Солиқ ва бошқа мажбурий тўловлар бўйича ортиқча тўловни бюджетдан қайтариш тартиби (СБХ, 43-сон, 2016 йил 25 октябрь)

Функция недоступна

Жавоб газетанинг чиққан санасига ҳақиқийдир*

ОРТИҚЧА ТЎЛОВНИ ҚАЙТАРИШ

Газетхонларимиз ва "Norma" электрон маҳсулотларидан фойдаланувчилар экспертларга мурожаат қилишар экан, кўпинча солиқлар ва бошқа мажбурий тўловлар бўйича ортиқча тўланган суммани бюджетга қандай қилиб қайтаришни тушунтириб беришни сўрашади. Тўланган ва ҳисобланган солиқ суммалари ўртасидаги ижобий фарқ ана шундай тўлов деб эътироф этилади.

Мурожаат қилувчиларнинг вазиятлари билан бу вазиятлардан чиқишни белгилайдиган қонун ҳужжатларини таҳлил қилиб, биз ортиқча тўланган суммаларни бюджетдан қайтаришга доир мўъжаз қўлланма-маслаҳатномани тайёрладик.

ҲИСОБ БИЗНИНГ ФОЙДАМИЗГА ЭМАС

Ортиқча тўлов турли сабабларга кўра юзага келиши мумкин.

Биринчиси - энг кўп тарқалган сабаб. Солиқ тўловчи томонидан солиқни ҳисоблаш пайтида йўл қўйилган хатолар. Улар солиқ тўланганидан кейин, одатда, кейинги солиқ даврида аниқланади. Аниқлаштирилган солиқ ҳисоботи солиқларнинг ортиқча тўланган суммасини кўрсатади.

Иккинчиси - баъзи-баъзида учраб турадиган сабаб. Бироз эътиборсиз бухгалтер солиқни Интернет-банкинг орқали тўлаш пайтида тўлов суммасига ортиқча нолни қўшвориши мумкин. Агар бундай тўлов ўтса, ортиқча тўлов ҳосил бўлади.

Учинчиси - солиқ тўғрисидаги қонун ҳужжатлари талабларидан келиб чиқадиган сабаб. У фойда, мол-мулк солиқлари, улгуржи сотувчилар томонидан эса - ягона солиқ тўлови бўйича бўнак тўловларини назарда тутади. Баъзан тўланган бўнак солиқ тўловчининг ҳақ