Реклама фаолияти тўғрисидаги қонунчиликнинг шарҳлари (НМ, 9-сон, 2011 йил 9 март)

Функция недоступна

Жавоб газетанинг чиққан санасига ҳақиқийдир*

РЕКЛАМАГА ЖИДДИЙ ЁНДАШУВ

РЕКЛАМА ФАОЛИЯТИ ТЎҒРИСИДАГИ ҚОНУН

ҲУЖЖАТЛАРИ ЭКСПЕРТ

ТАЛҚИНИДА

Халқимизда мол сотсанг айбини айтиб сот деган ажойиб нақл бор. Таассуфки, ҳар қандай йўл билан бўлса ҳам мўмай даромад топиш илинжида баъзи ноинсоф кимсалар бу нақлни унутиб, молларини кўкларга кўтариб мақтаб, реклама қилиб бир амаллаб пуллаш пайида бўладилар. Монополиядан чиқариш ва рақобатни ривожлантириш давлат қўмитасида (бундан буён матнда Қўмита деб юритилади) рекламани ривожлантириш масалаларига бағишлаб ўтказилган брифинг мавзуси замирида айни шу нарсадан ташвиш оҳанглари ҳам сезилди. Тадбир иштирокчилари - оммавий ахборот воситаларининг, реклама агентликларининг, кабель телевидениеси студияларининг вакиллари, реклама бозорининг бошқа амалий иштирокчилари реклама ҳақида фикрлашиб олиш, рекламани тарқатиш асносида дуч келинаётган муаммоларни муҳокама қилиш, мазкур бозор қоидаларини тушунтириш ва тушуниб олиш мақсадида йиғилишган эди.

"Реклама тўғрисида"ги Ўзбекистон Республикаси Қонунига ҳамда Ўзбекистон Республикаси Маъмурий жавобгарлик тўғрисидаги кодексининг 178-1-моддасига ўзгартиш ва қўшимчалар киритиш ҳақида"ги Қонун (бундан буён матнда ЎРҚ-259-сон Қонун деб юритилади) ҳамда Монополиядан чиқариш ва рақобатни ривожлантириш давлат қўмитасининг "Рекламани жойлаштириш тўғрисидаги низомни тасдиқлаш ҳақида"ги қарорга ўзгартиш ва қўшимчалар киритиш ҳақида"ги қарори (бундан буён матнда 1024-4-сон қарор деб юритилади) билан реклама соҳасини тартибга солувчи норматив-ҳуқ