Ушбу тавсияда "Norma" МЧЖ экспертлари ишлаб чиқариш хусусиятига эга бўлган меҳнатга ҳақ тўлаш харажатлари таркибига кирувчи тўловларни қандай ҳисоблаш ва ҳисобга олишни тушунтирадилар.
ИШЛАБ ЧИҚАРИШ ХУСУСИЯТИГА ЭГА БЎЛГАН
МЕҲНАТГА ҲАҚ ТЎЛАШ ХАРАЖАТЛАРИ
Ишлаб чиқариш хусусиятига эга бўлган меҳнатга ҳақ тўлаш харажатлари - ишлаб чиқариш таннархининг таркибий қисмларидан бири бўлиб, Молиявий натижалар тўғрисидаги ҳисоботнинг 020-сатрида акс эттирилади(5.02.1999 йилдаги 54-сон ВМҚ билан тасдиқланган Маҳсулот (ишлар, хизматлар)ни ишлаб чиқариш ва сотиш харажатлари таркиби ҳамда молиявий натижаларни шакллантириш тартиби тўғрисидаги низомнинг 1.2-банди).
Ишлаб чиқариш хусусиятига эга бўлган меҳнатга ҳақ тўлаш харажатлари таркибига қуйидагилар киради:
Т/р
Харажатлар номи
1
Амалда бажарилган иш учун ишлаб чиқариш хусусиятига эга бўлган иш ҳақи, шу жумладан мукофотлаш тўғрисидаги низомда назарда тутилган рағбатлантириш хусусиятига эга тўловлар
2
Касб маҳорати ва мураббийлик учун тариф ставкаларига ва маошларга устамалар
3
Иш режими ва меҳнат шароитлари билан боғлиқ бўлган компенсация тусидаги тўловлар
4
Иш вахта усулида ташкил этилганда, иш вақти жамланиб ҳисобланганда ва қонун ҳужжатлари билан белгиланган бошқа ҳолларда иш вақтининг нормал давом этишидан ортиқ ишлаганлик муносабати билан бериладиган дам олиш (ортиқча ишланган иш вақти учун дам олиш) кунлари учун ҳақ тўлаш
5
Ишланмаган вақт учун ҳақ тўлаш
6
Штатда турмайдиган ходимлар меҳнатига фуқаролик-ҳуқуқий тусдаги шартномалар бўйича ҳақ тўлаш
7
Ишлаб чиқариш жараёнида қатнашувчи ходимлар меҳнатига ҳақ тўлаш харажатига киритиладиган тўловларнинг бошқа турлари
Уларни батафсил кўриб чиқамиз.
Иш ҳақи
Ишлаб чиқариш хусусиятига эга бўлган иш ҳақини корхонангизда қабул қилинган меҳнатга ҳақ тўлаш шакллари ва тизимларига мувофиқ ишбай нархлар, тариф ставкалари ва лавозим маошларидан келиб чиқиб ҳисобланг.
Амалда бажарилган иш учун иш ҳақини у бажарилганлигини тасдиқловчи ҳужжатлар асосида ҳисобланг.
Вақтбай меҳнатга ҳақ тўлашда амалда ишланган вақт (кун, соат) учун иш ҳақи ҳисобланади. Ишбай ҳақ тўлашда - ишлаб чиқарилган маҳсулотга қараб.
Иш ҳақини харажатларга қуйидагича киритинг:
qҳисоблаб ёзиш тамойили асосида у тўланган пайтда эмас, балки ҳисобланган пайтда (АВ томонидан 14.08.1998 йилда 474-сон билан рўйхатдан ўтказилган 1-сон БҲМСнинг 16-банди.);
q 6710-"Меҳнат ҳақи бўйича ходимлар билан ҳисоблашиш" счётининг кредити бўйича акс эттирилган
78-150-11-72 
info@norma.uz
Мобильная версия сайта