ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Иқтисодиётнинг айрим соҳалари / Қўшимчалар ва ўзгартиришлар киритилган ҳужжатлар / Қишлоқ ва сув хўжалиги /Ўзбекистон Республикаси Вазирлар Маҳкамасининг 17.08.2022 й. 455-сон "Қишлоқ хўжалиги маҳсулотлари етиштирувчиларни молиявий қўллаб-қувватлаш ва уларнинг манфаатдорлигини ошириш учун қулай шароитлар яратилганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
17.08.2022 й.
N 455
ҚИШЛОҚ ХЎЖАЛИГИ МАҲСУЛОТЛАРИ
ЕТИШТИРУВЧИЛАРНИ МОЛИЯВИЙ ҚЎЛЛАБ-
ҚУВВАТЛАШ ВА УЛАРНИНГ МАНФААТДОРЛИГИНИ
ОШИРИШ УЧУН ҚУЛАЙ ШАРОИТЛАР ЯРАТИЛГАНЛИГИ
МУНОСАБАТИ БИЛАН ЎЗБЕКИСТОН РЕСПУБЛИКАСИ
ҲУКУМАТИНИНГ АЙРИМ ҚАРОРЛАРИГА ЎЗГАРТИРИШ
ВА ҚЎШИМЧАЛАР КИРИТИШ ТЎҒРИСИДА
Сўнгги йилларда қишлоқ хўжалиги маҳсулотларини ишлаб чиқарувчи субъектларни давлат томонидан қўллаб-қувватлаш, жумладан, пахта хом ашёси, бошоқли дон ва мева-сабзавот экинларини етиштириш харажатларини молиялаштириш тизимини такомиллаштириш борасида салмоқли ишлар амалга оширилди.
Шу билан бирга, маҳсулот етиштирувчилар билан қайта ишловчи, сақловчи ва экспорт қилувчи корхоналар ўртасида ўзаро манфаатли ҳамкорликни йўлга қўйиш ва етиштирилган ҳосилни кафолатли харид қилинишини таъминлаш мақсадида қайта ишловчи, сақловчи ва экспорт қилувчи корхоналарни давлат томонидан молиявий қўллаб-қувватлаш тартиби белгиланди.
Қишлоқ хўжалиги субъектларининг маҳсулот ишлаб чиқариш харажатларини ўз вақтида молиялаштирилишини амалга ошириш орқали уларнинг молиявий барқарорлигини таъминлаш мақсадида, шунингдек, Ўзбекистон Республикаси Президентининг "Пахта хомашёсини етиштириш ва унинг йиғим-терим харажатларини молиялаштириш тизимини такомиллаштириш чора-тадбирлари тўғрисида" 2021 йил 10 ноябрдаги ПҚ-2-сон ҳамда "Мева-сабзавотчилик соҳасини давлат томонидан қўллаб-қувватлаш, тармоқда кластер ва кооперация тизимини янада ривожлантириш чора-тадбирлари тўғрисида" 2021 йил 15 декабрдаги ПҚ-52-сон қарорларига мувофиқ Вазирлар Маҳкамаси ҚАРОР ҚИЛАДИ:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
Ўзбекистон Республикаси Ҳукуматининг қарорлари Ўзбекистон Республикаси Президентининг "Пахта хомашёсини етиштириш ва унинг йиғим-терим харажатларини молиялаштириш тизимини такомиллаштириш чора-тадбирлари тўғрисида" 2021 йил 10 ноябрдаги ПҚ-2-сон ҳамда "Мева-сабзавотчилик соҳасини давлат томонидан қўллаб-қувватлаш, тармоқда кластер ва кооперация тизимини янада ривожлантириш чора-тадбирлари тўғрисида" 2021 йил 15 декабрдаги ПҚ-52-сон қарорларига мувофиқлаштирилмоқда.
Унга кўра:
пахта-тўқимачилик кластерларига пахта хом ашёси хариди якуний ҳисоб-китоби учун 12 ойгача муддатга миллий валютада ажратилган тижорат кредитлари бўйича фоиз ставкасининг Марказий банк асосий ставкасидан ошадиган, лекин 10 фоиз пунктидан кўп бўлмаган қисмини қоплаш учун Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси маблағлари ҳисобидан компенсация тўлаб бериш;
мева, узум, сабзавот, картошка, полиз экинлари, гул, кўкатлар ва доривор ўсимликлар, дон учун маккажўхори, дуккакли ва мойли экинларни етиштириш харажатларини кредитлаш учун ҳосил қийматининг 50 фоизигача йиллик 14 фоиз (шундан 2 фоизи банк маржаси) ставкада 6 ойлик имтиёзли давр билан 12 ой муддатга кредит ажратиш;
мева-сабзавот маҳсулотларини қайта ишловчи, сақловчи ва экспорт қилувчиларга етиштирилган маҳсулотни харид қилиш учун талаб этиладиган айланма маблағларини тўлдиришга йиллик 14 фоиз (шундан 2 фоизи банк маржаси) ставкада 12 ой муддатга "револьвер" кредитлар ажратиш белгиланмоқда.
2. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари - иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев зиммасига юклансин.
