1. 2012 йил учун йиллик ҳисобот: хўжалик юритувчи субъектларга солиқ солишдаги асосий ўзгаришлар (СБХ, 1-сон, 2013 йил 7 январь)

Функция недоступна

Жавоб газетанинг чиққан санасига ҳақиқийдир*

2012 ЙИЛ УЧУН ҲИСОБОТ ТАЙЁРЛАЙМИЗ

Йиллик ҳисобот топшириш палласи яқинлашмоқда. Унга тайёргарлик кўриш чоғида ҳисобот йилида қонунчиликка киритилган муҳим ўзгартиришларни ёдга солиш фойдали. Одатдагидек, уларнинг кўпчилиги юридик ва жисмоний шахсларга солиқ солиш билан боғлиқ. Солиқ солиш базалари, солиқларни ҳисоблаш ва тўлаш муддатларига аниқлик киритилди, солиқларни ҳисоблаш учун янги базалар (мол-мулк ижарага берилганда) жорий этилди, илгари амал қилган айрим имтиёзларнинг муддатлари узайтирилди, бошқа ўзгартиришлар ҳам киритилди.

Юридик ва жисмоний шахсларга солиқ солиш борасида 2012 йилдаги асосий ҳужжат анъанага кўра Президентнинг 30.12.2011 йилдаги "Ўзбекистон Республикасининг 2012 йилги асосий макроиқтисодий кўрсаткичлари прогнози ва Давлат бюджети параметрлари тўғрисида"ги ПҚ-1675-сон қарори (бундан кейин - ПҚ-1675-сон қарор) бўлди. У билан солиқ солиш тизимида - солиқларнинг элементлари, объектлари ва ставкаларидаги, уларни ҳисоблаш тартибидаги асосий ўзгартиришлар белгиланди.

30.12.2011 йилдаги "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги ЎРҚ-313-сон Қонун (бундан кейин - ЎРҚ-313-сон Қонун) билан Солиқ кодексига (СК) тегишли ўзгартиришлар киритилди.

Қуйида ўтаётган йилнинг молиявий ва солиқ ҳисоботини тузаётганда ушбу ҳужжатларга кўра ёдда тутиш лозим бўлган 2012 йилда хўжалик юритувчи субъектларга солиқ солишдаги асосий ўзгартиришлар ҳақида қисқача эслатмалар келтирилади.

ФОЙДА СОЛИҒИ

Фойда солиғи ставкалари, шунингдек қуйидагилар учун пасайтирилган ставкани қўллаш шартлари сақлаб қолинган:

экспортчи корхоналар учун - ўзи ишлаб чиқарган товарлар, ишлар, хизматлар экспортининг эркин алмаштириладиган валютадаги улушига қараб, хом ашё товарлари бундан мустасно;

хизмат кўрсатиш соҳаси корхоналари - пластик карточкалар воситасида