ЎзР ВМ 22.10.2018 й. 845-сон Қарори билан тасдиқланган Низомнинг (1-илова) олдинги таҳрири

Функция недоступна

ЎзР ВМ 22.10.2018 й. 845-сон Қарори билан

тасдиқланган Низомнинг (1-илова)

олдинги таҳрири

ЎзР ВМ 05.01.2024 й. 9-сон Қароридан олдинги таҳрири

15-банд учинчи хатбошининг олдинги таҳрири

мулкдорнинг аризасига кўра - Ўзбекистон Республикаси Уй-жой кодексида белгиланган бир киши учун турар жой майдонининг ижтимоий нормаси тўғрисидаги қоидалар асосида доимий рўйхатга олинган фуқаролар;

ЎзР ВМ 28.09.2022 й. 541-сон Қароридан олдинги таҳрири

26-банднинг олдинги таҳрири

26. Зарур маълумотлар ЯИДХПда сўровномага киритилгандан сўнг ариза берувчи уни ўзининг электрон рақамли имзоси билан тасдиқлайди.

Давлат хизматлари маркази орқали сўровнома тўлдирилиб, электрон рақамли имзоси бўлмаган ҳолларда, шахсий имзо ёки идентификациялашнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.

ЎзР ВМ 29.12.2021 й. 785-сон Қароридан олдинги таҳрири

Низом матнининг олдинги таҳрири

Ўзбекистон Республикаси фуқароларини

доимий яшаш жойи ва вақтинча турган жойи

бўйича рўйхатга олиш олиш тартиби тўғрисида

НИЗОМ

(ЎзР ВМ 28.09.2020 й. 593-сон Қарори таҳриридаги Низом номи)

Мазкур Низомга қуйидагиларга мувофиқ ўзгартиришлар киритилган

ЎзР ВМ 28.12.2019 й. 1049-сон Қарори,

ЎзР ВМ 16.06.2020 й. 384-сон Қарори,

ЎзР ВМ 10.07.2020 й. 433-сон Қарори,

ЎзР ВМ 28.09.2020 й. 593-сон Қарори,

ЎзР ВМ 27.12.2021 й. 774-сон Қарори

1-боб. Умумий қоидалар

2-боб. Фуқароларни доимий яшаш жойи

бўйича рўйхатга олиш тартиби

3-боб. Доимий яшаш жойи бўйича рўйхатдан чиқариш

ва рўйхатга олинганликни бекор қилиш тартиби

4-боб. Фуқароларни вақтинча турган

жойи бўйича рўйхатга олиш тартиби

5-боб. Якунловчи қоидалар

1-илова. Доимий яшаш жойи бўйича рўйхатга олиш тўғрисида ариза

1а-илова. Фуқарони доимий яшаш жойи бўйича рўйхатга олиш схемаси

2-илова. Доимий яшаш жойи бўйича рўйхатга олинган

манзилдан рўйхатдан чиқариш тўғрисида ариза

3-илова. Фуқароларни доимий яшаш жойи

бўйича рўйхатга олиш учун уй дафтари

4-илова. Қайд этиш карточкаси

5-илова. Квартиралар бўйича карточка

6-илова. Кетиш манзил варақаси

6а-илова. Фуқарони доимий яшаш жойи бўйича рўйхатга

олинган мазилдан рўйхатдан чиқариш схемаси

7-илова. Вақтинча турган жойи бўйича рўйхатга олиш учун сўровнома

8-илова. Вақтинча турган жойи бўйича рўйхатга олиш тўғрисида қайд варағи

9-илова. Вақтинча турган жойи бўйича рўйхатга олишнинг схемаси

9а-илова. Вақтинча турган жойи бўйича рўйхатга олиш тўғрисида ариза

9б-илова. Фуқароларнинг вақтинча турган жойи бўйича рўйхатга

олиниши юзасидан ёзган аризаларини қайд этиш китоби

9в-илова. Вақтинча турган жойи бўйича рўйхатга олишнинг схемаси

10-илова. Келиш манзил варақаси

1-БОБ. УМУМИЙ ҚОИДАЛАР

1. Ушбу Низом Ўзбекистон Республикаси фуқароларини (кейинги ўринларда фуқаролар деб аталади) Қорақалпоғистон Республикасида ва вилоятларда (кейинги ўринларда вилоятлар деб аталади) (Тошкент вилоятидан ташқари) доимий яшаш жойи ва вақтинча турган жойи бўйича рўйхатга олиш тартибини белгилайди. (ЎзР ВМ 28.09.2020 й. 593-сон Қарори таҳриридаги хатбоши)

Ўзбекистон Республикаси фуқароларини Тошкент шаҳри ва Тошкент вилоятида доимий яшаш жойи ва вақтинча турган жойи бўйича рўйхатга олиш тартиби алоҳида норматив-ҳуқуқий ҳужжат билан белгиланади. (ЎзР ВМ 28.09.2020 й. 593-сон Қарори таҳриридаги хатбоши)

2. Фуқаролар қонун ҳужжатларига мувофиқ доимий яшаш жойлари ва (ёки) вақтинча турган жойлари бўйича рўйхатга олинишлари шарт.

Агар қонун ҳужжатларида бошқача тартиб назарда тутилмаган бўлса, доимий яшаш жойи ва вақтинча турган жойи бўйича рўйхатга олинмаганлиги фуқарога хизмат кўрсатишни рад этиш учун асос деб ҳисобланиши мумкин эмас.

Фуқаролар янги яшаш жойига келган кунларидан бошлаб ўн беш кун мобайнида доимий яшаш жойи ёки вақтинча турган жойи бўйича рўйхатга олиниши учун ҳужжатларни тақдим этишлари шарт.

16 ёшга тўлмаган шахсларни доимий яшаш жойи ва вақтинча турган жойи бўйича рўйхатга олиш уларнинг ота-оналари ёки уларнинг ўрнини босувчи шахсларнинг хоҳишига қараб ихтиёрий асосда амалга оширилади.

(ЎзР ВМ 28.09.2020 й. 593-сон Қарори таҳриридаги банд) (Олдинги таҳририга қаранг)

3. Фуқароларни доимий яшаш жойи бўйича рўйхатга олиш, доимий яшаш жойи бўйича рўйхатдан чиқариш ва вақтинча турган жойи бўйича рўйхатга олиш хизматлари уларга қулай бўлган туман (шаҳар) ички ишлар бўлимлари томонидан амалга оширилади ҳамда жамоат хавфсизлигини таъминлаш ҳамда ҳуқуқбузарликларнинг олдини олиш, шунингдек, аҳоли миграциясини ҳисобга олиш мақсадида фуқаронинг вилоят ҳудудининг муайян жойида яшаши ёки вақтинча бўлиши ҳолатини аниқлашни назарда тутади. (ЎзР ВМ 28.09.2020 й. 593-сон Қарори таҳриридаги хатбоши)

Доимий яшаш жойи ва вақтинча турган жойи бўйича рўйхатга олиниши туриш учун фуқаролар Давлат хизматлари марказларига ёки Ўзбекистон Республикаси Ягона интерактив давлат хизматлари портали (кейинги ўринларда ЯИДХП деб аталади) орқали мурожаат қилишлари ҳам мумкин. (ЎзР ВМ 28.09.2020 й. 593-сон Қарори таҳриридаги хатбоши)

(ЎзР ВМ 28.12.2019 й. 1049-сон Қарори таҳриридаги банд) (Олдинги таҳририга қаранг)

2-БОБ. ФУҚАРОЛАРНИ ДОИМИЙ ЯШАШ ЖОЙИ

БЎЙИЧА РЎЙХАТГА ОЛИШ ТАРТИБИ

(ЎзР ВМ 28.09.2020 й. 593-сон Қарори таҳриридаги боб номи)

4. Фуқаро вилоятларда доимий яшаш жойи бўйича рўйхатга олиниши учун Қорақалпоғистон Республикаси ҳамда вилоятлар туман (шаҳар) ички ишлар бошқармасининг (бўлимининг) (кейинги ўринларда ТШИИББ деб аталади) миграция ва фуқароликни расмийлаштириш бўлимига (кейинги ўринларда МваФРБ деб аталади) қуйидаги ҳужжатларни тақдим этади: (ЎзР ВМ 28.09.2020 й. 593-сон Қарори таҳриридаги хатбоши)

ушбу Низомга 1-иловага мувофиқ шакл бўйича ариза;

Ўзбекистон Республикаси фуқаросининг паспорти (кейинги ўринларда паспорт деб аталади);

контракт бўйича ҳарбий хизматчининг шахсий гувоҳномаси ёки Ўзбекистон Республикаси Қуролли Кучлари офицерининг шахсий гувоҳномаси (казармалар, корабллар ва кемалардан ташқарида яшайдиган ҳарбий хизматчилар учун);

уй-жой ҳужжатларининг асл нусхаси (нусхалари олиниб, асли қайтарилади);

уй-жой мулкдорининг (мулкдорларининг) турар жой майдони бериш тўғрисидаги аризаси (розилиги) ёхуд агар шахсан ўзи бериш имкони мавжуд бўлмаса нотариал тасдиқланган аризаси (розилиги);

никоҳ тузилганлиги ёки болалар туғилганлиги тўғрисидаги гувоҳномалар, шунингдек, васийлик ёки ҳомийликни тасдиқлайдиган ҳужжатлар (нусхалари олиниб, асли қайтарилади).