Ўзбекистон Республикасининг Бош вазири А. Арипов
2022 йил 17 августдаги
455-сон қарорига
ИЛОВА
Ўзбекистон Республикаси Ҳукуматининг
айрим қарорларига киритилаётган
ўзгартириш ва қўшимчалар
1. Вазирлар Маҳкамасининг 2019 йил 26 ноябрдаги 952-сон қарори билан тасдиқланган Қишлоқ хўжалигини механизациялашни давлат томонидан қўллаб-қувватлаш тартиби тўғрисидаги низомнинг 14-банди "б" кичик банди қуйидаги таҳрирда баён этилсин:
"б) қишлоқ хўжалиги техникаси:
олди-сотди шартномаси ёки кредит шартларида харид қилинганда шартнома, ҳисобварақ-фактура, тўлов ҳужжати нусхаси;
лизинг шартларида харид қилинганда, лизинг шартномаси, ҳисобварақ-фактура, тўлов ҳужжати, лизинг объектини қабул қилиш - топшириш далолатномаси нусхаси".
2. Вазирлар Маҳкамасининг "Қишлоқ хўжалиги маҳсулотлари ишлаб чиқарувчиларини давлат томонидан молиявий қўллаб-қувватлашни ташкил этиш тўғрисида" 2021 йил 11 мартдаги 130-сон қарорида:
а) 1-бандда:
иккинчи хатбоши қуйидаги таҳрирда баён этилсин:
"Пахта хомашёси етиштириш ва пахта йиғим-терими харажатларини кредитлаш ҳамда пахта хомашёси хариди якуний ҳисоб-китобига миллий валютада ажратилган тижорат кредитлари бўйича фоиз ставкасининг бир қисмини қоплаш учун компенсация тўлаш тартиби тўғрисидаги низом 1-иловага мувофиқ";
тўртинчи хатбошидаги "Асосий майдонларда сабзавот" сўзлари "Мева, узум, сабзавот, картошка, полиз экинлари, гул, кўкатлар ва доривор ўсимликлар, дон учун маккажўхори, дуккакли ва мойли экинларни" сўзлари билан алмаштирилсин;
б) 4-банддаги "сабзавот маҳсулотлари" сўзлари "мева, узум, сабзавот, картошка, полиз экинлари, гул, кўкатлар ва доривор ўсимликлар, дон учун маккажўхори, дуккакли ва мойли экинлари" сўзлари билан алмаштирилсин;
в) 1-иловада:
номи қуйидаги таҳрирда баён этилсин:
"Пахта хомашёси етиштириш ва пахта йиғим-терими харажатларини кредитлаш ҳамда пахта хомашёси хариди якуний ҳисоб-китобига миллий валютада ажратилган тижорат кредитлари бўйича фоиз ставкасининг бир қисмини қоплаш учун компенсация тўлаш тартиби тўғрисида низом";
1-бандда "кредитлаш" сўзидан кейин "ҳамда пахта хомашёси хариди якуний ҳисоб-китобига миллий валютада ажратилган тижорат кредитлари бўйича фоиз ставкасининг бир қисмини қоплаш учун компенсация тўлаш" сўзлари билан тўлдирилсин;
4-банд қуйидаги мазмундаги тўртинчи хатбоши билан тўлдирилсин:
"Пахта хом ашёси етиштириш харажатларини кредитлаш ушбу Низомга 1-иловага мувофиқ схема бўйича амалга оширилади";
қуйидаги мазмундаги 4-1-банд билан тўлдирилсин:
"4-1. Жамғарма ҳисобидан пахта хомашёси хариди якуний ҳисоб-китобига миллий валютада ажратилган тижорат кредитлари бўйича фоиз ставкасининг бир қисмини қоплаш ушбу Низомнинг 5-1-боб талабларига мувофиқ, 2022 йил пахта ҳосилидан бошлаб миллий валютада расмийлаштирилган тижорат кредит шартномаларига татбиқ этилади";
"а" кичик банднинг тўртинчи хатбошиси қуйидаги таҳрирда баён этилсин:
"Ўзбекистон Республикаси Қишлоқ хўжалиги вазирлиги ва Давлат статистика қўмитасининг туман (Қувасой шаҳар) бўлимлари томонидан тасдиқланган ўтган ҳосил йилидаги пахта ҳосилдорлиги (центнер/гектар) тўғрисидаги маълумотнома";
"б" кичик банднинг тўртинчи хатбошиси қуйидаги таҳрирда баён этилсин:
"Ўзбекистон Республикаси Қишлоқ хўжалиги вазирлиги ва Давлат статистика қўмитасининг туман (Қувасой шаҳар) бўлимлари томонидан тасдиқланган ўтган ҳосил йилидаги пахта ҳосилдорлиги (центнер/гектар) тўғрисидаги маълумотнома";
11-банддаги "тупроқнинг бир бонитет баллига нисбатан норматив" сўзлари "ўтган ҳосил йилидаги пахта" сўзлари билан алмаштирилсин;
қуйидаги мазмундаги 5-1-боб билан тўлдирилсин:
"5-1-БОБ. ПАХТА ХОМАШЁСИ ХАРИДИ ЯКУНИЙ
ҲИСОБ-КИТОБИГА МИЛЛИЙ ВАЛЮТАДА АЖРАТИЛГАН
ТИЖОРАТ КРЕДИТЛАРИ БЎЙИЧА ФОИЗ СТАВКАСИНИНГ
БИР ҚИСМИНИ ҚОПЛАШ УЧУН КОМПЕНСАЦИЯ
ТЎЛАШ ТАРТИБИ
23-1. Пахта-тўқимачилик кластерларига (кейинги ўринларда - қарз олувчи) пахта хомашёси хариди якуний ҳисоб-китоби учун 12 ойгача муддатга миллий валютада ажратилган тижорат кредитлари бўйича фоиз ставкасининг Марказий банк асосий ставкасидан ошадиган, лекин 10 фоиз пунктидан кўп бўлмаган қисмини қоплаш учун Жамғарма ҳисобидан компенсация (кейинги ўринларда - компенсация) тўланади.
