Юрист Предприятия

Корхона юристи / Корхона юристининг асосий ҳужжатлари базаси / Юридик шахсни бошқариш / Амалиётдан вазиятларнинг маълумотлар базаси. ("Юридик шахсни бошқариш" бўлими) /

2001 йил 6 декабрда қабул қилинган 310-II-сон "Масъулияти чекланган ҳамда қўшимча масъулиятли жамиятлар тўғрисида"ги Қонуннинг 34-моддаси ўнинчи қисмида шундай дейилади: "Ушбу Қонун 30-моддаси иккинчи қисмининг ўн иккинчи хатбошисида кўрсатилган масала юзасидан қарорлар жамиятнинг барча иштирокчилари томонидан бир овоздан қабул қилинади. Қолган қарорлар ... жамият иштирокчилари умумий овозлар сонининг кўпчилик овозлари билан қабул қилинади". Кўрсатилган модданинг ушбу хатбошисини ҳисоблашга турлича ёндашилиши боис жамият иштирокчилари ўртасида уни қўллаш масаласи бўйича ихтилофлар юзага келди. Айрим иштирокчилар бошқа юридик шахсларни тузиш тўғрисидаги қарор иштирокчиларнинг умумий йиғилиши томонидан бир овоздан қабул қилинади, деб ҳисоблашади. Бошқаларнинг фикрича, якдиллик билан овоз бериш бошқа компанияни таъсис этиш муносабати билан эмас, балки жамиятни қайта ташкил этиш ёки тугатиш масаласи бўйича амалга оширилади. Мазкур вазиятда ким ҳақ? ("Юридик шахсни бошқариш" бўлими)