Кадровый Консультант

Кадрлар бўйича маслаҳатчи / Меҳнатга ҳақ тўлаш ва бошқа тўловлар / Амалиётдан вазиятлар / Пенсиялар ва нафақалар тўлаш бўйича вазиятларнинг маълумотлар базаси /

Ташкилотда кадрлар ҳисобини доимий асосда юритадиган ходим йўқ. Буйруқларни расмийлаштириш ва меҳнат дафтарчаларини тўлдириш вақтинча бухгалтерга юклатилган. Бухгалтерияга оид масалалар билан бандлиги туфайли у кадрларга оид ишлар мажмуини, жумладан пенсияга чиқаётган ходимларни кузатиб бориш ва уларга Пенсия жамғармаси учун ҳужжатларни тайёрлашни тўлиқ бажара олмайди. Корхона штатида пенсия ёшига яқинлашиб қолган ходим бор. У ёшга доир пенсия тайинлаш учун ҳужжатларни расмийлаштиришни сўраб бухгалтерга мурожаат қилди, бироқ кадрларга оид ишлар унинг асосий иши эмаслиги ва пенсия ишлари билан шуғулланишга унинг вақти йўқлиги важ қилиниб, рад жавобини олди. У ходимга барча ҳужжатларни унинг ўзи расмийлаштиришини ва уларни яшаш жойи бўйича ижтимоий таъминот бўлимига топширишини таклиф қилди. Мазкур шахснинг ҳаракатлари қонунийми?