Бунда тижорат кредитлари бўйича компенсация харажатлари Ўзбекистон Республикасининг республика бюджетидан молиялаштирилади.
Пахта хомашёси хариди якуний ҳисоб-китобига миллий валютада ажратилган тижорат кредитлари бўйича фоиз ставкасининг бир қисмини қоплаш учун компенсация тўлаш ушбу Низомга 2-иловага мувофиқ схема бўйича амалга оширилади.
23-2. Тижорат банки пахта йиғим-терими мавсуми бошлангандан сўнг қарз олувчига пахта хомашёси хариди якуний ҳисоб-китоби учун 12 ой ёки унинг талабига кўра 12 ойдан кам бўлган муддатга миллий валютада тижорат кредити ажратилганлиги тўғрисидаги кредит шартномаси нусхасини илова қилган ҳолда Жамғармага ёзма равишда мурожаат қилади.
23-3. Жамғарма пахта-тўқимачилик кластерига хизмат кўрсатувчи тижорат банкининг мурожаатига асосан 10 иш кунида тижорат банки билан пахта-тўқимачилик кластерига компенсация тўлаш тўғрисидаги битимни тузади.
23-4. Тижорат банки кредит шартномасининг тўлов жадвалига мувофиқ, қарз олувчи томонидан асосий қарз ва унга тегишли фоиз тўловини тўлиқ тўланганлиги тўғрисида тижорат банки томонидан тасдиқланган маълумотномани ҳамда компенсация олиш учун буюртмани Жамғармага тақдим этади.
Бунда тижорат банки томонидан тақдим этилган буюртмага ўзгартириш киритилмайди.
23-5. Тақдим этилган ҳужжатларнинг тўлиқлиги ва ҳаққонийлиги юзасидан масъулият тижорат банки раҳбарлари зиммасига юкланади.
23-6. Жамғармада Тижорат банклари томонидан пахта хомашёси хариди якуний ҳисоб-китоби учун компенсация тўлаш бўйича тақдим этилган буюртмаларни ўрганувчи комиссия (кейинги ўринларда - Комиссия) тузилади.
Комиссия таркиби Жамғармани бошқариш департаменти буйруғи билан тасдиқланади.
Комиссия тижорат банклари томонидан тақдим этилган ҳужжатларни 5 иш кунида ўрганиб чиқади ва ўрганиш натижаларига асосан компенсация тўлаш ёки рад этиш тўғрисидаги қарорни қабул қилади.
Комиссия қарорига асосан Жамғарма 1 иш кунида тижорат банкини компенсация тўлаш маъқулланганлиги ёки рад этилганлиги (асосланган сабабларни кўрсатган ҳолда) тўғрисида хабардор қилади.
Комиссия томонидан компенсация тўлаш қуйидаги сабабларга кўра рад этилади:
тижорат банки томонидан қарз олувчига пахта хомашёси хариди якуний ҳисоб-китоби учун ажратилган кредит:
фоиз ставкаси Марказий банкнинг асосий ставкасидан паст бўлганда;
қайтариш муддати 12 ойдан кўп бўлганда;
хорижий валютада ажратилганда;
аввалги йилларда етиштирилган пахта хомашёси хариди якуний ҳисоб-китоби учун ажратилганда.
23-7. Қабул қилинган қарорга асосан Жамғарма 2 иш кунида Ўзбекистон Республикаси Молия вазирлигига буюртмани тақдим этади.
23-8. Ўзбекистон Республикаси Молия вазирлиги буюртмада қайд этилган маблағларни 2 иш кунидан кечиктирмасдан Жамғарманинг ҳисобварағига ўтказади.
23-9. Ўзбекистон Республикаси Молия вазирлигидан маблағ ўтказиб берилгандан сўнг Жамғарма битимга мувофиқ 2 иш кунида тижорат банкига компенсация тўлайди.
23-10. Компенсация ушбу Низомнинг 23-1-бандига мувофиқ тижорат кредитининг расмийлаштирилган муддатидан келиб чиққан ҳолда ҳақиқатда қолдиқ қарз суммасига ҳисобланади.
Бунда тўлов жадвали бўйича муддати ўтган қарздорликка қайта компенсация ҳисобланишига йўл қўйилмайди. Қарз олувчи миллий валютадаги кредитни уни муддати ўтгандан сўнг қайтарганда ажратиладиган компенсация тасдиқланган тўлов жадвалида қайд этилган суммадан ошмаслиги лозим.
23-11. Компенсация тижорат банки учун ҳар ойда кейинги ойнинг 20-кунигача тақдим этилган буюртмалар бўйича ҳисобланган жорий фоизлар миқдорида ҳисоб-китоб қилинади.
