Лизинг берувчи ҚҚСни қандай ҳисоб-китоб қилади (СБХ, 46-сон 2021 йил 16 ноябрь)

Функция недоступна

Материал чоп этилган санасига ҳақиқийдир*

ЛИЗИНГ БЕРУВЧИ ҚҚСни ҚАНДАЙ

ҲИСОБ-КИТОБ ҚИЛАДИ

Лизинг - бу молиявий ижаранинг алоҳида тури бўлиб, унда лизинг берувчи лизинг олувчининг топшириғига биноан сотувчидан лизинг шартномасида шартлашилган мол-мулкни (лизинг объектини) харид қилади ва уни лизинг олувчига ҳақ эвазига эгалик қилиш ва фойдаланиш учун 12 ойдан ортиқ муддатга беради.

Бунда лизинг шартномаси қуйидаги талаблардан бирига жавоб бериши лозим бўлади ("Лизинг тўғрисида"ги Қонун 2-м.):

q шартноманинг муддати тугагач, объект лизинг олувчининг мулки бўлиб ўтади. Масалан, енгил автомобиль 4 йилга лизингга берилди. Шартнома шартларида 4 йил ўтгач, автомобиль лизинг олувчига мулк бўлиб ўтиши акс эттирилган;

q шартноманинг муддати лизинг объекти хизмат муддатининг 80%идан ортиқ бўлади ёки объектнинг шартнома тугаганидан кейинги қолдиқ қиймати унинг бошланғич қийматининг 20%идан кам бўлади. Масалан, берилган дастгоҳнинг хизмат муддати - 6 йил. Лизинг шартномаси муддати 5 йилни ташкил этади;

q шартноманинг муддати тугагач, лизинг олувчи объектни унинг ушбу ҳуқуқни амалга ошириш санасидаги бозор қийматидан паст нарх эвазига сотиб олиши мумкин. Бу лизинг олувчи лизинг объектини бошқа хоҳловчилардан кўра арзонроқ сотиб олиши мумкинлигини билдиради;

q шартнома даври учун лизинг тўловларининг жорий дисконтланган қиймати объектнинг лизингга топшириш пайтидаги жорий қийматининг 90%идан ортиғини ташкил этади. Масалан, махсус техника 5 йилга лизингга берилган, йиллик фоиз ставкаси - 18%. Унинг жорий қиймати - 200 000 минг сўм. Бутун лизинг даврида лизинг тўловларининг жорий дисконтланган қиймати 319 778 минг сўмни ташкил этади ва бу 200 000 минг сўмнинг 90%идан ортиғи деганидир.

Лизинг операцияларининг ҳисоби қуйидагилар билан тартибга солинади:

q "Лизинг тўғрисида"ги Қонун;

q 6-сон БҲМС "Ижара ҳисоби" (АВ рақами 1946, 24.04.2009 й.);

q Бухгалтерия ҳисобида ижара операцияларини акс эттириш тартиби тўғрисидаги низом (АВ рўйхат рақами 1961, 1.06.2009 й.).

Лизинг берувчи лизинг объекти харид қилинганда "кирувчи"

ҚҚСни қандай ҳисобга олиши керак

Объектлар кейинчалик лизингга топшириш (бериш) мақсадида харид қилинганда, ҳисобга олишнинг барча шартларини инобатга олган ҳолда, етказиб берувчи томонидан тақдим этилган ҚҚСни ҳисобга олинг (СК 266-м.).

Агар сиз лизинг объектини етказиб бериш ва уни мақсадга кўра фойдаланишга яроқли ҳолатга келтириш билан боғлиқ қандайдир харажатларни амалга оширсангиз, бунда шартнома шартларига мувофиқ, лизинг олувчи сизга ушбу харажатларни қоплаб берган тақдирда, уларни лизинг объекти қийматига киритинг. Лизинг олувчи томонидан қоплаб берилиши лизинг