҳкамаси томонидан тасдиқланган Лойиҳа-қидирув ва қурилиш-монтаж ишлари бўйича объектлар мураккаблиги тоифалари классификаторига мувофиқ лойиҳалаштиришнинг бир ёки бир нечта турларини (бўлимларини) ишлаб чиқишга берилади.

Намунавий лицензияларнинг амал қилиши лойиҳалашнинг барча босқичларига татбиқ этилади.


4. Архитектура-шаҳарсозлик ҳужжатларини яратиш бўйича фаолиятни амалга ошириш ҳуқуқига лицензия, лойиҳалашнинг амал қилиш муддати чекланмасдан берилади.

5. Лицензия бериш тўғрисидаги ариза билан биринчи марта мурожаат қилган ташкилотларга, лицензия мураккабликнинг I тоифасидан юқори бўлмаган лойиҳа ҳужжатларини яратиш бўйича фаолиятни амалга ошириш ҳуқуқига берилади.

Лицензия талабгорининг штатида мутахассислар ушбу Низомга 3 ва 4-иловаларда назарда тутилган тегишли талабларга жавоб берадиган мутахассислар мавжуд бўлган тақдирда "Давархитектқурилиш" қўмитаси томонидан унга объектларни лойиҳалаш ва қуришнинг кўрсатилган мураккаблик тоифасига лицензия бериш масаласи кўриб чиқилади.

6. Лицензия талабгори томонидан Ўзбекистон Республикаси Вазирлар Маҳкамаси томонидан тасдиқланган Лойиҳа-қидирув ва қурилиш-монтаж ишлари бўйича объектларнинг мураккаблиги тоифаларига мувофиқ янада юқори тоифадаги архитектура-шаҳарсозлик ҳужжатларини яратиш фаолиятига лицензия олиш учун лойиҳалаш ташкилоти томонидан икки йил мобайнида жорий тоифадаги камида ўнта объектни лойиҳалаш бўйича бажарилган ишларнинг жами рўйхати улар юзасидан архитектура ва қурилиш органлари, шунингдек белгиланган ҳолларда "Давархитектқурилиш" қўмитасининг давлат экспертиза ва архитектура-қурилиш назорати органлари берган хулосалар нусхалари билан бирга ҳамда ушбу объектлар бўйича муаллифлик назорати дафтарлари тақдим этилади.


II. ЛИЦЕНЗИЯ ТАЛАБЛАРИ ВА ШАРТЛАРИ


7. Архитектура-шаҳарсозлик ҳужжатларини яратиш фаолиятини амалга оширишдаги лицензия талаблари ва шартларига қуйидагилар киради:

а) қонун ҳужжатлари, тегишли давлат стандартлари, шаҳарсозлик нормалари ва қоидалари талабларига мажбурий риоя этиш;

б) юридик шахснинг штатида доимий равишда ишлайдиган (вақтинчалик жалб қилинганларни ҳисобга олмасдан) ушбу Низомга 3-иловада назарда тутилган талабларга жавоб берадиган мутахассисларнинг мажбурий тартибда мавжуд бўлиши:

тўлиқ комплексда лойиҳалаштириш бўйича фаолият турлари учун (лойиҳалаштиришнинг барча босқичларида архитектура-шаҳарсозлик ҳужжатларини, шу жумладан лойиҳаларнинг дастлабки техник-иқтисодий асосланиши, техник-иқтисодий асосланиши ва дастлабки техник-иқтисодий ҳисоб-китоблари, техник-иқтисодий ҳисоб-китоблари), мураккабликнинг I тоифасидаги объектлар учун - камида 10 нафар мутахассис, мураккабликнинг II тоифасидаги объектлар учун - камида 20 нафар мутахассис, мураккабликнинг III тоифасидаги объектлар учун - камида 25 нафар мутахассис;

архитектура-шаҳарсозлик ҳужжатларининг айрим бўлимларини ишлаб чиқиш бўйича фаолият турлари учун - камида 10 нафар мутахассис;

в) юридик шахсда ушбу Низомнинг 4-иловасига мувофиқ фаолиятнинг лицензияланаётган турини амалга ошириш учун зарур бўлган, унга мулк ҳуқуқи билан ёки бошқа қонуний асосда тегишли бўлган бинолар, хоналар, асбоб-ускуналар ва жиҳозларнинг мавжуд бўлиши;

г) "Давархитектқурилиш" қўмитаси томонидан белгиланган тартибда амалга оширилаётган яратилаётган лойиҳа ҳужжатининг сифатини назорат қилиш тизимининг, шунингдек белгиланган ҳолларда муаллифлик назорати ҳужжатларининг мавжуд бўлиши.