23-12. Жамғарма томонидан тижорат банки ҳисобварағига қарз олувчи учун ҳисобланган фоиз тўловининг бир қисмини қоплаш учун ўтказиб берилган компенсация ушбу қарз олувчининг ҳисобланган фоиз тўловлари учун ҳисоб-китоб қилинади.
23-13. Тўланган компенсация қарз олувчига ҳисобланган компенсация миқдоридан кўп бўлган тақдирда ортиқча маблағлар 2 иш кунидан кечиктирилмасдан Жамғармага қайтарилади.
23-14. Кредит шартномасининг шартлари ўзгарган ҳолларда илгари тасдиқланган ва ҳисобланган компенсация миқдори оширилмайди ҳамда компенсация муддати узайтирилмайди.
23-15. Жамғарма томонидан ажратилган компенсациядан мақсадли фойдаланишни, тўловларнинг ва ҳисоб-китобларнинг ўз вақтида амалга оширилишини назорат қилиш белгиланган тартибда Ўзбекистон Республикаси Молия вазирлиги ҳузуридаги Давлат молиявий назорати инспекцияси томонидан амалга оширилади. Мақсадсиз фойдаланилган компенсация маблағлари битим шартларига асосан Жамғармага қайтарилади.
23-16. Қуйидаги ҳолларда компенсация тўлаш тўхтатилади:
тижорат кредитининг фоиз ставкаси тўғрисидаги маълумотлар нотўғрилиги аниқланганда;
тижорат банкининг компенсация олишдан бош тортганлиги тўғрисидаги мурожаати мавжуд бўлганда";
25-банддаги "Молия вазирлигининг Давлат молиявий назорати департаменти" сўзлари "Молия вазирлиги ҳузуридаги Давлат молиявий назорати инспекцияси" сўзлари билан алмаштирилсин;
Пахта хомашёси етиштириш ва пахта йиғим-терими харажатларини кредитлаш ҳамда пахта хомашёси хариди якуний ҳисоб-китобига миллий валютада ажратилган тижорат кредитлари бўйича фоиз ставкасининг бир қисмини қоплаш учун компенсация тўлаш тартиби тўғрисидаги низом қуйидаги мазмундаги 1-илова билан тўлдирилсин:
"Пахта хомашёси етиштириш ва пахта
йиғим-терими харажатларини кредитлаш
ҳамда пахта хомашёси хариди якуний
ҳисоб-китобига миллий валютада
ажратилган тижорат кредитлари бўйича
фоиз ставкасининг бир қисмини қоплаш
учун компенсация тўлаш тартиби
тўғрисидаги низомга
1-ИЛОВА
Пахта хомашёси етиштириш харажатларини кредитлаш
СХЕМАСИ
Босқичлар |
Амалга ошириш механизми
|
Муддати |
Ижрочилар |
|||
|
|
|
|
|
|
|
1-босқич |
Жамғарма ва тижорат банки ўртасида пахта хомашёси етиштириш харажатларини кредитлаш тўғрисида битим тузилади. Тижорат банки пахта хомашёси етиштириш харажатларини кредитлаш учун Жамғармага кредит буюртманомаларини тақдим этади.
|
Тегишли молия йилидан олдинги йилнинг 1 октябригача Ҳар ойнинг 5-санасига қадар |
1. Жамғарма 2. Тижорат банки |
|||
|
|
|
|
|
|
|
2-босқич |
Жамғарма тижорат банки билан тузилган битимга мувофиқ қарз олувчининг пахта хомашёси етиштириш харажатларини кредитлаш учун кредит ресурсларини жойлаштириб боради.
|
Тегишли молия йилидан олдинги йилнинг 1 октябридан молия йилининг 1 сентябригача |
Жамғарма |
|||
|
|
|
|
|
|
|
3-босқич |
Қарз олувчи кредит олиш учун хизмат кўрсатаётган тижорат банкига ариза билан мурожаат қилади.
|
Агротехник тадбирлар амалга ошириладиган ҳосил йилида |
Қарз олувчи |
|||
|
|
|
|
|
|
|
4-босқич |
Тижорат банки Жамғарма кредитлари ҳисобидан қарз олувчига пахта хомашёси етиштириш харажатларини кредитлаш учун кредит линиясини ва ҳисобварағини очади.
|
Агротехник тадбирлар амалга ошириладиган ҳосил йилида |
Тижорат банки |
|||
|
|
|
|
|
|
|
5-босқич |
Тижорат банки Жамғарма кредитлари ҳисобидан қарз олувчига пахта хомашёси етиштириш харажатларини кредитлаш учун қайтариш муддатини узайтириш ҳуқуқисиз кредит ажратади.
|
Агротехник тадбирлар муддатларига мувофиқ ҳар йили 1 сентябргача |
Тижорат банки |
|||
|
|
|
|
|
|
|
6-босқич |
Тижорат банки ажратилган кредитларни қарз олувчи томонидан мақсадли фойдаланиши бўйича мониторинг юритади.
|
Кредит шартномасининг амал қилиш муддати якунига қадар |
Тижорат банки |
|||
|
|
|
|
|
|
|
7-босқич |
Қарз олувчи ва тижорат банки имтиёзли кредитларни ва унга ҳисобланган фоизни сўндириб боради.
