ҚҚС, акциз солиғи ва мажбурий тўловлар бўйича ҳисоботларни тайёрлашдаги ўзгаришлар тўғрисида (СБХ, 14-сон, 2013 йил 9 апрель)

Функция недоступна

Жавоб газетанинг чиққан санасига ҳақиқийдир*

ҚҚС, АКЦИЗ СОЛИҒИ ВА МАЖБУРИЙ

ТЎЛОВЛАР БЎЙИЧА

2013-2014 йилларда жорий этиладиган ишбилармонлик муҳитини янада тубдан яхшилаш ва тадбиркорликка янада кенг эркинлик беришга йўналтирилган қонун ҳужжатларини такомиллаштириш ва ушбу йўналишдаги чора-тадбирларни амалга оширишга доир комплекс чора-тадбирлар дастурининг (Президентнинг 18.07.2012 йилдаги ПФ-4455-сон Фармони билан тасдиқланган) 17-банди, Президентнинг "Статистик, солиқ, молиявий ҳисоботларни, лицензияланадиган фаолият турларини ва рухсат бериш тартиб-таомилларини тубдан қисқартириш чора-тадбирлари тўғрисида"ги Фармонининг (16.07.2012 йилдаги ПФ-4453-сон) 3-бандига мувофиқ Солиқ кодексининг (СК) бир қатор моддаларига ўзгартириш ва қўшимчалар киритилган. Қўшилган қиймат солиғи, акциз солиғи ва мажбурий тўловлар бўйича ҳисоботлар шакллари ҳам бундан мустасно эмас.

Мазкур ўзгартиришларни инобатга олган ҳолда Молия вазирлиги ва Давлат солиқ қўмитаси солиқ ҳисоботининг 17 та янги шаклларини ишлаб чиқиб, ўз қарори билан тасдиқладилар (АВ томонидан 22.03.2013 йилда 2439-сон билан рўйхатдан ўтказилган)*.

Улар аввалгиларидан нимаси билан фарқланади? Шу ўринда ҚҚС ва акциз солиғи бўйича солиқ ҳисоботи шакллари тузилиши умуман олганда ўзгармаганлигини қайд этиб ўтиш лозим. Айни пайтда улар ҳисоботни ҳар чоракда тақдим этиш муддатини инобатга олган ҳолда қайта кўриб чиқилди. Уларга тармоқларнинг хусусиятларига қараб солиқ солишга доир айрим ўзгартириш ва қўшимчалар ҳам киритилди.

АКЦИЗ СОЛИҒИ

Акциз солиғига доир ҳисобот шаклларига ҳисоботни тақдим этиш муддатига тааллуқли ўзгартириш ва қўшимчалар киритилди. Табиий газ бўйича акциз солиғи ҳисоб-китоби шакли Ишлаб чиқариладиган табиий газга акциз солиғини тўлаш тартиби тўғрисидаги низомга (АВ томонидан 9.01.2012 йилда 2310-сон билан рўйхатдан ўтказилган) мувофиқлаштирилди.

МАЖБУРИЙ АЖРАТМАЛАР

Бюджетдан ташқари жамғармалар - Пенсия, Республика йўл ҳамда Таълим ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармаларига мажбурий ажратмалар бўйича янгиланган ҳисобот янада батафсил тушунтиришларни талаб қилади. Агар илгари уларнинг ҳар бири бўйича алоҳида шаклни топшириш керак бўлган бўлса, эндиликда уларнинг барчаси битта солиқ ҳисоботи шаклига бирлаштирилди (бундан кейин - давлат мақсадли жамғармаларига (ДМЖ) мажбурий ажратмалар бўйича солиқ ҳисоботи).

Президентнинг 16.07.2012 йилдаги ПФ-4453-сон