Молиявий ижара - лизинг: лизинг олувчида ҳисобга олиш ва солиқ солиш (СБХ, 18-сон, 2018 йил 1 май)

Функция недоступна

Материал чоп этилган санасига ҳақиқийдир*

МОЛИЯВИЙ ИЖАРА - ЛИЗИНГ:

ЛИЗИНГ ОЛУВЧИДА ҲИСОБГА ОЛИШ ВА СОЛИҚ СОЛИШ

"СБХ"нинг ўтган сонида (24.04.2018 йилдаги 17 (1237)-сон) лизинг берувчи лизинг операциялари ҳисобини қандай қилиб тўғри юритиши ва солиқларни тўлаши кераклиги ҳақида ёзган эдик. Бугун экспертлар лизинг олувчи лизинг тўловларини бухгалтерия ҳисобида ва солиқ солишда қандай акс эттириши кераклигини тушунтирадилар.

ЛИЗИНГ ОБЪЕКТИНИ ОЛИШ

Лизинг олувчи лизинг берувчи томонидан расмийлаштириладиган ҳисобварақ-фактура ва қабул қилиш-топшириш далолатномаси бўйича шартнома асосида лизинг объектини олади.

Лизинг олувчига лизинг объекти бевосита сотувчи томонидан, лизинг берувчини четлаб ўтиб етказиб берилиши мумкин. Бу ҳолда сотувчи лизинг олувчи учун юкхат расмийлаштиради. 

Лизинг олувчининг бухгалтерия ҳисобида лизингнинг

актив ва мажбурият сифатида тан олиниши

1-МИСОЛ. Лизинг берувчи ускунани лизингга берди. Ускунанинг жорий қиймати - 205 млн сўм. Минимал лизинг тўловларининг дисконтланган қиймати 180 млн сўмни ташкил этади. Лизинг олувчининг балансида 180 млн сўмлик мажбурият акс эттирилади.

2-МИСОЛ. Лизинг берувчи "Кобальт" автомобилини лизингга берди. Автомобилнинг жорий қиймати - 97 млн сўм. Минимал лизинг тўловларининг дисконтланган қиймати 112 млн сўмни ташкил этади. Лизинг олувчининг балансида 97 млн сўмлик мажбурият акс эттирилади.

Лизинг олувчи мол-мулк олганда уни сотиб олиш, етказиб бериш ёки фойдаланиш учун яроқли ҳолга келтириш билан боғлиқ барча харажатлар унинг қийматига қўшилади (АВ томонидан 24.04.2009 йилда 1946-сон билан рўйхатдан ўтказилган 6-сон БҲМСнинг 31-банди).

МИСОЛ. Корхона ўрнатиладиган ускунани лизингга олди. Ускуна қиймати (асосий қарз суммаси) - 250 000 минг сўм, ташиш харажатлари - 2 000 минг сўм, ускунани ўрнатган ходимларнинг иш ҳақи - 1 800 минг сўм, ЯИТ - 270 минг сўм. Лизинг олувчи балансидаги ускунанинг жами қиймати 254 070 минг сўмни ташкил этади.

Лизинг объектини олишнинг бухгалтерия ҳисоби