Ҳисобга олиш учун қабул қилинган ҚҚСга тузатиш киритиш тартиби (СБХ, 35-сон 2021 йил 31 август)

Функция недоступна

Материал чоп этилган санасига ҳақиқийдир*

ҲИСОБГА ОЛИШ УЧУН ҚАБУЛ ҚИЛИНГАН

ҚҚСга ТУЗАТИШ КИРИТИШ ТАРТИБИ

Ҳисобга қабул қилишга йўналтирилган ҚҚСга киритиладиган тузатишлар шакллари қуйидагича бўлиши мумкин:

q илгари ҳисобга қабул қилинган солиқ суммасини ҳисобдан чиқариб ташлаш;

q илгари товарлар ва хизматлар қийматига киритилган солиқ суммасини ҳисобга қабул қилишга йўналтириш.

Вазиятга қараб, тузатиш киритиш суммасини объектларнинг баланс қийматини оширишга (ёки камайтиришга) ёхуд фойда солиғини ҳисоблаб чиқаришда ҳисобга олинадиган харажатлар (ёки даромадлар) таркибига киритинг (СК 269-м. 7-қ.).

Ҳисобга киритилган ҚҚС қачон ҳисобдан

чиқарилади

Илгари ҳисобга қабул қилинган "кирим" ҚҚС суммасига тузатиш киритинг (ҳисобдан чиқариб ташланг), агарда:

q сотиб олинган товарлар ва хизматлар келгусида солиқ солишдан озод этилган айланма учун фойдаланганда;

q товарларнинг бузилиши ёки йўқолиши табиий йўқотиш меъёрларидан ошиши содир бўлганда. Агар бундай меъёрлар қонун билан белгиланмаган бўлса, уларни ўзингиз мустақил ўрнатинг. Эсда тутингки, бундай меъёр фавқулодда ҳолатлар (табиий офат, ёнғин, авария, йўл транспорт ҳодисаси ва бошқа шу каби ҳолатлар) муносабати билан товарларнинг бузилишига ёхуд йўқотилишига нисбатан татбиқ этилмайди;

q етказиб берувчи томонидан тақдим қилинган ҳисобварақ-фактура, белгиланган қонунга мувофиқ ҳақиқий эмас деб топилганда;

q сиз ҚҚС тўловчиси бўлмасангиз ёки солиқни тўлашдан озод этилсангиз (СК 269-м. 1-қ.). Солиқ тўламайдиганлар таркибига ўтган санага ёки солиқдан озод этилган санага ҚҚС билан сотиб олинган товарлар қолдиқларига тегишли ҚҚСни ҳисобдан чиқаринг ва товарлар қийматига киритинг.

Ҳисобга олинган ҚҚСга тузатиш киритишда, товар-моддий захиралар бўйича қолдиқларнинг фақат бундай тузатишларни амалга оширишдан олдинги охирги ўн икки ой ичида олинганининг ҳисобини олинг (СК 269-м. 3-қ.).

Вазият. Корхона озод қ