Ўзбекистон Республикаси Олий Мажлиси Кенгашининг 01.03.1996 й. 204-I-сон "Ўзбекистон Республикаси Олий Мажлисининг 1996 йилги фаолият дастури тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ОЛИЙ МАЖЛИСИ КЕНГАШИНИНГ

ҚАРОРИ

01.03.1996 й.

N 204-I

ЎЗБЕКИСТОН РЕСПУБЛИКАСИ ОЛИЙ

МАЖЛИСИНИНГ 1996 ЙИЛГИ ФАОЛИЯТ

ДАСТУРИ ТЎҒРИСИДА

Ўзбекистон Республикаси Олий Мажлисининг Кенгаши ҚАРОР ҚИЛАДИ:

Ўзбекистон Республикаси Олий Мажлисининг 1996 йилги фаолият дастури тасдиқлансин (илова қилинмоқда).

Ўзбекистон Республикаси

Олий Мажлисининг Раиси                                                 Э. Халилов

Ўзбекистон Республикаси Олий Мажлисининг

1996 йилги фаолият

ДАСТУРИ

I. ҚОНУНЧИЛИК ФАОЛИЯТИ

Март

1. Ўзбекистон Республикасида депутатни чақириб олиш тартиби тўғрисидаги Қонун лойиҳаси (иккинчи ўқишда).

2. Эркин иқтисодий зоналар тўғрисидаги Конун лойиҳаси.

3. Ноширлик фаолияти тўғрисидаги Қонун лойиҳаси.

4. Истеъмолчиларнинг ҳуқуқларини ҳимоя қилиш тўғрисидаги Қонун лойиҳаси.

5. "Жисмоний тарбия ва спорт тўғрисида”ги Қонунга ўзгартишлар ва қўшимчалар киритиш ҳақидаги Қонун лойиҳаси.

6. "Ер тўғрисида”ги Қонунга ўзгартишлар ва қўшимчалар киритиш ҳақидаги Қонун лойиҳаси.

7. Қимматли қоғозлар бозори тўғрисидаги Қонун лойиҳаси.

8. Акционерлик жамиятлари тўғрисидаги Қонун лойиҳаси.

9. Ўзбекистон Республикаси Табиатни муҳофаза қилиш давлат қўмитаси тўғрисидаги Низом лойиҳаси.

Апрель

1. Банклар ва банк фаолияти тўғрисидаги Қонун лойиҳаси (иккинчи ўқишда).

2. "Оммавий ахборот воситалари тўғрисида”ги Қонунга ўзгартишлар ва қўшимчалар киритиш ҳақидаги Қонун лойиҳаси.

3. Давлат хизматчилари тўғрисидаги Қонун лойиҳаси.

4. Маъмурий жавобгарлик тўғрисидаги Кодексга ўзгартишлар ва қўшимчалар киритиш ҳақидаги Қонун лойиҳаси.

Май

1. Уруғчилик тўғрисидаги Қонун лойиҳаси.

2. Суд органлари фаолиятининг ҳуқуқий асосини такомиллаштириш Концепцияси лойиҳаси.

3. Жиноят кодекси ва Жиноят-процессуал кодексига ўзгартишлар ва қўшимчалар киритиш ҳақидаги Қонун лойиҳаси.

Июнь

1. Маданий меросни муҳофаза қилиш тўғрисидаги Қонун лойиҳаси.

2. Фуқаролик кодексининг иккинчи қисми лойиҳаси.

3. Миллий хавфсизлик тўғрисидаги Қонун лойиҳаси.

Июль

1. Атмосфера ҳавосини муҳофаза қилиш ва ундан фойдаланиш тўғрисидаги Қонун лойиҳаси.

2. Ташқаридан қарз олиш тўғрисидаги Қонун лойиҳаси.

3. Ўзбекистон Республикасининг Консуллик конвенцияси лойиҳаси.

4. Муаллифлик ҳуқуқи тўғрисидаги Қонун лойиҳаси.

Август

1. Божхона кодекси лойиҳаси.

2. Фан ва техника соҳасидаги давлат сиёсатининг асослари тўғрисидаги Қонун лойиҳаси.

3. Аҳоли соғлиғини сақлаш тўғрисидаги Қонун лойиҳаси.

Сентябрь

1. Селекция тўғрисидаги Қонун лойиҳаси.

