Умная подшивка
Моҳир тахлам / Солиқ солиш / Юридик шахсларга солиқ солиш / Умумбелгиланган солиқлар / Фойда солиғи /Ишлаб чиқариш таннархини шакллантириш (СБХ, 36-сон 2022 йил 20 сентябрь)
Полный текст документа доступен в платной версии. По вопросам звоните на короткий номер 1172
Материал чоп этилган санасига ҳақиқийдир*
ИШЛАБ ЧИҚАРИШ ТАННАРХИНИ
ШАКЛЛАНТИРИШ
Фойда солиғи ҳисоб-китобига 2-илованинг 020-сатрида 9100-гуруҳ счётида ҳисобда турган сотилган маҳсулот (товар, иш ва хизматлар) таннархини акс эттиринг.
Уни аниқлаш учун:
1) ишлаб чиқарилган маҳсулотга сарфланган харажатларни шакллантиринг;
2) маҳсулот бир бирлигининг таннархини аниқланг.
Сотилган маҳсулот таннархини ҳисоблаш учун маҳсулот бир бирлиги таннархини сотилган маҳсулот сонига кўпайтиринг.
МИСОЛ. Сотилган маҳсулот таннархини аниқлаш
Корхона ҳисобот даврида 1 000 бирлик маҳсулот ишлаб чиқарди. Маҳсулот таннархига қуйидагилар киритилди:
q материаллар қиймати - 40 000 000 сўм;
q ишлаб чиқаришдаги ишчиларнинг иш ҳақи - 30 000 000 сўм;
q ишлаб чиқаришдаги ишчиларнинг МҲТФдан ижтимоий солиқ - 3 600 000 сўм;
q ишлаб чиқариш ускуналарининг амортизацияси - 6 400 000 сўм.
Жами 700 бирлик маҳсулот сотилди.
Бухгалтерия ҳисоби:
Хўжалик операциясининг мазмуни |
Сумма, минг сўм |
Счётлар корреспонденцияси
|
|
дебет
|
кредит |
||
Маҳсулот таннархига ҳисобдан чиқарилди (1-4-ўтказмалар):
|
|||
Материаллар қиймати |
40 000 |
2010-"Асосий ишлаб чиқариш"
|
1010-"Хом ашё ва материаллар" |
Ишлаб чиқаришда банд бўлган ишчиларнинг иш ҳақи |
30 000 |
2010-"Асосий ишлаб чиқариш" |
6710-"Меҳнат ҳақи бўйича ходим билан ҳисоблашишлар"
|
Ишлаб чиқаришда банд бўлган ишчиларнинг МҲТФдан ижтимоий солиқ
|
3 600 |
2010-"Асосий ишлаб чиқариш" |
6520-"Мақсадли давлат жамғармаларига тўловлар" |
Ишлаб чиқариш ускуналарининг амортизацияси
|
6 400 |
2010-"Асосий ишлаб чиқариш"
|
0230-"Машина ва асбоб-ускуналарнинг эскириши" |
Омборхонага тайёр маҳсулот қабул қилинди |
1 000 дона 80 000
|
2810-"Омбордаги тайёр маҳсулотлар" |
2010-"Асосий ишлаб чиқариш" |
Сотилган маҳсулот таннархи ҳисобдан чиқарилди (80 000 : 1000 х 700) |
700 дона 56 000 |
9110-"Сотилган тайёр маҳсулотларнинг таннархи"
|
2810-"Омбордаги тайёр маҳсулотлар" |
Тайёр маҳсулот бутун туркумининг таннархи - 80 000 000 сўм. Бироқ 9110-счётга фақатгина сотилган маҳсулот таннархи - 56 000 000 сўм киритилади. Бу сумма корхонанинг Фойда солиғи ҳисоб-китобига 2-илованинг 020-сатрида акс эттирилади.
Ишлаб чиқарилган маҳсулотнинг ишлаб чиқариш таннархига киритиладиган харажатларга қуйидагиларни қўшинг:
q моддий ишлаб чиқариш харажатлари (қайтариладиган чиқиндилар қийматини айирган ҳолда);
q ишлаб чиқариш тусидаги меҳнатга ҳақ тўлаш харажатлари;
q ишлаб чиқаришга тегишли бўлган ижтимоий суғуртага ажратмалар;
q ишлаб чиқариш мақсадидаги асосий воситалар ва номоддий активлар амортизацияси;
q ишлаб чиқариш мақсадидаги бошқа харажатлар.
Ишлаб чиқариш таннархини аниқлаш усуллари
Ишлаб чиқариш таннархини қуйидаги бир неча усуллар билан аниқлаш мумкин:
q оддий;
q меъёрий;
q буюртмали;
q босқичли.
Усулни танлашда қуйидагилар эътиборга олинади:
q маҳсулот тури ва номенклатураси;
q ишлаб чиқариш типи;
q тугалланмаган қурилишнинг бор-йўқлиги;
q ишлаб чиқариш циклининг давомийлиги.
Танланган усулни ҳисоб сиёсатида акс эттиринг.
Уларни батафсил кўриб чиқамиз.
Ишлаб чиқариш таннархини оддий усулда аниқлаш
Оддий усулни қуйидаги ҳолатларда қўлланг:
q бир типдаги маҳсулот ишлаб чиқараётган бўлсангиз;
q тугалланмаган ишлаб чиқаришингиз бўлмаганда.
Ҳисобот давридаги барча ишлаб чиқариш харажатлари, шу жумладан, умумхўжалик тусидаги харажатларни шу даврда ишлаб чиқарилган маҳсулот таннархига киритинг (4-сон БҲМС 38-б.).
Маҳсулот бирлиги таннархини барча ишлаб чиқариш харажатларини ишлаб чиқарилган маҳсулотнинг умумий сонига бўлиш орқали аниқланг.
МИСОЛ. Маҳсулот таннархини оддий усул билан аниқлаш
Ҳисобот даврида 1 000 бирлик
...