III. ЛИЦЕНЗИЯ ОЛИШ УЧУН ЗАРУР ҲУЖЖАТЛАР


8. Лицензия олиш учун лицензия талабгори қуйидаги ҳужжатларни тақдим этади:

а) лицензия бериш тўғрисидаги ариза, унда қуйидагилар кўрсатилади: юридик шахснинг номи ва ташкилий-ҳуқуқий шакли, унинг жойлашган жойи (почта манзили), банк муассасасининг номи ва банкдаги ҳисоб рақами, лицензияланаётган фаолиятнинг юридик шахс томонидан амалга оширилиши мўлжалланаётган тури;

б) лицензияловчи орган томонидан лицензия талабгорининг аризаси кўриб чиқилганлиги учун лицензия талабгорининг йиғимни тўлаганини тасдиқловчи ҳужжат;

в) архитектура-шаҳарсозлик ҳужжатларини яратиш билан шуғулланаётган ходимларнинг рўйхати, унда уларнинг эгаллаб турган лавозимлари, маълумоти бўйича мутахассислиги, мутахассислиги бўйича иш стажи, ушбу ходимлар лойиҳалаштирилишида иштирок этган асосий объектлар рўйхати кўрсатилади;

г) архитектура-шаҳарсозлик ҳужжатларини яратиш учун мавжуд шарт-шароитлар ва техника воситалари тўғрисидаги маълумотлар;

д) давлат рўйхатидан ўтказилганлик тўғрисидаги гувоҳноманинг нусхаси;

е) қуйидагиларнинг:

ташкилот раҳбари ҳамда соҳа бўйича маълумотга, шунингдек меҳнат дафтарчаларига эга бўлган асосий ходимлар (бош муҳандислар ва лойиҳа архитекторлари, бош ҳамда етакчи мутахассислар) дипломларининг;

мулк ҳуқуқи билан ёки бошқа қонуний асосда фаолиятнинг лицензияланаётган турини амалга ошириш учун зарур бўлган асбоб-ускуналар ва инвентарларнинг талабгорга тегишлилигини тасдиқловчи ҳужжатларнинг нусхалари.

8-1. Лицензияловчи орган лицензия бериш учун бошқа ваколатли органларда мавжуд бўлган зарур ҳужжатлар ва ахборотларни белгиланган тартибда ўзаро ахборот ҳамкорлиги йўли билан, шу жумладан электрон тарзда мустақил равишда олади, ушбу Низомнинг 8-бандида назарда тутилган ҳужжатлар ва ахборотлар бундан мустасно.

9. Лицензия талабгоридан ушбу Низомда назарда тутилмаган ҳужжатларни тақдим этишни талаб қилишга йўл қўйилмайди.


10. Ҳужжатлар "Давархитектқурилиш" қўмитасига лицензия талабгори томонидан бевосита ёхуд уларнинг олинганлиги тўғрисидаги билдиришнома билан почта алоқа воситаси орқали етказиб берилади.

Ҳужжатлар "Давархитектқурилиш" қўмитасининг масъул шахси томонидан рўйхат бўйича қабул қилинади, рўйхатнинг нусхаси ҳужжатлар қабул қилинган сана қайд қилинган ҳолда аризачига юборилади (тақдим этилади).


11. Ишончли бўлмаган ёки бузилган маълумотлар тақдим этилганлиги учун лицензия талабгори қонун ҳужжатларига мувофиқ жавоб беради.



IV. АРИЗАНИ КЎРИБ ЧИҚИШ ВА

ЛИЦЕНЗИЯ БЕРИШ ЁКИ ЛИЦЕНЗИЯ

БЕРИШНИ РАД ЭТИШ ТЎҒРИСИДА

ҚАРОР ҚАБУЛ ҚИЛИШ


12. Лицензия талабгорининг аризаси кўриб чиқилганлиги учун Ўзбекистон Республикасида белгиланган энг кам ойлик иш ҳақининг бир баравари миқдорида йиғим ундирилади.

Аризанинг кўриб чиқилганлиги учун йиғим суммаси "Давархитектқурилиш" қўмитасининг банкдаги ҳисоб рақамига ўтказилади.

Лицензия талабгори берилган аризадан воз кечган тақдирда тўланган йиғим қайтарилмайди.


13. Архитектура-шаҳарсозлик ҳужжатларини яратиш фаолиятини лицензиялаш мазкур Низомга 5-иловага мувофиқ схема бўйича амалга оширилади.

Комиссиянинг лицензия талабгорига лицензия бериш ёки лицензия беришни рад этиш тўғрисидаги қарори лицензия талабгорининг аризаси олинган кундан бошлаб ўн беш кундан ошмайдиган муддатда қабул қилинади.