ЎзР ВМ 27.12.2021 й. 774-сон Қарорига мувофиқ саккизинчи хатбоши чиқариб ташланган

доимий яшаш жойи бўйича рўйхатга олиш учун "Давлат божи тўғрисида"ги Қонунда белгиланган миқдорда давлат божи тўланганлиги тўғрисидаги квитанция. (ЎзР ВМ 28.09.2020 й. 593-сон Қарори таҳриридаги хатбоши) (Олдинги таҳририга қаранг)

4-1. Бошқа ҳудудлардан келган ҳамда бир манзилдан иккинчи манзилга кўчиб ўтаётган вояга етмаганларни доимий яшаш жойи бўйича рўйхатга олиш улар қайд қилинган ота-оналарининг, васий(ҳомий)ларининг кетиш манзил варақаларининг нусхаси асосида, ота-оналарисиз келган ҳолларда эса доимий яшаш жойи бўйича рўйхатга олиш аввалги яшаш жойидаги ички ишлар органлари томонидан туғилганлик ҳақидаги гувоҳнома асосида берилган кетиш манзил варақаси асосида амалга оширилади.

Вояга етмаганлар вақтинча турган жойи бўйича рўйхатга олинмаган ёки доимий яшаш жойи бўйича рўйхатга олинмаган ҳолларда, аввалги яшаш жойи бўйича ТШИИБ МваФРБнинг ушбу ҳолатни тасдиқловчи маълумотномаси асосида доимий яшаш жойи бўйича рўйхатга олинади.

(ЎзР ВМ 28.09.2020 й. 593-сон Қарори таҳриридаги банд) (Олдинги таҳририга қаранг)

5. Тарбиялаш, даволаш ва бошқа муассасалардаги етим болалар, ота-оналарининг қаровисиз қолган болалар, шунингдек, қариялар уйларидаги шахслар кўрсатиб ўтилган муассасалар томонидан берилган турар жой майдонига доимий яшаш жойи бўйича рўйхатга олинади. (ЎзР ВМ 28.09.2020 й. 593-сон Қарори таҳриридаги банд)

6. Турар жой мулкдори ўз оила аъзоларини ва бошқа шахсларни доимий яшаш жойи бўйича рўйхатга олиш ҳуқуқига эга. (ЎзР ВМ 28.09.2020 й. 593-сон Қарори таҳриридаги банд)

7. Бир нечта уйга ёки квартирага эга бўлган мулкдор улардан фақат биттасига доимий яшаш жойи бўйича рўйхатга олиниши мумкин. (ЎзР ВМ 28.09.2020 й. 593-сон Қарори таҳриридаги банд)

8. Ҳарбий хизматга мажбур шахсларни доимий яшаш жойи бўйича рўйхатга олиш улар мудофаа ишлари бўйича бўлимларда ҳарбий ҳисобга қўйилганларидан кейин амалга оширилади. 16 ёшдан 45 ёшгача бўлган фуқаролар ҳарбий ҳисобга қўйилишлари керак. (ЎзР ВМ 28.09.2020 й. 593-сон Қарори таҳриридаги банд)

9. ТШИИББ МваФРБ уч иш куни мобайнида тақдим этилган ҳужжатларнинг тўлиқлигини ва ҳақиқийлигини текширади ҳамда фуқарога белгиланган тартибда доимий яшаш жойи бўйича рўйхатга олишни расмийлаштиради. (ЎзР ВМ 28.09.2020 й. 593-сон Қарори таҳриридаги хатбоши)

Доимий яшаш жойи бўйича рўйхатга олиш мазкур Низомга 1а-иловага мувофиқ схема асосида амалга оширилади. (ЎзР ВМ 28.09.2020 й. 593-сон Қарори таҳриридаги хатбоши) (Олдинги таҳририга қаранг)

3-БОБ. ДОИМИЙ ЯШАШ ЖОЙИ БЎЙИЧА РЎЙХАТДАН

ЧИҚАРИШ ВА РЎЙХАТГА ОЛИНГАНЛИКНИ

БЕКОР ҚИЛИШ ТАРТИБИ

(ЎзР ВМ 28.09.2020 й. 593-сон Қарори таҳриридаги боб номи)

10. Фуқаро рўйхатдан чиқиш учун Қорақалпоғистон Республикаси ва вилоятлар ТШИИББ МваФРБга қуйидаги ҳужжатларни тақдим этади:

ушбу Низомга 2-иловага мувофиқ шакл бўйича ариза;

паспорт ёки туғилганлик тўғрисидаги гувоҳнома;

мудофаа ишлари бўлимидан ҳисобдан ўчирилганлиги ҳақида белгиси мавжуд ҳисоб-ҳарбий ҳужжатлар;

уй дафтари ёки қайд этиш карточкаси ва квартиралар бўйича карточка (ушбу Низомга 3-5-иловалар);

рўйхатдан чиқарганлик учун "Давлат божи тўғрисида"ги Ўзбекистон Республикаси Қонуни билан белгиланган миқдорда давлат божи тўланганлиги тўғрисидаги квитанция. (ЎзР ВМ 16.06.2020 й. 384-сон Қарори таҳриридаги хатбоши)

11. Озодликдан маҳрум этишга ҳукм қилинган шахсларни рўйхатдан чиқариш маҳкумнинг ишончномаси асосида ёки уй-жой биносидан фойдаланиш ҳуқуқини йўқотганлик ҳақидаги суд қарорига мувофиқ амалга оширилади.

12. Вафот этганлар ўлим қайд этилганидан кейин рўйхатдан чиқарилиши лозим

Ўлим тўғрисидаги гувоҳнома шакли Ўзбекистон Республикаси Адлия вазирлиги томонидан белгиланади.

13. Тақдим этилган ҳужжатларда ишончсиз ва ҳақиқатга мувофиқ бўлмаган маълумотлар аниқланган, шунингдек, вилоятларда доимий яшаш жойи бўйича рўйхатга олиниши учун асос бўлган ҳужжатлар қалбакилаштирилганлиги аниқланган тақдирда доимий яшаш жойи бўйича рўйхатга олинганлиги ТШИИББ МваФРБ томонидан бекор қилинади, кейинчалик материаллар тергов органларига юборилади. (ЎзР ВМ 28.09.2020 й. 593-сон Қарори таҳриридаги банд)

14. Доимий яшаш жойи бўйича рўйхатга олинганликни бекор қилиш ёки рўйхатдан чиқариш суд қарорига кўра, шунингдек, қонунда назарда тутилган бошқа ҳолларда ҳам амалга оширилиши мумкин. (ЎзР ВМ 28.09.2020 й. 593-сон Қарори таҳриридаги банд)

15. Рўйхатдан чиқарилганда ёки доимий яшаш жойи бўйича рўйхатга олинганлик бекор қилинганда МваФРБ инспектори уч кун муддатда Қорақалпоғистон Республикаси ИИВ ҳамда вилоятлар ИИБ манзил-маълумотлар бюросига кетиш варақларини (ушбу Низомга 6-илова) юборади. (ЎзР ВМ 28.09.2020 й. 593-сон Қарори таҳриридаги хатбоши)

Рўйхатдан чиқариш мазкур Низом 6а-иловага мувофиқ схема асосида амалга оширилади. (ЎзР ВМ 28.09.2020 й. 593-сон Қарори таҳриридаги хатбоши) (Олдинги таҳририга қаранг)

4-БОБ. ФУҚАРОЛАРНИ ВАҚТИНЧА ТУРГАН

ЖОЙИ БЎЙИЧА РЎЙХАТГА ОЛИШ ТАРТИБИ

(ЎзР ВМ 28.09.2020 й. 593-сон Қарори таҳриридаги боб номи)