|
Тегишлича 14 ой ва 24 ой |
1. Қарз олувчи 2. Тижорат банки |
|||
|
|
|
|
|
|
|
8-босқич |
Тижорат банки Жамғармага кредитларни ва унга ҳисобланган фоизни қайтаради.
|
Тегишлича 14 ой ва 24 ой |
Тижорат банки |
";
Пахта хомашёси етиштириш ва пахта йиғим-терими харажатларини кредитлаш ҳамда пахта хомашёси хариди якуний ҳисоб-китобига миллий валютада ажратилган тижорат кредитлари бўйича фоиз ставкасининг бир қисмини қоплаш учун компенсация тўлаш тартиби тўғрисидаги низом қуйидаги мазмундаги 2-илова билан тўлдирилсин:
"Пахта хомашёси етиштириш ва пахта
йиғим-терими харажатларини кредитлаш
ҳамда пахта хомашёси хариди якуний
ҳисоб-китобига миллий валютада
ажратилган тижорат кредитлари бўйича
фоиз ставкасининг бир қисмини қоплаш
учун компенсация тўлаш тартиби
тўғрисидаги низомга
2-ИЛОВА
Пахта хомашёси хариди бўйича якуний ҳисоб-китоб
учун миллий валютада ажратиладиган тижорат
кредитлари фоиз ставкасининг бир қисмини қоплаш
СХЕМАСИ
Босқичлар |
Амалга ошириш механизми
|
Муддати |
Ижрочилар |
|||
|
|
|
|
|
|
|
1-босқич |
Қарз олувчи пахта хомашёси хариди якуний ҳисоб-китоби учун 12 ойгача муддатга миллий валютада кредит ажратиш юзасидан тижорат банкига ариза билан мурожаат қилади.
|
Тегишли ҳосил йилининг 1 сентябригача |
Қарз олувчи |
|||
|
|
|
|
|
|
|
2-босқич |
Тижорат банки қарз олувчига пахта хомашёси хариди якуний ҳисоб-китоби учун кредит линияси ва ҳисобварағини очади.
|
Пахта хом ашёси йиғим-терим мавсумида |
Тижорат банки |
|||
|
|
|
|
|
|
|
3-босқич |
Тижорат банки қарз олувчига пахта хомашёси хариди якуний ҳисоб-китоби учун миллий валютада тижорат кредити ажратилганлиги тўғрисидаги кредит шартномаси нусхасини илова қилган ҳолда Жамғармага ёзма равишда мурожаат қилади.
|
Йиғим-терим мавсумида |
Тижорат банки |
|||
|
|
|
|
|
|
|
4-босқич |
Жамғарма тижорат банки билан қарз олувчига компенсация тўлаш тўғрисидаги битимни тузади.
|
Мурожаатга асосан 10 иш кунида |
1. Жамғарма 2. Тижорат банки |
|||
|
|
|
|
|
|
|
5-босқич |
Тижорат банки компенсация олиш учун Жамғармага буюртмани тақдим этади. Жамғарма тижорат банки томонидан тақдим этилган буюртмани кўриб чиқади.
|
Кредит ажратилгандан сўнг 5 иш кунида |
1. Тижорат банки 2. Жамғарма |
|||
|
|
|
|
|
|
|
6-босқич |
Жамғарма тижорат банки томонидан компенсация ажратиш бўйича тақдим этилган буюртмани Молия вазирлигига юборади. Молия вазирлиги буюртмада қайд этилган маблағларни Жамғарманинг ҳисобварағига ўтказади.
|
2 иш кунида |
1. Жамғарма 2. Молия вазирлиги |
|||
|
|
|
|
|
|
|
7-босқич |
Жамғарма тижорат банки билан тузилган битимга мувофиқ тижорат банкига компенсация тўлайди.
|
Ҳар ойда |
Жамғарма |
|||
|
|
|
|
|
|
|
8-босқич |
Тижорат банки Жамғармадан ажратилган компенсация маблағларини қарз олувчининг ҳисобварағига ўтказади.
|
Маблағ ажратилган куннинг ўзида |
Тижорат банки |
|||
|
|
|
|
|
|
|
9-босқич |
Молия вазирлиги ҳузуридаги Давлат молиявий назорати инспекцияси ва тижорат банки Жамғарма томонидан ажратилган компенсациядан мақсадли фойдаланилишини, тўловларнинг ва ҳисоб-китобларнинг ўз вақтида амалга оширилишини назорат қилади.
|
Ҳар чоракда |
1. Давлат молиявий назорати инспекцияси 2. Тижорат банки |
|||
|
|
|
|
|
|
|
10-босқич |
Тижорат банки мақсадсиз фойдаланилган компенсация маблағларини битим шартларига мувофиқ Жамғармага қайтаради.