2. Ҳайвонот дунёсини муҳофаза қилиш ва ундан фойдаланиш тўғрисидаги Қонун лойиҳаси.

Октябрь

1. Фуқаролик-процессуал кодекси лойиҳаси.

2. Интеллектуал мулк тўғрисидаги Қонун лойиҳаси.

3. Архивлар тўғрисидаги Қонун лойиҳаси.

Ноябрь

1. Транспорт тўғрисидаги Қонун лойиҳаси.

2. Донорлик қони ва унинг компонентлари тўғрисидаги Қонун лойиҳаси.

3. Фармацевтика фаолияти ва дори-дармон билан таъминлаш тўғрисидаги Қонун лойиҳаси.

4. Туризм тўғрисидаги Қонун лойиҳаси.

Декабрь

1. Ўрмон кодекси лойиҳаси.

2. Тиббий суғурта тўғрисидаги Қонун лойиҳаси.

3. Ветеранлар тўғрисидаги Қонун лойиҳаси.

4. Солиқлар тўғрисидаги Кодекс лойиҳаси.

5. Уй-жой Кодекси лойиҳаси.

6. Ҳарбий хизматчиларнинг пенсия таъминоти тўғрисидаги Қонун лойиҳаси.

        

6. Геодезия ва картография тўғрисидаги Қонун лойиҳаси.

            

Йил мобайнида

1. Давлатимизнинг ички ва ташқи сиёсатини, парламент қабул қилган қонунлар ва бошқа муҳим қарорларни тушунтириш юзасидан мунтазам равишда учрашувлар ўтказиш, шунингдек олий Мажлис депутатларининг ўз сайловчилари олдида ҳисоботларини ўтказиш.

2. Парламент фаолияти масалаларига доир конференциялар ва семинарлар ўтказиш.

3. Олий Мажлис депутатларини ахборот материаллари билан таъмин этиш ҳамда Олий Мажлис сессиялари муҳокамасига киритилаётган ҳужжатларнинг лойиҳаларини уларга олдиндан етказиб бериш.

4. Олий Мажлис раҳбарияти, қўмиталарнинг раислари ва депутатларнинг мунтазам қабулини ташкил этиш.

5. Олий Мажлис, қўмиталар раҳбариятининг, депутатларнинг тошкент шаҳрида ва жойларда юбилейлар ва хотира санларига тайёргарлик кўриш ҳамда уларни ўтказиш билан боғлиқ тадбирларда қатнашуви (Амир Темурнинг 660 йиллиги, Мустақиллик кунининг беш йиллиги, Конституция кунинг тўрт йиллиги ва бошқалар).

6. Олий Мажлис делегациясининг Парламентлараро Иттифоқнинг 95 ва 96-конфеенциялари ишида (апрель, октябрь), ЕХҲТ ҳар йилги Парламент Ассамблеяси ишида (июль) иштирок этиши.

7. Парламент делегациялари, элчилар ва дипломатия корпусининг бошқа вакиллари билан учрашувлар ва уларни қабул қилиш ишини ташкил этиш.

8. Олий Мажлис ва қўмиталар раҳбарларининг, депутатларнинг оммавий ахборот воситаларида чиқишларини ташкил этиш.

II. НАЗОРАТ-ТАҲЛИЛ ФАОЛИЯТИ

Йилнинг биринчи чораги

1. Ўзбекистон Республикаси Марказий банкининг ҳисоботи.

       

2. “Чет эл инвестициялари ва чет эллик инвесторлар фаолиятининг кафолатлари тўғрисида”ги Қонун Наманган вилоятида қандай бажарилаётганлиги ҳақида.

3. “Кичик ва хусусий тадбиркорликни ривожлантиришни рағбатлантириш тўғрисида”ги Қонун Жиззах, Сирдарё, Тошкент вилоятлари ва Тошкент шаҳрида қандай бажарилаётганлиги ҳақида.

       

4. “Ўсимликлар карантини тўғрисида”ги Қонун Сурхондарё вилоятида қандай бажарилаётганлиги ҳақида.

       

5. “Лотин ёзувига асосланган ўзбек алифбосини жорий этиш тўғрисида”ги Қонун Халқ таълими вазирлиги томонидан қандай бажарилаётганлиги ҳақида.

        

6. “Фуқароларнинг ўзини бошқариш органлари тўғрисида”ги Қонуннинг ижроси ҳақида.

        

7. Инсон ҳуқуқларига риоя этилишига доир масалаларнинг оммавий ахборот воситларида ёритилишини ўрганиш.

         

8. Умумжаҳон банкининг Иқтисодий тадқиқотлар институти билан биргаликда “Иқтисодий ислоҳотнинг стратегик масалалари” мавзуида семинар ўтказиш.

          

9. Германия техникавий ҳамкорлик жамияти вакиллари иштирокида семинар ўтказиш.

        

            

Йилнинг иккинчи чораги

1. “Ўзбекистон Республикасининг ташқи иқтисодий фаолияти тўғрисида”ги Қонун Андижон вилоятида қандай бажарилаётганлиги ҳақида

      

2. “Қимматли қоғозлар ва фонд биржаси тўғрисида”ги Қонун Сурхондарё вилоятида қандай бажарилаётганлиги ҳақида.

        

3. “Корхоналар тўғрисида”ги Қонун Самарқанд ва Қашқадарё вилоятларида қандай бажарилаётганлиги ҳақида.

       

4. “Наслчилик тўғрисида”ги Қонун Бухоро ва Навоий вилоятларида қандай бажарилаётганлиги ҳақида.

        

5. “Алоҳида муҳофаза этиладиган табиий ҳудудлар тўғрисида”ги Қонун Жиззах вилоятида қандай бажарилаётганлиги ҳақида.

         

6. “Таълим тўғрисида”ги Қонун Фарғона вилоятида қандай бажарилаётганлиги ҳақида.

          

7. “Умумий ҳарбий мажбурият ва ҳарбий хизмат тўғрисида”ги Ўзбекистон Республикаси Қонунини амалга киритиш ҳақида” Ўзбекистон Республикаси Олий Кенгаши 1992 йил 3 июлда қабул қилинган қарор Ўзбекистон Республикасининг Мудофаа вазирлиги ва Соғлиқни сақлаш вазирлигида қандай бажарилаётганлиги ҳақида.

          

8. Қуйидаги қонунлар бўйича:

- “Ўзбекистон Республикасининг Марказий банки тўғрисида”ги Қонун;

-  “Банклар ва банк фаолияти тўғрисида”ги Қонун бўйича минтақавий семинарлар ўтказиш.

            

            

Йилнинг учинчи чораги

1. “Монополистик фаолиятни чеклаш тўғрисида”ги Қонуннинг ижроси ҳақида.

           

2. “Ер ости бойликлари тўғрисида”ги Қонун Навоий вилоятида қандай бажарилаётганлиги ҳақида.

          

3. “Сув ва сувдан фойдаланиш тўғрисида”ги Қонун Жиззах ва Сирдарё вилоятларида қандай бажарилаётганлиги ҳақида.

          

4. “Ветеринария тўғрисида”ги Қонун Фарғона вилоятида қандай бажарилаётганлиги ҳақида.

           

5. “Давлат санитария назорати тўғрисида”ги Қонун Тошкент шаҳри, Андижон, Навоий ва Тошкент вилоятларида қандай бажарилаётганлиги ҳақида.

         

6. “Архитектура ва шаҳарсозлик тўғрисида”ги Қонун Самарқанд вилоятида қандай бажарилаётганлиги ҳақида.

           

7. “Ёшларга оид давлат сиёсатининг асослари тўғрисида”ги Қонуннинг ижроси ҳақида.

            

8. “Виждон эркинлиги ва диний ташкилотлар тўғрисида”ги Қонуннинг ижроси ҳақида.

            

9. Ўзбекистон Республикаси Олий Кенгашининг 1994 йил 22 сентябрдаги “Ўзбекистон Республикасининг Жиноят кодекси ҳамда Жиноят-процессуал кодексини амалга киритиш тартиби тўғрисида”ги қарорининг вазирлик ва идоралар ўз норматив ҳужжатларини мазкур кодексларга мувофиқлаштиришига оид қисмининг бажарилиши ҳақида.

          

               

Йилнинг тўртинчи чораги

1. “Давлат тили ҳақида”ги Қонун Наманган ва Навоий вилоятларида қандай бажарилаётганлиги ҳақида.

        

2. Ҳаво кодекси “Ўзбекистон ҳаво йўллари” миллий авиакомпаниясида қандай бажарилаётганлиги ҳақида.

          

“Ўзбекистон Республикаси Олий Мажлисининг Ахборотномаси”, 1996 йил, 3-сон, 32-модда