Хусусий корхона мулкдорига фойда тўлаш тартиби (СБХ, 19-сон 2019 йил 7 май)

Функция недоступна

Материал чоп этилган санасига ҳақиқийдир*

ХУСУСИЙ КОРХОНА МУЛКДОРИГА

ФОЙДА ТЎЛАШ ТАРТИБИ

Хусусий корхона (ХК) - мулкдор ягона жисмоний шахс томонидан тузилган ва бошқариладиган тижорат ташкилоти ("Хусусий корхона тўғрисида"ги Қонуннинг 3-моддаси).

ХК мулкдори солиқлар ва бошқа мажбурий тўловлар тўланганидан кейин қолган фойдадан ўз ихтиёрига кўра фойдаланиши мумкин (ХК тўғрисидаги Қонуннинг 15-моддаси).

Тўлаш шартлари

ХК тўғрисидаги Қонунда масъулияти чекланган жамият иштирокчиларига соф фойдани тақсимлаш ва тўлаш юзасидан белгиланган чекловлар сингари мулкдорнинг фойдадан фойдаланиш шартлари назарда тутилмаган.

ХКнинг фойдаси солиқлар ва бошқа мажбурий тўловлар тўланганидан сўнг корхона мулкдорининг тасарруфига ўтади ҳамда унга солиқ солинмайди (ХК тўғрисидаги Қонуннинг 24-моддаси).

Бироқ бу ХК ўз мулкдорига исталган пайтда фойда тўлаши мумкинлигини англатмайди. Фойда тўлаш тўғрисида қарор қабул қилишдан олдин бир нечта жиҳатни инобатга олинг.

1. Устав фонди

ХКнинг устав фонди бўлинмасдир ва уни мулкдорнинг ўзи белгилайди. Пул, қимматли қоғозлар, пул билан баҳоланадиган бошқа мол-мулк ёки мулкий ҳуқуқлар ёхуд бошқа шахсга бериладиган ўзга ҳуқуқлар устав фондига қўшиладиган ҳисса бўлиши мумкин (ХК тўғрисидаги Қонуннинг 12-моддаси).

Уставда белгиланган муддатда бошланғич устав фонди шакллантирилмаган тақдирда, ХК тўғ