Комиссия ишчи гуруҳнинг таклифи олингандан кейин уни кўриб чиқади ва қабул қилинган қарор протоколини тасдиқлайди. Комиссия томонидан қабул қилинган қарор протоколи Комиссия раиси томонидан имзоланади. Фавқулодда ҳолларда Комиссия қарори сўров йўли билан қабул қилиниши мумкин.


14. "Давархитектқурилиш" қўмитаси лицензия талабгорини қабул қилинган қарор тўғрисида тегишли қарор қабул қилингандан кейин уч кун мобайнида хабардор қилади.

Лицензия беришга қарор қилинганлиги тўғрисидаги билдиришнома лицензия талабгорига банк ҳисоб рақами реквизитлари, давлат божини тўлаш муддати кўрсатилган ҳолда ёзма шаклда юборилади (топширилади). Лицензия бериш ҳақида қарор қабул қилингани тўғрисидаги билдиришнома билан бир вақтда лицензия талабгорига имзолаш учун лицензия битими юборилади.


15. Лицензия битими "Давархитектқурилиш" қўмитаси ва лицензиат ўртасида тузилади ва унда қуйидагилар бўлиши керак:

битимни имзолаган шахсларнинг фамилияси, исми, отасининг исми, лавозими;

томонларнинг реквизитлари;

амалга оширилишига лицензия берилаётган фаолият турининг номи;

лицензиатга қўйиладиган лицензия талаблари ва шартлари;

лицензия битими талаблари ва шартлари бузилганлиги учун томонларнинг жавобгарлиги;

лицензиат томонидан лицензия битими талаблари ва шартлари бажарилишини "Давархитектқурилиш" қўмитаси томонидан назорат қилиш тартиби.

Лицензия битими икки нусхада - лицензиат ва "Давархитектқурилиш" қўмитаси учун бир нусхадан тузилади.


16. Лицензия бланкалари қатъий ҳисобда турадиган ҳужжатлар ҳисобланади, ҳисобга олиш сериясига, тартиб рақамига ва ҳимояланганлик даражасига эга бўлади. Лицензия бланкалари намуналари "Давархитектқурилиш" қўмитаси томонидан ишлаб чиқилади ва тасдиқланади ҳамда "Давархитектқурилиш" қўмитаси буюртмаси бўйича "Давлат белгиси" давлат-ишлаб чиқариш бирлашмасида босмахона усулида тайёрланади. "Давархитектқурилиш" қўмитаси раиси лицензиялар бланкаларининг ҳисобга олиниши, сақланиши ва улардан мақсадли фойдаланилиши учун шахсан жавоб беради.

Лицензиялар "Давархитектқурилиш" қўмитаси томонидан расмийлаштирилади ва "Давархитектқурилиш" қўмитасининг раиси (унинг ўринбосари) томонидан имзоланади.


17. Лицензия "Давархитектқурилиш" қўмитаси томонидан лицензия талабгори томонидан давлат божи тўланганини тасдиқловчи ҳужжат тақдим этилгандан ва у лицензия битимини имзолагандан кейин уч кун муддатда берилади.


18. Агар лицензиат лицензия бериш тўғрисида қарор қабул қилинганлиги ҳақидаги билдиришнома юборилган (топширилган) вақтдан бошлаб уч ой мобайнида "Давархитектқурилиш" қўмитасига лицензия берилганлиги учун давлат божи тўланганлигини тасдиқловчи ҳужжатни тақдим этмаса ёхуд лицензия битимини имзоламаса, "Давархитектқурилиш" қўмитаси лицензияни бекор қилиш тўғрисида қарор қабул қилишга ҳақлидир.


19. Лицензия бериш “Фаолиятнинг айрим турларини лицензиялаш тўғрисида"ги Ўзбекистон Республикаси Қонунининг 17-моддасида назарда тутилган асослар бўйича рад этилиши мумкин.

Лицензия талабгори лицензия беришни рад этиш тўғрисидаги қарор, шунингдек "Давархитектқурилиш" қўмитасининг мансабдор шахси хатти-ҳаракатлари (ҳаракатсизлиги) юзасидан қонун ҳужжатларида белгиланган тартибда шикоят қилиш ҳуқуқига эгадир.


20. Лицензия беришни рад этиш тўғрисида қарор қабул қилинган тақдирда рад этиш тўғрисидаги билдиришнома лицензия талабгорига рад этишнинг аниқ сабаблари ва лицензия талабгори кўрсатиб ўтилган сабабларни бартараф этиб ҳужжатларни такроран кўриб чиқишга тақдим этиши учун етарли бўлган муддат кўрсатилган ҳолда ёзма шаклда юборилади (топширилади). Лицензия беришни рад этиш ҳақидаги хабарномада кўрсатилган муддат камчиликларни бартараф этиш учун зарур бўлган вақтга мутаносиб бўлиши керак.

