ЭКИҲ миқдори ўзгарганда моддий ёрдамнинг солиқ солинмайдиган суммасининг қайта ҳисобланмаслиги, шунингдек ҳисоб-китоб қилинганда илгари белгиланган ва янги ЭКИҲ қўлланиладиган тўлов турлари (СБХ, 3-сон, 2017 йил 17 январь)

Функция недоступна

Жавоб газетанинг чиққан санасига ҳақиқийдир*

ЭКИҲ МИҚДОРИДА

Корхона 2016 йил сентябрда ходимга бола туғилиши муносабати билан 1 700 000 сўм миқдорида моддий ёрдам тўлади. Шундан 137 120 сўмдан жисмоний шахслардан олинадиган даромад солиғи ушланди, сабаби ушбу сумма ЭКИҲнинг 12 бараваридан (1 562 880 сўм) ошади.

2016 йил 1 октябрдан ЭКИҲ миқдори 149 775 сўм бўлди ва ЭКИҲнинг 12 баравари 1 797 300 сўмни ташкил этди.

ЭКИҲ миқдори ўзгарганлиги муносабати билан моддий ёрдамнинг солиқ солинмайдиган суммасини қайта ҳисоблаш зарурми?

Моддий ёрдамдан ташқари, корхонамизда миқдори ЭКИҲга боғлиқ бўлган, шахсий автомобилдан фойдаланганлик учун компенсациялар ва бошқа тўловлар тўланади. 2016 йилдаги қандай тўловларни ҳисоблашда янги ЭКИҲ миқдоридан фойдаланиш лозим, қайсилари эса қайта ҳисобланмайди?

С.Ортиқова.

- 2013 йил 1 январдан бошлаб ЖШДС солинмайдиган моддий ёрдам суммаси ҳисобот йилининг 1 январидаги ҳолатга кўра белгиланган энг кам иш ҳақи миқдоридан келиб чиқиб аниқланади ва ЭКИҲ миқдори ўзгарганда қайта ҳисобланмайди (Солиқ кодексининг 186-моддаси 1-қисми). Яъни 2016 йилда 1 562 880 сўм (130 240 х 12) доирасидаги моддий ёрдам суммасига ЖШДС солинмаган. ЭКИҲ миқдорининг 149 775 сўмгача оширилиши ҳисобга олинмаган.

149 775 сўмлик энг кам иш ҳақи миқдори 2017 йил 1 январдан бошлаб моддий ёрдамнинг солиқ солинмайдиган суммасини ҳисоблашда қўлланади.

Қуйидаги 1-жадвалда 2016 йил 1 январдаги ҳолатга кўра ЭКИҲ миқдоридан (130 240 сўм) келиб чиқиб 2016 йилда белгиланган кўрсаткичлар, 2-жадвалда эса - 2016 йил 1 октябрдан бошлаб 149 775 сўмлик ЭКИҲ миқдоридан келиб чиқиб ҳисобланадиган тўловлар (тўлов нормалари) келтирилган.

1-жадвал

2016 йилдаги ҳисоб-китобда 130 240 сўмга тенг

ЭКИҲ миқдори қўлланган кўрсаткичлар