ЎзР ВМ 30.10.1999 й. 482-сон Қарори билан

тасдиқланган Намунавий низомнинг

(4-илова) олдинги таҳрири

ЎзР ВМ 20.10.2010 й. 233-сон Қароридан олдинги таҳрири

2-банднинг олдинги таҳрири

2. Идоравий архив етакчи (бош) бўлган ташкилот қошида мустақалил муассаса ёки таркибий бўлинма сифатида ташкил этилади, у ташкилот раҳбари ёки ташкилот тўғрисидаги низомга мувофиқ ҳужжатлар билан ишлашни йўлга қўйиш учун жавобгар бўлган таркибий бўлинма раҳбарига бўйсунади.

10-банднинг олдинги таҳрири

10. Идоравий архивнинг асосий вазифалари: ташкилот ҳужжатларини қабул қилиш, ҳисобга олиш, сақлаш, улардан фойдаланиш ва давлат томонидан сақлашга топшириш учун тайёрлашдан иборат бўлади.

11.1.-кичик банднинг олдинги таҳрири

11.1. Ўзбекистон Республикаси Вазирлар Маҳкамаси ҳузуридаги "Ўзархив" агентлиги органлари ва муассасалари билан келишилган меъёрий-услубий ҳужжатларга мувофиқ ташкилотнинг таркибий бўлинмалари ҳамда архивни бутлаш манбалари ҳисобланган бошқа ташкилотларнинг иш юритиш жараёнида тугалланган ҳамда шахсий таркиб ҳужжатларини қабул қилади, ҳисобга олади ва сақлайди; (ЎзР ВМ 18.03.2004 й. 131-сон Қарори таҳриридаги банд)

11.5.-кичик банднинг олдинги таҳрири

11.5. Ҳужжатларни давлат томонидан сақлашга топшириш учун тайёрлайди ва Ўзбекистон Республикаси Миллий Архив фонди тўғрисидаги Низомда белгиланган муддатларда топширади (Ўзбекистон Республикаси Вазирлар Маҳкамаси томонидан ўз ҳужжатларини доимий сақлаш ҳуқуқи берилган идоравий архивлар бундан мустасно);