21. Лицензия беришни рад этиш учун асос бўлган сабаблар лицензия талабгори томонидан бартараф этилган тақдирда, ҳужжатларни Комиссия томонидан такроран кўриб чиқиш лицензия талабгорининг аризаси барча зарур ҳужжатлар билан биргаликда олинган кундан бошлаб беш кундан ортиқ бўлмаган муддатда амалга оширилади.

Лицензия талабгорининг аризаси такроран кўриб чиқилганлиги учун йиғим ундирилмайди.

Лицензия талабгорининг аризасини қайта кўриб чиқишда илгари лицензия беришни рад этиш тўғрисидаги билдиришномада кўрсатилмаган янги асослар бўйича лицензия беришни рад этишга йўл қўйилмайди.

Лицензия бериш рад этилганлиги тўғрисидаги билдиришномада кўрсатилган муддат ўтгандан кейин берилган ариза янгидан берилган ариза ҳисобланади.



V. ЛИЦЕНЗИЯНИ ҚАЙТА РАСМИЙЛАШТИРИШ,

ДУБЛИКАТ БЕРИШ

22. Лицензиат ўзгартирилган, унинг номи ёки жойлашган жойи (почта манзили) ўзгарган тақдирда, лицензиат ёки унинг ҳуқуқий вориси қайта рўйхатдан ўтказилгандан кейин бир ой муддатда "Давархитектқурилиш" қўмитасига кўрсатиб ўтилган маълумотларни тасдиқловчи тегишли ҳужжатлар илова қилинган ҳолда лицензияни қайта расмийлаштириш тўғрисида ариза бериши шарт.

Янгидан вужудга келган юридик шахсни давлат рўйхатидан ўтказиш санасида архитектура-шаҳарсозлик ҳужжатларини яратиш фаолиятини амалга ошириш ҳуқуқини берувчи лицензияга эга бўлган лицензиатлар қўшиб юборилган тақдирда, лицензияни ушбу банднинг биринчи хатбошида назарда тутилган тартибда қайта расмийлаштиришга йўл қўйилади.

Лицензиянинг амал қилиши лицензияланадиган фаолият турининг бир қисми (қисмлари) учун тўхтатилган тақдирда, лицензия қайта расмийлаштирилади.

23. Лицензиат лицензия қайта расмийлаштирилгунга қадар унда кўрсатилган фаолиятни илгари берилган лицензия асосида амалга оширади.

Лицензияни қайта расмийлаштиришда "Давархитектқурилиш" қўмитаси лицензиялар реестрига тегишли ўзгартиришлар киритади. Лицензияни қайта расмийлаштириш лицензияловчи орган томонидан тегишли ҳужжатлар илова қилинган ҳолда лицензияни қайта расмийлаштириш тўғрисида ариза олинган кундан ёки лицензиянинг амал қилишини лицензияланадиган фаолият турининг бир қисми (қисмлари) учун тўхтатиш тўғрисида қарор қабул қилинган кундан бошлаб беш кун мобайнида амалга оширилади.

Лицензияларни қайта расмийлаштиришда лицензия талабгорининг лицензия бериш тўғрисидаги аризаси кўриб чиқилганлиги учун тўланадиган сумманинг ярми миқдорида йиғим ундирилади.

25. Лицензияни қайта расмийлаштиришда лицензиат "Давархитектқурилиш" қўмитасига архитектура-шаҳарсозлик ҳужжатларини яратиш соҳасида илгари берилган лицензияни қайтариб беради.

26. Йўқолган ёки яроқсиз ҳолга келган лицензия ўрнига лицензиатнинг аризасига кўра дубликат берилиши мумкин. Бунда лицензиат даврий нашрларда йўқолган лицензиянинг ҳақиқий эмаслиги тўғрисида хабар бериши, шунингдек хабарни "Давархитектқурилиш" қўмитасига тақдим этиши шарт.

Лицензия дубликатларини беришда лицензия талабгорининг лицензия бериш тўғрисидаги аризаси кўриб чиқилганлиги учун тўланадиган сумманинг ярми миқдорида йиғим ундирилади.

Йиғим суммаси "Давархитектқурилиш" қўмитасининг банкдаги ҳисоб рақамига ўтказилади.



VI. ЛИЦЕНЗИЯ ТАЛАБЛАРИ ВА

ШАРТЛАРИГА РИОЯ ЭТИЛИШИНИ

НАЗОРАТ ҚИЛИШ


27. Лицензиат томонидан лицензия талаблари ва шартларига риоя этилиши устидан назорат "Давархитектқурилиш" қўмитаси томонидан, қонун ҳужжатларида белгиланган тартибда амалга оширилади.


