Янги Меҳнат кодекси: иш ва дам олиш вақти (НМ, 48-49-сон 2022 йил 6 декабрь)

Функция недоступна

Материал чоп этилган санасига ҳақиқийдир*

ЯНГИ МЕҲНАТ КОДЕКСИ:

ИШ ВА ДАМ ОЛИШ ВАҚТИ

Бизни иш вақти ва дам олиш вақтини тартибга солишда муҳим янгиликлар кутмоқда. Янги Меҳнат кодексига кўра иш вақтига нималар киради, ходимларни уларнинг розилигисиз иш вақтидан ташқари ишларга қачон жалб қилиш мумкин, "иш вақтининг мослашувчан режими" нимани назарда тутади - мавзу шулар ҳақида.

Иш вақти

- Иш вақтига қуйидагилар киритилади:

q ходим томонидан меҳнат вазифаларини ҳақиқий бажариш вақти;

q ходимнинг айбисиз туриб қолиш вақти;

q Технология, ишлаб чиқариш ва меҳнатни ташкил қилиш натижасида юзага келган узилишлар;

q болани овқатлантириш учун танаффуслар;

q асосий ва тайёргарлик-якуний операцияларни бажариш вақти - наряд, материаллар, асбобларни қабул қилиб олиш, техника, ҳужжатлар билан танишиш, иш жойини тайёрлаш ва тозалаш, тайёр маҳсулотни етказиб бериш;

Меҳнат кодексида, шунингдек меҳнат қонунчилиги ва меҳнатга оид бошқа ҳуқуқий ҳужжатларда назарда тутилган бошқа муддатлар (янги МК 181-м.).

Ногиронлиги бўлган шахслар, вояга етмаганлар ва ноқулай меҳнат шароитида ишлайдиганлар кунига неча соат ишлашлари мумкин

Амалдаги Меҳнат кодексида иш куни максимал давомийлиги фақат тўлиқ иш кунида ишлайдиган ходимлар учун белгиланган: 6 кунлик иш ҳафтасида - 7 соат; 5 кунлик иш ҳафтасида - 8 соат. Ҳафтада жами - 40 соат (кўпи билан).