Товар қайтарилганда чегирмани нима қилиш керак (СБХ, 35-сон 2022 йил 13 сентябрь)

Функция недоступна

Материал чоп этилган санасига ҳақиқийдир*

ТОВАР ҚАЙТАРИЛГАНДА ЧЕГИРМАНИ

НИМА ҚИЛИШ КЕРАК

Етказиб берувчи ташкилот 2021 йил давомида харидорга товарлар етказиб берган. Катта ҳажмда товарлар харид қилгани учун йил охирида харидор чегирмага эга бўлди. 2022 йил харидор товарнинг бир қисмини қайтарди.

Харидор унга тақдим этилган чегирманинг маълум қисмини қоплаб бериши керакми?

Шартнома шарти

Аввалроқ олинган чегирмани қоплаб бериш ёки қоплаб бермаслик - бу харидор ва етказиб берувчи (сотувчи) ўртасидаги шартномавий муносабат масаласи ҳисобланади.

Хўжалик шартномаси етказиб бериладиган товарнинг (ишнинг, хизматнинг) миқдори, нархи, ҳисоб-китоб қилиш тартиби ва бошқа муҳим шартларни назарда тутиши лозим ("Хўжалик юритувчи субъектлар фаолиятининг шартномавий-ҳуқуқий базаси тўғрисида"ги Қонун 10-м.).

Кўриниб турибдики, товарлар қайтарилишини муҳим шартларга киритиш мумкин. Шунинг учун етказиб берувчи ва харидор ўзаро келишуви асосида шартномада товарларни қайтариш бўйича қуйидаги алоҳида шартларни аниқлаштириши лозим:

q қайтаришга асос;

q қайтарилиши мумкин бўлган товарлар ассортименти;

q қайтаришда етказиб берувчи ва харидорнинг ҳуқуқ ва мажбуриятлари;

q қайтариш шарти ва муддати;

q қайтарилган товарлар қиймати, шу жумладан чегирма билан сотилган (харид қилинган) ва бошқа шартлар.

Қайтаришни ҳужжатларда расмийлаштириш

Товарларнинг қайтарилиш сабаблари қандай бўлишидан қатъи назар, "Бухгалтерия ҳисоби тўғрисида"ги Қ