16. Фуқарони вилоятда вақтинча турган жойи бўйича рўйхатга олиш (кейинги ўринларда вақтинча рўйхатга олиш деб аталади) фуқарони доимий яшаш жойидан рўйхатдан чиқармасдан ўн кундан бир йил муддатга амалга оширилади. Доимий яшаш жойи бўйича рўйхатга олинмаганлиги вақтинча турган жойи бўйича рўйхатга олишни рад этиш учун асос ҳисобланмайди. (ЎзР ВМ 28.09.2020 й. 593-сон Қарори таҳриридаги хатбоши) (Олдинги таҳририга қаранг)

Вилоятларга ўн кундан ортиқ бўлмаган муддатга келган фуқаролар вақтинча рўйхатга олинмайди. (ЎзР ВМ 28.09.2020 й. 593-сон Қарори таҳриридаги хатбоши) (Олдинги таҳририга қаранг)

17. Вилоятлардаги меҳмонхоналарга, даволаш муассасаларига, санаторийлар, дам олиш уйларига ва шунга ўхшаш бошқа муассасаларга келган фуқароларни вақтинча рўйхатга олиш ушбу муассасаларнинг маъмурияти томонидан, улар келиб жойлашган вақтда, уларнинг бу ерда бўлиш муддатидан ва келишининг даврийлигидан қатъи назар, шахсини тасдиқлайдиган ҳужжатлар асосида "E-Mehmon" автоматлаштирилган ахборот тизимига киритиш орқали амалга оширилади. (ЎзР ВМ 28.09.2020 й. 593-сон Қарори таҳриридаги банд) (Олдинги таҳририга қаранг)

17-1. Вилоятларда вақтинча рўйхатга олиш учун фуқаро келган кунидан бошлаб ўн кун муддатда хоҳишига кўра, ўзига қулай манзилдаги МваФРБга ёки Давлат хизматлари марказларига мурожаат қилади. (ЎзР ВМ 28.09.2020 й. 593-сон Қарори таҳриридаги хатбоши)

Бундан ташқари, фуқаро ЯИДХП орқали мустақил равишда вақтинча рўйхатга олиниши мумкин. (ЎзР ВМ 28.09.2020 й. 593-сон Қарори таҳриридаги хатбоши)

(ЎзР ВМ 28.12.2019 й. 1049-сон Қарорига мувофиқ киритилган банд)

17-2. Вақтинча рўйхатга олиш учун Давлат хизматлари маркази орқали мурожаат қилинган ҳолларда, фуқаро ва турар жой эгаси номидан Давлат хизматлари маркази ходими томонидан, ЯИДХП орқали мурожаат этган тақдирда эса, мустақил равишда ушбу Низомга 7-иловага мувофиқ шаклдаги сўровнома электрон тарзда тўлдирилади. (ЎзР ВМ 28.09.2020 й. 593-сон Қарори таҳриридаги хатбоши)

Сўровнома қуйидаги ҳужжатларга асосан тўлдирилади:

уй-жой мулкдори ва фуқаронинг паспорти;

уй-жой кадастр ҳужжатлари (кадастр паспорти, кўчмас мулк объектларига бўлган ҳуқуқларнинг давлат реестридан кўчирма);

16 ёшга тўлмаган шахслар учун - туғилганлик тўғрисидаги гувоҳнома;

контракт бўйича ҳарбий хизматчининг шахсий гувоҳномаси ёки Ўзбекистон Республикаси Қуролли Кучлари офицерининг шахсий гувоҳномаси (казармалар ва кемалардан ташқарида яшайдиган ҳарбий хизматчилар учун) ва паспорт нусхаси.

Ягона интерактив давлат хизматлари портали орқали хизмат кўрсатилганда ваколатли орган томонидан лозим бўлган маълумотлар идоралараро электрон ҳамкорлик йўли орқали олинади.

(ЎзР ВМ 28.12.2019 й. 1049-сон Қарорига мувофиқ киритилган банд)

17-3. Уй-жой мулкдори (мулкдорлари) номидан нотариал тасдиқланган ишончнома орқали ҳаракатланаётган шахслар фуқарони турар жойга вақтинча рўйхатга олинишига розилик бериш учун МваФР бўлинмасига мурожаат қиладилар. (ЎзР ВМ 28.09.2020 й. 593-сон Қарори таҳриридаги банд) (Олдинги таҳририга қаранг)

17-4. Зарур маълумотлар сўровномага киритилгандан сўнг уй-жой мулкдори (мулкдорлари) уни ўзларининг ЭРИ билан тасдиқлайдилар.

ЭРИ калити бўлмаган ҳолларда, тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.

(ЎзР ВМ 28.12.2019 й. 1049-сон Қарорига мувофиқ киритилган банд)

17-5. Сўровномада нотўғри маълумотлар кўрсатилиши (кадастр ҳужжатлари, паспорт маълумотлари, нотариал тасдиқланган розилик хати), шунингдек, давлат хизмати кўрсатиш учун давлат божини тўламаслик давлат хизмати кўрсатишни рад этиш учун асос ҳисобланади.

Бошқа ҳар қандай ҳолат давлат хизмати кўрсатишни рад этишга асос бўлмайди.

(ЎзР ВМ 28.12.2019 й. 1049-сон Қарорига мувофиқ киритилган банд)

17-6. Фуқаро давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга. (ЎзР ВМ 28.12.2019 й. 1049-сон Қарорига мувофиқ киритилган банд)

17-7. Давлат хизматлари марказларида сўровнома тўлдирилгач, Ўзбекистон Республикаси Ички ишлар вазирлигига (кейинги ўринларда ваколатли орган деб аталади) электрон тизим орқали юборилади. ЯИДХП орқали мурожаат қилинганда эса, сўровнома автоматик тарзда ваколатли органга юборилади. (ЎзР ВМ 28.12.2019 й. 1049-сон Қарорига мувофиқ киритилган банд)

17-8. Сўровнома ваколатли органнинг электрон тизимига ва Ўзбекистон Республикаси Ер ресурслари, геодезия, картография ва давлат кадастри давлат қўмитасига келиб тушган вақтдан бошлаб 1 кун мобайнида мавжуд маълумотлар базасидан уй-жой ва фуқаро ҳақидаги маълумотлар автоматик тарзда текширилади.

Текшириш натижасига кўра, ушбу Низомга 8-иловага мувофиқ вақтинча рўйхатга олиш тўғрисида фуқаронинг шахсини тасдиқлайдиган ҳужжатга BARE-CODE билан ҳимояланган қайд варағини (кейинги ўринларда қайд варағи деб аталади) тегишли Давлат хизматлари марказига (ўзи келиб мурожаат қилган тақдирда) ёки ариза берувчига (электрон тарзда мурожаат этган тақдирда) ЯИДХП орқали электрон тарзда юборилади. (ЎзР ВМ 28.09.2020 й. 593-сон Қарори таҳриридаги хатбоши)

(ЎзР ВМ 28.12.2019 й. 1049-сон Қарорига мувофиқ киритилган банд)

17-9. Қўшимча текшириш талаб этилган ҳолларда эса, электрон тизим орқали тегишли маълумотнома Давлат хизматлари марказига юборилади.

Бунда қўшимча текшириш муддати 3 кундан ошмаслиги лозим.

(ЎзР ВМ 28.12.2019 й. 1049-сон Қарорига мувофиқ киритилган банд)

17-10. Давлат хизматлари маркази қайд варағи келиб тушгандан сўнг уни фуқаронинг электрон манзилига юборади ва фуқарони бу ҳақда ахборот-коммуникация тизими орқали хабардор қилади.

Фуқаронинг сўровига кўра, унга қайд варағи қоғоз шаклда мурожаат қилган Давлат хизматлари марказининг муҳри билан тасдиқланган ҳолда тақдим этилиши мумкин.

