ҚҚС товар ва хизматлар қийматига киритиладиган ҳолатлар (СБХ, 37-сон 2021 йил 14 сентябрь)

Функция недоступна

Материал чоп этилган санасига ҳақиқийдир*

ҚҚС ТОВАР ВА ХИЗМАТЛАР ҚИЙМАТИГА

КИРИТИЛАДИГАН ҲОЛАТЛАР

ҚҚС тўловчиси бўлмаган хўжалик юритувчи субъектлар "кирувчи" ҚҚСни товарлар ва хизматлар қийматига киритишга мажбурлар (СК 267-м. 1-қ. 4-б.). Аммо муайян вазиятларда ҚҚС тўловчилари ҳам солиқ суммасини олинган товар ва хизматлар қийматига киритадилар (СК 267-м.). Хусусан:

q солиқ солишдан озод этилган айланмаларда фойдаланиш учун сотиб олинган асосий воситалар, кўчмас мулк, номоддий активлар бўйича;

q солиқ солишдан озод этилган айланмаларда фойдаланиладиган асосий воситалар ва кўчмас мулкларни қуриш, модернизациялаш, реконструкция қилиш, техник жиҳатдан қайта жиҳозлаш ва таъмирлаш учун сотиб олинган товарлар ва хизматлар бўйича;

q ҚҚСдан озод этилган товарларни (хизматларни) ишлаб чиқариш ва реализация қилиш учун сотиб олинган товарлар ва хизматлар бўйича;

q вакиллик харажатлари сифатида қараладиган сотиб олинган товарлар ва хизматлар бўйича;

q текинга олинган товарлар ва хизматлар бўйича. Олинган вақтида ҚҚС тўлашга мажбур бўлиб, кейинчалик уни ҳисобга олишингиз мумкин бўлган ҳоллар бундан мустасно. Масалан, импорт бўйича товарлар текинга олинганда;

q фойда солиғини ҳисоблаб чиқаришда харажатлар чегириб ташланмайдиган мол-мулк ўз эҳтиёжлари учун сотиб олинганда (СК 317-м.);

q енгил автомобиллар, мотоцикллар, вертолётлар, моторли қайиқлар, самолётлар ва бошқа моторли воситалар, шунингдек улар учун ёқилғи бўйича, агар уларнинг сотиб олиниши амалга оширилаётган фаолият турига боғлиқ бўлмаса;

q алкоголь ва тамаки маҳсулотлари сотиб олинганда, агар уларнинг сотиб олиниши амалга оширилаётган фаолият турига боғлиқ бўлмаса.

Солиқ солишдан озод қилинган айланмаларда фойдаланиш учун

сотиб олинган асосий воситалар, кўчмас мулк ва

номоддий активлар бўйича ҚҚС

Фақатгина қуйидаги мақсадларда фойдаланиш учун сотиб олинган асосий воситалар, кўчмас мулклар ва номоддий активлар бўйича ҚҚСни ҳисобга олинг:

q реализация қилиш бўйича айланмага солиқ солинадиган, шу жумладан ноль ставка бўйича солиқ солинадиган товарларни ишлаб чиқариш ва (ёки) реализация қилиш (хизмат кўрсатиш) билан боғлиқ фаолиятни амалга ошириш мақсадида (СК 266-м. 1-қ. 1-б.);

q Ўзбекистон реализация