Юрист Предприятия

Корхона юристи / Корхона юристининг асосий ҳужжатлари базаси / Устав фонди / Устав фондидаги улушларга ҳуқуқларнинг ўтиши. ("Устав фонди" бўлими) / Устав фондидаги улушларга ҳуқуқларнинг ўтиши амалиётидан вазиятларнинг маълумотлар базаси. ("Устав фонди" бўлими) /

Жисмоний шахс тенг улушларга эга бўлган икки муассис ташкил этган МЧЖнинг устав фондида улушнинг 50 фоизини олди. Улушни бериш иккинчи муассиснинг розилиги билан амалга оширилди. Битим қатнашчилари МЧЖ юристи билан биргаликда муассислар умумий йиғилишининг баённомасини расмийлаштирди. Бироқ рўйхатдан ўтказувчи орган ушбу баённома бўйича уставдаги ўзгартиришларни қайта рўйхатдан ўтказмади, буни улушни бериш нотариал расмийлаштирилиши кераклиги билан асослади. Ўз улушини берган муассис республикадан ташқарига кўчиб кетган. Шу боис улушни беришни нотариал расмийлаштириш чўзилиб кетди, чунки ундан ишончнома олиш керак эди. Ишончнома олингунча иккинчи муассис тўсатдан вафот этди. МЧЖ уставидаги ўзгартиришлар шу тариқа қайта рўйхатдан ўтказилмади. Ворислар муассиснинг вафотидан кейин икки ҳафта мобайнида мустақил равишда, иккинчи муассиснинг иштирокисиз ва розилигисиз устав фондига ва МЧЖ асосий воситалари қолдиқ қийматининг 50 фоизига мерос ҳуқуқи тўғрисида гувоҳнома, шунингдек уларга доир мулк ҳуқуқи тўғрисида гувоҳнома олишди. Муҳр ва учбурчак штамп ворисларда, чунки вафот этган муассис МЧЖ директори, унинг қизи эса бош бухгалтери эди. Улушни олувчи биринчи муассиснинг ҳуқуқий вориси сифатида МЧЖ уставига ўзгартиришларни қайта рўйхатдан ўтказиш ва МЧЖни бошқаришда иштирок этиш имкониятига эга эмас. МЧЖ уставида назарда тутилишича, улуш ёки унинг бир қисми учинчи шахсга берилганида бир вақтнинг ўзида улушни берган муассисга тегишли бўлган барча ҳуқуқлар ва мажбуриятлар ҳам унга ўтади. Агар бу МЧЖ уставида назарда тутилмаган, иккинчи муассис эса ворисларнинг МЧЖни бошқаришда иштирок этишига қарши бўлса, ушбу ҳуқуқлар ворисларга ўтадими? Ҳуқуқий ворис сифатида улушни олувчига уставдаги ўзгартиришларни қайта рўйхатдан ўтказиш ҳамда МЧЖни бошқаришга тўсқинлик қилган ҳолда ворисларнинг учбурчак штамп ва думалоқ муҳрга эгалик қилиши қонунийми? Ворислар уставни қайта рўйхатдан ўтказмай, ишлаб чиқариш ва молиявий фаолиятни амалга ошириш ҳуқуқига эгами? ("Устав фонди" бўлими)