(ЎзР ВМ 28.12.2019 й. 1049-сон Қарорига мувофиқ киритилган банд)

17-11. Давлат хизматлари марказлари ва ваколатли орган ўртасидаги ахборот алмашинуви ЭРИ мажбурий тартибда қўллаш орқали фақат ҳимояланган идоралараро электрон ўзаро боғланиш ёрдамида амалга оширилади. (ЎзР ВМ 28.12.2019 й. 1049-сон Қарорига мувофиқ киритилган банд)

17-12. Давлат хизматлари маркази ва ЯИДХП орқали Давлат хизмати кўрсатиш мазкур Низомга 9-иловага мувофиқ схема асосида амалга оширилади. (ЎзР ВМ 28.12.2019 й. 1049-сон Қарорига мувофиқ киритилган банд)

18. Вақтинча рўйхатга олиш учун МваФРБга мурожаат қилган фуқаролар қуйидаги ҳужжатларни тақдим этади: (ЎзР ВМ 28.09.2020 й. 593-сон Қарори таҳриридаги хатбоши) (Олдинги таҳририга қаранг)

ушбу Низомга 9а-иловага мувофиқ шаклдаги ариза; (ЎзР ВМ 28.12.2019 й. 1049-сон Қарори таҳриридаги хатбоши)

паспорт;

контракт бўйича ҳарбий хизматчининг шахсий гувоҳномаси ёки Ўзбекистон Республикаси Қуролли Кучлари офицерининг шахсий гувоҳномаси (казармалар, корабллар ва кемалардан ташқарида яшайдиган ҳарбий хизматчилар учун);

туғилганлик тўғрисидаги гувоҳнома ва 35 х 45 мм ўлчамдаги иккита расм  16 ёшга тўлмаган шахслар учун;

уй-жой мулкдорининг (мулкдорларининг) турар жой майдони бериш тўғрисидаги аризаси (розилиги);

уй-жой ҳужжатларининг асл нусхаси (нусхалари олиниб, асли қайтарилади);

вақтинча рўйхатга олинганлик учун "Давлат божи тўғрисида"ги Ўзбекистон Республикаси Қонуни билан белгиланган миқдорда давлат божи тўланганлиги тўғрисидаги квитанция. (ЎзР ВМ 28.09.2020 й. 593-сон Қарори таҳриридаги хатбоши) (Олдинги таҳририга қаранг)

Уй-жой мулкдори (мулкдорлари) томонидан турар жой майдони бериш тўғрисидаги аризаси (розилиги) билан бирга вақтинча рўйхатга олиниши лозим бўлган фуқароларнинг шахсини тасдиқловчи ҳужжатлари тақдим қилинганда, ушбу фуқароларнинг шахсан ўзлари келиши талаб этилмайди. (ЎзР ВМ 28.09.2020 й. 593-сон Қарори таҳриридаги хатбоши) (Олдинги таҳририга қаранг)

19. Мазкур Низомнинг 18-бандида кўрсатилган тегишли ҳужжатлар тўлиқ тақдим этилгандан кейин ТШИИБ МваФРБ инспектори аризани мазкур Низомга 9б-иловага мувофиқ шаклдаги Фуқароларнинг вақтинча рўйхатга олиниши юзасидан ёзган аризаларини қайд этиш китобида рўйхатдан ўтказади, шунингдек, тақдим этилган ҳужжатларни ўрганиб чиқиб, шу куннинг ўзида ариза берувчига BARE-CODE билан ҳимояланган қайд варағини (кейинги ўринларда - вақтинча рўйхатга олиш тўғрисидаги қайд варағи) беради.

Вақтинча рўйхатга олиш тўғрисидаги қайд варағи фуқаронинг вақтинча турган жойи бўйича рўйхатга олинганлигини тасдиқлайдиган ҳужжат ҳисобланади ва паспорт, ҳарбий хизматчининг шахсий гувоҳномаси ёки туғилганлик тўғрисидаги гувоҳнома (16 ёшга тўлмаган шахслар учун) кўрсатилган тақдирда, унда кўрсатилган муддат мобайнида ҳақиқийдир.

ТШИИБ МваФРБ инспектори қайд варағини расмийлаштириб беришда фуқарога қайта вақтинча рўйхатга олиш тартибини ва ариза топшириш муддатини тушунтиради.

Миграция хизматлари орқали вақтинча турган жойи бўйича рўйхатга олиш мазкур Низомга 9в-иловага мувофиқ схема асосида амалга оширилади.

(ЎзР ВМ 28.09.2020 й. 593-сон Қарори таҳриридаги банд) (Олдинги таҳририга қаранг)

20. Ариза берувчининг паспортига ва турар жойнинг уй дафтарига (қайд этиш карточкасига) вақтинча рўйхатга олиш тўғрисида белги қўйилмайди. (ЎзР ВМ 28.09.2020 й. 593-сон Қарори таҳриридаги банд)

21. Вилоятда вақтинча рўйхатга олинган фуқаро вақтинча рўйхатга олиш жойида яшаши шарт. (ЎзР ВМ 28.09.2020 й. 593-сон Қарори таҳриридаги банд)

22. Таълим муассасаларига ўқишга келган фуқароларни МваФРБ инспектори томонидан вақтинча турган жойи бўйича рўйхатга олиш турар жойи (уй-жой майдони) бўйича амалга оширилади. Бунда таълим муассасаси томонидан фуқаронинг ўқишга қабул қилинганлиги тўғрисидаги буйруқдан кўчирма, унинг шахсини тасдиқловчи ҳужжатидан нусха (16 ёшга тўлмаган шахслар учун туғилганлик тўғрисидаги гувоҳнома, 35х45 мм. ўлчамли иккита фотосурат) ва таълим муассасаси томонидан турар жой билан таъминланганлиги тўғрисида маълумотнома ҳудудий ТШИИБ МваФРБга тақдим этилади. Агар фуқаро олий таълим муассасасига қабул қилинган бўлса, вақтинча турган жойи бўйича рўйхатга олиш учун давлат божи тўлаши лозим бўлади. (ЎзР ВМ 28.09.2020 й. 593-сон Қарори таҳриридаги хатбоши) (Олдинги таҳририга қаранг)

Фуқаро таълим муассасасининг турар жойидан бошқа турар жойда яшаш истагини билдирганда, мазкур Низомнинг 17-2 ва 18-бандларида кўрсатилган тегишли ҳужжатлар асосида фуқаро танлаган жойидаги ТШИИБ МваФРБ томонидан вақтинча турган жойи бўйича рўйхатга олинади. (ЎзР ВМ 28.09.2020 й. 593-сон Қарори таҳриридаги хатбоши) (Олдинги таҳририга қаранг)

ЎзР ВМ 28.12.2019 й. 1049-сон Қарорига мувофиқ иккинчи ва учинчи хатбошилар учинчи ва тўртинчи хатбошилар деб ҳисоблансин

Ўқиш вилоятдан ташқарида жойлашган бошқа таълим муассасасига кўчирилган, фуқаро академик таътил олган ёки таълим муассасасидан ўқишдан четлатилган тақдирда ушбу муассасалар раҳбарияти тегишли қарор қабул қилинган кунда бу ҳақда фуқарони вақтинча рўйхатга олишни расмийлаштирган миграция ва фуқароликни расмийлаштириш бўлимини хабардор қилади. (ЎзР ВМ 28.09.2020 й. 593-сон Қарори таҳриридаги хатбоши)

Таълим муассасаси раҳбариятининг билдиришномаси асосида миграция ва фуқароликни расмийлаштириш бўлими вақтинча рўйхатга олишни бекор қилади. (ЎзР ВМ 28.09.2020 й. 593-сон Қарори таҳриридаги хатбоши)

22-1. Давлат хизматлари кўрсатиш учун базавий ҳисоблаш миқдорининг 2 фоизи миқдорида давлат божи ундирилади.

Давлат божи суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

20 фоизи - тегишлича Ўзбекистон Республикаси Адлия вазирлиги ҳузуридаги Давлат хизматлари агентлигининг бюджетдан ташқари жамғармасига йўналтирилади;

10 фоизи - Ўзбекистон Республикаси Ички ишлар вазирлигининг бюджетдан ташқари жамғармасига йўналтирилади;

қолган маблағлар - Ўзбекистон Республикасининг Давлат бюджетига ҳисобига ўтказилади;

б) МваФРБга ўзи келиб мурожаат этганда:

10 фоизи - Ўзбекистон Республикаси Ички ишлар вазирлигининг бюджетдан ташқари жамғармасига йўналтирилади;

қолган маблағлар - Ўзбекистон Республикасининг Давлат бюджетига ҳисобига ўтказилади;

в) ЯИДХП орқали мурожаат этилганда:

10 фоизи - Ўзбекистон Республикаси Адлия вазирлиги ҳузуридаги Давлат хизматлари агентлигининг бюджетдан ташқари жамғармасига йўналтирилади;

10 фоизи - Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги "Электрон ҳукумат ва рақамли иқтисодиёт лойиҳаларини бошқариш маркази" ДУКнинг ҳисобрақамига ўтказилади;

10 фоизи - Ўзбекистон Республикаси Ички ишлар вазирлигининг бюджетдан ташқари жамғармасига йўналтирилади;

қолган маблағлар - Ўзбекистон Республикасининг Давлат бюджетига ҳисобига ўтказилади.

