Ҳисоб ва молиявий ҳисобот маълумотлари тўғрилигига ишонч ҳосил қилиш учун инвентаризация ўтказинг. У корхона мол-мулкининг ҳақиқатда мавжудлигини тасдиқлашда, кераксиз ёки "унутилган" активларни аниқлашда, контрагентлар билан ҳисоб-китобларни текширишда ёрдам беради.
! Инвентаризацияни шунчаки киши кўзига ўтказманг. Агар инвентаризация далолатномаларини фақат бухгалтерия ҳисоби ёки бухгалтерия дастури маълумотлари асосида, ҳақиқий қолдиқларни ҳисоб-китоб қилмай ва ҳисобдагиси билан солиштирмай тўлдирсангиз, бу пул маблағлари ва бошқа мол-мулк ҳисобини юритиш ва сақлашдаги эҳтимолий муаммоларни яширишга олиб келиши мумкин. Масалан, ҳисобда ТМБнинг навлари алмашиши, ортиқчаси ва камомади акс эттирилмайди. Ҳатто айбдорлардан зарарни ундира олмайсиз, сабаби ҳужжатларга кўра компанияда камомад бўлмайди.
Бундан ташқари, бухгалтер ҳисобда хатога йўл қўйиши мумкин. Фақат солиштирув далолатномаларини тузганда харидорлар ва етказиб берувчилар билан ҳисоб-китобларни ҳисобда акс эттиришдаги ноаниқликларга йўл қўйилганини билиш мумкин.
Ҳисоб-китоблар вақти-вақти билан инвентаризация қилинмаса, даъво муддати ўтган кредиторлик қарзи даромадга киритилмай қолиши хавфи юзага келади. Бу эса солиқларингизни камайтириб кўрсатганлигингизни англатади - бунинг оқибати қандай бўлишини жуда яхши биласиз.
Ҳисоб юритиш тартиби бузилганлиги ва бухгалтерия ҳисоботи нотўғри акс эттирилганлиги аниқланса, бунинг учун раҳбар ва бош бухгалтерни жаримага тортишлари мумкин.
Ким, қандай ҳолларда ва қачон инвентаризация
ўтказиши керак
Инвентаризацияни истисносиз барча юридик шахслар ўтказадилар ("Бухгалтерия ҳисоби тўғрисида"ги Қонуннинг 16-моддаси). У мажбурий ёки ташаббус тарзида ўтказилиши мумкин. Мажбурий инвентаризациядан ўтказиш тартиби 19-сон БҲМС "Инвентарлашни ташкил этиш ва ўтказиш"да (АВ томонидан 2.11.1999 йилда 833-сон билан рўйхатдан ўтказилган) назарда тутилган.
78-150-11-72 
info@norma.uz
Мобильная версия сайта