ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

24.02.2020 й.

N 3221

ЎЗБЕКИСТОН РЕСПУБЛИКАСИ

ДАВЛАТ СОЛИҚ ҚЎМИТАСИНИНГ

28.01.2020 й.

N 2020-03

ҚАРОРИ

Солиқ ҳисоботининг шаклларини

тасдиқлаш тўғрисида

Ўзбекистон Республикасининг Солиқ кодекси, Ўзбекистон Республикасининг "Давлат солиқ хизмати тўғрисида"ги, "Давлат божи тўғрисида"ги ва "Ер ости бойликлари тўғрисида"ги қонунларига мувофиқ Ўзбекистон Республикаси Давлат солиқ қўмитаси ҚАРОР ҚИЛАДИ:

1. Қуйидаги солиқ ва бошқа ҳисоботлар ҳисоботининг шакллари тасдиқлансин:

қўшилган қиймат солиғи бўйича 1-иловага мувофиқ;

акциз солиғи бўйича 2-иловага мувофиқ;

фойда солиғи бўйича 3-иловага мувофиқ;

жисмоний шахслардан олинадиган даромад солиғи, қатъий белгиланган миқдорлардаги солиқ суммалари ва ижтимоий солиқ бўйича 4-иловага мувофиқ;

ер қаъридан фойдаланганлик учун солиқ бўйича 5-иловага мувофиқ;

сув ресурсларидан фойдаланганлик учун солиқ бўйича 6-иловага мувофиқ;

юридик шахсларнинг мол-мулкига солинадиган солиқ бўйича 7-иловага мувофиқ;

юридик шахслардан олинадиган ер солиғи бўйича 8-иловага мувофиқ;

айланмадан олинадиган солиқ бўйича 9-иловага мувофиқ;

олинган мақсадли маблағлардан фойдаланганлик бўйича 10-иловага мувофиқ;

давлат божи ва йиғимлар бўйича 11-иловага мувофиқ;

тижоратбоп топилма бонуси бўйича 12-иловага мувофиқ;

молиявий ҳисоботнинг халқаро стандартларга ўтган юридик шахсларнинг солиқларини ҳисоблаб чиқиш учун зарур бўлган кўрсаткичлар бўйича 13-иловага мувофиқ.

2. Белгилаб қўйилсинки, 2019 йил учун солиқ ҳисоботи 2019 йилда амал қилган тартиб ва шакллар асосида тақдим этилади.

3. Мазкур қарор Ўзбекистон Республикаси Молия вазирлиги билан келишилган.

4. Мазкур қарор расмий эълон қилинган кундан эътиборан кучга киради.

Давлат солиқ қўмитаси раиси                                                    Б. Мусаев

Қонун ҳужжатлари маълумотлари миллий базаси (www.lex.uz),

2020 йил 24 февраль

"Ўзбекистон Республикаси қонун ҳужжатлари тўплами",

2020 йил 2 март, 8-сон, 89-модда