Хизмат кўрсатишдан Ўзбекистон Республикаси Ички ишлар вазирлиги бюджетдан ташқари жамғармасининг шахсий ҳисобрақамига тушган маблағлар миграция ва фуқароликни расмийлаштириш хизматининг моддий-техник базасини мустаҳкамлашда ва ходимларни рағбатлантиришда фойдаланилади.

(ЎзР ВМ 28.12.2019 й. 1049-сон Қарорига мувофиқ киритилган банд)

23. Вақтинча турган жойи бўйича рўйхатга олишни қайта расмийлаштириш ушбу Низомнинг 17-1 ва 18-бандларида назарда тутилган тартибда амалга оширилади. (ЎзР ВМ 28.09.2020 й. 593-сон Қарори таҳриридаги банд) (Олдинги таҳририга қаранг)

24. Қуйидагилар:

вилоятда вақтинча рўйхатга олиш жойи бўйича турган вақтида мунтазам равишда ҳуқуқбузарликлар содир этилиши; (ЎзР ВМ 28.09.2020 й. 593-сон Қарори таҳриридаги хатбоши)

шахснинг вилоятда бундан буён бўлиши жамоат тартиби бузилиши учун шарт-шароитлар яратиши тўғрисидаги маълумотларнинг мавжудлиги;

ушбу Низомнинг 10-бандида назарда тутилган ҳужжатларда нотўғри маълумотларнинг мавжудлиги вақтинча рўйхатга олишни расмийлаштириш рад этилиши учун асос ҳисобланади. (ЎзР ВМ 28.09.2020 й. 593-сон Қарори таҳриридаги хатбоши)

Фуқароларнинг вақтинча рўйхатга олиниши рад этилган тақдирда миграция ва фуқароликни расмийлаштириш бўлими инспектори томонидан хулоса тузилади, ушбу хулоса миграция ва фуқароликни расмийлаштириш бўлими бошлиғи томонидан тасдиқланади, унда рад этишнинг аниқ асослари кўрсатилган бўлиши керак. (ЎзР ВМ 28.09.2020 й. 593-сон Қарори таҳриридаги хатбоши)

Вақтинча рўйхатга олишни расмийлаштириш рад этилиши устидан суд тартибида шикоят қилиш мумкин. (ЎзР ВМ 28.09.2020 й. 593-сон Қарори таҳриридаги хатбоши)

25. Вақтинча рўйхатга олиш тўғрисидаги қайд варағи йўқолган ёки яроқсиз ҳолга келган тақдирда фуқаро тегишли МваФРБга ўз шахсини тасдиқлайдиган ҳужжатни тақдим этган ҳолда қайд варағи йўқолиши ёки яроқсиз ҳолга келиши ҳолатларини кўрсатиб, ҳисобга олиш тўғрисидаги қайд варағининг дубликати расмийлаштирилиши тўғрисидаги аризани тақдим этади. (ЎзР ВМ 28.09.2020 й. 593-сон Қарори таҳриридаги хатбоши)

МваФРБ инспектори кўрсатилган турган жойда ушбу фуқаронинг вақтинча рўйхатга олиниши тўғрисидаги маълумотлар мавжудлигини текширади. Улар тасдиқланган тақдирда ариза берувчига ўша куннинг ўзида вақтинча рўйхатга олиш тўғрисидаги қайд варағининг дубликати расмийлаштирилади. (ЎзР ВМ 28.09.2020 й. 593-сон Қарори таҳриридаги хатбоши)

25-1. Вақтинча рўйхатга олишни бекор қилиш таълим муассасаси раҳбарияти ва иш берувчининг билдиришномаси, уй-жой мулкдори (мулкдорлари) ёки фуқаронинг ташаббуси билан амалга оширилади. (ЎзР ВМ 28.09.2020 й. 593-сон Қарори таҳриридаги хатбоши)

ТШИИБ МваФРБлар фуқаро ва уй-жой мулкдори (мулкдорлари) ўртасида тузилган ижара шартномаси бекор қилинганлигини тасдиқловчи ҳужжат тақдим этилгандан сўнг фуқарони вақтинча рўйхатга олишни бекор қилади. (ЎзР ВМ 28.09.2020 й. 593-сон Қарори таҳриридаги хатбоши)

(ЎзР ВМ 28.12.2019 й. 1049-сон Қарорига мувофиқ киритилган банд)

26. Миграция ва фуқароликни расмийлаштириш бўлими инспектори ариза берувчига вақтинча рўйхатга олиш тўғрисидаги қайд варағи бергандан кейин вақтинча рўйхатга олинган фуқаролар тўғрисидаги маълумотларни МваФРББнинг компьютер маълумотлар базасига киритади. (ЎзР ВМ 28.09.2020 й. 593-сон Қарори таҳриридаги хатбоши)

МваФРБ инспектори фуқаронинг вақтинча рўйхатга олинганлиги тўғрисидаги келиш варақасини (ушбу Низомга 10-илова) тўлдиради ва бир сутка мобайнида уларни Қорақалпоғистон Республикаси ИИВ ёки вилоятлар ИИБнинг манзил-маълумотномалар бюросига юборади. (ЎзР ВМ 28.09.2020 й. 593-сон Қарори таҳриридаги хатбоши)

Вилоятлардаги меҳмонхоналар, даволаш муассасалари, санаторийлар, дам олиш уйлари ва шунга ўхшаш бошқа ташкилотларнинг масъул шахслари улар келиб жойлашган вақтда ушбу ташкилотларга келган фуқаролар ҳақидаги маълумотларни Интернет тармоғи орқали ихтисослаштирилган электрон автоматлаштирилган дастурга (кейинги ўринларда Дастур деб аталади) киритиб қўядилар. (ЎзР ВМ 10.07.2020 й. 433-сон Қарори таҳриридаги хатбоши)

Миграция ва фуқароликни расмийлаштириш бўлими фуқароларни вақтинча рўйхатга олиш тўғрисидаги маълумотлар компьютер маълумотлар базасига киритилгандан кейин уларни реал вақт режимида маълумотларни узатишнинг идоравий тармоғи бўйича Ички ишлар вазирлигининг Миграция ва фуқароликни расмийлаштириш бош бошқармасининг (МваФРББ) марказий маълумотлар базасига юборади. (ЎзР ВМ 28.09.2020 й. 593-сон Қарори таҳриридаги хатбоши)

27. Ички ишлар органи таянч пунктининг профилактика инспекторлари ўзлари хизмат кўрсатадиган ҳудудда паспорт режими қоидаларига риоя этилиши устидан назоратни амалга оширадилар.

5-БОБ. ЯКУНЛОВЧИ ҚОИДАЛАР

28. Ушбу Низом талабларига риоя этилишини назорат қилиш ички ишлар органлари ва маҳаллий давлат ҳокимияти органлари томонидан амалга оширилади.

28-1. Фуқаролардан мазкур Низомда кўрсатилгандан ташқари бошқа ҳужжатларни тақдим этишни талаб қилиш, "Давергеодезкадастр" қўмитасининг базасида мавжуд бўлмаган ҳамда кадастр рақами бўлмаган турар жойларга доимий яшаш ва турган жойи бўйича рўйхатга олиш ҳамда рўйхатдан чиқариш қатъиян тақиқланади. (ЎзР ВМ 28.09.2020 й. 593-сон Қарори таҳриридаги банд) (Олдинги таҳририга қаранг)

28-2. ТШИИБ МваФРБ томонидан доимий яшаш ва турган жойи бўйича рўйхатга олиш ҳамда рўйхатдан чиқариш учун тақдим қилинган ҳужжатларнинг нусхалари асли билан бир хиллиги текширилиб, қабул қилинади ва уларнинг нусхалари муҳр билан тасдиқланади. (ЎзР ВМ 28.09.2020 й. 593-сон Қарори таҳриридаги банд) (Олдинги таҳририга қаранг)

29. Турар жой бўлмаган биноларга фуқароларни доимий яшаш ва вақтинча турган жойи бўйича рўйхатга олишни расмийлаштириш тақиқланади. (ЎзР ВМ 28.09.2020 й. 593-сон Қарори таҳриридаги банд)

30. Вилоятларда доимий яшаш жойи ва вақтинча турган жойи бўйича рўйхатга олинмаган фуқароларнинг яшаши учун турар жой майдони тақдим этадиган уй-жой мулкдори (мулкдорлари) турар жой майдони берилган кундан бошлаб ўн кун мобайнида ушбу шахслар тўғрисида ички ишлар органларини хабардор қилиши шарт. (ЎзР ВМ 28.09.2020 й. 593-сон Қарори таҳриридаги банд) (Олдинги таҳририга қаранг)

31. Чегара зонасида жойлашган аҳоли пунктларида доимий яшаш жойи ва вақтинча турган жойи бўйича рўйхатга олиниши учун ушбу зонага киришга яшаш жойи бўйича ички ишлар органларидан чегара зонасига киришдан олдин белгиланган тартибда олинган рухсатнома ҳам тақдим этилади. (ЎзР ВМ 28.09.2020 й. 593-сон Қарори таҳриридаги банд)

32. Фуқарони доимий яшаш ва турган жойи бўйича рўйхатга олиш ҳамда рўйхатдан чиқариш белгиланган тартибда расмийлаштирилган ишончнома асосида ҳам амалга оширилиши мумкин. (ЎзР ВМ 28.09.2020 й. 593-сон Қарори таҳриридаги банд)

33. Ушбу Низом талаблари бузилишида айбдор бўлган шахслар қонун ҳужжатларига мувофиқ жавоб берадилар.

