Ушбу тавсияда биз my3.soliq.uz порталининг "Юридик шахсларнинг онлайн назорат-касса техникалари тўғрисида маълумот" интерактив хизмати функционалидан фойдаланган ҳолда онлайн назорат-касса аппарати чекларидаги хатоларга қандай тузатиш киритиш мумкинлигини кўриб чиқамиз.
2023 йил февраль ойида ишга туширилган ушбу функциялар тўплами онлайн-касса машиналари ва виртуал назорат-касса машиналарининг чекларидаги, шунингдек сизнинг товарларингиз маркетплейслар ва тўлов иловалари орқали сотилганда ҳосил бўлган чеклардаги хатоларни тузатиш имконини беради. Агар сиз комитент бўлсангиз, энди комиссионернинг иштирокисиз товарларингизни сотишда у томонидан берилган чекларни тузатишингиз мумкин.
Назорат-касса техникаси чекларини тузатиш номувофиқликлар аниқланган ойдан кейинги ойнинг 10-санасидан кечиктирмай амалга оширилиши керак (Низомнинг 38-1-б., 23.11.2019 йилдаги 943-сон ВМҚга 1-илова).
ҚАЙТАРИШ ЧЕКИНИ ЧИҚАРИШ
ВА ТЎҒРИ МАЪЛУМОТ БИЛАН
ЯНГИ ЧЕКНИ УРИБ РАСМИЙЛАШТИРИШ
ОРҚАЛИ ЧЕКЛАРГА ТУЗАТИШ
КИРИТИШ МУМКИНМИ?
Дастлабки босқичда, онлайн-касса тизими эндигина жорий қилинаётганда чекдаги хатони тузатишнинг ягона йўли қайтариш чекини расмийлаштириш эди, шундан сўнг янги чекни тўғри маълумот билан қайта уриш керак эди.
Бугунги кунда ушбу усулдан фойдаланиш тавсия этилмайди, чунки тузатиш учун махсус ишлаб чиқилган функционал мавжуд.
Кассирлар зиммасига юзага келган хатолар ҳақида маъмуриятга (касса билан ишлаш учун масъул шахсга) хабар бериш мажбуриятини юклаш лозим. Хатоларни тузатиш ва кейинги текширувларда уларнинг олдини олиш учун ушбу маълумот зудлик билан масъул мутахассисга етказилиши керак.
ҚАНДАЙ ЧЕКЛАРДА
ХАТОЛАРНИ ТУЗАТИШ МУМКИН
Онлайн назорат-касса машиналари, виртуал кассалар, маркетплейслар ва тўлов иловаларининг чекларида йўл қўйилган хатоларни фақат "Сотиш" тўлов тури билан тузатишингиз мумкин.
Кешбэк суммаси ҳисобланган ва тўланган сотув чекларига тузатиш киритилмайди.
Шунингдек "Аванс" (олдиндан тўлов), "Бўлиб-бўлиб тўлаш" (кредит), "Қайтариш" туридаги тўловларда чекларни тузатиш мумкин эмас. Бундай чеклар бўйича юзага келган хатолар солиқҳисоботи мазмунига таъсир кўрсатмайди.
ВАЗИЯТ. Кассир аванс, кредит (бўлиб-бўлиб тўлаш) ва қайтариш чекларида хатоликка йўл қўйди
78-150-11-72 
info@norma.uz
Мобильная версия сайта