28. Лицензия талаблари ва шартларига риоя этилиши устидан назоратни амалга оширишда "Давархитектқурилиш" қўмитаси ўз ваколатлари доирасида:

лицензиат томонидан лицензия талаблари ва шартларига риоя этилишини қонун ҳужжатларида белгиланган тартибда режали текшириш;

лицензия талаблари ва шартлари лицензиат томонидан бузилганлигидан далолат берувчи ҳоллар мавжуд бўлган тақдирда лицензиатнинг уларга риоя этишини қонунда белгиланган тартибда режадан ташқари текшириш;

лицензия талаблари ва шартларига риоя этилишини текшириш чоғида пайдо бўладиган масалалар юзасидан лицензиатдан зарур ахборотни сўраш ва олиш;

текширишлар натижалари асосида, лицензиат томонидан лицензия талаблари ва шартларининг аниқ бузилишларини кўрсатган ҳолда далолатномалар (маълумотномалар) тузиш;

лицензиатга аниқланган бузилишларни бартараф этиш мажбуриятини юкловчи қарорлар чиқариш, бундай бузилишларни бартараф этиш муддатларини белгилаш;

қонун ҳужжатларида белгиланган ҳолларда лицензиянинг амал қилишини тўхтатиб туриш, тўхтатиш ёки лицензияни бекор қилиш масаласи бўйича қарор чиқариш ёки судга мурожаат қилиш.


29. Лицензия талаблари ва шартларига риоя этилишини текшириш чоғида "Давархитектқурилиш" қўмитасининг текширувчи ходимлари томонидан икки нусхада далолатнома тузилади, унинг бир нусхаси лицензиатга берилади, иккинчи нусхаси "Давархитектқурилиш" қўмитасида қолади.



VII. ЛИЦЕНЗИЯНИНГ АМАЛ ҚИЛИШИНИ

ТЎХТАТИБ ТУРИШ, ТЎХТАТИШ ВА

ЛИЦЕНЗИЯНИ БЕКОР ҚИЛИШ


30. Лицензиянинг амал қилишини тўхтатиб туриш "Фаолиятнинг айрим турларини лицензиялаш тўғрисида"ги Ўзбекистон Республикаси Қонунининг 22-моддасида назарда тутилган ҳолларда ва тартибда амалга оширилади.


31. Лицензиянинг амал қилишини тўхтатиш "Фаолиятнинг айрим турларини лицензиялаш тўғрисида"ги Ўзбекистон Республикаси Қонунининг 23-моддасида назарда тутилган ҳолларда ва тартибда амалга оширилади.


32. Лицензияни бекор қилиш "Фаолиятнинг айрим турларини лицензиялаш тўғрисида"ги Ўзбекистон Республикаси Қонунининг 24-моддасида назарда тутилган ҳолларда ва тартибда амалга оширилади.


33. "Давархитектқурилиш" қўмитасининг лицензиянинг амал қилишини тўхтатиб туриш, тўхтатиш ёки лицензияни бекор қилиш тўғрисидаги қарори юзасидан судга шикоят қилиниши мумкин. Бундай қарорнинг асоссиз эканлиги суд томонидан эътироф этилган тақдирда, "Давархитектқурилиш" қўмитаси лицензиат олдида лицензиат кўрган зарар миқдорида жавоб беради.



VIII. ЛИЦЕНЗИЯЛАР РЕЕСТРИ


34. "Давархитектқурилиш" қўмитаси архитектура-шаҳарсозлик ҳужжатларини яратиш фаолиятини амалга ошириш ҳуқуқини берувчи лицензиялар реестрини юритади, унда қуйидагилар кўрсатилади:

юридик шахснинг номи, унинг ташкилий-ҳуқуқий шакли, жойлашган жойи (почта манзили), телефони ва факси;

раҳбарнинг фамилияси, исми, отасининг исми;

лицензияларнинг берилган санаси ва тартиб рақами;

фаолият тури ва объектларни лойиҳалашнинг мураккаблик тоифаси;

доимий равишда ишлайдиган масъул мутахассислар рўйхати;

лицензияларни қайта расмийлаштириш, тўхтатиб туриш ва тиклашнинг асослари ва санаси;

лицензияларнинг амал қилишини тўхтатиш асослари ва санаси;

лицензияларни бекор қилишнинг асослари ва санаси;

дубликат бериш асослари ва санаси.

Лицензиат "Давархитектқурилиш" қўмитасига лицензиялар реестрида кўрсатилган маълумотлардаги ҳар қандай ўзгаришларни уч кун муддатда тақдим этиши шарт.