*) BARE-CODE билан ҳимояланган қайд варағи 2019 йил 1 апрелдан бошлаб амалга киритилади.

Низомга

1-ИЛОВА

Доимий яшаш жойи бўйича рўйхатга олиш тўғрисида

АРИЗА

(ЎзР ВМ 28.09.2020 й. 593-сон Қарори таҳриридаги илова номи)

Бир вақтнинг ўзида мен билан қуйидаги қариндошларимни доимий яшаш жойи бўйича рўйхатга олишни сўрайман: (ЎзР ВМ 28.09.2020 й. 593-сон Қарори таҳриридаги хатбоши)

  

Изоҳ. Вояга етмаган ариза берувчилар учун ота-оналар ёки уларнинг ўрнини босувчилар ишончли шахслар ҳисобланади.

Низомга

1а-ИЛОВА

ЎзР ВМ 28.12.2019 й. 1049-сон Қарорига мувофиқ киритилган илова

Фуқарони доимий яшаш жойи бўйича рўйхатга олиш

СХЕМАСИ

(ЎзР ВМ 28.09.2020 й. 593-сон Қарори таҳриридаги илова номи)

   

Низомга

2-ИЛОВА

Доимий яшаш жойи бўйича рўйхатга олинган

манзилдан рўйхатдан чиқариш тўғрисида

АРИЗА

(ЎзР ВМ 28.09.2020 й. 593-сон Қарори таҳриридаги илова номи)

Бир вақтнинг ўзида мен билан қуйидаги вояга етмаган болаларни (васийлигимдагиларни) доимий яшаш жойи бўйича рўйхатга олинган манзилдан рўйхатдан чиқаришингизни сўрайман: (ЎзР ВМ 28.09.2020 й. 593-сон Қарори таҳриридаги хатбоши)

  

Изоҳ. Вояга етмаган ариза берувчилар учун ота-оналар ёки уларнинг ўрнини босувчилар ишончли шахслар ҳисобланади.

Низомга

3-ИЛОВА

______-уйда яшовчи фуқароларни доимий

яшаш жойи бўйича рўйхатга олиш учун

УЙ ДАФТАРИ

(ЎзР ВМ 28.09.2020 й. 593-сон Қарори таҳриридаги илова номи)

1-бет

1-бўлим. Дафтарни юритиш ва уйда доимий яшаш жойи бўйича

рўйхатга олиш бўйича масъул шахслар ҳақидаги маълумотлар

(ЎзР ВМ 28.09.2020 й. 593-сон Қарори таҳриридаги бўлим номи)

2-бет

2-бўлим. Уйга доимий яшаш жойи бўйича рўйхатга

олиш ва дафтарларни юритиш ҳолати бўйича

мансабдор шахсларнинг қайдлари

(ЎзР ВМ 28.09.2020 й. 593-сон Қарори таҳриридаги бўлим номи)

3-бўлим. Доимий яшаш жойи бўйича рўйхатга олиш

(ЎзР ВМ 28.09.2020 й. 593-сон Қарори таҳриридаги бўлим номи)

Низомга

4-ИЛОВА

ҚАЙД ЭТИШ КАРТОЧКАСИ

Низомга

5-ИЛОВА

КВАРТИРАЛАР БЎЙИЧА КАРТОЧКА

    

    

Низомга

6-ИЛОВА

      

    

Низомга

6а-ИЛОВА

ЎзР ВМ 28.12.2019 й. 1049-сон Қарорига мувофиқ киритилган илова

Фуқарони доимий яшаш жойи бўйича рўйхатга

олинган манзилдан рўйхатдан чиқариш

СХЕМАСИ

(ЎзР ВМ 28.09.2020 й. 593-сон Қарори таҳриридаги илова номи)

   

Низомга

7-ИЛОВА

ЎзР ВМ 28.12.2019 й. 1049-сон Қарори таҳриридаги илова (Олдинги таҳририга қаранг)

Вақтинча турган жойи бўйича рўйхатга олиш учун

СЎРОВНОМА

(ЎзР ВМ 28.09.2020 й. 593-сон Қарори таҳриридаги илова номи)

Уй-жой мулкдори (мулкдорларининг) ЭРИси

Низомга

8-ИЛОВА

ЎзР ВМ 28.12.2019 й. 1049-сон Қарори таҳриридаги илова (Олдинги таҳририга қаранг)

      

Вақтинча рўйхатга олиш тўғрисидаги қайд варағи фуқаронинг вақтинча турган жойи бўйича рўйхатга олинганлигини тасдиқлайдиган ҳужжат ҳисобланади ва паспорт, ҳарбий хизматчининг шахсий гувоҳномаси ёки туғилганлик тўғрисидаги гувоҳнома (16 ёшга тўлмаган шахслар учун) кўрсатилган тақдирда, унда кўрсатилган муддат мобайнида ҳақиқийдир. (ЎзР ВМ 28.09.2020 й. 593-сон Қарори таҳриридаги хатбоши)

Низомга

9-ИЛОВА

ЎзР ВМ 28.12.2019 й. 1049-сон Қарори таҳриридаги илова (Олдинги таҳририга қаранг)

Вақтинча турган жойи бўйича рўйхатга олишнинг

СХЕМАСИ

(ЎзР ВМ 28.09.2020 й. 593-сон Қарори таҳриридаги илова номи)

   

Низомга

9а-ИЛОВА

ЎзР ВМ 28.12.2019 й. 1049-сон Қарорига мувофиқ киритилган илова

Вақтинча турган жойи бўйича рўйхатга олиш тўғрисида

АРИЗА

(ЎзР ВМ 28.09.2020 й. 593-сон Қарори таҳриридаги илова номи)

Қуйидаги манзил бўйича вақтинча турган жойи бўйича рўйхатга олишингизни сўрайман: _______туман (шаҳар), _____кўча ___ (квартал)____уй,___корпус ____хонадон. (ЎзР ВМ 28.09.2020 й. 593-сон Қарори таҳриридаги хатбоши)

Бир вақтнинг ўзида мен билан қуйидаги оила аъзоларимни вақтинча турган жойи бўйича рўйхатга олишингизни сўрайман: (ЎзР ВМ 28.09.2020 й. 593-сон Қарори таҳриридаги хатбоши)

Менга қайта вақтинча турган жойи бўйича рўйхатга олиш тартиби ва ариза бериш муддати тушунтирилди. (ЎзР ВМ 28.09.2020 й. 593-сон Қарори таҳриридаги хатбоши)

________ серияли _____________ - сонли қайд варағини олдим.

Изоҳ. Ариза берувчи учун ишончли вакиллар, вояга етмаганлар учун эса ота-оналар, васий (ҳомий)лар вакил ҳисобланади.

Низомга

9б-ИЛОВА

ЎзР ВМ 28.12.2019 й. 1049-сон Қарорига мувофиқ киритилган илова

Қорақалпоғистон Республикаси Ички ишлар вазирлиги /

___________вилояти Ички ишлар бошқармаси

__________туман (шаҳар) ИИБ МваФРБ

Фуқароларнинг вақтинча турган жойи бўйича рўйхатга

олиниши юзасидан ёзган аризаларини қайд этиш

КИТОБИ

(ЎзР ВМ 28.09.2020 й. 593-сон Қарори таҳриридаги илова номи)

Бошланди: 20____ йил "_____" __________________

Тамом бўлди: 20____ йил "_____" ____________________

Чап томони

Ўнг томони

Низомга

9в-ИЛОВА

ЎзР ВМ 28.12.2019 й. 1049-сон Қарорига мувофиқ киритилган илова

Вақтинча турган жойи бўйича рўйхатга олишнинг

СХЕМАСИ

(ЎзР ВМ 28.09.2020 й. 593-сон Қарори таҳриридаги илова номи)

Низомга

10-ИЛОВА

      

    

ЎзР ВМ 28.09.2020 й. 593-сон Қароридан олдинги таҳрири

2-банднинг олдинги таҳрири

2. Фуқаролар қонун ҳужжатларига мувофиқ доимий яшаш жойларида пропискадан ўтишлари ва/ёки турган жойларида ҳисобда туришлари шарт.

