Жисмоний шахслар даромадларига солиқ солиш (СБХ, 6-сон, 2011 йил 10 февраль)

Функция недоступна

Жавоб газетанинг чи??ан санасига ҳақиқийдир*

ШАХСИЙ ДАРОМАДГА СОЛИҚ СОЛИШ

2011 йил учун солиқ сиёсатининг асосий йўналишлари қабул қилиниши муносабати билан 2011 йил 1 январдан солиқ солиш масалаларини тартибга солувчи қуйидаги қонуний-ҳуқуқий ҳужжатлар кучга кирди:

"Солиқ ва бюджет сиёсатининг 2011 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида" Қонун (2010 йил 24 декабрдаги ЎРҚ-274-сон);

Президентнинг "Ўзбекистон Республикаси Президентининг баъзи фармонларига ўзгартишлар киритиш, шунингдек айримларини ўз кучини йўқотган деб ҳисоблаш тўғрисида" Фармони (2010 йил 28 декабрдаги ПФ-4261-сон);

Президентнинг "Ўзбекистон Республикасининг 2011 йилги асосий макроиқтисодий кўрсаткичлар прогнози ва Давлат бюджети параметрлари тўғрисида" қарори (2010 йил 24 декабрдаги ПҚ-1449-сон, бундан кейин Президентнинг ПҚ-1449-сон қарори).

2011 йилда солиқ тўловчиларни жисмоний шахсларнинг даромадларига жисмоний шахслардан олинадиган даромад солиғи (ЖШДС) ва суғурта бадаллари солишда, ушбу даромадларни тўлаш манбаи сифатида юридик шахсларни эса ягона ижтимоий тўлов ва фойда солиғи қисмида нималар кутаётганини кўриб чиқамиз.

Президентнинг 2010 йил 24 декабрдаги ПҚ-1449-сон қарори билан жисмоний шахслардан олинадиган даромад солиғининг ставкалари ўзгартирилди:

ЖШДСнинг энг кам ставкаси 11%дан 10%га пасайтирилди, энг кам ставка бўйича солиқ солинадиган даромаднинг энг юқори чегараси энг кам иш ҳақининг 5 баравари миқдорида белгиланди (олдин 6 ЭКИҲ бўлган);

ЭКИҲнинг 5 бараваридан 10 бараваригача бўлган даромадларга қўлланиладиган ўртача ставка 1%га пасайтирилди ва 16%ни ташкил этади;

ЭКИҲнинг 10 бараваридан ошадиган даромаддан олинадиган ЖШДСнинг энг юқори ставкаси 22% миқдорида сақлаб қолинди.

Солиқ суммасидан фуқароларнинг шахсий жамғариб бориладиган пенсия ҳисобварақларига маблағ ўтказиш (1%) механизми амал қилишни давом этмоқда.

Президентнинг ПҚ-1449-сон қарори 3-банди билан:

жисмоний шахслар учун суғурта бадаллари ставкасини 4,5%гача кўпайтириш (2010 йилда у 4%ни ташкил этган);

юридик шахслар учун ягона ижтимоий тўлов ставкасини 25% миқдорида сақлаб қолиш белгиланган.

"Norma Ekspert" мутахассислари, жисмоний шахсларнинг даромадларига солиқ солишга доир қонун ҳужжатларини таҳлил қилган ҳолда ушбу масала бўйича маълумотнома қўлланмасини тайёрладилар. У ҳам юридик шахсларга, ҳам жисмоний шахсларга фойдали бўлади деб ўйлаймиз.