Солиқ солиш масалалари давлат томонидан тартибга солишнинг энг муҳим жиҳатлари ҳисобланади. Солиқлар фискал ва тартибга солиш функцияларини бажариб, 2 хил: бевосита ва билвосита турга бўлинади. Ушбу мақолада акциз солиғи мисолида билвосита солиқ солиш хусусиятларини кўриб чиқамиз.
Акциз солиғи - давлат ўз хазинасини тўлдириш учун азалдан буён қўллаб келаётган анъанавий солиқ турларидан бири. Акциз ва айрим турдаги маҳсулотлар истеъмоли учун солиқлар Қадимги Рим давридаёқ илк бор тилга олинган ва кенг қўлланилган. Эрамиздан аввалги VII асрда Хитойда туз солиғи жорий этилган. Собиқ Иттифоқда акциз солиғи ва қўшилган қиймат солиғи ўрнига оборотдан солиққўлланилган.
Акциз - акциз тўланадиган товарларни ишлаб чиқарувчилардан ундириладиган билвосита солиқлардан бири. Бироқ уни ушбу товарларнинг бевосита истеъмолчилари тўлайди, сабаби ҳар қандай билвосита солиқ сингари акциз товар нархини шакллантиради ва уни тўлаш юки амалда харидор зиммасига тушади.
Айни пайтда акциз солиғи деярли барча бозор иқтисодиёти мамлакатларида кенг тарқалган. Замонавий жаҳон амалиётида у бойлар солиғи деган ном олди, чунки одатда зеб-зийнат буюмлари акциз тўланадиган товарлар ҳисобланади.
Акциз тўланадиган товарлар сирасига оммавий истеъмолчилар орасида доим талабгир бўлган алкоголли ва тамаки маҳсулотлари сингари товарлар ҳам киради. Шу сабабли давлат бюджети ушбу товарлардан тўланадиган акциз бўйича мунтазам равишда даромад олади ва уни аниқ
78-150-11-72 
info@norma.uz
Мобильная версия сайта