Агар қонун ҳужжатларида бошқача тартиб назарда тутилмаган бўлса, турган жойи бўйича ҳисобга олинмаганлиги ёки доимий пропискада турмаганлиги фуқарога хизмат кўрсатишни рад этиш учун асос деб ҳисобланиши мумкин эмас.

Фуқаролар янги яшаш жойига келган кунларидан бошлаб ўн кун мобайнида доимий пропискада туриш ёки ҳисобга қўйиш учун ҳужжатларни тақдим этишлари шарт. (ЎзР ВМ 28.12.2019 й. 1049-сон Қарори таҳриридаги хатбоши)

16 ёшга тўлмаган шахсларни доимий прописка қилиш ва ҳисобга олиш уларнинг ота-оналари ёки уларнинг ўрнини босувчи шахсларнинг хоҳишига қараб ихтиёрий асосда амалга оширилади.

4-банд саккизинчи хатбошининг олдинги таҳрири

прописка учун "Давлат божи тўғрисида"ги Ўзбекистон Республикаси Қонуни билан белгиланган миқдорда давлат божи тўланганлиги тўғрисидаги квитанция. (ЎзР ВМ 16.06.2020 й. 384-сон Қарори таҳриридаги хатбоши)

4-1-банднинг олдинги таҳрири

4-1. Бошқа ҳудудлардан келган ҳамда бир манзилдан иккинчи манзилга кўчиб утаётган вояга етмаганларни доимий прописка қилиш улар қайд қилинган ота-оналарининг, васий(ҳомий)ларининг кетиш манзил варақаларининг нусхаси асосида, ота-оналарисиз келган ҳолларда эса доимий прописка қилиш аввалги яшаш жойидаги ички ишлар органлари томонидан туғилганлик ҳақидаги гувоҳнома асосида берилган кетиш манзил варақаси асосида амалга оширилади.

Вояга етмаганлар қайд қилинмаган ёки доимий прописка қилинмаган ҳолларда, аввалги яшаш жойи бўйича ТШИИБ МваФРБнинг ушбу ҳолатни тасдиқловчи маълумотномаси асосида прописка қилинади.

(ЎзР ВМ 28.12.2019 й. 1049-сон Қарорига мувофиқ киритилган банд)

9-банд иккинчи хатбошининг олдинги таҳрири

Доимий прописка қилиш мазкур Низомга 1а-иловага мувофиқ схема асосида амалга оширилади. (ЎзР ВМ 28.12.2019 й. 1049-сон Қарорига мувофиқ киритилган хатбоши)

15-банд иккинчи хатбошининг олдинги таҳрири

Доимий пропискадан чиқариш мазкур Низом 6а-иловага мувофиқ схема асосида амалга оширилади. (ЎзР ВМ 28.12.2019 й. 1049-сон Қарорига мувофиқ киритилган хатбоши)

16-банд биринчи хатбошининг олдинги таҳрири

16. Фуқарони вилоятда турган жойи бўйича ҳисобга олиш (кейинги ўринларда ҳисобга олиш деб аталади) фуқарони доимий яшаш жойидан пропискадан чиқармасдан ўн кундан бир йил муддатга амалга оширилади. Доимий прописканинг йўқлиги турган жойи бўйича ҳисобга олишни рад этиш учун асос ҳисобланмайди. (ЎзР ВМ 28.12.2019 й. 1049-сон Қарори таҳриридаги хатбоши)

16-банд иккинчи хатбошининг олдинги таҳрири

Вилоятларга ўн кундан ортиқ бўлмаган муддатга келган фуқаролар ҳисобга олинмайди. (ЎзР ВМ 28.12.2019 й. 1049-сон Қарори таҳриридаги хатбоши)

17-банднинг олдинги таҳрири

17. Вилоятлардаги меҳмонхоналарга, даволаш муассасаларига, санаторийлар, дам олиш уйларига ва шунга ўхшаш бошқа муассасаларга келган фуқароларни ҳисобга олиш ушбу муассасаларнинг маъмурияти томонидан, улар келиб жойлашган вақтда, уларнинг бу ерда бўлиш муддатидан ва келишининг даврийлигидан қатъи назар, шахсини тасдиқлайдиган ҳужжатлар асосида "E-Mehmon" автоматлаштирилган ахборот тизимига киритиш орқали амалга оширилади. (ЎзР ВМ 10.07.2020 й. 433-сон Қарори таҳриридаги банд) (Олдинги таҳририга қаранг)

17-3-банднинг олдинги таҳрири

17-3. Уй-жой мулкдори (мулкдорлари) номидан нотариал тасдиқланган ишончнома орқали ҳаракатланаётган шахслар фуқарони турар жойга ҳисобга қўйишга розилик бериш учун МваФР бўлинмасига мурожаат қиладилар. (ЎзР ВМ 28.12.2019 й. 1049-сон Қарорига мувофиқ киритилган банд)

18-банд биринчи хатбошининг олдинги таҳрири

18. Ҳисобда туриш учун МваФРБга мурожаат қилган фуқаролар қуйидаги ҳужжатларни тақдим этади: (ЎзР ВМ 28.12.2019 й. 1049-сон Қарори таҳриридаги хатбоши) (Олдинги таҳририга қаранг)

18-банд саккизинчи хатбошининг олдинги таҳрири

ҳисобга олинганлик учун "Давлат божи тўғрисида"ги Ўзбекистон Республикаси Қонуни билан белгиланган миқдорда давлат божи тўланганлиги тўғрисидаги квитанция. (ЎзР ВМ 16.06.2020 й. 384-сон Қарори таҳриридаги хатбоши)

18-банд тўққизинчи хатбошининг олдинги таҳрири

Уй-жой мулкдори (мулкдорлари) томонидан турар жой майдони бериш тўғрисидаги аризаси (розилиги) билан бирга ҳисобга туриши лозим бўлган фуқароларнинг шахсини тасдиқловчи ҳужжатлари тақдим қилинганда, ушбу фуқароларнинг шахсан ўзлари келиши талаб этилмайди. (ЎзР ВМ 28.12.2019 й. 1049-сон Қарорига мувофиқ киритилган хатбоши)

19-банднинг олдинги таҳрири

19. Мазкур Низомнинг 18-бандида кўрсатилган тегишли ҳужжатлар тўлиқ тақдим этилгандан кейин ТШИИБ МваФРБ инспектори аризани мазкур Низомга 9б-иловага мувофиқ шаклдаги Фуқароларнинг турган жойи бўйича ҳисобга олиниши юзасидан ёзган аризаларини қайд этиш китобида рўйхатдан ўтказади, шунингдек, тақдим этилган ҳужжатларни ўрганиб чиқиб, шу куннинг ўзида ариза берувчига BARE-CODE билан ҳимояланган қайд варағини (кейинги ўринларда ҳисобга олиш тўғрисидаги қайд варағи деб аталади) беради.

Ҳисобга олиш тўғрисидаги қайд варағи фуқаронинг турган жойида ҳисобга олинганлигини тасдиқлайдиган ҳужжат ҳисобланади ва паспорт, ҳарбий хизматчининг шахсий гувоҳномаси ёки туғилганлик тўғрисидаги гувоҳнома (16 ёшга тўлмаган шахслар учун) кўрсатилган тақдирда, унда кўрсатилган муддат мобайнида ҳақиқийдир.

ТШИИБ МваФРБ инспектори қайд варағини расмийлаштириб беришда фуқарога қайта ҳисобга олиш тартибини ва ариза топшириш муддатини тушунтиради.

Миграция хизматлари орқали турган жойи бўйича ҳисобга олиш мазкур Низомга 9в-иловага мувофиқ схема асосида амалга оширилади.

