Янги технологик жиҳоз юзасидан ЯСТ бўйича солиқ солинадиган базани камайтириш ва ушбу имтиёзни солиқ ҳисоботида акс эттириш тартиби (СБХ, 45-сон, 2014 йил 11 ноябрь)

Функция недоступна

Жавоб газетанинг чиққан санасига ҳақиқийдир*

МАКСИМАЛ КАМАЙТИРИШ - 25%

Ишлаб чиқариш корхонаси апрелда 156 000 минг сўмлик ускуна харид қилди ва июлда уни фойдаланишга жорий этди. Ягона солиқ тўловининг ҳисоб-китоби учун солиқ солинадиган база бизда учинчи чорак якунлари бўйича (ЯСТ ҳисоб-китобининг 040-сатри) 1 278 000 минг сўмга тенг бўлди.

1. Келтирилган маълумотларга кўра корхона Айни вақтда солиқ солинадиган базани 156 000 минг сўмга камайтириб, уни кейинги солиқ даврларида (4 йилдан кўпга эмас) камайтирмаслиги мумкинми?

2. ЯСТ бўйича солиқ ҳисоботи шаклларида мазкур камайтиришни акс эттириш тартиби қандай?

3. Мазкур имтиёзни қўллаш учун қандай тасдиқловчи ҳужжатлар расмийлаштирилиши керак?

- 1. Аввало шуни таъкидлаймизки, ЯСТ бўйича солиқ солинадиган базани камайтириш тарзидаги сиз кўрсатган имтиёз фақат янги технологик жиҳозларга нисбатан қўлланади. Ишлаб чиқарилганига 3 йилдан кўп вақт ўтмаган жиҳозлар ана шундай жиҳозлар деб эътироф этилади. Уни қўллаш тартиби Ишлаб чиқаришни модернизациялаш, техник ва технологик қайта жиҳозлаш, ишлаб чиқаришни янги қурилиш шаклида кенгайтириш, ишлаб чиқариш эҳтиёжлари учун фойдаланиладиган бинолар ва иншоотларни реконструкция қилишни амалга оширувчи хўжалик юритувчи субъектлар томонидан имтиёзларни қўллаш тартиби тўғрисида низом (бундан кейин - 1688-сон Низом) билан белгиланган.

ЯСТ бўйича солиқ солинадиган база (ССБ)ни камайтириш харид қилинган янги технологик жиҳоз фойдаланишга топширилган пайтдан эътиборан 5 йил ичида амалга оширилади. Чегирилиши лозим бўлган маблағ суммаси ЯСТ бўйича солиқ солиш базасининг 25 фоизидан ошмаслиги лозим. Агар жиҳознинг қиймати жорий солиқ даврида ССБнинг 25 фоизидан ошиб кетса, мазкур чеклашларни ҳисобга олиб имтиёз қўлланилади (1688-сон Низомнинг 12,