Бир ташкилотнинг бошқа ташкилот устав фондига кўчмас мулкни беришини ҳужжат асосида расмийлаштириш, шунингдек ушбу операция бажарилганда солиқ оқибатлари ва бухгалтерия ўтказмалари (СБХ, 36-сон, 2014 йил 9 сентябрь)

Функция недоступна

Жавоб газетанинг чиққан санасига ҳақиқийдир*

УСТАВ КАПИТАЛИГА КЎЧМАС МУЛК

БЕРИЛСА БУ БУХГАЛТЕРИЯ ҲИСОБИДА

ҚАНДАЙ АКС ЭТТИРИЛАДИ?

Ташкилот ўзига тегишли бинони бошқа ташкилотнинг (масъулияти чекланган жамият) устав капиталига ҳисса сифатида беряпти. Кўчмас мулк берилишини қандай қилиб ҳужжат асосида расмийлаштириш керак, бунда қўшилган қиймат солиғи бўйича қандай мажбуриятлар юзага келиши мумкин?

БИНО БЕРИЛИШИНИ ҲУЖЖАТ АСОСИДА

РАСМИЙЛАШТИРИШ

Ҳар бир иштирокчининг устав капиталига ҳиссаларни киритиш муддатлари, ҳажмлари, тартиби ва уларнинг баҳолари таъсис ҳужжатларида ва (ёки) зарурат бўлганда муассисларнинг алоҳида қарорларида назарда тутилади. Жамият иштирокчилари томонидан устав капиталига ҳисса сифатида киритилаётган мол-мулкнинг қиймати улар ўртасидаги аҳдлашув бўйича белгиланади.

5-сон Бухгалтерия ҳисоби миллий стандарти (БҲМС) "Асосий воситалар"нинг 10-бандига кўра, асосий воситалар бошланғич қиймат бўйича ҳисобга олинади. Шунингдек мазкур Стандартнинг 14-бандида кўрсатилишича, корхона устав капиталига улуш ҳисобидан олинган асосий воситаларнинг бошланғич қиймати деб, агар Ўзбекистон Республикаси қонун ҳужжатларида бошқа ҳолат назарда тутилмаган бўлса, корхона муассислари (иштирокчилари) томонидан келишилган уларнинг пулдаги баҳоси тан олинади.

Жамият иштирокчилари томонидан киритиладиган ва жамиятга учинчи шахслар томонидан қабул қилинадиган жамият устав капиталига пул кўринишида бўлмаган ҳиссаларнинг пулдаги баҳоси жамият иштирокчилари умумий йиғилишининг қарори билан тасдиқланади, қарорни жамиятнинг барча