Кўп квартирали турар жой уйларида иссиқлик узелларини таъмирлаш ва таъминлаш масъулияти (НМ, 35-сон, 2010 йил 14 сентябрь)

Функция недоступна

Жавоб газетанинг чи??ан санасига ҳақиқийдир*

МУНОЗАРАЛАР ҚИЗИГАНИДАН-ҚИЗИЙДИ...

Кўп хонадонли уй-жойлардаги иссиқлик шохобчалари аввалгидек хусусий уй-жой мулкдорлари ширкатлари ва иссиқлик таъминоти ташкилотлари ўртасида қизғин мунозараларга сабаб бўлади. Муаммо кўп йиллардан бери долзарб бўлиб келади, зеро иссиқлик шохобчалари уй ичида иссиқлик таъминоти тизимининг юрагидир. Ўз квартираларимизда қишда совқотишимиз ёки бинойидек иссиқликда яшашимиз шу шохобчаларнинг ҳолатига боғлиқдир.

Бунинг учун ким жавоб бериши, бинобарин, таъминот масаласи кўп йиллардан бери қизғин баҳс-низоларга сабаб бўлиб, тарафларнинг бусиз ҳам таранг муносабатларининг қайнаб тошишига олиб келяпти. Аслида у уй-жой-коммунал хўжалик кун тартибидан уч йил аввалроқ олиниши керак эди. Хусусий уй-жой мулкдорларининг ширкатлари ва коммунал хизматлар кўрсатувчилар ўртасида мулкнинг бўлиниш чегаралари ҳамда муҳандислик коммуникацияларини сақлаш учун жавобгарлик тўғрисидаги низом ("Ўзкоммунхизмат" агентлиги бош директорининг АВ томонидан 2007 йил 27 февралда 1659-сон билан рўйхатдан ўтказилган буйруғи билан тасдиқланган, бундан кейин - Низом) барча муаммоларни ҳал қилгандек бўлди. Ҳужжатнинг 8-бандида белгиланишича, иссиқлик ва иссиқ сув таъминоти мақсадларидаги иссиқлик энергияси етказиб берувчисига тегишли бўлган кўп квартирали уйлардаги иссиқлик тармоқлари ва иссиқлик пунктларини (бошқарув шохобчалари)ни ўз ичига олган марказлашган иссиқлик таъминоти тизими ва марказлашган иссиқлик таъминоти умумий муҳандислик тизимлари ўртасида муҳандислик коммуникацияларининг бўлиниш чегаралари иссиқлик пункти (бошқарув шохобчаси)дан сўнг иссиқлик ва иссиқ сув таъминоти тизимларининг бош зулфинлари ҳисобланади, улар уйдаги умумий тизимларнинг бир қисмидир. Бошқача айтганда, ҳужжатга кўра, кўп йиллардан бери улар туфайли тарафларнинг манфаатлари бир-бирлари билан тўқнашиб келаётган иссиқлик шохобчалари уйдаги жой мулкдорларига тегишлидир ва улар ушбу шохобчаларни сақлаш учун жавоб берадилар.

Бироқ Низом қ