Назорат-касса техникасининг "Сотиш" тўлов тури кўрсатилган чеки шундай ҳужжатки, унинг асосида ҚҚС ва айланмадан олинадиган солиқ бўйича солиқҳисоботларининг маълумотлари автоматик равишда шакллантирилади. НКТ эгаси нафақат уларда акс эттириладиган маълумотларнинг тўғрилигини таъминлаши, балки унда хатога йўл қўйиладиган бўлса, уни тузатиши ҳам лозим.
ВАЗИЯТ. "Аванс", "Кредит (бўлиб-бўлиб тўлаш)" ёки "Қайтариш" тўлов турларидаги чекда хатолик аниқланди ва харидор унга хатоси мавжуд бўлмаган чекнинг берилишини талаб қилади
Ҳозирги вақтда бундай чекларни тузатиш ёки бекор қилиш имконини берувчи функционал мавжуд эмас. Бундай чекни унга тегмасдан туриб қолдиришдан бошқа илож қолмайди - у солиқ бўйича ҳисоботнинг мазмунига таъсир кўрсатмайди.
1. Юзага келган вазият қайд этилган ҳолда, далолатнома тузинг, у ҳисобда келгусида зарур бўлиши мумкин бўлган ҳужжатга айланади. Далолатномага хатолик билан урилган чекнинг асл нусхасини илова қилинг.
2. Тузатилган маълумотга эга бўлган чекни харидор учун уриб беринг.
ВАЗИЯТ. Комитент воситачининг НКТ орқали унинг товарларининг реализацияси бўйича маълумотлар солиқ бўйича ҳисоботда нотўғри акс эттирилганини сезиб қолди
Хатони тузатиш учун хатоларни ўз ичига олган НКТ чекига тузатишкиритилиши лозим. Буни фақатгина онлайн-НКМ, виртуал касса ёки маркетплейснинг мулкдори ҳисобланмиш тадбиркорлик субъекти амалга ошириши мумкин.
Хатони тузатиш учун комитент тегишли илтимоснома билан воситачига мурожаат қилиши керак.
Тузатувчи касса чекини шакллантириш орқали
қандай хатоларни тузатиш мумкин
Тузатувчи касса чекини шакллантириш орқали хатони тузатиши мумкин (Низом 38-1-б., 23.11.2019 йилдаги 943-сон ВМҚга1-илова, кейинги ўринларда - Низом). Бунинг учун my.soliq.uzдаги шахсий кабинетнинг "Онлайн-НКМ ва виртуал кассалар бўйича маълумотлар" интерактив хизматининг қуйидаги функционалларидан фойдаланинг:
78-150-11-72 
info@norma.uz
Мобильная версия сайта