|
Бир иш кунида |
Тижорат банки |
";
г) 2-иловада:
"а" кичик банднинг тўртинчи хатбошиси қуйидаги таҳрирда баён этилсин:
"Ўзбекистон Республикаси Қишлоқ хўжалиги вазирлиги ва Давлат статистика қўмитасининг туман (Қувасой шаҳар) бўлимлари томонидан тасдиқланган ўтган ҳосил йилидаги бошоқли дон экини ҳосилдорлиги (центнер/гектар) тўғрисидаги маълумотнома";
"б" кичик бандининг тўртинчи хатбошиси қуйидаги таҳрирда баён этилсин:
"Ўзбекистон Республикаси Қишлоқ хўжалиги вазирлиги ва Давлат статистика қўмитасининг туман (Қувасой шаҳар) бўлимлари томонидан тасдиқланган ўтган ҳосил йилидаги бошоқли дон экини ҳосилдорлиги (центнер/гектар) тўғрисидаги маълумотнома";
11-банддаги "тупроқнинг бир бонитет баллига нисбатан норматив" сўзлари "ўтган ҳосил йилидаги бошоқли дон экини" сўзлари билан алмаштирилсин;
20-банднинг иккинчи хатбошидаги "пахта хомашё" сўзлари "буғдой" сўзи билан алмаштирилсин;
25-банддаги "Молия вазирлигининг Давлат молиявий назорати департаменти" сўзлари "Молия вазирлиги ҳузуридаги Давлат молиявий назорати инспекцияси" сўзлари билан алмаштирилсин;
д) 3-иловада:
номи қуйидаги таҳрирда баён этилсин:
"Мева, узум, сабзавот, картошка, полиз экинлари, гул, кўкатлар ва доривор ўсимликлар, дон учун маккажўхори, дуккакли ва мойли экинларни етиштириш харажатларини кредитлаш ҳамда мева-сабзавот маҳсулотларини қайта ишловчи, сақловчи ва экспорт қилувчиларга етиштирилган маҳсулотни харид қилиш учун талаб этиладиган айланма маблағларини тўлдиришга "револьвер" кредит ажратиш тартиби тўғрисида низом";
1 - 5-бандлар қуйидаги таҳрирда баён этилсин:
"1. Мазкур Низом Ўзбекистон Республикаси Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси (кейинги ўринларда - Жамғарма) кредит ресурслари ҳисобидан тижорат банклари томонидан фермер, деҳқон хўжаликлари ва бошқа маҳсулот етиштирувчиларнинг мева, узум, сабзавот, картошка, полиз экинлари, гул, кўкатлар ва доривор ўсимликлар, дон учун маккажўхори, дуккакли ва мойли экинларни (кейинги ўринларда - мева-сабзавот маҳсулотлари) етиштириш харажатларини кредитлаш ҳамда мева-сабзавот маҳсулотларини қайта ишловчи, сақловчи ва экспорт қилувчиларга етиштирилган маҳсулотни харид қилиш учун талаб этиладиган айланма маблағларини тўлдиришга "револьвер" кредит ажратиш тартибини белгилайди.
2. Ўзбекистон Республикаси Қишлоқ хўжалиги вазирлигининг агротехник тадбирлар календарь режасига мувофиқ мева-сабзавот маҳсулотлари етиштирувчиларга ва мева-сабзавот маҳсулотларини қайта ишловчи, сақловчи ва экспорт қилувчиларга (кейинги ўринларда - қарз олувчи) кредит ажратиш учун Жамғарма ва тижорат банклари ўртасида:
а) асосий экин майдонларига баҳорги мавсумда экиладиган мева-сабзавот маҳсулотларини етиштириш харажатларини кредитлаш тўғрисида экиш мавсуми бошлангунга қадар (ҳосил йилининг I чорагида);
б) такрорий экин майдонларига ёзги мавсумда экиладиган мева-сабзавот маҳсулотларини етиштириш харажатларини кредитлаш тўғрисида экиш мавсуми бошлангунга қадар (ҳосил йилининг июнь-август ойларида);
в) "тўқсонбости" усулида экиладиган мева-сабзавот маҳсулотларини етиштириш харажатларини кредитлаш тўғрисида экиш мавсуми бошлангунга қадар (ҳосил йилининг октябрь-декабрь ойларида);
г) етиштирилган мева-сабзавотларни харид қилиш учун айланма маблағларини тўлдиришга "револьвер" кредит ажратиш тўғрисида ҳосил йиғим-терими мавсуми бошлангунга қадар битим тузилади.
3. Тижорат банки Жамғарма билан тузилган битимга мувофиқ мева-сабзавот маҳсулотларини етиштириш харажатларини кредитлаш учун ҳар ойнинг 5-санасига қадар, шунингдек, етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит ажратиш учун Жамғармага кредит буюртмаларини тақдим этади.
4. Тижорат банки Жамғарманинг кредит ресурслари ҳисобидан қарз олувчига мева-сабзавот маҳсулотларини етиштириш харажатларини кредитлаш, шунингдек, етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит ажратиш учун муддатлилик, қайтаришлилик, тўловлилик, таъминланганлик ва мақсадли фойдаланиш шарти асосида кредит линиясини очади.
Мева-сабзавот маҳсулотларини етиштириш харажатларини кредитлаш агротехник тадбирлар ўтказиладиган даврнинг, шунингдек, етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит ажратиш етиштирилган ҳосил йиғим-терими мавсумининг биринчи ойидан бошлаб амалга оширилади.