35. Лицензияларнинг реестрларида мавжуд бўлган маълумотлар лицензияловчи органнинг веб-сайтида жойлаштирилади ва танишиш учун очиқ бўлади.


IХ. ДАВЛАТ БОЖИНИ ТЎЛАШ ТАРТИБИ


37. Архитектура-шаҳарсозлик ҳужжатларини яратиш фаолиятини амалга ошириш ҳуқуқини берувчи лицензия берганлик учун Ўзбекистон Республикаси Вазирлар Маҳкамаси томонидан белгиланган миқдорда давлат божи ундирилади.

38. Давлат божи республика бюджетига ўтказилади.






Низомга

1-ИЛОВА



Архитектура-шаҳарсозлик ҳужжатлари

КЛАССИФИКАТОРИ


А гуруҳи

Тўлиқ комплексда лойиҳалаш бўйича фаолият турлари

(лойиҳалашнинг барча босқичларида архитектура-шаҳарсозлик

ҳужжатларини яратиш, шу жумладан лойиҳаларининг

ДТИА, ТИА ҳамда ДТИҲ, ТИҲларини ишлаб чиқиш)


1. Ўзбекистон Республикаси ҳудудини ва ҳудуди қисмларини ривожлантиришни режалаштириш тўғрисидаги ҳужжатлар.


2. Ўзбекистон Республикаси минтақалари ҳудудини ривожлантиришни режалаштириш тўғрисидаги ҳужжатлар.


3. Аҳоли пунктлари ҳудудларини ривожлантириш тўғрисидаги ҳужжатлар.


4. Аҳоли пунктлари ҳудудларини қуриш тўғрисидаги ҳужжатлар.


5. Қурилиш объекти учун муҳандислик-техник қидирувларини (муҳандислик-геодезия қидирувларидан ташқари) бажариш.


6. Уй-жой-хўжалик қурилиши учун объектлар ва комплекслар лойиҳа-смета ҳужжатларини яратиш, шу жумладан уларнинг муҳандислик тармоқлари ва тизимларини лойиҳалаштириш.


7. Саноат қурилиши учун объектлар ва комплекслар лойиҳа-смета ҳужжатларини яратиш, шу жумладан уларнинг муҳандислик тармоқлари ва тизимларини лойиҳалаштириш.


8. Сув хўжалиги қурилиши учун объектлар ва комплекслар лойиҳа-смета ҳужжатларини яратиш, шу жумладан уларнинг муҳандислик тармоқлари ва тизимларини лойиҳалаштириш.


9. Қишлоқ хўжалиги қурилиши учун объектлар ва комплекслар лойиҳа-смета ҳужжатларини яратиш, шу жумладан уларнинг муҳандислик тармоқлари ва тизимларини лойиҳалаштириш.


10. Энергетика қурилиши ва алоқа объектлари ва комплексларини лойиҳалаштириш, шу жумладан уларнинг муҳандислик тармоқлари ва тизимларини лойиҳалаштириш.


11. Транспорт ва йўл қурилиши объектлари ва комплексларини лойиҳалаштириш, шу жумладан уларнинг муҳандислик тармоқлари ва тизимларини лойиҳалаштириш.


12. Магистрал муҳандислик тармоқларини (магистрал газ қувурлари, нефть қувурлари ва нефть маҳсулотлари қувурларидан ташқари) лойиҳалаштириш.


13. Умумий фойдаланиладиган автомобиль йўлларини қуриш, реконструкция қилиш ва таъмирлаш учун лойиҳа-смета ҳужжатларини яратиш.


14. Архитектура ёдгорликларини таъмирлаш учун ҳужжатлар.



Б гуруҳи

Архитектура-шаҳарсозлик ҳужжатларининг айрим

бўлимларини ишлаб чиқиш бўйича фаолият турлари


1. Объектларнинг асослари ва пойдеворлари бўлимини лойиҳалаштириш.


2. Объектларнинг металл конструкциялари бўлимини лойиҳалаштириш.


3. Объектларнинг темир-бетон конструкциялари бўлимини лойиҳалаштириш.


4. Махсус объектлар ва иншоотларни лойиҳалаштириш.


5. Қурилиш объектларини мукаммал ва жорий таъмирлаш учун лойиҳа-смета ҳужжатлари.


6. Бинолар ва иншоотларнинг техник ҳолатини текшириш.


7. Бинолар ва иншоотларни мустаҳкамлаш учун лойиҳа-смета ҳужжатлари.


8. Коррозияга қарши ҳимояни ишлаб чиқиш.


