Фойда солиғи бўйича бухгалтерларнинг саволларига жавоблар (СБХ, 27-сон 2020 йил 7 июль)

Функция недоступна

Материал чоп этилган санасига ҳақиқийдир*

ФОЙДА СОЛИҒИ БЎЙИЧА БУХГАЛТЕРЛАРНИНГ

САВОЛЛАРИГА ЖАВОБЛАР

Май ойида "Norma" ўқув маркази 2020 йил учун обунани имтиёзли шартларда расмийлаштирган обуначилар учун фойда солиғи бўйича курс ўтказди. Курсни ўтказиш жараёнида тингловчиларда юзага келган саволларга "Norma" МЧЖ эксперти Наталья МЕМЕТОВА жавоб берди. Ушбу материалдан ўқувчиларимиз ҳам ўз саволларига жавоб топишлари ҳамда ундаги маълумотлардан фаолият юритишда фойдаланишлари мумкин.

Ольга Гусева:

Асосий воситалар ва бошқа активларни ҳисобдан чиқариш чегирилмайдиган харажатлар ҳисобланадими?

- СКнинг 317-моддаси 34-бандига мувофиқ товар-моддий қимматликларни ҳисобдан чиқаришдан кўрилган зарар чегирилмайдиган харажат ҳисобланади. ТМҚ - айланма активлар. Асосий воситалар улар жумласига киритилмайди.

Асосий фаолият тури - бинони ижарага бериш. Бинони жорий таъмирлаш харажатларини бирйўла харажатларга ҳисобдан чиқариш ва солиқ ҳисоботида акс эттириш мумкинми ёки махсус счётда жамлаш лозимми? Улар қандай ҳисобдан чиқарилади?

- Солиқ тўловчи томонидан бинони таъмирлаш учун қилинган харажатлар қайси ҳисобот (солиқ) даврида амалга оширилган бўлса, ўша ҳисобот (солиқ) даврида солиқ солиш мақсадларида ҳақиқий харажатлар миқдорида харажатлар жумласига киритилади (СК 309-м. 1-қ.).