Мева, узум, сабзавот, картошка, полиз экинлари, гул, кўкатлар ва доривор ўсимликлар, дон учун маккажўхори, дуккакли ва мойли экинларни етиштириш харажатларини кредитлаш ушбу Низомга 1-иловага мувофиқ схема бўйича ҳамда мева-сабзавот маҳсулотларини қайта ишловчи, сақловчи ва экспорт қилувчиларга етиштирилган маҳсулотни харид қилиш учун талаб этиладиган айланма маблағларини тўлдиришга "револьвер" кредит ажратиш ушбу Низомга 2-иловага мувофиқ схема бўйича амалга оширилади.
5. Жамғарма тижорат банки билан тузилган битимга мувофиқ кредитларни қарз олувчининг:
мева-сабзавот маҳсулотларини етиштириш харажатларини кредитлаш учун ҳосил қийматининг 50 фоизигача йиллик 12 фоиз ставкада 6 ойлик имтиёзли давр билан 12 ой муддатга;
етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит ажратиш учун йиллик 12 фоиз ставкада 12 ой муддатга жойлаштиради";
7-банднинг тўртинчи хатбошиси қуйидаги таҳрирда баён этилсин:
"Ўзбекистон Республикаси Қишлоқ хўжалиги вазирлиги ва Давлат статистика қўмитасининг туман (Қувасой шаҳар) бўлимлари томонидан тасдиқланган ўтган ҳосил йилидаги мева, узум, сабзавот, картошка, полиз экинлари, гул, кўкатлар ва доривор ўсимликлар, дон учун маккажўхори, дуккакли ва мойли экинларнинг ҳосилдорлиги (центнер/гектар) тўғрисидаги маълумотнома";
қуйидаги мазмундаги 7-1-банд билан тўлдирилсин:
"7-1. Қарз олувчи етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит олиш учун ўзи фаолият кўрсатаётган ҳудуддаги туман (Қувасой шаҳар) ҳокимлигида мева-сабзавот маҳсулотларини сақловчи, қайта ишловчи ва экспортга йўналтирувчилар рўйхатига киритилган бўлиши лозим.
Қарз олувчи етиштирилган мева-сабзавот маҳсулотларини сақловчи, қайта ишловчи ва экспортга йўналтирувчи эканлигини тасдиқловчи маълумотнома олиш учун ўзи фаолият кўрсатаётган ҳудуддаги туман (Қувасой шаҳар) ҳокимлигига мурожаат қилади, туман (Қувасой шаҳар) ҳокимлиги тегишли маълумотномани қарз олувчига мурожаат қилган кунда тақдим этади.
Қарз олувчи етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит олиш учун унинг асосий талаб қилиб олингунга қадар сақланадиган депозит ҳисобварағига хизмат кўрсатаётган тижорат банкига ариза билан бирга мева-сабзавот маҳсулотларини саралаш, калибрлаш, қадоқлаш ва экспортга йўналтирувчи эканлигини тасдиқловчи туман (Қувасой шаҳар) ҳокимлигининг маълумотномасини тақдим этади";
11-банддаги "тупроқнинг бир бонитет баллига нисбатан норматив" сўзлари "ўтган ҳосил йилидаги мева, узум, сабзавот, картошка, полиз экинлари, гул, кўкатлар ва доривор ўсимликлар, дон учун маккажўхори, дуккакли ва мойли экинларнинг" сўзлари билан алмаштирилсин;
13-банд қуйидаги таҳрирда баён этилсин:
"13. Тижорат банки қарз олувчи билан тузган кредит шартномасига асосан қарз олувчига:
мева-сабзавот маҳсулотларини етиштириш харажатларини кредитлаш учун ҳосил қийматининг 50 фоизигача йиллик 14 фоиз (шундан банк маржаси 2 фоиз) ставкада 6 ойлик имтиёзли давр билан 12 ой муддатга;
етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит ажратиш учун йиллик 14 фоиз (шундан банк маржаси 2 фоиз) ставкада 12 ой муддатга, кредитни қайтариш муддатини узайтириш ҳуқуқисиз кредит ажратади";
16-банддаги "асосий майдонларда сабзавот" сўзлари "мева-сабзавот маҳсулотларини" сўзлари билан алмаштирилсин;
18-банддаги "сабзавот экинининг" сўзлари "мева-сабзавот экинларининг" сўзлари билан алмаштирилсин;
19-банддаги "асосий майдонларда сабзавот экини" сўзлари "мева-сабзавот экинлари" сўзлари билан алмаштирилсин;
20 ва 21-бандлар қуйидаги таҳрирда баён этилсин:
"20. Тижорат банки томонидан қарз олувчига мева-сабзавот маҳсулотларини сотишдан тушган маблағларни жамлаш, кредит ва унга ҳисобланган фоиз тўловларини сўндириш учун "23210 ҳисобварағи" очилади.
Қарз олувчи "23210 ҳисобварағи"га мева-сабзавот маҳсулотларини сотишдан тушган маблағлар ҳисобидан, биринчи навбатда, мева-сабзавот маҳсулотларини етиштириш учун олинган кредит ва унга ҳисобланган фоиз тўловларини сўндиради.
