Материал чоп этилган санасига ҳақиқийдир*

АУТСОРСИНГНИНГ ИЖОБИЙ ВА

САЛБИЙ ЖИҲАТЛАРИ

Узоқ давом этган карантин чекловлари шароитида тадбиркорларда бухгалтерия ҳисобини аутсорсингга топшириш имконига бўлган қизиқиш тобора ортмоқда. "Norma" компаниясининг юридик масалалар бўйича экспертлари - адвокат Элеонора Мазурова ва юрист Альберт Сафин бундай ечимнинг ижобий ва салбий жиҳатлари ҳақида гапириб бердилар.

Аутсорсинг нима ўзи?

- Оддий қилиб айтганда, аутсорсинг - компаниянгиз функцияларининг бир қисмини ташқи ижрочи - бухгалтерия ҳисобини юритишга ихтисослашган чет ташкилотга топшириш. Бундай компаниялар штатида солиқ ва бухгалтерия ҳисоби бўйича мутахассислар бўлиб, улар корхонангиз учун ҳисоб сиёсатини ўзлари ишлаб чиқадилар.

Моҳиятан олганда, аутсорсинг - узоқ муддатли тусга эга бўлган хизматларни кўрсатиш шартномаси. Ижрочи хизмат кўрсатилаётган компаниянинг бухгалтерия ҳисоби учун унинг раҳбарияти билан тенгма-тенг жавобгар бўлиб, солиқ органида унинг манфаатларини ҳимоя қилиши мумкин.