Уй-жойларни бошқарувчи компания ёрдамида бошқариш (НМ, 10-сон, 2018 йил 6 март)

Функция недоступна

Материал чоп этилган санасига ҳақиқийдир*

УЙ-ЖОЙЛАРНИ БОШҚАРУВЧИ КОМПАНИЯ ЁРДАМИДА БОШҚАРИШ

Пойтахтдаги Чилонзор туманининг 1-мавзесида фаолият юритувчи "Шинам-Сервис-Плюс" МЧЖ бошқарувчи компанияси (бундан кейин - БК) ХУМШ ташкил этилмаган 9 та уйга хизмат кўрсатади. Улар орасида битта 5 қаватли уй бор, қолганлари 4 қаватли (369 та турар жой ва 31 та нотурар жойдан иборат). Бундан ташқари, БК 6 та ширкатни бошқаради. Компания бошқарувида жами 31 та кўп квартирали уй мавжуд.

Уй аҳли ширкат тузишни истамаган дастлабки 6 та уйга БК 2008 йилдан тўлиқ хизмат кўрсата бошлади. Барчага таниш вазият уларни шундай қилишга мажбур этди. Илгари ҳаммаларини бирлаштирган катта ХУМШ самарали бошқарувни таъминлай олмади. Натижада шикоятлар, ихтилофлар, тўловларни тўламаслик авж олди. Ширкат 2 та алоҳида ширкатга бўлинди. Биринчисида ишлар аста-секин йўлга қўйила бошлади. 6 та уйдан иборат бўлган иккинчи ширкатда эса иш юришмади. Ҳеч ким раисликни қўлга олиш истагини билдирмади.