9. Бинолар ва иншоотларнинг муҳандислик тармоқлари ва тизимларини лойиҳалаштириш:

иситиш, вентиляция, кондиционерлаштириш;

сув қувури ва канализация;

газ таъминоти;

газ асбоб-ускуналари;

совуқ таъминоти;

энергия таъминоти;

электр асбоб-ускуналари;

электр билан ёритиш;

электр билан иситиш;

автоматлаштириш ва паркдан фойдаланиш коэффициенти;

кучсиз токли қурилмалар;

вертикал режалаштириш.


10. Капитал қурилишда товарлар, ишлар хизматлар харид қилиш учун танлов (тендер) ҳужжатларини тайёрлаш.


Изоҳ. Қурилиш учун дастлабки ва узил-кесил техник-иқтисодий асослашларни, шунингдек қурилишни ташкил этиш лойиҳаларини ишлаб чиқиш фаолиятнинг лицензияланадиган тури ҳисобланади ҳамда А гуруҳининг 6 - 12-бандлари ва Б гуруҳининг 4 ва 9-бандлари бўйича фаолият турларини амалга ошириш учун лицензияга эга бўлган юридик шахслар томонидан амалга оширилади.





Низомга

3-ИЛОВА


Архитектура-шаҳарсозлик ҳужжатларини яратиш

бўйича лицензияланадиган фаолиятини амалга

ошириш учун асосий мутахассислар билан

мажбурий таъминланганлик

ЖАДВАЛИ

Мураккаблик

тоифалари


Лойиҳаларнинг

бош муҳандислари


Лойиҳаларнинг

бош архитекторлари


Бош

мутахас-

сислар


Етакчи

муҳандислар


Муҳан-

дислар


Ўрта махсус

касб-ҳунар

маълумотга

эга бўлган

мутахас-

сислар


талаб қилинадиган иш стажи


10

йилдан

ортиқ


5 - 10

йил


3 йил-

дан 5

йилгача


10

йилдан

ортиқ


5 - 10

йил


3 йил-

дан 5

йилгача


5 йил-

дан 10

йилгача


3 йил-

дан 5

йилгача


камида

5 йил


иш стажига

талаб йўқ


А гуруҳи


1




+



+

+


+

+

+

2



+



+


+


+

+

+

3


+



+



+


+

+

+

Б гуруҳи


1



+





+


+

+

+

2


+






+


+

+

+

3


+






+


+

+

+

             

Изоҳ:

1. "+" белгиси ходимларнинг мажбурий мавжуд бўлишини кўрсатади. Лицензия талабгори томонидан ҳужжатлар тақдим этилганда "+" белгиси ўрнига штатдаги ходимларнинг амалдаги сони кўрсатилади.

2. Ташкилот таркибида лойиҳалар бош архитекторларининг мавжуд бўлиши бажариладиган ишларнинг хусусияти билан белгиланади.






Низомга

4-ИЛОВА


Архитектура-шаҳарсозлик ҳужжатларини яратиш

соҳасидаги лицензия талабгорларининг

мажбурий жиҳозланганлик

ТАБЕЛИ

Мурак-

каблик

тоифа-

лари


Технологик

лойиҳалаш ва

лойиҳаларни

бошқариш-

нинг замо-

навий

дастурий-

техник ком-

плекслари


Муҳан-

дислик

тармоқ-

лари

бўйича

амалий

дастурлар


Сметаларни

ҳисоблаб

чиқишда

қўллаш

учун тавсия

қилинган

дастурий

комплекслар


Махсус асбоб-ускуна*


Бинолар


Ташкилий

техника

(компьютер,

принтер,

плоттер,

муқовалаш

ускунаси

ва нусха

кўпайтириш

техникаси)


бурғулаш

техни-

каси ва

асбоб-

ускуна


тупроқ

кимёвий

лабора-

торияси


махсус

лабора-

тория-

лар ва

асбоб-

лар


архив


1 ходим

ҳисобига

камида 4

кв. метр

майдони

бўлган

офис


техника

адабиёт-

лари

кутуб-

хонаси


А гуруҳи


1



+

+

+

+

+

+

+

+

+

2



+

+

+

+

+

+

+

+

+

3


+

+

+

+

+

+

+

+

+

+

Б гуруҳи


1



+

+

-

-

+

+

+

+

+

2



+

+

-

-

+

+

+

+

+

3



+

+

-

-

+

+

+

+

+

         

*) "Махсус асбоб-ускуналар" устуни "Қурилиш объектлари учун муҳандислик-техник тадқиқотларни (муҳандислик-геодезия тадқиқотлари фаолиятидан ташқари) амалга ошириш" ҳамда "Бинолар ва иншоотларнинг техник ҳолатини текшириш" фаолият турларига лицензия олишда тўлдирилади.






