Чет эллик ходимларга иш ҳақи тўлаш (СБХ, 25-сон 2019 йил 18 июнь)

Функция недоступна

Материал чоп этилган санасига ҳақиқийдир*

ЧЕТ ЭЛЛИК ХОДИМЛАРГА

ИШ ҲАҚИ ТЎЛАШ

Чет эллик мутахассисни ишга қабул қилаётганда қуйидаги ҳужжатларга риоя этинг:

q Ўзбекистон Республикасига хориждан ишчи кучини жалб қилиш ва ундан фойдаланиш тартиби тўғрисидаги низом (ВМнинг 25.03.2019 йилдаги 244-сон қарорига 1-илова);

q меҳнат тўғрисидаги миллий қонун ҳужжатлари. У муассислари чет эллик шахслар бўлган корхоналарда ҳам қўлланилади (МКнинг 11, 12-моддалари).

Тўлов валютаси

Иш ҳақини чет эл валютасида тўлаш Ўзбекистон ҳудудида йўл қўйиладиган ҳисоб-китоблар рўйхатига кирмайди ("Валютани тартибга солиш тўғрисида"ги Қонуннинг 18-моддаси). Шу сабабли ходимларга, шу жумладан норезидентларга иш ҳақини миллий валюта - сўмда тўланг, қонун ҳужжатларида чет эл валютасида тўлашга йўл қўйиладиган ҳоллар бундан мустасно.

Чунончи, "Mirzo Ulugbek Innovation Center" инновация маркази резидентлари чет эл мутахассисларига иш ҳақини чет эл валютасида тўлаш ҳуқуқига эга. Тўловларни товарлар (ишлар, хизматлар) экспортидан тушумлар доирасида нақдсиз шаклда хорижда очилган халқаро тўлов карталарига амалга ошириш мумкин (30.06.2017 йилдаги ПФ-5099-сон Фармоннинг 6-банди).

Норезидентларга чет эл валютасидаги иш ҳақини уларнинг Ўзбекистондан ташқаридаги валюта счётларига ўтказиш йўли билан тўлаш мумкин (24.10.1996 йилдаги ПФ-1601-сон Фармоннинг 5-банди).

Чет эллик норезидентга ишларни (хизматларни) импорт қилиш учун контракт сифатида қараладиган фуқаролик-ҳуқуқий тусдаги шартнома бўйича даромад тўласангиз, уни чет эл валютасида мамлакатимиздан ташқаридаги валюта счётига ўтказиш йўли билан тўлаш мумкин.

Чет эллик ходимнинг

солиқ мақоми

Чет эллик ходим ёки фуқаролиги бўлмаган шахснинг даромадларига солиқ солиш унинг солиқ мақомига: у Ўзбекистон резиденти ҳисобланиш-ҳисобланмаслигига боғлиқ.

Ўзбекистонда доимий яшаб турган ёки жорий календарь йилда якунланаётган ҳар қандай кетма-кетликдаги 12 ойлик давр ичида жами 183 кун ва ундан орти