21. Мева-сабзавот маҳсулотларини етиштириш учун берилган кредит ва унга ҳисобланган фоиз тўловлари тўлиқ сўндирилгандан сўнг тижорат банки "23210 ҳисобварағи"да қолган маблағларни қарз олувчининг асосий талаб қилиб олингунча сақланадиган депозит ҳисобварағига мемориал ордер билан ўтказади, ушбу маблағлардан қарз олувчи эркин фойдаланади";
25-банддаги "Молия вазирлигининг Давлат молиявий назорати департаменти" сўзлари "Молия вазирлиги ҳузуридаги Давлат молиявий назорати инспекцияси" сўзлари билан алмаштирилсин;
илова белгиси қуйидаги таҳрирда баён этилсин:
"Мева, узум, сабзавот, картошка, полиз экинлари, гул, кўкатлар ва доривор ўсимликлар, дон учун маккажўхори, дуккакли ва мойли экинларни етиштириш харажатларини кредитлаш ҳамда мева-сабзавот маҳсулотларини қайта ишловчи, сақловчи ва экспорт қилувчиларга етиштирилган маҳсулотни харид қилиш учун талаб этиладиган айланма маблағларини тўлдиришга "револьвер" кредит ажратиш тартиби тўғрисидаги низомга 1-илова";
низомга 1-илованинг номидаги "Асосий майдонларда сабзавот" сўзлари "мева, узум, сабзавот, картошка, полиз экинлари, гул, кўкатлар ва доривор ўсимликлар, дон учун маккажўхори, дуккакли ва мойли экинларни" сўзлари билан алмаштирилсин;
қуйидаги мазмундаги 2-илова билан тўлдирилсин:
"Мева, узум, сабзавот, картошка,
полиз экинлари, гул, кўкатлар ва доривор
ўсимликлар, дон учун маккажўхори, дуккакли
ва мойли экинларни етиштириш харажатларини
кредитлаш ҳамда мева-сабзавот маҳсулотларини
қайта ишловчи, сақловчи ва экспорт қилувчиларга
етиштирилган маҳсулотни харид қилиш учун
талаб этиладиган айланма маблағларини
тўлдиришга "револьвер" кредит ажратиш
тартиби тўғрисидаги низомга
2-ИЛОВА
Мева-сабзавот маҳсулотларини қайта ишловчи,
сақловчи ва экспорт қилувчиларга етиштирилган
маҳсулотни харид қилиш учун талаб этиладиган
айланма маблағларини тўлдиришга
"револьвер" кредит ажратиш
СХЕМАСИ
Босқичлар |
Амалга ошириш механизми
|
Муддати |
Ижрочилар |
|||
|
|
|
|
|
|
|
1-босқич |
Жамғарма ва тижорат банки ўртасида етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит ажратиш тўғрисида битим тузилади. Тижорат банки етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит ажратиш учун Жамғармага кредит буюртманомаларини тақдим этади.
|
Ҳосил йилида етиштирилган ҳосил йиғим-терими мавсуми бошланишига қадар |
1. Жамғарма 2. Тижорат банки |
|||
|
|
|
|
|
|
|
2-босқич |
Жамғарма тижорат банки билан тузилган битимга мувофиқ қарз олувчининг етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит ажратиш учун тижорат банкига кредит ресурсларини жойлаштириб боради.
|
Етиштирилган ҳосил йиғим-терими мавсумининг биринчи ойидан бошлаб |
Жамғарма |
|||
|
|
|
|
|
|
|
3-босқич |
Қарз олувчи етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит олиш учун хизмат кўрсатаётган тижорат банкига ариза билан мурожаат қилади.
|
Етиштирилган ҳосил йиғим-терими мавсумининг биринчи ойидан бошлаб |
Қарз олувчи |
|||
|
|
|
|
|
|
|
4-босқич |
Тижорат банки Жамғарма кредитлари ҳисобидан қарз олувчига етиштирилган мева-сабзавот маҳсулотларини харид қилиш учун талаб этиладиган айланма маблағларини тўлдиришга "револьвер" кредит ажратиш учун кредит линиясини ва ҳисобварағини очади.
|
Етиштирилган ҳосил йиғим-терими мавсумининг биринчи ойидан бошлаб |
Тижорат банки |
|||
|
|
|
|
|
|
|
5-босқич |
Тижорат банки Жамғарма кредитлари ҳисобидан қарз олувчига мева-сабзавот маҳсулотларини харид қилиш учун талаб этиладиган айланма маблағларини тўлдиришга қайтариш муддатини узайтириш хуқуқисиз "револьвер" кредитлар ажратади.
|
Кредит шартномасининг амал қилиш муддати якунига қадар |
Тижорат банки |
|||
|
|
|
|
|
|
|
6-босқич |
Тижорат банки ажратилган кредитларни қарз олувчи томонидан мақсадли фойдаланиши бўйича мониторинг юритади.
|
Кредит шартномасининг амал қилиш муддати якунига қадар |
Тижорат банки |
|||
|
|
|
|
|
|
|
7-босқич |
Қарз олувчи ва тижорат банки имтиёзли кредитларни ва унга ҳисобланган фоизни сўндириб боради.
|
12 ой |
1. Қарз олувчи 2. Тижорат банки |
|||
|
|
|
|
|
|
|
8-босқич |
Тижорат банки Жамғармага кредитларни ва унга ҳисобланган фоизни қайтаради.
|
12 ой |
Тижорат банки |
".
Қонун ҳужжатлари маълумотлари миллий базаси (www.lex.uz),
2022 йил 18 август
78-150-11-72 
Мобильная версия сайта