Йиллик инвентаризацияга қандай тайёргарлик кўрилади (СБХ, 50-сон 2021 йил 14 декабрь)

Функция недоступна

Материал чоп этилган санасига ҳақиқийдир*

ЙИЛЛИК ИНВЕНТАРИЗАЦИЯГА ҚАНДАЙ

ТАЙЁРГАРЛИК КЎРИЛАДИ

Йиллик инвентаризация одатда кўп вақт ва куч сарфини талаб қилади. Уни ўтказиш пайтига тайёр бўлиш учун режамиздан фойдаланинг.

Инвентаризациянинг барча жараёнини 19-сон БҲМС "Инвентаризацияни ташкил этиш ва ўтказиш" (АВ рўйхат рақами 833, 2.11.1999 й.) тартибга солади.

1. Корхона раҳбари инвентаризация ўтказиш тўғрисида буйруқ чиқаради, унда бир вақтда махсус комиссияни тайинлайди ва инвентаризация режасини тасдиқлайди. Бироқ ҳар қандай режани тасдиқлаш учун уни кимдир тузиши керак...

Шу боис олдиндан инвентаризация комиссияси аъзоларини аниқлаш зарур. Улар биргаликда инвентаризацияни ўтказиш режасини тайёрлайдилар, унда қуйидагиларни кўрсатадилар:

q инвентаризация ўтказиш ҳудуди;

q ушбу ҳудудларда қайта санашни ўтказадиган ходимлар (саноқ комиссияси);

q ҳар бир кўрсатилган ҳудудда қайта санашнинг муваққат чегаралари.

Кейин эса корхона раҳбари буйруқ чиқаради ва ушбу буйруқ билан ҳам комиссия таркибини, ҳам у томондан тузилган инвентаризация ўтказиш режасини тасдиқлайди.

Қайта буйруқ чиқармаслик учун инвентаризация ўтказиш муддатларини олдиндан режалаштиринг (жадвалга қаранг):

q қанча вақт талаб қилинишини аниқланг - 10 кун ёки ундан кўп;

q агар сизда йирик корхона бўлса ва мисол учун, ҳудудларда кўп омборлар бўлса, ҳар бир ҳудуд учун комиссия таркибини алоҳида аниқланг;

q БҲМСда белгиланган инвентаризация ўтказиш муддатларини инобатга олган ҳолда уни ТМЗнинг минимал сони қолган даврларда ўтказиш қулай. Мисол учун, агар корхона 15 декабрга қадар ТМЗнинг барча реализациясини тугатишни режалаштирган бўлса, тегишинча, инвентаризацияни шу санадан кейин ўтказган маъқул.