Бош бухгалтерни алмаштириш тартиби (СБХ, 25-сон 2019 йил 18 июнь)

Функция недоступна

Материал чоп этилган санасига ҳақиқийдир*

БОШ БУХГАЛТЕРНИ АЛМАШТИРИШ

ТАРТИБИ

Бош бухгалтер ҳар қандай корхонада муҳим шахс ҳисобланади. Молияга тааллуқли биронта масала усиз ҳал этилмайди. Шу сабабли раҳбарият бош бухгалтер таътилга чиқишини, ҳатто касал бўлганда ишга чиқмай қолишини хоҳламайди.

Раҳбарият бир қатор сабабларни рўкач қилиб рад жавоби беради:

1) ҳужжатларни имзолайдиган;

2) тўлов топшириқномаларини расмийлаштирадиган;

3) ҳисоботларни топширадиган;

4) счёт, юкхат, ҳисобварақ-фактура тақдим этадиган бошқа ходим йўқ;

5) иш ҳақини ким ҳисоблайди?

6) битимларни ким билан келишамиз? Шартномаларнинг солиқ оқибатлари юзасидан кимга савол берамиз?

7) керакли ҳужжатларни бошқа ҳеч ким топиб бера олмайди.

"Муаммоларни" қандай ҳал этиш мумкин

Барини ҳал этишнинг имкони бор.

Ҳужжатларни имзолаш

1. Банкда аввалбошдан икки нафар ходимнинг имзолаш ҳуқуқини расмийлаштириш мумкин.

2. Таътил вақтида имзолаш ҳуқуқи бошқа шахсга берилади.

3. Бош бухгалтер қайтгач ҳужжатларни имзолаши мумкин.

Тўлов топшириқномаларини расмийлаштириш

1. Таътилга чиқиш олдидан барча тўлов топшириқномалари бўйича тўлов амалга оширилади.

2. Тўлов топшириқномаларини тўлдиришга доир йўриқнома тузиб, тўлов топшириқномаларининг тўлиқ тўлдирилмаган шаблонларини қолдириш.

Ҳисобот тузиш ва топшириш

1. Таътилгача топшириш мумкин бўлган ҳисоботларни олдиндан жўнатиш.

2. Барча маълумотлари мавжуд бўлмаган ҳисоботларни дастлаб қоралама шаклида тузиш. Уларга қандай тузатиш киритилиши ва жўнатилишини кўрсатиш.

3. Ҳисобот шаклларини тўлдиришга доир батафсил йўриқнома тузиш, шунингдек топшириш муддатларини кўрсатиш. Ўрнингизга ишлаётган ходим тузатиш киритган ёки шакллантирган ҳисоботни жўнатиш олдидан маъқуллаш учун почтангизга юборсин.

Счётлар, юкхатлар ва бошқа ҳ