Штат қисқарганда касаба уюшмаси ишдан бўшатилаётган ходимларнинг ҳар бир номзодининг кўриб чиқиши зарурлиги (НМ, 40-сон, 2012 йил 9 октябрь)

Функция недоступна

Жавоб газетанинг чиққан санасига ҳақиқийдир*

КАСАБА УЮШМАСИ БИЛАН

МУРОСА ҚИЛГАН МАЪҚУЛ

Корхона қайта ташкил қилинаётганлиги туфайли ундаги ишчиларни оммавий тарзда бўшатишга тайёргарлик кўрилмоқда.

Оммавий қисқартириш амалга оширилаётган вақтда касаба уюшмаси қўмитасининг мажлисида ҳар бир бўшатилаётган ходим  касаба уюшмаси аъзосини алоҳида муҳокама қилиш зарурми?

Ходимлар бўйича менежер

- Ҳа, зарур.

Амалдаги меҳнат тўғрисидаги қонун ҳужжатлари билан ўрнатилган касаба уюшмаси қўмитасининг (бундан кейин  ходимларнинг вакиллик органи) олдиндан розилигини олиш бўйича ташкилий-ҳуқуқий тартиб ишчилар штати (сони) қисқартирилиши муносабати билан меҳнат шартномасини бекор қилишда иш берувчи ва ходимларнинг вакиллик органининг ўзаро боғланган ва изчил ҳаракатлари мажмуасини ўз ичига олади (Меҳнат кодекси 100-моддаси иккинчи қисмининг 1-банди, бундан кейин - МК).