(ЎзР ВМ 28.12.2019 й. 1049-сон Қарори таҳриридаги банд) (Олдинги таҳририга қаранг)

22-банд биринчи хатбошининг олдинги таҳрири

22. Таълим муассасаларига ўқишга келган фуқароларни МваФРБ инспектори томонидан ҳисобга олиш турар жойи (уй-жой майдони) бўйича амалга оширилади. Бунда таълим муассасаси томонидан фуқаронинг ўқишга қабул қилинганлиги тўғрисидаги буйруқдан кўчирма, унинг шахсини тасдиқловчи ҳужжатидан нусха (16 ёшга тўлмаган шахслар учун туғилганлик тўғрисидаги гувоҳнома, 35х45 мм. ўлчамли иккита фотосурат) ва таълим муассасаси томонидан турар жой билан таъминланганлиги тўғрисида маълумотнома ҳудудий ТШИИБ МваФРБга тақдим этилади. Агар фуқаро олий таълим муассасасига қабул қилинган бўлса, ҳисобга олиш учун давлат божи тўлаши лозим бўлади. (ЎзР ВМ 28.12.2019 й. 1049-сон Қарори таҳриридаги хатбоши)

22-банд иккинчи хатбошининг олдинги таҳрири

Фуқаро таълим муассасасининг турар жойидан бошқа турар жойда яшаш истагини билдирганда, мазкур Низомнинг 17-2 ва 18-бандларида кўрсатилган тегишли ҳужжатлар асосида фуқаро танлаган жойидаги ТШИИБ МваФРБ томонидан ҳисобга олинади. (ЎзР ВМ 28.12.2019 й. 1049-сон Қарорига мувофиқ киритилган хатбоши)

23-банднинг олдинги таҳрири

23. Ҳисобга олишни қайта расмийлаштириш ушбу Низомнинг 17-1 ва 18-бандларида назарда тутилган тартибда амалга оширилади. (ЎзР ВМ 28.12.2019 й. 1049-сон Қарори таҳриридаги банд)

28-1-банднинг олдинги таҳрири

28-1. Фуқаролардан мазкур Низомда кўрсатилгандан ташқари бошқа ҳужжатларни тақдим этишни талаб қилиш, "Давергеодезкадастр" қўмитасининг базасида мавжуд бўлмаган ҳамда кадастр рақами бўлмаган турар жойларга доимий прописка қилиш, доимий пропискадан чиқариш ва турган жойи бўйича ҳисобга олиш қатъиян тақиқланади. (ЎзР ВМ 28.12.2019 й. 1049-сон Қарорига мувофиқ киритилган банд)

28-2-банднинг олдинги таҳрири

28-2. ТШИИБ МваФРБ томонидан доимий прописка қилиш, пропискадан чиқариш ва турган жойи бўйича ҳисобга туриш учун тақдим қилинган ҳужжатларнинг нусхалари асли билан бир хиллиги текширилиб, қабул қилинади ва уларнинг нусхалари муҳр билан тасдиқланади. (ЎзР ВМ 28.12.2019 й. 1049-сон Қарорига мувофиқ киритилган банд)

30-банднинг олдинги таҳрири

30. Вилоятларда доимий пропискага эга бўлмаган ёки ҳисобга олинмаган фуқароларнинг яшаши учун турар жой майдони тақдим этадиган уй-жой мулкдори (мулкдорлари) турар жой майдони берилган кундан бошлаб ўн кун мобайнида ушбу шахслар тўғрисида ички ишлар органларини хабардор қилиши шарт. (ЎзР ВМ 28.12.2019 й. 1049-сон Қарори таҳриридаги банд)

ЎзР ВМ 10.07.2020 й. 433-сон Қароридан олдинги таҳрири

17-банднинг олдинги таҳрири

17. Вилоятлардаги меҳмонхоналарга, даволаш муассасаларига, санаторийлар, дам олиш уйларига ва шунга ўхшаш бошқа муассасаларга келган фуқароларни ҳисобга олиш ушбу муассасаларнинг маъмурияти томонидан, улар келганларидан кейин уларнинг бу ерда бўлиш муддатидан ва келишининг даврийлигидан қатъи назар, шахсини тасдиқлайдиган ҳужжатлар асосида амалга оширилади.

ЎзР ВМ 28.12.2019 й. 1049-сон Қароридан олдинги таҳрири

3-банднинг олдинги таҳрири

3. Фуқароларни доимий прописка қилиш ва турган жойи бўйича ҳисобга олиш ички ишлар органлари томонидан амалга оширилади ҳамда жамоат хавфсизлигини таъминлаш ҳамда ҳуқуқбузарликларнинг олдини олиш, шунингдек, аҳоли миграциясини ҳисобга олиш мақсадида фуқаронинг вилоят ҳудудининг муайян жойида яшаши ёки вақтинчалик бўлиши фактини аниқлашни назарда тутади.

Доимий пропискага эга бўлиш ва турган жойлари бўйича ҳисобда туриш учун фуқаролар давлат хизматлари кўрсатишнинг соддалаштирилган тартибини таъминлайдиган электрон тизим орқали мурожаат қилишлари мумкин.

18-банд биринчи хатбошининг олдинги таҳрири

18. Вилоятда ҳисобга туриш учун фуқаро келган кунидан бошлаб беш кун муддатда ўзи вақтинча турган жойдаги МваФРБга қуйидаги ҳужжатларни тақдим этади:

19-банднинг олдинги таҳрири

19. МваФРБ инспектори ариза рўйхатдан ўтказилгандан, шунингдек, тақдим этилган ҳужжатлар ўрганиб чиқилгандан ва белгиланган тартибда расмийлаштирилгандан кейин ўша куннинг ўзида ариза берувчига ушбу Низомга 8 ва 9-иловаларга мувофиқ турган жойида ҳисобга олиш тўғрисида фуқаронинг шахсини тасдиқлайдиган ҳужжатга қайд варағи (кейинги ўринларда ҳисобга олиш тўғрисидаги қайд варағи деб аталади) ёки BARE-CODE* билан ҳимояланган қайд варағини беради.

Ҳисобга олиш тўғрисидаги қайд варағи қатъий ҳисобда турувчи ҳужжат ҳисобланади. Ҳисобга олиш тўғрисидаги қайд варағи ҳамда BARE-CODE* билан ҳимояланган қайд варағи фуқаронинг турган жойида ҳисобга олинганлигини тасдиқлайдиган ҳужжат ҳисобланади ва паспорт, ҳарбий хизматчининг шахсий гувоҳномаси ёки туғилганлик тўғрисидаги гувоҳнома (16 ёшга тўлмаган шахслар учун) кўрсатилган тақдирда унда кўрсатилган муддат мобайнида ҳақиқийдир.

Ҳисобга олиш тўғрисидаги қайд варағи Ўзбекистон Республикаси Давлат бюджети маблағлари ҳисобидан "Давлат белгиси" давлат ишлаб чиқариш бирлашмасида ягона намуна бўйича тайёрланади.

Низомга 7-илованинг олдинги таҳрири

Низомга

7-ИЛОВА

Турган жойи бўйича ҳисобга олиш тўғрисида

АРИЗА

Қуйидаги манзил бўйича ҳисобга олишингизни сўрайман:

_______тумани (шаҳар) _____кўчаси ___ (квартал)____уй ___корпус ____квартира.

Бир вақтнинг ўзида мен билан қуйидаги қариндошларимни турган жойи бўйича ҳисобга олишингизни сўрайман:

        

    

Менга турган жойи бўйича ҳисобга қўйиш тартиби ва муддати тушунтирилди.

_____________-сон қайд варағини олдим.

Изоҳ. Вояга етмаган ариза берувчилар учун ота-оналар, васий (ҳомий)лар ишончли шахслар ҳисобланади.

Низомга 8-илованинг олдинги таҳрири

Низомга

8-ИЛОВА

Фуқаронинг шахсини тасдиқлайдиган, турган жойи бўйича

ҳисобга олиш тўғрисидаги ҳужжатга _____-сон

ҚАЙД ВАРАҒИ

   

10. 20___ йил "___"____________ гача турган жойи бўйича ҳисобга олиш муддати

12. Қайд варағини берган мансабдор шахснинг имзоси

20__ йил "___" _____________________

М.Ў.

Низомга 9-илованинг олдинги таҳрири

Низомга

9-ИЛОВА

      

Ҳисобга олиш тўғрисидаги қайд варағи фуқаронинг турган жойида ҳисобга

олинганлигини тасдиқлайдиган ҳужжат ҳисобланади ва паспорт, ҳарбий хизматчининг

шахсий гувоҳномаси ёки туғилганлик тўғрисидаги гувоҳнома (16 ёшга тўлмаган

шахслар учун) кўрсатилган тақдирда унда кўрсатилган муддат мобайнида ҳақиқийдир.