Ўзбекистон Республикаси Президентининг 10.07.2017 й. ПҚ-3122-сон "Республиканинг қора металлар прокати ва металл хом ашёсига бўлган қўшимча эҳтиёжини таъминлаш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

10.07.2017 й.

N ПҚ-3122

РЕСПУБЛИКАНИНГ ҚОРА МЕТАЛЛАР

ПРОКАТИ ВА МЕТАЛЛ ХОМ АШЁСИГА БЎЛГАН

ҚЎШИМЧА ЭҲТИЁЖИНИ ТАЪМИНЛАШ

ЧОРА-ТАДБИРЛАРИ ТЎҒРИСИДА

Республикада арзонлаштирилган уй-жойлар, кўп қаватли уйлар, ижтимоий соҳа муассасалари ва йўл-транспорт ҳамда муҳандислик-коммуникация инфратузилмаси объектларининг қурилиш-монтаж ишлари учун қора металл прокатига бўлган эҳтиёжини таъминлаш мақсадида:

1. 2017 йилда тендер савдолари ўтказмасдан туриб ишлаб чиқарувчи-заводлар ёки уларнинг расмий дилерлари билан тузилган (дистрибьюторларининг) шартномалар бўйича республикага импорт орқали:

"Ўзбекистон темир йўллари" АЖга кейинчалик уларни объектлар буюртмачиларига сотиш учун 50 минг тонна миқдорида қора металлар прокатини иловага мувофиқ олиб киришга;

"Ўзметкомбинат" АЖга металлургия хомашёсини (темир ёки легирланмаган пўлатдан бўлган ярим маҳсулот, коди ТН ТИФ 7207 20 150 0) кейинчалик ишлаб чиқариш ва етказиб бериш учун объектлар буюртмачиларига қўшимча баланс билан тасдиқланган ҳажмда 20 минг тонна миқдорида қора металл прокати олиб киришга рухсат этилсин.

2. Қуйидагилар импорт ҳажмларини молиялаштириш манбалари этиб белгилансин:

қора металл прокатига - арзонлаштирилган уй-жойлар, кўп қаватли уйлар, ижтимоий соҳа муассасалари ва йўл-транспорт ҳамда муҳандислик-коммуникация инфратузилмаси объектларининг қурилиши учун буюртмачилар томонидан ажратилган маблағлар:

металлургия хомашёсига - "Ўзметкомбинат" АЖнинг ўз маблағлари.

3. Ўзбекистон Республикаси Инвестициялар бўйича давлат қўмитаси уч кун муддатда мазкур қарорнинг тартиб-қоидаларини бажариш доирасида қора металл прокати ва металлургия хомашёсини етказиб бериш учун тузилган импорт шартномалари экспертизасини таъминласин.

4. 2019 йилнинг 1 январига қадар:

мазкур қарорнинг 1-бандига мувофиқ "Ўзбекистон темир йўллари" АЖ ва "Ўзметкомбинат" АЖ томонидан олиб келинадиган қора металл ва металлургия хомашёси божхона тўловларидан (божхона йиғимларидан ташқари);

импорт бўйича 50 минг тонна қора металл прокати "Ўзбекистон темир йўллари" АЖ, "Қишлоқ қурилиш инвест МК" МЧЖ ва "Ўзшаҳар қурилиши инвест" ИК" МЧЖ пудрат ташкилотларига сотиладиган қисмида қўшилган қиймат солиғидан, шунингдек, давлат мақсадли жамғармаларига бўлган мажбурий ажратма тўловларидан озод этилсин.

5. Ўзбекистон Республикаси Ташқи иқтисодий фаолият миллий банки "Ўзбекистон темир йўллари" АЖга импорт бўйича қора металл прокати сотиб олиш учун маблағлар жамланадиган махсус ҳисобварақ очилишига кўмаклашсин.

6. Ўзбекистон Республикаси Марказий банкига ваколатли банклар билан биргаликда "Ўзбекистон темир йўллари" АЖ ва "Ўзметкомбинат" АЖнинг талабномаларига кўра белгиланган тартибда тузиладиган импорт шартномалари бўйича миллий валютадаги маблағларни хорижий валютага конвертация қилишни таъминлаш тавсия этилсин.

7. Импорт қилинаётган қора металл прокати ва металлургия хомашёси нархи буюртмачилар томонидан объектларни қуриш доирасидаги қурилиш-монтаж ишларини молиялаштириш сарф-харажатлари ҳисобланади ҳамда юқори металл прокати ва металлургия хомашёсининг импорт қилиниши божхона декларациясини расмийлаштириш санасига эквиваленти миллий валютада Ўзбекистон Республикаси Марказий банки курсида белгиланади.

8. Ўзбекистон Республикаси Давлат солиқ қўмитаси Давлат божхона қўмитаси билан биргаликда мазкур қарорга мувофиқ олиб келинадиган "Ўзбекистон темир йўллари" АЖнинг қора металл прокати ва "Ўзметкомбинат" АЖнинг металлургия хомашёсидан мақсадли фойдаланилиши устидан қаттиқ назорат ўрнатсин.

Белгилансинки, мазкур қарорга мувофиқ олиб келинадиган қора металл прокати ва металлургия хомашёсидан мақсадга мувофиқ фойдаланилмаган ҳолда тақдим этилган божхона имтиёзлари билан боғлиқ тўланмаган божхона тўловлари суммаси Ўзбекистон Республикаси Давлат бюджетига қонун ҳужжатларида назарда тутилган молиявий санкциялари қўлланилган ҳолда ундирилади.

9. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари - "Ўзбекистон темир йўллари" АЖ бошқаруви раиси А.Ж. Раматовга ва Ўзбекистон Республикаси Бош вазирининг ўринбосари Ғ.И. Ибрагимов зиммасига юклансин.

Ўзбекистон Республикаси Президенти                                     Ш. Мирзиёев

Ўзбекистон Республикаси

Президентининг

2017 йил 10 июлдаги

ПҚ-3122-сон қарорига

ИЛОВА

"Ўзбекистон темир йўллари" АЖ томонидан қора

металлар прокатини импорт бўйича олиб кириш

ҲАЖМЛАРИ

Қонун ҳужжатлари маълумотлари миллий базаси (www.lex.uz)