Низомга

5-ИЛОВА



Архитектура-шаҳарсозлик ҳужжатларини

яратиш фаолиятини лицензиялаш

СХЕМАСИ

Босқичлар




Субъектлар



Тадбирлар


Муддатлар





1-босқич

Лицензия

талабгори -

юридик шахс

1. Лицензия олиш учун Архитектура-шаҳарсозлик ҳужжатларини яратиш фаолиятини лицензиялаш тўғрисидаги Низомда назарда тутилган рўйхатга мувофиқ ҳужжатларни тайёрлайди.

2. Лицензияловчи орган ("Давархитектқурилиш" қўмитаси)га ҳужжатларни бевосита ёхуд уларнинг олинганлиги тўғрисида билдиришнома билан почта алоқаси орқали тақдим этади.

Лицензия талабгори хоҳишига кўра





























2-босқич

Лицензия-

ловчи

органнинг

ишчи гуруҳи

1. "Давархитектқурилиш" қўмитасининг масъул ходими (ишчи комиссиянинг котиби) ҳужжатларни рўйхат бўйича қабул қилади, рўйхатнинг нусхаси ҳужжатларни қабул қилиш санаси кўрсатилган ҳолда ариза берувчига юборилади (топширилади).

2. Ҳужжатларни кўриб чиқади ва улар юзасидан Архитектура-шаҳарсозлик ҳужжатларини яратиш фаолиятини лицензиялаш эксперт комиссиянинг мажлисида кўриб чиқиш учун хулоса тайёрлайди.

3. Ҳужжатларни кўриб чиқади ва лицензия беришни рад этиш учун асос бўлган сабаблар бартараф этилгандан кейин лицензия талабгори томонидан ҳужжатлар қайта тақдим этилган тақдирда эксперт хулосаси тайёрлайди.

1. Ҳужжатлар қабул қилинган кунда.

2. Ҳужжатлар қабул қилинган кундан бошлаб 2 кун мобайнида.

3. Ҳужжатлар қайта тақдим этилгандан кейин 2 кун мобайнида.





















3-босқич

Лицензия-

ловчи

органнинг

Эксперт

комиссияси

1. Лицензия бериш ёки лицензия беришни рад этиш хулосани кўриб чиқиш ва Эксперт комиссия қарори протоколини тайёрлаш.

2. Эксперт комиссия томонидан қабул қилинган қарор протоколи унинг раиси ва котиби томонидан имзоланади.


1. Ишчи гуруҳ таклифи олинган кундан бошлаб 10 кундан ортиқ бўлмаган муддатда.

2. Ҳужжатлар қайта тақдим этилганда ишчи гуруҳнинг таклифи олинган кундан бошлаб 3 кундан ортиқ бўлмаган муддатда.

















4-босқич

Лицензия-

ловчи орган

1. Лицензия талабгорини қабул қилинган қарор тўғрисида ёзма равишда хабардор қилади.

2.Реестрга тегишли ёзувни киритади.

Тегишли қарор қабул қилингандан кейин уч кун мобайнида.









































Лицензия

талабгори

Лицензияловчи органга лицензия берилганлиги учун давлат божи тўланганлигини тасдиқловчи ҳужжатни тақдим этади ҳамда лицензия битимини имзолайди.

Лицензия талабгорига лицензия бериш тўғрисида қарор қабул қилинганлиги ҳақидаги билдиришнома юборилган вақтдан бошлаб 3 ойдан кечикмай.



































5-босқич



















Лицензия

талабгори

Лицензия беришни рад этиш учун асос бўлган сабаблар бартараф этади ҳамда ҳужжатларни кўриб чиқиш учун такроран тақдим этади.


Лицензия беришнинг рад этилганлиги тўғрисидаги билдиришномада кўрсатилган муддатда.

































6-босқич

Лицензия-

ловчи орган

1. Лицензиат томонидан лицензия берилганлиги учун давлат божи тўланганлигини тасдиқловчи ҳужжат тақдим этилган ҳамда лицензия битими имзоланган тақдирда тегишли лицензия бланкаларини расмийлаштиради.

2. Лицензиялар имзолангандан кейин уларни лицензиатга беради.

Тегишли қарор қабул қилингандан кейин 3 кун мобайнида.

























7-босқич



Лицензия-

ловчи орган

раҳбари



"Давархитектқурилиш" қўмитаси раиси (унинг ўринбосари) расмийлаштирилган лицензияларни имзолайди.


Лицензия расмийлаштирилгандан кейин бир кун муддатда.

"Ўзбекистон Республикаси қонун ҳужжатлари тўплами", 2009 йил, 18-сон, 224-модда.






































































































































































Время: 0.1434
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск