2015 йилнинг декабрь ойи учун жисмоний шахслардан олинадиган даромад солиғи ҳисоб-китоби (СБХ, 51-сон, 2015 йил 22 декабрь)

Функция недоступна

Жавоб газетанинг чиққан санасига ҳақиқийдир*

2015 ЙИЛНИНГ ДЕКАБРЬ ОЙИ УЧУН

ЖИСМОНИЙ ШАХСЛАРДАН ОЛИНАДИГАН

ДАРОМАД СОЛИҒИ ҲИСОБ-КИТОБИ

q Декабрь ойида иш соатлари сони:

5 кунлик (40 соатлик) иш ҳафтасида - 174;

6 кунлик (40 соатлик) иш ҳафтасида - 172;

36 соатлик иш ҳафтасида - 150.

q Иш кунлари сони:

5 кунлик иш ҳафтасида - 22;

6 кунлик иш ҳафтасида - 26.

q 2015 йил 1 январдан бошлаб ЖШДСнинг қуйидаги ставкалари амал қилмоқда: ноль ставкали; энг кам ставка - 8,5%; ўртача ставка - 17%; энг юқори ставка - 23% (Президентнинг 4.12.2014 йилдаги "Ўзбекистон Республикасининг 2015 йилги асосий макроиқтисодий кўрсаткичлари прогнози ва Давлат бюджети параметрлари тўғрисида" ПҚ-2270-сон Қарорига 9-илова, бундан кейин - ПҚ-2270-сон Қарор).

q Январь-август ойларида энг кам иш ҳақи (ЭКИҲ) миқдори 947 200 сўмни (118 400 х 8) ташкил этади (Президентнинг 21.11.2014 йилдаги "Иш ҳақи, пенсиялар, стипендиялар ва ижтимоий нафақалар миқдорини ошириш тўғрисида"ги ПФ-4672-сон Фармони билан белгиланган). Сентябрь-декабрь ойларида ЭКИҲ 520 960 сўмни (130 240 х 4) ташкил қилди (Президентнинг 26.08.2015 йилдаги "Иш ҳақи, пенсиялар, стипендиялар ва ижтимоий нафақалар миқдорини ошириш тўғрисида"ги ПФ-4751-сон Фармони).

q Бутун йил давомида ЖШДСни ва ЭКИҲ бараварида назарда тутилган имтиёзларни ҳисоблаб чиқаришда 2015 йилнинг 1 январь ҳолатига кўра белгиланган ЭКИҲ - 118 400 сўм қўлланади (Солиқ кодекси 186-моддасининг биринчи қисми, бундан кейин - Кодекс). Январь-декабрь ойлари учун солиқ солиш мақсадида жами ЭКИҲ 1 420 800 сўмни (118 400 х 12) ташкил қилади.

q 2015 йилда фуқароларнинг ШЖБПҲга мажбурий ойлик бадаллари ставкаси ходимга ҳисобланган иш ҳақи (даромад) солиқ солинадиган суммасининг 1%ини, ноль ставкасида (ЭКИҲ 1 баравари) солиқ солинадиган даромад чегирилган ҳолда, ташкил этади (ПҚ-2270-сон Қарорга 9-илова).

q ШЖБПҲга мажбурий бадаллар ҳисоблаб ёзилган ЖШДСдан чегирилади (Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий бадалларни қўшиш ва тўлаш тартиби тўғрисидаги низомнинг 3-банди, МВ, ДСҚ ва МБ бошқарувининг АВ томонидан 6.10.2005 йилда 1515-сон билан рўйхатдан ўтказилган қарори билан тасдиқланган).

q 2015 йил учун бюджетдан ташқари Пенсия жамғармасига фуқароларнинг мажбурий суғурта бадаллари ставкаси ходимга ҳисоблаб ёзилган, бадаллар ундириладиган даромад суммасининг 7%и миқдорида белгиланган (ПҚ-2270-сон Қарорнинг 3-банди).